Архивы тамаша - Tatar Today - татар яңалыклары.

Артисттан артист туа диләрме әле – Ландыш Нигъмәтҗанованың кызы Ләйлә тамаша ясап көлдерә

Гузель — Mon, 01 Oct 2018 16:12:19 +0000

Ландыш Нигъмәтҗанованың кечкенә кызы Ләйлә турында тамашачы юкка гына: “артисттан артист туа”, дип әйтми. Ләйлә белән фото-видеолар иң күп караучылар җыя. Күптән түгел генә җырчының балалары Гомәр һәм Ләйлә белән пенсиягә кагылышлы бер фотоны урнаштырган. Аудитория бик ошаткан ахры, фото астына комментарийлар да яудырган.

30 сентябрь Ландышның ахыргы посты пенсионерларга багышланган. Дөресрәге, аның балалары Гомәр белән Ләйлә әби белән бабай булып киенеп фотога төшкәннәр. Әлеге пост тамашачыларга хуш килә, “бик тә дөрес төшкәннәр!”, “урынлы фото” дигән фикерләр тезелеп киткән.

“5 бала тапсаң, 50 яшьтән пенсиягә чыгасың Ләйлүш! Путин абый шулай, ди”, дигән Люция исемле аккуантның фикере иң күп лайк җыйган.

Фото: Ландыш Нигъмәтҗанованың Инстаграмыннан алынды

Запись Артисттан артист туа диләрме әле – Ландыш Нигъмәтҗанованың кызы Ләйлә тамаша ясап көлдерә впервые появилась Tatar Today - татар яңалыклары..

Ришатлы, Салаватлы, Хәниясез “Татар җыры – 2017” [фото-видео]

Чулпан — Sat, 16 Dec 2017 19:26:55 +0000

16 декабрь Казанның “Пирамида” концертлар залында “Татар җыры” фестивале узды. Грандиоз тамаша “Барысы да яңадан башлана” дигән сүзләр белән күпләрне кызыксындырып торды һәм бу чара, чыннан да, гаҗәпләндерерлек булып үтеп китте. Инстаграмга безнең күзәтүне тәкъдим итәбез. //Tatar today//

“Татар җыры”н һәрвакыттагыча Гөлназ Сәфәрова, Айваз Садыров алып барды. Аларга фестивальнең кабатланмас алып баручысы Искәндәр Хәйруллин да кушылды. ТМТВ каналы турыдан-туры трансляция белән концертны телевизор экраннарыннан күрсәтте.

Элвин Грей һәм Гүзәл Уразова концертны ачып җибәрде.

“Халыкчан җырчы” булып Ришат Фазлыйәхмәтов танылды.

“Елның иң популяр” җырын Илназ Баһ башкара икән.

“Яшьләр проекты” номинациясендә Лилия Хәйруллина җиңде.

Салават һәм Гүзәлем – “Иң яхшы дуэт”.

“Иң яхшы танцеваль проект” җиңүчесе Ландыш Нигъмәтҗанова.

https://www.instagram.com/p/Bcxjov9hPi5/?tagged=татаржыры2017

Рифат Зарипов та үзенең бүләген алды.

Хәния Фәрхине дә искә алдылар. Разил Вәлиев аның истәлегенә шигырь укыды.

“Хит-парад лидерлары” – Эльмира Сөләйманова һәм Рамил Галимҗанов.

https://www.instagram.com/p/Bcxjw3zBJXk/?tagged=татаржыры2017

“Иң популяр җырчы” – Элвин Грей!

“Халык мәхәббәте” Рөстәм Закиров та.

“Ел ачышы” дип Айгөл Рәхимова танылды.

https://www.instagram.com/p/BcxZ6CKBhRB/?tagged=татаржыры2017

“Тамашачы мәхәббәте”н Ильмира Нәгыймова да яулады.

“Үзенчәлекле моң” иясе Ришат Төхвәтуллин.

“Елның иң популяр җыры” Иркәдә!

Хәмдүнә Тимергалиева да “Татар җыры”нда катнашты.

Филүс Каһиров “Кабатланмас тавыш” номинациясендә җиңеп чыкты.

“Халыкчан җырчы” исеме Гүзәл Уразовага бирелде.

Концертта яңа исем – Гүзәл Әхмәдиева.

https://www.instagram.com/p/BcxkIZzBuox/?tagged=татаржыры2017

Илсөя Бәдретдинова да “барс”лы булды.

Рафаэль Латыпов үзенең бүләге белән.

https://www.instagram.com/p/Bcxjh5hhIxk/?tagged=татаржыры2017

Концертта татарның легендар җырчысы Әлфия Авзалованы да искә алдылар.

Запись Ришатлы, Салаватлы, Хәниясез “Татар җыры – 2017” [фото-видео] впервые появилась Tatar Today - татар яңалыклары..

“Сәрләүхәсез” исемсез булып каламы? [фото]

Редактор1 editor1 — Mon, 17 Apr 2017 16:15:56 +0000

Болай да караңгы яз көне кичкә таба барганда, яңгыр да яуды. Шул вакытта нтернетны ачкач, дус кыздан хәбәр килеп иреште. Ул «Сәрләүхәсез» вербатим спектакленең афишасы иде, аңа Камал театрының кече сәхнәсендә, «Калеб» пароле белән бушлай кереп була икән. Бу көнне уңай якка борам диеп, барырга ниятләндем. Фикерләр, танышулар, аралашулар булыр, дип өметләндем. «Серләүхәсез» гарәпчәдән «исемсез» дип аңлатыла, бугай. //Tatar today//

Яңа буын хәрәкәте «Калеб» белән берлектә узды бу чара. Тамашада бүтән өлкәләрдән катнашучылар булды. Алар дүртәү: интернетта эшләүче фотограф, Русия Ислам университеты студенты һәм юридик факультетта укучы студент.

Беренче мәртәбә тамашачылар өчен бу вербатим спектакль Химиклар мәдәният сараенда куелды. Шуннан соң, http://magarif-uku.ru/serleukhesez-verbatimy-tatar-telen, http://www.azatliq.org/a/28407055.html мәкаләләр басылып чыкты.

Спектакльне куяр өчен алар нинди кыенлыклар кичергәнлекләрен, кайда репетиция ясаганнарына ачыклык кертмәдем. «Калеб» әзерләгән спектакль татар теленең бүгенге яшәешенә багышланган булып чыкты. «Тукайны очратсаң, нинди сорау бирер идең?», «Син татар телендә сөйләшәсеңме?», «Татар теле сиңа кирәкме? Аның киләчәге турында нәрсә уйлыйсың?» — калебчеләр укытучыларга, танышларына, узып баручы таныш булмаган кешеләргә шушы сорауларны бирә. Бу сораулар «Сәрләүхәсез» вербатим спектакленең нигезенә салынган да.

2009 елда Иттифак төркеменең «Бәлки» музыкаль альбомы чыккан иде. Хәтта аларга «Алтын Барс» статуэткасын бирделәр. Ышанмассыз, нәкъ «Серләүхәсез» җырына! Алар шул җырга сын бирүләре өчен гарьләнде. «Иттифак» төркеменең тагын да мәгънәлерәк җырлары бар бит. Аларның тыңлаучылар өчен ачык төркемнәре: https://vk.com/club5088780. Күпме сулар акты инде шул вакыттан бирле…

Спектакльнең режиссеры – Нәфисә Исмәгыйлева, композиторы – Зөлфәт Вәлиуллин. Тамашадан соң «Калеб» оешмасыннан аларга рәхмәт хаты бирелде.

Вербатим (латин сүзе verbatim – реаль сүз), яисә документаль театр, тамашаның бер төре. Ул XX – XXI гасырлар чикләрендә барлыкка килә. Вербатим спеактль – ул реаль гади кешеләрнең сүзләрен актерлар аша әйтеп, тамаша ясау. Әдәбиятта моңа охшаш төр нон – фикшн дип атала.

Спектакль беткәч, фикер алышу булып узды. Кече сәхнәгә килүчеләргә урыннар җитте. Бары тик дүрт – биш кеше генә тамашаны басып карагандыр.

Спектакльдән соң, тамашачыларга сүз бирделәр. Фикер белдерүчеләр артистлардан да күбрәк булды, барысы да татарча сөйләде. Рузил Мөхәммәтшин, Раил Гатауллин, Илгиз Мөхетдинов, берничә әби һәм башка кешеләр үз фикерен белдерде.

Караган вакытта: «Минем күңелем болганды», «Йөрәк авыртты», дип әйттеләр. Шул депрессив кәефкә каршы фикер җитмәде.

Чакырылган яшь тамашачыларның фикер-хисләрен моннан: https://vk.com/public52345348 карарга була.

Кичә азагында «Калеб» җитәкчеләренең берсе – Гүзәл Сәгыйтова шагыйрә Луиза Янсуарның «Ишек» поэтик спектакле булачагына да игълан ясады.

Театрдан чыккач, яңгыр инде туктаган булып чыкты, бары улый торган җил генә калган иде.

Nerkes Tamanni

Запись “Сәрләүхәсез” исемсез булып каламы? [фото] впервые появилась Tatar Today - татар яңалыклары..

Нурзадә: “Әнинең Казансу буйларын карыйсы килгән иде, күрсәтә алмадым – үкенечем шул…”

Редактор1 editor1 — Mon, 12 Dec 2016 18:55:42 +0000

Ноябрь башында Нурзадә Казанда зурлап туй уздырды. Бер гаилә өчен генә түгел – бөтен республикага! Гадәти ресторанда гына да түгел бит әле, Филармония сәхнәсендә. Җырчының быелгы концерт программасы «Туйга чакыра Нурзадә» дип аталды. //Безнең гәҗит//

Җиңел булмады бу концертны кую Нурзадәгә. 23нче октябрьдә көтмәгәндә әнисе вафат булды аның. Күптән түгел генә өченче инфарктын кичергән Рәмзия апаның йөрәге, 68 яше тулырга барлы-юклы бер ай калгач, тибүдән туктады. Ә 8нче ноябрьдә Нурзадә концерт куярга тиеш иде. Кайгы сөреме астында йөргән көннәрендә җырчы тамашачысын: «Концертны куя алырмынмы-юкмы – белмим», – дип кисәтеп тә куйды. Аны аңларга да була иде, әлбәттә: концертта шаярырга-көләргә кирәк, ә ике атна элек кенә әнисен югалткан кешенең шаярырга көче буламыни?! Тик Нурзадә тамашачысын кыен хәлдә калдырмады, билгеләнгән көнне концертын барыбер куйды. Без дә бардык аны тамаша кылырга. Концерт башланганчы рәтләр арасыннан: «Булдырырмы, ерып чыга алырмы, елап җибәрмәсме?» – дигән борчулы дулкын йөгереп үтте. Булдырды Нурзадә! Кайгысын эченә йотып, тамашачының күңелен күтәрде. Концерт ахырында тамашачы залында икенче бер дулкын узды: «Чын Артист икән Нурзадә, сынатмады!» Соңыннан Нурзадә: «Әти белән сөйләштем, ул: «Куй, кызым. Әниең дә шулай дип әйтер иде. Әниең куанып ятсын», – диде. Шуңа күрә концертны күчермәдем», – дип аңлатты.

3нче декабрьдә Рәмзия апаның кырыгын уздырдылар. Ә 4есе көнне Нурзадә туган авылы клубында әнисе истәлегенә концерт бирде. Рәмзия апа исән вакытта ук, хәйрия концерты уздырырбыз, дип планлаштырылган булган. Ул тәмамлангач, җырчы белән очрашып, гәп корып алдык.

Сүзне күңелсез темадан башлыйсы килми иде. Шуңа күрә әңгәмәне концерт турында сөйләшүдән башладык.

– Ничә ел туйлар алып баргач, анда төрле хәлләр булганын беләм бит инде мин. Хезмәттәшләр дә үзләре күргән-белгәннәр белән уртаклашып тора. Шуларның барысын бергә җыйнап, туйга пародия ясыйсы килде. Әйтик, концертта йомыкый ди-джей утыра ди. Тормышта да бар бит шундый эшенә җавапсыз караучылар. Тамаданы бар дип белмәгән кияү белән кәләшләр дә очрап тора. Администратор булып уйнаган артист килә дә: «Кайчан бетерәсез инде?» – дип сорый. Мин әйткәнне көтеп тә тормый ул, үзенекен тукып, китеп бара. Бар бит андый администраторлар! Нинди генә очрак булса да, тамада ерып чыга белергә тиеш, дип күрсәтергә теләдек.

– Тамаша башында: «Болар кияү ягыннан кодагыйлар, болары кәләш ягыннан», – дип таныштырдың. Үзеңнең туганнарың идеме ул, әллә өйрәтелеп куелган тамашачымы?

– Берсен дә өйрәтеп куймадык. Минем концертларга даими рәвештә йөри торган үз тамашачым бар. Алар ел да килә, гел беренче рәтләрдә утыра. Шуларны кода-кодагыйлар дип таныштырдым. Кияүнең әти-әнисен уйнарга тиешле абый белән апага гына сәхнәгә чыгып, бал-май каптырырга куштык. Алар – инде 11 ел бер дә калдырмыйча концертыма йөрүче кешеләр. Гел иң беренче булып билет алалар һәм гел беренче рәттән.

– Концертыңда бөтен тамадалар белән була торган хәлләрне күрсәттең, ә үзең алып барган туйларда нинди гадәттән тыш хәлләр булганы бар?

– У-у, бик еш булып тора алар. Бер тапкыр кәләшне көтәбез-көтәбез – юк та юк бу. Берзаман килеп керделәр. Аягын сындырган икән! Гипс салдырып килгән. Шаян кыз иде ул үзе: «Ачуланмагыз, уеннарыгызда катнаша алмыйбыз инде», – ди. Нинди ачулану, исән-сау утырып кына торыгыз, дидем.

Берсендә туйга килгән бер хатынны бәйрәм уртасында бәби табарга алып киттеләр. Бик каты сикереп биеп йөргән иде шул ул. Без туйны бетергәнче, тапты, дигән хәбәре дә килде аның.

Берсендә җәй көне Казандагы бер ашханәдә туй алып бардым. Бик эссе, коры көн иде дип истә калган. Күңелле генә узды, бетереп, урамга чыктык. Хәзер яшьләр һава фонаре очырырга булды. Очырдылар. Күршедәге тулай торакның түбәсенә менеп утырмасынмы фонаребыз! Янып тора. Аллаһ сакласын, дерт итеп кабынып та китә ала бит. Шуннан ирләр тиз генә түбәгә менеп, фонарьны очырып җибәрделәр инде.

Берзаман лимузиннар модада иде бит. Мин туйларын алып барырга тиешле кияү белән кәләш тә ресторанга лимузинда җилдереп килеп туктарга булды. «Бөке»гә эләгеп, сәгать ярым чыга алмый утырган болар! Лимузин озын булгач теләсә кайда борыла да алмый бит ул. Нишлисең, туйны башладык, җырладык-уйнадык инде. Сәгать ярымга соңга калып килеп кергән кияү белән кәләшнең беренче сүзе: «Лимузин алырга уйлаган көнебезне каһәрләдек», – дигән булды.

– Туйларны күп алып барасың, бер җирдә узган мәҗлес белән икенчесе арасында аерма бармы соң?

– Республика эчендә генә йөреп калмадым, Кулаткы, Шыгырдан, Түбән Новгород, Мәскәүгә дә барып җиттем инде мин. Аерма дигәннән, безнең якта хәзер заманча туйга күчтеләр. Әйтик, һәр кешегә котлау сүзе бирү бетте. Ун-унбиш кеше бергә җыелып чыгып әйтә. Ә читтә традицияне бозмыйлар. Мәсәлән, Шыгырданда ир-атлар һәм хатын-кызлар аерым утыра. Йөздән артык кеше була анда. Һәм һәрберсе басып, котлау әйтеп чыга! Төркемләп әйтегез, дигәнне ишетергә дә теләмиләр. Анда туйга кунаклар кичке 10да җыела гына башлый, мәҗлес иртәнге 4ләргә хәтле дәвам итә.

– Казандагы концертыңны башкарып чыгарга кайлардан көч таптың, Нурзадә?

– Дөресен генә әйткәндә, белмим дә. Ниләр сөйләгәнемне, ничекләр ерып чыкканымны хәтерләмим хәтта. Иҗатташ дусларым барысы да сәхнә артында торды: берәр хәл булса, минем урынга чыгып, концертны дәвам итәселәр иде. Җырларны ничек җырлаганмындыр, анысын да белмим. Ә хәзер менә кайбер җырларны башкара алмыйм – елата.

Әлеге концертымның сценариен әни әзерләгән иде бит. Гомумән, ул бик күп концертларга сценарийлар әзерләде инде. Иртәгә концерт буласы дигән көнне биш-алты тапкыр шалтыратып: «Бу әзерме, теге әзерме?» – дип сорашып торыр иде. Мин быел да концерт алдыннан күңелемнән гел әни белән сөйләшеп йөрдем. Әле һаман да сөйләшәм. Кайвакыт машинада барганда бармаклар үзеннән-үзе «Әни» дигән номерны җыя…

– Рәмзия апа турында интернетта да бик матур сүзләр яздылар, бик хөрмәт иткәннәр үзен…

– Әни бервакытта да тормыштан зарланмады. Коляскада утырса да, авылда ай саен узган урам концертларында жюрида утырды. Өч көн саен гала-концерт куйдылар. Ул югары белемле режиссер бит. Гомер буе клубта эшләде. Мин үземне белә башлаганнан бирле клубта үстем инде. Шулай да әни минем артист булуымны теләмәде. «Яшь чакта гына күңелле, олыгайгач авыр ул», – дия иде. Тик инде мин барыбер сәхнә юлын сайлагач, каршы килмәде, һәрчак терәк булды. Телевизордан карый да: «Нишләп бу күлмәгеңне кидең? Чәчеңне менә болай итеп куй. Болай эшләмә, килешми. Менә болай эшлә», – дип гел әйтеп тора иде. «Сәхнәдән тамашачыга артың белән борылып китмә, күп сөйләмә, сүзеңне уйлап сөйлә», – дигән төпле киңәшләрен биреп тора иде. Әни бик матур киенде, сумкасында һәрвакыт кершән белән иннек булыр иде. Хәтта больницага барганда да, нинди генә хәлдә булса да, иренен буямыйча бармый иде.

– Концертка әтиең дә килгән иде. Ул да юксына торгандыр Рәмзия апаны…

– Юксынмаган кая! Ул хәзер авылда үзе генә, иптәшкә мәчемне калдырдым инде. Әти: «Телевизорда карый торган бер нәрсә юк икән», – ди. Әни исән чакта телевизорны сирәк карадылар, вакытларын сөйләшеп, чәй эчеп, бергәләп нәрсәдер эшләп уздырырлар иде. Концерттан соң бер кочак чәчәк биреп кайтардым әле әтигә. Әнигә илтеп бирергә куштым…

Энем Ханты-Мансида яши. Аңа бигрәк тә авыр булды инде: әнине соңгы тапкыр май аенда күргән иде бит.

Минем дә үкенечләрем калды. Вафатына бер көн кала әнине кайтып күрдем, тик соңгы сулышын алганда янында була алмадым… Бер концерттан соң да әни белән фотога төшкәнебез булмаган икән. Анда чабышасың, берсе белән хушлашасың, икенчесен озатасың бит. Җәй көне әни: «Казансу буйларын бер күрәсем килә, бик матурайган икән», – дигән иде. Мин бишенче катта яшәгәч, миңа кунакка килә алмады бит ул. Яңа фатир алдым, беренче катта. «Хәзер, әни, син дә килә алачаксың инде», – дигән идем. Насыйп булмады. Казансу буйларын да күрсәтеп кала алмадым… Эш дип чабабыз да чабабыз шул. Якын кешеләребез мәңге яшәр кебек. Менә без дә, әни шундый актив булгач, аны шулай тиз югалтырбыз дип уйламаган да идек.

P.S. «Безнең гәҗит» редакциясе коллективы газета битләре аша тагын бер тапкыр Нурзадәнең һәм туганнарының тирән кайгысын уртаклаша. Бу язмабыз да Рәмзия апаның рухына дога булып барып ирешсен иде. Нурзадә авыр вакытында янәшәдә булган дусларына, туганнарына, якын кешеләренә рәхмәтен җиткерә.

Запись Нурзадә: “Әнинең Казансу буйларын карыйсы килгән иде, күрсәтә алмадым – үкенечем шул…” впервые появилась Tatar Today - татар яңалыклары..

Ниләр була икән, белегез – Татарстанның атналык мәдәни афишасы

Редактор1 editor1 — Mon, 12 Dec 2016 10:28:56 +0000

Казанда “Филармониада” IX сәнгать фестивале концертлары дәвам итә. Тинчурин тетары Туфан Миңнуллинның заманында зур уңыш белән барган спектаклен заманчалаштырып куя. Татарстан Республикасының дәүләт җыр һәм бию ансамбле яңа программасын тәкъдим итә. //Татар-информ//

12 декабрь (дүшәмбе)

М.Җәлил исемендәге Татар дәүләт опера һәм балет театрында – Татарстан Республикасының дәүләт җыр һәм бию ансамбле “Изге бакча” дип аталган яңа программасының премьерасын тәкъдим итә. Спектакльне Геогий Ковтун куйган, композитор – Радик Сәлимов.
Башлана – 18.30да.

Татарстан Язучылар берлегенең Тукай клубында – “Вакыт хөкемдары”, язучы Рауль Мир-хәйдәровка 75 яшь тулуга багышланган әдәби-музыкаль кичә.
Башлана – 17.00

Тинчурин театрында – “Идел-йорт” халык театрлары коллективларының фестиваль-конкурсының йомгаклау кичәсе. Театраль бәйрәмнең беренче өлешендә җиңүче коллективларга дипломнар тапшырылачак һәм гран-при алган коллективның спектакле күрсәтеләчәк.

Башлана – 18.00

13 декабрь (сишәмбе)

Г.Камал театрында – “Җәйнең бер көнендә”, Йон Фоссе. Режиссеры – Фәрит Бикчәнтәев. Топ рольдә – Люция Хәмитова. Драма. Спектакльнең премьерасы 2013 елның 8 февралендә булды.
Башлана 18.00.

Г.Кариев театрында (“Әкият” балалар үзәгенең концертлар залында) – “Керпе малае дуслар эзли”. Рафис Корбан. Музыкаль әкият. 0+
Башлана – 14.00

14 декабрь (чәршәмбе)

Г.Камал театрында – “Җанкисәккәем”, Туфан Миңнуллин. Музыкаль комедия 2 бүлектә. Спектакльнең премьерасы 1995 елның 27 октяберендә булды.
Бу фантастик хикәя авыл яшьләре әкияти урман ияләре – Шүрәлеләр белән танышудан башланып китә. Драматург иҗат иткән Шүрәлеләр Тукайның урман ияләреннән, һичшиксез, аерылып торалар. Киресенчә, спектакльдә алар кешеләр тормышына милләтебезнең сафлыгын, сабырлыгын, тәртиплелеген, матурлыгын саклаучылар булып килеп керәләр. Кешеләр югалта башлаган кешелеклелекне Шүрәлеләр кире кайтарырга ярдәм итәләр, моңлы җырлары, заманча биюләре белән тамашачыларның күңелләрен яулап алалар.

К.Тинчурин театрында – “Туй алдыннан”. Жанры- моңсу комедия. Реиссеры – Резеда Гарипова.
Хәй Вахит тарафыннан бәян ителгән әлеге кыйсса җыр кебек ихлас һәм үтемле. Рафаэль, Әдилә белән булачак туе алдыннан, үзенең иң якын дусты Маратны очрата. Тик дустының кәләше, Маратның берничә еллар инде йөрәк түрендә йөрткән беренче мәхәббәте булып чыгуы язмыш шаяруымы, әллә тәкъдирме? Кайсын сайларга? Күптәнге дуслыкнымы, әллә инде һаман да сүрелмәгән мәхәббәтнеме?..
Төп рольләрдә: Рөстәм Гайзуллин, Ирек Хафизов, Гүзәл Гайнуллина, Гөлназ Нәүмәтова.
Спектакльнең премьерасы 2013 елның 2 июлендә булды.
Башлана 18.30

Г.Тукай исемендәге Татар дәүләт филармониясендә – Р.Юлдашев һәм “Курайсы”.
Роберт Юлдашев — курайны актив пропагандалаучы дөньякүләм танылган музыкант. Артист Николай Носков, Гарик Сукачев, Пелагея кебек артистлар белән уртак проектлар ясаган, опера җырчысы Илдар Абдразаков белән бергә Ла Скалада чыгыш ясаган. «Курайсы» ансамблен ул 2006 елда оештырып җибәргән. Ансамбльнең чыгышларында думбыра, кубыз кебек уен кораллары катнаша.
Башлана – 18.30

15 декабрь (пәнҗешәмбе)

Г.Камал театрында – “Мулла”, Туфан Миңнуллин. Драма 2 бүлектә.
Спектакльнең премьерасы 2012 елның 7 ноябрендә булды.
Күренекле драматург Туфан Миңнуллинның соңгы әсәрләреннән берсе булган “Мулла” пьесасы 2006 елда узган “Яңа татар пьесасы” конкурсында Татарстан Республикасы Мәдәният министрлыгының махсус премиясенә лаек булган иде.
Бетү алдында торган татар авылына имансызлык куркынычы да яный. Катлаулы язмышка ия булган, шәһәрдән кайткан яшь кенә мулла авылны бу һаләкәттән коткарып калырмы? Авылдашларын туры юлга бастырып, иманга китерә алырмы? Спектакль бу сорауны бик катгый куйса да, бер яклы гына җавап бирми һәм тамашачының үзен дә уйланырга мәҗбүр итә.
Башлана – 19.00

К.Тинчурин театрында – “Мәхәббәт баскычы”, драматурглары — Шамил Фәрхетдинов, Рәшит Заһидуллин. Режиссеры – Рәшит Заһидуллин. Жанры — комедия.
“Мәхәббәт баскычы” комедиясе – әсәрнең бар мәгънәсе исемендә үк чагылган спектакль. Ул барыбызга да яхшы таныш булган совет кинокомедияләре рухында эшләнгән заманча тамаша. Биредә уйлап чыгарылган бер генә нәрсә дә юк. Барысы да тормышның үзеннән алынган. Гадәти хәл: бер-берсен сөйгән егет белән кыз, әти-әниләренә әйтеп торуны кирәк дип тапмыйча, ЗАГСка гариза илтмәкчеләр. Әлеге хәбәр яшен тизлеге белән таралып та өлгерә. Шулай ук ул яшьләрнең әти-әниләренә дә ишетелә. Нәтиҗәдә, нәкъ Шекспирның “Ромео һәм Джульетта”сындагы кебек үк, гашыйклар һәм аларның бәхетенә кырау булып төшәргә әзер торучылар арасында төрле көлке хәлләр, аңлашылмаучылыклар килеп чыга. Ләкин, бәхеткә күрә, безнең тамашада барысы да яхшы тәмамлана. Яшьләр үзләре генә кавышып калмыйлар, алар башка гашыйк җаннарны да бергә кушарга булышалар.
Көлке вакыйгалар, халыкчан юмор белән сугарылган әлеге тамаша бик күпләргә беразга гына булса да тормыш мәшәкатьләреннән арынып торырга, яхшы кәеф булдырырга, күңелдә якты өмет уятырга ярдәм итәр.
Башлана 18.30 сәгатьтә

Г.Кариев театрында (“Әкият” балалар үзәгенең концертлар залында) – “Нигез ташлары”. Туфан Миңнуллин. 12+
Башлана – 18.30

Чаллы театрында – “Без бит авыл малае!” Туфан Миңнуллин. 6+ Комедия.
Кайчандыр шаулап-гөрләп торган авылдан бер генә хуҗалык калып, шул йортта син үзең яшәсәң, нәрсә турында хыялланыр идең икән? Айлы кичләре, сандугачлы таңнары белән элеккесеннән дә матуррак, тазарак авыл, җырлап-гөрләп яшәп ятучы авылдашлар турында түгелмени? Спетакль каһарманнары да юкка чыгып баручы авылларын саклап калу һәм яңадан торгызу өчен барын да эшлиләр, хәтта кыз урлауга кадәр барып җитәләр. Тик урлаган кызлары гына качып китә. Нәрсә булыр алар белән? Авылның киләчәге бармы? Ә мәхәббәт?
Башлана – 19:00

16 декабрь (җомга)

Г.Камал театрында – “Яшь йөрәкләр”, Фәтхи Бурнаш. Мелодрама 2 бүлектә. Спектакльнең премьерасы 2009 елның 17 апрелендә булды.

Авылның иң чибәр кызы Сәрби тыйнак һәм шаян холыклы Хәйретдинне сөя. Кызганычка каршы, Хәйретдинне башка авыл егетләре белән бергә сугышка алалар. Кызлар егетләрне көтәргә вәгъдә биреп калсалар да, барысы да әйткән сүзләрендә тора алмыйлар шул. Сәрбине дә, аңа инде бик күптән күз атып йөргән бай малае Галимҗан урлап китә. Ләкин мәхәббәт дөньядагы барлык явызлыкларны да җиңә ала, Хәйретдин сугыштан бик вакытлы кайтып җитә һәм бер-берсен сөйгән ике яшь йөрәк яңадан кавышалар. Комедиянең сюжеты бик гади генә булса да, режиссер Фәрит Бикчәнтәев спектакльне җырлы-биюле номерлар һәм оркестр музыкасы белән бизәп сәхнәләштерә. Ә инде Камал театрының иң популяр һәм иң яшь артистлары энергиясеннән иң җитди тамашачыбызның да күңеле күтәрелер дип уйлыйбыз.

Тинчурин театрында – “Ак тәүбә, кара тәүбә. Безнең көннәр”. Драматургы — Туфан Миңнуллин. Режиссеры һәм музыка авторы – Резеда Гарипова. Жанры — музыкаль комедия. Премьера. Спектакльдә театрның талантлы яшьләре – Булат Зиннәтуллин, Илнур Байназаров, Зөлфәт Закиров, Артем Пискунов, Диләрә Фәттахова, Гүзәл Галиуллина, Камилә Галиева, Салават Хәбибуллин, Айсылу Мөсәлләмова катнаша.
Һәрчак 20дә* булганнарга багышлана.
Төп геройлар – дүрт дус акча эшләргә китәләр. Вакыт чикле, өстәвенә объектны да соңга калмый тапшырырга кирәк. Әмма яшьлек дәрте ташып, йөрәгеңә ут капса, нишләргә?.. Ләкин төп геройлар кайсы гына юлны сайламасын, ниләр генә эшләмәсен, шунысы куанычлы: егетләр үзләренең дуслыкларына тугры кала. Кәефегезне күтәрергә телисезме? Димәк, әлеге спектакль, һичшиксез, сезнең өчен!
Башлана – 18.30

Г.Тукай исемендәге Татар дәүләт филармониясендә – «Болгар радиосы» концерты .
“2016 елның соңгы онытылмас, кабатланмас һәм “бармыйчакалыпбулмас” концерты! Сәхнәдә танылган җырчылар белән беррәтән әле кабынып кына килүче йолдызлар: Фәрит Низамиев, Эльвира Хәйруллина, Динә һәм Рафаэль Латыйповлар, Илназ Сафиуллин, Гөлдания Хәйруллина, Чулпан Әхмәтҗанова, Эльвира Хамматова, Алинә Сафиуллина, Лилия Хәйруллина, Лилия Гиматдинова, Дилә Нигъмәтуллина, Гүзәлия, Венер Сәлимов, Сиринә Зәйнетдинова, Чулпан Йосыпова һәм башкалар. Килми калмагыз! 2017 елга бары яхшы эмоцияләр, күтәренке кәеф белән керерегә кирәк! Концертка килгән һәр кешегә болар гарантияләнә!” дип үз тамашачысын чакыра радио.
Башлана – 18.30

Чаллы дәүләт театрында – “Яшәргә, яшәргә, ничек тә яшәргә”. Драма. Автор: Антон Чехов +12 Премьера.
Башкаладан ерак аулак алпавыт утарында профессор Серебряков, аның яңа хатыны Елена Андреевна, беренче никахыннан туган кызы Соня һәм дядя Ваня (профессорның вафат булган хатынының энесе) катнашында вакыйгалар куера. Өстәвенә табиб Астров аларның тормышларын астын өскә китереп бетерә. Ә Серебряковның утарны сатарга җыенуы турында хәбәр итүе умарта эчендә ботак болгаудан да ким булмый, хәтта йомшак ихтыярлы дядя Ваня да баш күтәрә, бунтка бара. Бу классик пьеса нигезендә бик күп театрларда төрледән-төрле спектакльләр куелды һәм һәр режиссер үз юлын табарга тырышты. Менә хәзер әсәрнең татарча укылышы да пәйда булды. Ул сезне таныш геройларның язмышы турында яңа уйлануларга этәрер, кешенең бәхеткә омтылуы кебек мәңгелек темага яңача караш белән таныштырыр.
Башлана – 17.00

“Әкият” курчак театрында – “Бүре җиләге”, Ркаил Зәйдулла пьесасы. Премьера. Спектакль Татарстан Театр әһелләре берлеге Гранты ярдәмендә куелган. Спектакльнең режиссеры Татарстанның һәм Россиянең атказанган сәнгать эшлеклесе Илдус Зиннуров, рәссамнары – Татарстанның атказанган сәнгать эшлеклесе Булат Насыйхов һәм Фәридә Мөхәммәтшина, композитор– Татарстанның атказанган сәнгать эшлеклесе Мәсгүдә Шәмсетдинова, аранжировка Татарстанның атказанган сәнгать эшлеклесе Юрий Чаплин, пластика – Татарстанның атказанган сәнгать эшлеклесе Гүзәл Маннапова. Спектакль балаларны миһербанлы булып үсүләрен, туган якны, туган йортны, ата-аналарны онытмаска куша.
Башлана – 13.00

17 декабрь (шимбә)

Г.Камал театрында – “Дон Жуан”, Жан-Батист Мольер, тәрҗемә – Хәлим Җәләлов. Комедия. Спектакльнең премьерасы 2016 елның 5 февралендә булды.
Ж.-Б.Мольерның «Дон Жуан» пьесасы дөнья классикасы репертуарында иң серле әсәрләрнең берсе. Мольер әлеге пьесаны язганда, классицизм кануннарыннан читләшеп, барокко поэтикасына мөрәҗәгать итә. Әсәрне язып сәхнәгә куйганнан соң ул гаҗәеп зур уңыш казана, тик комедияне бер сезон уйнагач Мольер аны репертуардан төшерә һәм башка беркайчан да сәхнәләштерми. Драматург үлгәннән соң пьеса гасыр ярым Том Корнель эшкәртмәсендә уйнала. 1841 елда гына француз театры «Дон Жуан»ның беренче вариантына әйләнеп кайта.
Спектакльнең режиссеры Фәрит Бикчәнтәев игътибарын комедиянең фәлсәфи проблематикасына, Дон Жуанның яшәү һәм үлем белән уйнау сәбәпләренә, хатын-кызларны үзенә каратып юлдан яздыруының чишелмәгән серләренә, геройның фетнәле аңына, аны янәдән-янә кыл өстендә калырга этәргән шартларга, җәмгыять нормаларына каршы килгән гамәлләр кылып, кешеләрне хурлавына юнәлдерә.
Пьесаның язылу серләре, аның бүгенге көндә дә популяр булуы, Дон Жуан, Сганарель, Командор образларының архетипик башлангычы режиссерның фантазиясен тынгысызлый. Фәрит Бикчәнтәев әлеге спектакльне куяр өчен үзенең иң ышанычлы шәкертләрен, театрның иң популяр артистларын сайлап алды.
Башлана 18.00

Тинчурин театрында – “Ефәк баулы былбыл кош”. Драматургы — Аяз Гыйләҗев. Режиссеры – Рәшит Заһидуллин. Жанры — мелодрама
Күренекле татар язучысы, драматург Аяз Гыйләҗевның тууына 90 ел тулуга багышлана
А.Гыйләҗевнең әлеге әсәрендә вакыйгалар табигатьнең гүзәл почмагында, ямьле күл буенда бара. Биредә ветераннар өчен картлар интернат-йорты урнашкан. Язмыш аларны монда төрле юллар белән китергән, әмма өлкәннәрнең барысын да ялгызлык берләштерә! Әлбәттә, дәүләт үзләрен ташламый – картлык көннәрендә сыеныр урын һәм ашау-эчү белән тәэмин итә. Ләкин адәм баласына яшәр өчен ипи генә җитми, аңа якыннарының күңел җылысы, гаилә кирәк. Хөкүмәт йортында тәрбияләнүчеләргә әнә шулар җитми. Кемдер гаиләсен сугыш елларында югалткан, икенче берәүләр балалары исән булып та ятим калган. Кайсы яманрак: якыннарыңны югалтып, караучысыз калумы, әллә балаларың булып та, аянычлы картылыгыңны ялгыз каршылаумы? Спектакль мәхәббәт, изгелек һәм мәрхәмәтлелек кебек мәңгелек кыйммәтләр белән сугарылган.
Башлана – 17.00

Казан дәүләт яшь тамашачы театрында – “Нәни принц”, А.де Сент-Экзюпери. Режиссеры – Туфан Имаметдинов. Башлана – 18.30да.

Г.Кариев театрында (“Әкият” балалар үзәгенең концертлар залында) – “Алмачуар”. Галимҗан Ибраһимов әсәре буенча Фәнивил Галиев инсценировкасы. 6+
Башлана – 14.00

Чаллы дәүләт театрында – “Язмыш сынавы”. 12+ Мелодрама. Автор: Зифа Кадыйрова.
Кызык бу язмыш дигәнең. Адәм балалары алдына үзенең сынауларын куеп кына тора. Үзе дә сизмәстән, Таһир белән Мөнирә арасындагы мәхәббәт утының сүрелүенә сәбәпче булган Әлфия алдына да куя ул үзенең сынавын. Тормыш имтиханын Әлфия уңышлы уза алырмы? Сөйгәне Таһирдан аерылу аны авырлыклар алдында сындырмасмы? Спектакльне караган тамашачылар бу сорауларга җавап табарлар дип ышанабыз.
Башлана – 18.00

18 декабрь (якшәмбе)

Г.Камал театрында – “Сөясеңме, сөймисеңме…” Флорид Бүләков. Режиссер – Радик Бариев. Моңсу комедия. Спектакльнең премьерасы 2014 елның 4 октябрендә булды. Төп рольләрдә – Дания Нуруллина, Равил Шәрәфиев. Башлана 18.00 сәгатьтә.

Авырып ятканда Картның күзенә әҗәл күренә һәм исән калырга бер мөмкинлек бирә: гомере озынайтылсын өчен ул өч сәгать эчендә бер изге гамәл кылырга тиеш була. Һәм алар карчыгы белән, ашыгып-кабаланып, нинди изгелек кылырга дип уйлаша башлыйлар.
Алар нәрсә уйлап табарлар һәм шушы кыска вакыт эчендә өлгерерләрме? Бу өч сәгать бергә үткәргән соңгы мизгелләре булса, алар аны ничек уздырыр? Гомер буе иңгә-иң яшәгән карт белән карчык тормышларының асылына төшенә алырмы?
Җавап эзләп алар яшьлек хатирәләренә бирелә. Бергә кичергән якты мизгелләр һәм инде төзәтеп булмаслык хаталары белән бөтен гомерләре күз алдыннан үтә.
«Бу пьеса – мәхәббәт хакында. Хәер, башка күп кенә пьесалар кебек үк, тик алардан аермалы буларак, кыска вакытлы шаулы мәхәббәт хакында түгел, ә көчле, бер гомер озынлыгына тиң сөю турында, – ди пьеса авторы Ф.Бүләков. – Әлбәтта, күп еллар эчендә әлеге мәхәббәт бәйрәмнәрне дә, гадәти көннәрне дә кичергән, тик тирәнлеген, көчен югалтмаган. Миңа калса, безнең һәркайсыбыз нәкъ шундый хисләр хакында хыяллана һәм шундый мәхәббәткә юлыккан кешеләр бәхетле».
К.Тинчурин театрында – “Эх алмагачлары”. Драматургы- Шамил Фәрхетдинов, Рәшит Заһидуллин. Режиссеры Рәшит Заһидуллин. Жанры – комедия
Алмагач иле авылы халкы зур түземсезлек белән Президент килүен көтә! Чөнки аларга яңа клуб ачылу тантанасына һичшиксез үзе киләчәк дип вәгъдә иткәннәр. Бу вакыйга берәүне дә битараф калдырмый. Шунлыктан барлык авыл халкы шау-гөр килеп бәйрәмгә әзерләнә. Көн-төн репетиция ясыйлар, биюләр кабатлыйлар, өч телдә җыр өйрәнәләр, хәтта авылның үз фокусчысы да табыла. Тик, менә бәла… әлеге тантаналы чарада кем беренче булып чыгыш ясар? Ветераннармы, авыл яшьләре яки көтелмәгән шәһәр җырчыларымы? Мондый бәхет кемгә тәтер? Бу иҗади бәхәстә кем җиңәр, яңа клуб ачылышына Президент килерме-юкмы – сез боларның барысын да “Эх, алмагачлары!” музыкаль комедиясен карагач үзегез белерсез. Спектакль бик күп халыкчан юмор белән сугарылган һәм анда бик күп биюләр, таныш җырлар бар.
Спектакль төрле яшьтәге тамашачылар өчен тәкъдим ителә һәм аны гаилә белән дә килеп карарга мөмкин.

Казан дәүләт яшь тамашачы театрында – “Нәни принц”, А.де Сент-Экзюпери. Режиссеры – Туфан Имаметдинов.
Башлана – 18.30

Чаллы театрында – “Изге имән шаһит”. Авторы – Рузилә Җамалиева. 6+
Адәм баласын бәхеттә йөздергән дә, утка салып сагышта көйдергән дә язмыш, бер-берсен өзелеп яраткан Хаммат белән Наҗияне икегә аерып куя. Бер-берсенә үрелеп үскән гөл арасына шайтан таягы үсеп чыга. Тик чәчкәләре – балалары гына бер-берсе белән кушылыр өчен көрәшкә чыга. Яңа мәхәббәткә бу тормышта урын бармы? Язмышлар ярында җил елый…
Башлана – 18.00

Запись Ниләр була икән, белегез – Татарстанның атналык мәдәни афишасы впервые появилась Tatar Today - татар яңалыклары..

“Үзгәреш җиле” фестивалендә бары профессиональ җырчылар чыгыш ясыячак, кемнәр алар?

Редактор1 editor1 — Sat, 05 Nov 2016 05:37:03 +0000

5 ноябрьдә Муса Җәлил исемендәге Татар Дәүләт опера һәм балет театрында “Үзгәреш җиле” фестиваленең беренче концерты була. Анда Татарстан Президенты Рөстәм Миңнеханов та булыр дип көтелә. Бу хакта Татарстан хөкүмәтенең рәсми порталы хәбәр итә.

Фестивальнең беренче ике концерты 5 һәм 6 ноябрь көннәрендә Казанда, өченчесе 4 декабрьдә Мәскәүнең Кремль Дәүләт сараенда узачак.

Концертны оештыручылар барлык билетларның да сатылып бетүе хакында әйтә.

Татар эстрадасын яңа дәрәҗәгә күтәрү идеясе Татарстан Президенты Рөстәм Миңнехановтан тәкъдим ителгән иде. Фестивальнең төп максаты – татар телендә популяр музыканы сыйфатлы итеп үстерүгә ярдәм итү һәм аны дөнья сәхнәсенә алып чыгу.

Исегезгә төшерәбез, Мәскәү һәм Казан экспертлары 2015 елның языннан фестивальнең беренче концертларында чыгыш ясау өчен башкаручыларны сайлап алдылар. Биредә төп критерие булып артистның бәхәссез вокалы һәм тавыш тембры тора. Беренче вокалистлар арасына татар эстрадасы йолдызлары гына түгел, ә яңа гына җырлый башлаучылар да кергән.

2016 елның «Үзгәреш җиле» татар җыры беренче фестивалендә Лилиана Газизова, Илүсә Хуҗина, Илвина Миннегалиева, Зәринә Хәсәншина, Айгөл Гардисламова, Зәринә Вилданова, Алинә Шәрипҗанова, Карина Җиһаншина, Гөлназ Солтанова, Илгиз Шәйхразиев, Артур Исламов, Айдар Сөләйманов, Илнар Ялалов, Марсель Вагыйзов, Әмир Әхмәдишин, Раяз Фасыйхов, Илнар Миранов, Рамил Мурдымов, Язилә Мөхәммәтова, Румия Ниязова, Максут Юлдашев, Юлия Гарифуллина, Әлфия Нигъмәтуллина бар.

«Үзгәреш җиле» проектының режиссер – куючысы музыкаль спектакльләр кую остасы Санк-Петербургтан режиссер Юрий Александров. Музыкаль җитәкчесе – трубачы, бэнд-лидер, педагог телевидение алып баручысы Вадим Эйленкриг.

Фестиваль сәхнәсен бизәү белән театр һәм концертлар буенча рәссам Виктор Герасименко шөгыльләнә. Сценограф “татар операсы” белән узган гасырның 60нчы елларыннан бирле хезмәттәшлектә.

Татар-информ

Запись “Үзгәреш җиле” фестивалендә бары профессиональ җырчылар чыгыш ясыячак, кемнәр алар? впервые появилась Tatar Today - татар яңалыклары..