Архивы су басу - Tatar Today - татар яңалыклары.

Казанда көчле яңгырлар күңелсез хәлгә китерә [видео]

Alfia — Sun, 28 Jul 2019 13:27:41 +0000

Казанның Авиатөзелеш районында, төнлә яңгыр явуы аркасында, берничә урам су астында калган. Бу хакта социаль челтәрләрдә фотолар һәм видеолар урнаштырганнар.

Шулай итеп, Дементьев урамын су баса. 16 нчы йорт янында су 1 метрга күтәрелгән, дип сөйли казанлылар. Аларның сүзләрен “ВКонтакте”дагы пабликларның берсендә урнаштырылган кадрлар да раслый.

“Ел саен шул ук хәл”, – дип зарлана Казан халкы.

Мәгълүмат: kazan.aif.ru

Запись Казанда көчле яңгырлар күңелсез хәлгә китерә [видео] впервые появилась Tatar Today - татар яңалыклары..

Казанда бер урамны су баса [видео]

Алина — Thu, 13 Dec 2018 13:33:59 +0000

Социаль челтәрләрдә Казанда Латыйпов урамын су басу сурәтләнгән видео таралды.

Видеоязма кадрларында күренгәнчә, су ташкыны асфальт астыннан ыргылып чыга. Урам кечкенә бер күлне хәтерләтә. Җәяүлеләр урамда җыелган күлләвекләрне сикергәләп узарга мәҗбүр. Автомобильдәгеләр тизлекне киметеп, әйләнеп, юл кырыеннан узарга тырыша.

tatar-inform

Запись Казанда бер урамны су баса [видео] впервые появилась Tatar Today - татар яңалыклары..

Краснодар өлкәсендә коточкыч су басу. Һәлак булучылар бар [видео]

Алина — Thu, 25 Oct 2018 13:43:12 +0000

Краснодар өлкәсендә табигый бәла-казалар. Көчле яңгырлар нәтиҗәсендә меңләгән йортларны су баса, тимер юллары су астында кала. Күпер җимерелү сәбәпле, Сочида федераль трасса ябылган. Халыкны ашыгыч эвакуацияләү бара — куркыныч зонада 70 мең кеше була, инде беренче корбаннар да барлыкка килгән. Синоптиклар штормннар , яңгырлар алга таба да булачак, дип кисәтә.

Ике кеше су басу корбаны булган. Тагын өчесе зыян күргән, бер кешенең язмышы билгесез, дип хәбәр итә РИА “НОВОСТИ”.

Су басу зонасында Сочида, Апшерон һәм Туапсе районнарында 30 торак пункт бар, дип хәбәр итә Краснодар өлкәсе администрациясе. Туапсе районында 116 мм явым-төшем булган. 22,3 мең хуҗалык, 72,5 мең кеше су баскан мәйданнарда калган. Шулай ук Туапсе районында, ким дигәндә, 9 торак пункт электрсыз кала. Җирле халык су басу аркасында, билдән суда йөри. Урамнарда автомобильләр, киосклар, көнкүреш техникасы һәм өй әйберләре йөзә. Хәзер циклон Сочида хәрәкәт итә.

Синоптиклар фаразларына караганда, Кубаньда яңгырлар тагын ике көн барачак. Шулай ук яшен һәм көчле җил көтелә.

Запись Краснодар өлкәсендә коточкыч су басу. Һәлак булучылар бар [видео] впервые появилась Tatar Today - татар яңалыклары..

Казанда машиналар йөзәргә өйрәнә – урамнарны янә су басты [фото,видео]

Редактор1 editor1 — Wed, 10 Aug 2016 05:41:44 +0000

9 августта, кич, яңгыр яву нәтиҗәсендә, Казан янә су астында калды. Җиңү Проспекты һәм Горки урамнарында машиналарның хәрәкәте туктады. Күп автомобильләр зыян күрде.

9 августта Казанның берничә районнарында көчле яңгар явып үтте. Җиңү Проспекты су асында калды, шуңа да машина йөртүчеләр Фучик, Дубравный урамнары аша узарга теләде. Нәтиҗәдә, зур бөке барлыкка килде.

Җиңү Проспектында Зорге урамыннан алып Завойский урамына кадәр бар юллар да су белән тулды. Бер атна элек әлеге урамнарда юл эшләре алып барылган. Күрәсең, эшчеләр канализация системасына зыян салган, чөнки элек көчле яңгырлар вакытында бу районда су басулар күзәтелмәгән.

Мәгълүмат inkazan.ru сайтыннан алынды

Запись Казанда машиналар йөзәргә өйрәнә – урамнарны янә су басты [фото,видео] впервые появилась Tatar Today - татар яңалыклары..