“Түбәтәй”дә без үзебезнең сыйфат эталонын тудырдык”, – ди, “Тубәтәй” рестораны директоры Солтан Сафин. Бу сүзләр белән килешми мөмкин түгел. Казанлылар арасында “Түбәтәй” ризыкларын ашап карап, тәменә, әзерләнүенә, бизәлешенә гаҗәпкә калучылар аз түгелдер.

Татар орнаменты белән чигелгән матур яулык, киемнәр кигән татар кызлары һәрбер ризыкка нәрсә салынганын аңлатып, сайлауда ярдәмгә килә.

View this post on Instagram

A post shared by Тюбетей | Татарская Кухня (@tubatay.food)

Ресторан гореф-гадәтләргә һәм замана таләпләренә туры китереп яраклаштырылган. Биредә төрле халыкларның ризыклары белән беррәттән, кызыклы шоу-программа да тәкъдим ителә. Ресторанның 3 залы бар, беренчесе 250 кеше сыйдыра торган, үзенчәлекле интерьер, милли стильдә ясалган рәсемнәр һәм чын түбәтәйләр белән бизәлгән зал. Калган ике зал, исә, кечкенәрәк. Көндезге ашны ашау, эшлекле очрашулар, романтик кичләр өчен тыныч, уңайлы заллар. Шулай ук биредә, 15 әр кеше сыярлык уңайлы бүлмәләр дә булдырылган.

Аларның һәрберсе төрле стильдә, уңайлы өстәл-урындыклар, телевизорлар белән җиһазландырылган. Мисал өчен, топчан кабинасы аерым колориты белән аерылып тора, бүлмәдә телевизордан кала, караоке өчен аппаратура да куелган. Шулай ук, күпләр өчен мөһим фактор булып саналган, намаз уку һәм тәхәрәт алу бүлмәләре дә бар.
Һәр шимбә иртәнге 11дә биредә балалар өчен, артистлар һәм клоуннар катнашында театральләштерелгән тамаша күрсәтелә.

“Түбәтәй” ресторанының тагын бер үзенчәлеге булып, һәрбер ризыкның уникаль рецепт белән әзерләнүе тора. Мисал өчен, кабак һәм тавык итеннән пешерелгән өчпочмак, Татарстанның беренче президенты рецепты буенча пешерелә. Бавырсак рецепты исә, Самара өлкәсенең Камышлы авылыннан килгән. Шулай ук, татар ашларына, туристик базарның таләпләрен үтәү һәм яңалык кертү максатыннан, кыстыбургер, татлыбый, өчпочмак-фри һәм тагын бик күп кенә башка төрле ризыклар уйлап табалар.

View this post on Instagram

A post shared by Тюбетей | Татарская Кухня (@tubatay.food)

“Түбәтәй” рестораны сату эшләре белән беррәттән, хәйрия эшләрендә дә катнаша. “Живи душой” марафонын булдырып, “Булыш” ярдәм фонды белән берлектә, авыру балаларга коляска һәм башка кирәк яраклар алу максатыннан, акча җыю эшләре дә алып бара. Һәр заказның 5% әлеге фондка кучерелеп бара. Шул рәвешле, һәркем әлеге изге эшкә үз өлешен кертә ала.

Белгәнебезчә, сорау – ихтыяҗ тудыра. Колоритлы ашау ризыкларын әзерләп сату, башка җирләрдә дә ачылу кирәклеген искәртә. Шунлыктан, 9 февраль көнне кичке сәгать 5 тә Бауман урамы, 47 нче йорт адресы буенча урнашкан яңа ресторан ачылачак. Биредә кунаклар тәмле ризыклар гына ашап калмыйча, үз куллары белән картина ясый алу мөмкинлегенә дә ия булачак. Ә инде картина матур һәм сыйфатлы булсын өчен, рәссам Анна Белозерова сезгә ярдәмгә килер. Бәясе: 1500 сум.

View this post on Instagram

A post shared by Тюбетей | Татарская Кухня (@tubatay.food)

Шулай ук, бу көнне, балалар өчен, сочниклар пешерү буенча махсус мастер класс та уздырылачак. Рәхим итегез!

View this post on Instagram

A post shared by Тюбетей | Татарская Кухня (@tubatay.food)

Запись “Түбәтәй” дә сыйланып кына түгел, рәхәтләнеп күңел ачарга да була впервые появилась Tatar Today - татар яңалыклары..

Аның урынына администрация башка бренд кибетләре ачмакчы. Кайбер мәгълүматлар буенча, бераз вакыттан соң, супермаркет шушы ук сәүдә үзәгендә башка мәйданчыкта ачылачак, диелә хәбәрдә.

Чыганак сүзләренчә, «Бәхетле» челтәре соңгы вакытта берничә ноктасын, шул исәптән Мәскәүдәгесен дә ябарга мәҗбүр булган.

 

Посмотреть эту публикацию в Instagram

 

«Бэхетле» – всё ? Один из старейших и крупнейших супермаркетов Казани, работавший в торговом центре «Мега» с 2007, года закрывается. На его месте администрация ТЦ хочет разместить магазины других брендов. По некоторым данным, «Бэхетле» все-таки откроет здесь другой магазин – на новом месте. В последнее время татарстанская торговая сеть закрыла несколько своих магазинов, в том числе в Москве.

Публикация от Республика Татарстан (@novosti_rt) 5 Фев 2019 в 12:21 PST

Запись «Бәхетле» супермаркеты ябыла впервые появилась Tatar Today - татар яңалыклары..

Төшерү командасы халык арасында танылган кадрларны татарчалаштырып бирергә тырышкан. “Соңгы вакытта без туган телне саклау турында күбрәк уйланабыз. Безнең мәдәниятебез бай. Мәдәниятебезгә кызыксыну уяту – яшьләрне үз милләтенә гашыйк итүнең бер юлы”, – дип уртаклашты ул.

Татар ризыклары турында видео төшерү идеясе сентябрьдә үк барлыкка килгән, әмма төрле сәбәпләр белән бәйле һаман кичектерелеп килгән. “Я өчпочмак, я буш вакыт, я видеокамера юк иде”, – диде Радик Яруллин.

Видеоны Әлмәттә узган гастрольләр вакытында экспромт рәвештә төшерергәннәр. Беренче дубльда яктырту белән бәйле брак булганга, социаль челтәрләргә икенче тапкырдан төшерелгән видеоны гына куйганнар.

“Дөресен әйткәндә, социаль челтәрләргә кертер алдыннан гына эстафета кебек игълан итү идеясе барлыкка килде. Безгә ияреп татар ризыкларын танытып тагын да шундый ролик төшерүчеләр булса, яхшы булыр иде” – диде җырчы.

 

Посмотреть эту публикацию в Instagram

 

Как выглядела бы реклама татарской национальной выпечки – эчпочмак ? Может так?) Передаём эстафету всем!) Снимите еще интереснее и смешнее 🙂 Даёшь рекламу нашей национальной кухни ?? В ролях: @airat_safin_official @djradik Спасибо крутому оператору: @ronny.gilmutdinov Художник по свету @tot_samiy_tony звукорежиссёр @myrzykov Помощник @marat_152 #эчпочмакреклама #эчпочмак

Публикация от Радик Яруллин / DJ RADIK (@djradik) 10 Дек 2018 в 9:20 PST

Чыганак: tatar-inform

Фото: https://vk.com

Запись Мәскәү җырчысы DJ RADIK өчпочмак турында шаян видео төшереп, эстафета игълан итә впервые появилась Tatar Today - татар яңалыклары..

“Хәтерләсәгез, минем “Тәмле булсын” дигән китабым бар. Аңа фотосурәтләр белән 150дән артык рецепт теркәлгән. Президентыбыз Рөстәм Миңнеханов ярдәме белән чыкты ул. Икенче китапны чыгару идеясе күптән туды, хәзер шуны чынга ашырырга телим. Анда бөтен дөньяда яшәүче татарларның милли ризыклары урын алачак. Мин чит төбәкләрдә еш булам, андагы тәм-томнарны авыз итәм. Мәсәлән, Америка татарлары өчпочмак пешерә белми. Алар “Казан бәлеше” дип атап вак бәлеш әзерли. Эчлеге нәкъ өчпочмакныкы кебек. Юныс Әхмәтҗанов рецептларны татар авылларыннан җыйган. Мин икенче китабыма “Бөтендөнья татар халык ризыклары” дигән исем бирәчәкмен. Һәрбер төбәкнең үзенчәлекле аш-суы бар. Самара, Киров, Оренбург өлкәсендә яшәүче татарларның милли ризыклары бик тәмле. Китапка рецептлар туплауны дәвам итәм, ләкин күп калмады. Тиздән китап әзер булып, сатуга чыгачак”, – диде татар ашлары халыкара федерациясе рәисе , милли кухня эксперты, ресторатор Резеда Хөсәенова.

Ләйлә Хәкимова

tatar-inform

Запись Резедә Хөсәенова дөнья татарлары әзерли торган ризык рецептлары белән бүлешә впервые появилась Tatar Today - татар яңалыклары..

Сөлгегә төреп, мендәр астына куеп та, табадан алуга өстенә кайнар бәрәңге дә сылап карыйм, файдасыз. Ни өчен шулай икәнен аңлый алмыйм. Берәр оста пешерүчедән кыстыбый камыры рецепты сорап, аны газетагызда бирә алмассызмы икән?

Гөлназ Шакирова, Кукмара поселогы

Кукмараның иң оста кондитерларының берсе Сөгъдә Камалиевадан кыстыбый пешерү рецепты:

-Камырга 1 стакан кибет каймагы, ике йомырка, чеметеп кенә тоз, ике стакан он алына. Барысын бергә болгатып камыр ясаганнан соң аны вак-вак кисәкләргә бүләсең. Әлеге кисәкләрне булдыра алган кадәр юка итеп җәеп, ике ягын да коры, кызган табада пешереп аласың. Мин пешкән бәрәңгегә сыер мае, кайнаган сөт салып, эчлекне алдан әзерләп куям. Җәемне табадан алуга, эчлекне салып төрәм һәм кыстыбыйны эретелгән сыер мае белән майлап куям. Тәмле булсын!

“Хезмәт даны” газетасыннан

Запись “Кукмарача” тәмле итеп кыстыбый пешерү рецепты впервые появилась Tatar Today - татар яңалыклары..

Бу очракта җылы сөт, бераз каймак, бүлмә температурасында йомшарган 1 аш кашыгы чамасы атланмай, он. Камырны йомшак итеп басарга.

Эчлеккә ингредиентлар таба размерына карап чама белән алына. Дөге белән карабодайны чистартырга (юарга кирәкми), ярым әзер булганчы пешерергә һәм агып торган салкын су белән юарга, тастымалга салып 3-4 сәгать киптерергә, курәгә, кара җимеш, йөзем, тоз һәм шикәр комы салып болгатырга.

Эчлекне берничә рәткә бүлеп салу зарур, ә рәтләр арасына атланмай турап салырга кирәк.

Бәлеш 1-1,5 сәгать пешкәч, бөкесен алып, 200-250 грамм эретелгән атланмай салырга.

“Мишәр бәлеше” татлы да, туклыклы да.

“Интертат”

Запись Дания Тямаевадан “Мишәр бәлеше” рецепты впервые появилась Tatar Today - татар яңалыклары..

Эчлеге: 500г ит фаршы, 1 баш зур суган, 1,5стакан дөге, 2 лавр яфрагы, 1 а.к. тоз, тәменчә кара борыч, 100 г сыер мае.

Суганны ваклап турарга, дөгене сүрән утта бүрттерәсе, сыер маен эретәсе, лавр яфрагын ваклыйсы. Барлык ингридиентларны бергә кушып, эчлеген ясарга.

Камырны өлешләргә бүлеп, тугәрәкләр җәяргә, уртасына эчлекне куеп, пәрәмәчләр ясарга. Майлы табаларга тезеп, 200 градуслы мичтә 45 минут пешерергә. Пешеп чыгар алдыннан, пәрәмәчләрнең өстендәге уемга берешәр ч.к. шулпа өстәп чыгасы. Шулпа урынына, 2 а.к. сыер маен кайнар суда эретеп салырга да була. Тәмле булсын!

Рәфилә Шәмсетдинова

Запись Бик тәмле ит пәрәмәче рецепты впервые появилась Tatar Today - татар яңалыклары..

Ит бәлешенең матур, тәмле пешүе эчлекне җылытып салуда күрәм. Дистә еллар шулай пешерәм. Эчлекне (туралган бәрәңге, суган, ит) зуррак таба яки кастрюльдә җылытам, кайнаррак булса тагы да яхшы. Чөнки бәлешнең камыры аша эчлеккә җылы үтеп пешү дәрәҗәсендә кайнарлыкка ирешкәнче, бәлеш тышлыгы инде хәйран гына кызара.

Ит бәлешен 2 сәгать ярым пешерергә дигән нәрсәне аңламыйм мин. Өчпочмаклар 45-50 минутта пешкән кебек пешеп чыга ит бәлешем. Духовка (мич) җылысы сурән булса, ит бәлешенә бер сәгать — иң күбе!

Ә түбәндәгечә иткәндә камыр бик тәмле һәм юка була:

1 стакан җылы су, 1 стакан сыек май (рафинированный, бер бармак киңлегендә тутырмасагыз да ярый), 1 аш кашыгы тигезләп шикәр комы, 1 чәй калагы тоз, 2 йомырка сарысы, разрыхлитель чама белән.

Бәлеш кайнар мичкә кереп 20 минутлап пешкәч, бөкесен ачып, ярты стакан чамасы (уртача зурлыктагы бәлеш турында язам) бераз тозлы, майлы, борычлы тәмле кайнар шулпа салып җибәрәсез, әлбәттә. Бәлеш пешеп җитеп мичтән алгач, ачмыйча, калынрак тастымаллар белән капланган килеш 10 минут торса, өйгә таралган кайнар, хуш исле пары белән җанны кинәндерә, йөзләр балкый, кәеф күтәрелә, өйдә бәлеш ашарга күңелле атмосфера хакимлек итә.

Мондый итле бәлеш ничек тәмле булмасын ди инде?!

Эчлекне җылытып (кайнарлатып) салганга, матур булсын дип тырышып ясаган камыр тышлыгы көрән төстә булмый инде, хөрмәтле хуҗабикәләр! Гомер-гомердән затлы милли ризыгыбыз саналган — ит бәлеше, табын уртасында, аксыл-саргылт төсе белән кояш күзләрне иркәләгән кебек, гел үзенә каратып тартып тора —тәмләп ашап бетергәнегезне сизми дә калырсыз. Барыгызга да гаилә бәхете, муллык телим.

Гүзәл ГАЛЛӘМОВА

Запись Авыз сулары килерлек тәмле бәлеш рецепты впервые появилась Tatar Today - татар яңалыклары..

Итне ваклап турагыз, күп итеп тоз, кара борычны сибеп, иткә ышкып сеңдерегез. Аннан соң итне эмаль савытка салып, тастымал белән каплап, бер тәүлектән алып тәүлек ярымга кадәр салкынча урында тотыгыз.

Аннары тышча өчен, ат яки сыер эчәге әзерләгез, аны салкын суда юыгыз. Эчке ягын әйләндереп лайласын пычак белән әйбәтләп кырырга кирәк һәм берничә тапкыр яхшылап югачтын, кирегә әйләндереп, эчәкнең бер башын җеп белән бәйләгез.

Туралган әзер итне, мае белән тигез итеп аралаштырыгыз, әзерләгән эчәк эченә тыгызлап тутырыгыз. Казылык өчен кулланыла торган итнең якынча утыз проценты майдан торырга тиеш. Ит бик нык майлы булса, артык мае агып чыксын һәм һава калып шартламасын өчен, эчәкне берничә урыннан энә кебек очлы предмет белән тишегез.

Итне тутырып бетергәчтен, эчәкнең ачык башын бәйләгез һәм берничә көнгә кояшлы, җилле урынга элеп куегыз, аннан соң тәмам өлгереп җитсен өчен, ике ай ярым чамасы салкын караңгы урында тотарга кирәк. Әзер казылыкны дүрт-биш ай саклап була, аны чи килеш тә, пешереп тә ашарга мөмкин.

Әгәр дә казылыкны пешерергә уйласагыз, бөтен килеш җылы суга салыгыз, сүрән утта акрын гына кайнап чыкканын көтегез. Аннан соң берничә урыннан энә белән тишеп, пешеп җиткәнче кайнатырга. Пешкән казылыкны кайнар көенчә дә, суытып та ашарга була.

Казылыкны (кайнар яисә салкын көенчә) өстәлгә колбаса тураган шикелле үк, ләкин, мае саклансын өчен, калынрак итеп турап куялар.

Игелек

Запись Ничек өй шартларында казылык ясарга впервые появилась Tatar Today - татар яңалыклары..

“Төнге обед” дип язып куйган ул Инстаграмына, гастрольләрдән бер видео кертеп. Биредә ул “чебешләрен”, ягъни иҗат коллективын кайнар ризык пешереп сыйлый.

Җырчы булмаса, Әнвәр повар булыр идеме икән?

View this post on Instagram

A post shared by Анвар Нургалиев (@anvar_nurgaliev)

Запись Әнвәр Нургалиев «чебешләрен» ашата [видео] впервые появилась Tatar Today - татар яңалыклары..