Быел шигырь бәйрәме Камал театрының яңа бинасы каршында була икән. Ничә еллар узган тарихи урыныннан китә! 1964 елдан бирле үткәрелгән – 60 ел бит!!! – бәйрәмне үзәктән сөрәләр. Хәсән Туфаннар нигез салган бәйрәм башта Тукай скверы янындагы һәйкәл янында узган, аннары аны опера театры янындагы Тукай һәйкәле янына күчерәләр. Хәзер шуны мәдәният министры Кабан күленең аръягына күчерә. Язучылар берлеге рәисе шулай дигән, андый чара өчен министрлык җаваплы.

Шигырь бәйрәме кирәклеге хакында Хәсән Туфан мәкаләсе:

Бу бит милләт бәйрәме. Бит бит дәүләтчелек, милли символларының берсе, шуны да аңларлык кеше юкмыни ул мәдәният министрлыгында? Әллә аңлый торып махсус эшлиләрме икән? Татарны үзәктән – Ирек мәйданыннан куып чыгарумы максат? Ничек инде шигырь бәйрәме шигърияткә бернинди катнашы булмаган авангард бина һәм хрущевкалар янында узарга тиеш соң ул? Ирек мәйданында күзләрне “мозолит”мы елга бер тапкыр татар җыелса? Анда бит һәйкәл юк шагыйрьгә.

Нигә менә Пушкин бәйрәме традицион рәвештә Ирек мәйданында уза соң алайса? Нигә яңа төзелгән Собор янына күчермәделәр анысын? Аңа тия алмыйлар, ә татарга – пажалысты. Әле министр бер елны Шигырь бәйрәмен дөм Кырлайга күчермәкче иде – менә министр раслаган аерым исемлек буенча кайбер кешеләр генә автобуста гына барсын Шигырь бәйрәменә, калганнарга ничу йөрергә анда. Анысы барып чыкмаган иде, хәзер монысын күчерәләр.

Моның максаты инде – менә төзеделәр яңа бина, шуның “эшләп киткәнен” күрсәтеп, күзгә төтен җибәрергә кирәк. Безнең министрлык андыйга мачтыр. Бу мәдәният министрының тагын бер ноу-хау инде. Татарның классикасына каныкмаса, йокысы туймыйдыр дигән фикер бар.

Килгәне бармы соң ул Әюпованың үзенең Шигырь бәйрәменә? Сезнең күргәнегез бармы аны? Опера театрындагы “махсуслар” өчен генә бәйрәмдә түгел, чын Шигырь бәйрәмендә? Вчутаки мәдәният министры бит инде ул. Шигырь бәйрәменең эчтәлеген яхшыртырга кирәк, кеше килерлек итәргә, Тукай һәйкәле яныннан куып, татарның карап торган бер бәйрәмен яңа бинага “кеше ияләштерер” өчен кулланырга түгел. Ул Кабан аръягына ничек барырга тиеш соң кеше? Анда транспорт та йөрми. Иң мөһиме – ул хрущевкалар янындагы бинаның Шигырь бәйрәменә нинди катышы бар? Тарихи яктан карасаң, ул урында Тукай бәйрәме бөтенләй узарга тиеш түгел. Символик яктан диюем. Тарихны белгән кешеләр белә ул урында Тукай заманында ни булганын. Министр белмидер инде. Каян белсен ул.

Бар бит мәзәк – “Яһүд автономияле округына указание килә – колхозлар төзегез дигән. Болар бераздан хисап җибәрәләр – колхозларны төзедек, колхозчыларны җибәрегез!” Кабан күленең аръягына күчерделәр дә Камал театрын, хәзер инде татар тормышын да шунда җибәрергә кирәк. Эш күрсәтергә. Әмма дә ләкин халыкны җыярга кирәк икән – башлап үзе оештырсын милли бәйрәм, моңа кадәр татарныкы булган бәйрәмгә кулын сузмасын.

ЧЫГАНАК: https://vk.com/genialno_jomga?from=groups&w=wall-224988922_1245

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Татарны үзәктән куалар – Шигырь бәйрәме Кабан аръягында булачак! впервые появилась Tatar Today - татар яңалыклары..

Бибимәмдүдә – Өчиле авылы имамы Зиннәтулла хәзрәт блеән Бибикамилә абыстай кызы. “Тукайга  шагыйрьлек таланты әнисеннән күчкән булырга тиеш, чөнки Мәмдүдә апа үзе дә кирәк чакта шигырь белән җавап бирә торган, сүзгә-телгә оста хатын булган”, – дип язылган Тукай сайтында. Мәмдүдә үлгәч, Зиннәтулла хәзрәтнең кызына багышлап шигырь – мәрсия язуы билгеле.

“Газиз нурымның кабере бу урын. Ни сәбәптер, и хода, аның дөньядагы ризыгы аз булды, гомере өзелде. Мин аны күзем туйганчы күрә дә алмый калдым. Аны күрүем төштә генә төсле булды. Бу дөнья, газап, кайгы, изү йорты булып, тезеп куйган энҗе күк сөйгән кызымны юкка чыгарды”, дигән юллар бар ул шигырьдә.

Мәмдүдә 19 яшендә 1885 елда Кушлавыч авылындагы 43 яшьлек Мөхәммәтгариф исемле муллага кияүгә чыга. 1886 елның 26 апрелендә Габдулла – дөресрәге Габдуллаҗан туа. 29 августта Гариф мулла авырудан үлә. Ире үлгәч, Мәмдүдә анда яшәп кала алмый, декабрь аенда әтисе Зиннәтуллага кайта һәм ике ел – 1888 елның декабренә кадәр яши.

1888 елның 22 декабрендә 23 яшьлек Мәмдүдә хәзерге Балтач районы Сасна Пучинкәсе авылындагы 69 яшьлек Мөхәммәтшакир муллага кияүгә чыга. Никахлашу мәҗлесе Өчиле авылында була, никахлашу язуын Зиннәтулла хәзрәт үзе тутыра.

“Ә нәни Габдулланы әнисе Кушлавычның “үтә дә рәхимле” Шәрифә карчыкта калдырып тора”. Ничек яшәве хакында Габдулла Тукай “Кыш көне авыл ызбаларының ишекләрен ачу балага түгел, шактый үсмер кешеләргә дә мәшәкать һәм көч булганлыктан, мин ишекне ача алмыйм вә ишек төбендә аякларым бозга ябышып катканча көтеп торам икән. Карчык исә үзенең «Кадалмас әле килмешәк!» дигән «шәфкатьле» фикере илә мине үзе теләгән вакытта орыша-орыша кертә икән”, дип яза.

1889 елда әнисе улын үз янына Шакир мулла гаиләсенә алып кайта. Әмма Габдулла бер генә ел яшәп кала, чөнки 1890 елның 18 гыйнварында баласын гомерлеккә тома ятим итеп, өйдән-өйгә, кулдан-кулга йөрерлек ачы язмыш кочагында калдырып, Бибимәмдүдә апа дөньядан китеп бара.

“Шакир мулла яшь һәм чибәр Мәмдүдә ападан бик көнләшкән, еш кына кыйный торган булган. Ул вафат булган төндә дә мәрхүмәнең: “Шакир дим, үтерәсең бит инде!” — дигән сүзләре ишетелгән. Шул кыйналудан ул үле ир бала таба, күз яшьләре дә кипмичә егълап вафат була…” – дип яза Тәэминә Биктимерова. “Сөембикә” журналында бу вакыйга тагын да тәфсилләбрәк язылган. “Үләр алдыннан Мәмдүдә үз янына Габдулланы китерүләрен сорый. Улы килгәч: «Әй балам, мин сине үстерә алмадым, бәхил бул», – дип, Габдулланы әкрен генә сөя. Озак та үтми, газапланып җан бирә…» – дип яза Тәэминә Биктимерова.

Бу югалтуны Тукай “Исемдә калганнар”да болай сурәтли: “… әнкәмең җеназасын күтәреп алып киткәннәрен сизгәч, яланаяк, яланбаш хәлемдә, капка астыннан үкереп җылый-җылый җөгереп чыгып: “Әнкәйне кайтарыгыз, әнкәйне биреңез!” дип, шактый гына җир мәет күтәрүчеләрдән калмый барганымны хәзер дә тәхаттыр иткәнемне язамын”.

Ә инде, еллар үтеп, дөньяга танылган шагыйрь булгач,  Тукай  бу вакыйга турында «Өзелгән өмид» шигырендә бик ачык сурәтли:

Күз яшең дә кипмичә егълап вафат булган әни!
Гаиләсенә җиһанның ник китердең ят кеше?!

Үпкәнеңнән бирле, әнкәй, иң ахыргы кәррә син,
Һәр ишектән сөрде угълыңны мәхәббәт сакчысы.

Бар күңелләрдән җылы, йомшак синең кабрең ташы, —
Шунда тамсын күз яшемнең иң ачы һәм татлысы…

чыганак: http://gabdullatukay.ru/museums/museums-arsk/tukaj-yazmyshynda-ochile-avyly/

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись «Габдулла Тукайның әнисе Мәмдүдәне ире кыйнап үтергән?» впервые появилась Tatar Today - татар яңалыклары..

Илназ форумга тәкъдимен атна ярым алдан ук җиткерүен әйтте. “Мине Рәдиф Кашапов исемле егеткә (форум рәисе урынбасары – ТИ) тәкъдим иттеләр. Ул безгә исемлек күрсәтте дә, “Исемлектән берәрсе төшеп калса, син чыгыш ясыйсың”, диде. Берәү дә төшеп калмады ахыры һәм безне шулай кире кактылар. “Алданрак әйткән булсаң, бәлки әле тыгып та булыр иде”, дип әйттеләр”, – ди Илназ.

Җырчы мондый җавапны үзен катнаштырмас өчен сылтау табу дип кабул иткән. “Нормаль җавап “Әйе” һәм “Юк” була. Алар шулай дигәч, мин, димәк, юктыр инде, булмаячак, дип уйладым. “Ярар” дигән җавап булмаса, юк була инде ул. Алар шулай дигәннән соң да, әле без хәлне сорашып тордык. “Юк, барысы да план буенча. Берничек тә булмый”, диделәр”, – ди Илназ Гарипов.

Илназ Гариповны дусты, “Мин татарча сөйләшәм”леләр белән бер төркемдә эшләүче егет тәкъдим иткән булган. Дус егетен уңайсыз хәлгә куярга теләмәгәнлектән, Илназ аның исемен атамады. “Дус егет миңа “Карарны Рәдиф кабул итә”, диде. Мин исә аңа “Кем ул Рәдиф?” дидем, чөнки мин Рәдифне белмим дә”, – диде Илназ Гарипов.

“Мин бит үзем дә Арча ягыннан. Габдулла Тукай исемендәге Арча педагогика көллиятен бетергән егет. Бу гаепләү дә түгел, бу шундый бер абсурд нәрсә булды инде. Без бит аларга ярдәм итәргә теләдек. Без анда ике җыр белән чыккан булсак, нәрсәдер бик үзгәрер иде инде. Бер җырның вакыты 3 минут ярым инде. Музыкантлар, шоу-студия белән бергә килеп, бушка җырламакчы идек”, – диде җырчы.

Илназ Гарипов үзен генә түгел, инде ничәнче ел башка җырчыларны да шулай ук кертмәгәннәрен искә төшерде. “Миңа калса, бу оештыручылар тарафыннан җитешсезлек. Шундый традицион зур чараларны шундый оештыручылар әзерли дип белми идем әле. Без, татарлар, туган тел көнендә бер-беребез белән уңайсыз хәлгә калдык. Иң күңелсезе шул”, – диде ул.

Фото: соцсети

Запись Илназ Гарипов: “Туган тел көнендә уңайсыз хәлгә калдык. Иң күңелсезе шул” впервые появилась Tatar Today - татар яңалыклары..

– Габдулла Тукайны республикада бик яраталар, – диде Радий Хәбиров, тантананы ачып. – Республика Хөкүмәте йорты да Уфаның Габдулла Тукай урамында урнашкан, димәк, башкаланың төп урамы Тукай исемен йөртә. Аларның Мәҗит Гафури белән дуслыгы – ике халык арасындагы тирән хөрмәт билгесе. Бүген безгә Тукай кайтты, ул мәңгегә безнең белән булачак. Башкортстанга рәхим ит, бөек Тукай!

– Без үзебезнең башкорт дусларыбызны республиканың 100 еллыгы белән котлыйбыз, – диде Рөстәм Миңнеханов. – Габдулла Тукай – татарлар гына түгел, бөтен төрки халыклар өчен дә күренекле шәхес. Уфаның иң матур урынында аңа һәйкәл куелды. Республика, шәһәр җитәкчеләренә зур рәхмәт. Киләчәктә татар һәм башкорт халкы, Татарстан һәм Башкортстан алга барырга тиеш!

Шагыйрь һәйкәлен ачканда шагыйрьләр дә сүз алды, билгеле. Халык шагыйрьләре Хәсән Назар белән Роберт Миңнуллин Тукайга ихтирамын, аңа һәйкәл куелуның зур әһәмиятен билгеләде.

– Һәйкәлләр үз-үзләреннән генә барлыкка килми. Моннан берничә ел элек, Тукайның Уфага килүенә 100 ел тулган дәвердә, “Кызыл таң” гәзите аша Башкортстанның халык шагыйре Ирек Кинҗәбулатов һәм башка мәртәбәле шәхесләр республика җитәкчелегенә шагыйрьгә һәйкәл кую тәкъдиме белән мөрәҗәгать итте. Минем дә “Уфа Тукайлы булырга тиеш” дигән мәкаләм чыкканы хәтердә, – диде Роберт Миңнуллин. – Һәм бүген Уфның иң матур урынында – “Нур” театры каршындагы калкулыкта Тукаебыз һәйкәл булып басты, ул нинди биеклеккә күтәрелде! Мин бу изге эшне башлап йөрүче җәмәгатьчелеккә, республика җитәкчеләренә олы рәхмәтемне җиткерәм.

Һәйкәл ачу тантанасына йөзләгән кеше җыелган иде. Алар барысы да Тукай һәйкәле алдына басып “Туган тел”не җырлады. Ике республика җитәкчесе һәм кунаклар Уфа “Нур” татар дәүләт театры белән танышып чыкты, дип яза Кызыл таң.

Фото: Динар Кәлимуллин фотосы

Запись Уфада йөзләгән кеше “Туган тел” җырлап, Тукайга һәйкәл ача впервые появилась Tatar Today - татар яңалыклары..

1. Тукай сәламәтлеген нәрсә какшаткан?

Тукай Казанга килүгә үк язган беренче хатларында Казандагы һава торышына һәм бүлмәсенә зарлана. Ул яшәгән салкын бүлмә һәм башка шартлар аның сәламәтлегенә агу була. Инде бу вакытта аның йөткерүе аның чир эләктерүен аңлата, ләкин диагноз бары тик 1912 елда Петербурда куела. Табиблар чирнең Тукайга ныклап ябышканын аңлый, дәвалану, савыгуга өмет калмаган.

Тукайның соңгы көннәре бик авыр уза. «Вакыт» газеты язганча, соңгы көннәрендә ул көчкә генә сөйләшә, аның янында тәүлек буе дуслары кизү тора. 1913 елның 2 апрелендә кичке сигез тулгач шагыйрь бакыйлыкка күчә.

2. Шагыйрь үлеме хәбәре тиз тарала

Тукай кичке сигездә вафат булса, инде 9-10да бу хәбәр бөтен шәһәр буйлап тарала. Шул ук төндә бу кайгылы хәбәр телеграф баганалары ярдәмендә төрле шәһәрләргә һәм Русиянең төрле төбәкләренә җиткерелә.

Хәсән Туфан үз хатирәләрендә Сабантуйга әзерләнә торган авылында гармуннарның һәм җырларның кинәт тынуын искә төшерә. Кечкенә егетләр дә, беренче язгы үләнгә ятып, җирне кочаклап үкереп елады, дип яза Хәсән Туфан.

3. Күпсанлы матәм чаралары

Казан, Кырым, Кавказ, Урта Азиядә татарларның иҗтимагый һәм мәдәни тормышы берничә көнгә туктый. Гәзит сәхифәләрендә күп кенә китап сатучылар, нәшриятлар, сәүдә йортлары 3 һәм 4 апрель көннәрендә ябык булачагын хәбәр итә. Татарлар яшәгән барлык урыннарда матәм чаралары уза. 3 апрель көнне исә күп кенә татар мәктәпләре гадәти дәресләрне үткәрүдән баш тарта, аның урынына Тукай шигырьләре укыла, аның рухына багышлап Коръән аятьләре яңгырый. Татар матбугатында хәтта ул көнне дәресләр үткәргән мәктәпләр тәнкыйтькә дучар була.

4. Соңгы юлга озатырга 5 меңнән артык кеше җыела

2 апрель кичендә үк Габдулла Тукайны соңгы юлга озату комитеты оеша. Җеназа уку, җирләү чарасы 4 апрельдә уза. Иртәнге 10да шагыйрь вафат булган Клячкин хастаханәсенә янына кешеләр җыела башлый Аннан озату йөреше зиратка кадәр сузыла. Теләүчеләр соңгы тапкыр шагыйрь йөзен күрә ала.

Күмү йөрешендә, төрле мәгълүматләргә караганда, 5-10 мең кеше катнаша. Хәтта 5-6 мең кеше катнашса да, бу татар шәхесен җирләүдә күрелмәгән хәл ди Михаэль Фридерих. Йөрештә Казанның барлык муллалары катнаша. Җеназаны Галимҗан Буради уздыра. Кабер өстендә доганы Фатих Әмирханның әтисе Зариф хәзрәт Әмирхан укый.

5. Төрле төбәкләрдән кайгы уртаклашу хатлары килә

Татар матбугаты төрле яклардан килгән кагыйнамәләр белән тула. Алар Русиянең төрле шәһәр-төбәкләреннән, төрки-мөселман илләреннән килә. Мәсәлән, «Кояш» газетында басылган соңгы кайгы уртаклашу хаты Кытай Төркестаныннан була, аны 23 кеше имзалаган. Шуннан соң газет мондый хатларны бүтән бастыра алмаячагын белдерергә мәҗбүр була. «Вакыт» газетында исә май башына кадәр махсус «Тукаев рухына» дигән рубрика дәвам итә.

6. Тукай үлемен сәүдәгәрләр уңышлы куллана

Тукайның үлеме «табышлы» булып чыга. Шагыйрьне җирләгән көндә чәчәкләр сатып алырга теләүчеләр чиратлары озын була. Инде 28 апрель көнне Тукай шигырьләрен граммофон тасмасына яздырып, аларны сата торган сәүдәгәрләр пәйда була.

1914 елда инде «Габдулла Тукай» исемле сабын сатыла башлый. Бер сабынны 10 тиеннән саталар. Татар нәширләре дә Тукай исеме белән шактый баей: күпсанлы китаплар, әсәрләр чыга башлый. Шулай ук Тукай фотопортретлары, тәбрикнамәләр чыга башлый. Хәтта «Тукай» кәнфитләрен җитештерүчеләр дә була. Шагыйрьнең җыр текстлары булмаса да, оста маркетологлар «Тукай җырлары» дигән тәлинкәләр сатып та акча казана.

7. Тукай исемендәге стипендия фонды оеша

Тукай әсәрләренең берсендә аның исеменнән стипендия оештыру васияте бар. Шул стипендия акчалары аның әсәрләрен сатудан килергә тиеш була. Сүз ул вакыттагы 500ләп сум турында бара. 1913 елның 7 апрелендә «Йолдыз» газетасында бу стипендия фондына акчаларны хәйрия буларак тотарга чакыру басыла. Һәм, чыннан да, күпмедер вакыт дәвамында аерым шәхесләр һәм оешмалар шагыйрь фондына акчалата сәдәка бирә.

Бу фонд акчалары белән махсус комиссия идарә итәргә тиеш була. Ләкин аны оештыру бәхәсләре озак бара, сузыла. Берничә ай узуга татар матбугатында моның турында искәртүләр юкка чыга. Соңрак «Кояш» газетында хәйрия ителгән акчаларның кая китүе турында һәм фонд нигә эшли башламады дигән сораулар белән мәкалә чыга, ләкин аннан соң матбугатта моның турында сүзләр күренми диярлек.

(Язма Михаэль Фридерихның «Габдулла Тукай как объект идеологической борьбы» китабы нигезендә әзерләнде)

Запись “Җирне кочаклап үкереп елады” – Тукай үлеме турында кеше белмәгән 7 факт впервые появилась Tatar Today - татар яңалыклары..

“Казан” аэропорты Габдулла Тукай исемен йөртәчәк. Ә “Бигеш” аэропортына Николай Лемаев исеме бирелде.

Запись “Казан” аэропорты кем исемен йөртәчәге билгеле булды впервые появилась Tatar Today - татар яңалыклары..

Нәтиҗәләрне берничә атна эчендә ясаячаклар. Бу вакыт дәвамында төбәкләрдән килә торган бөтен анкеталар һәм тавыш бирү үткәрелгән барлык платформалар буенча статистика мәгълүматлары эшкәртеләчәк.

Татарстанда мәшһүр шәхесләрнең исемнәре «Казан» һәм «Бигеш» аэропортларына кушылырга мөмкин.

Бәйгедә җиңүчеләрне 4 декабрь көнне 19.00 сәгатьтә «Россия-1» телеканалы эфирында игълан итәчәкләр.

tatar-inform

Фото: Казанский репортер

Запись Хәлиткеч сәгатьләр калып бара: тавыш бирү төгәлләнә впервые появилась Tatar Today - татар яңалыклары..

Минем Мәскәүдәге патриот дусларым, урыс милләтчеләре, империячеләр, кем генә булмасын, киресенчә, ничек инде Казанда Габдулла Тукай диләр. Бернинди Тукай да юк. Әйдәгез Лобачевский итик. Күбрәк урыс шәһәре булган Казан өчен Лобачевский Габдулла Тукайдан мөһимрәк”, диде Кашин. Ул шулай ук Русиядәге милли республикаларны “кирегә чыгарып булмый торган фарш” дип атады.

Ул шулай ук Мостай Кәрим исеме белән атау тәкъдим ителгән Уфа халыкара һава аланына да тукталды.

“Рәсми риторика күзлегеннән караганда Русиянең формаль рәвештә бер дәрәҗәдәге халыклар тупланмасы булуы оят, әлбәттә. Чөнки безгә урысларның Пушкины, ә башкортларның Мостай Кәриме бар диләр. Бернинди Мостай Кәрим дә юк. Аны совет тәрҗемә мәктәбе генә уйлап чыгарган. Аның башкорттан чыккан русияле булуы бик яхшы. Әмма бөек, хөрмәтле һәм башка шундый башкорт халкы миңа үзенең минем урыс халкым белән тиңдәш булуын күрсәтте дип әйтә алмыйм”, диде Кашин.

Түбәндә Азатлыкның Казанда һава аланына нинди исем бирү турында уздырган сораштыруы нәтиҗәләре.

Азатлык радиосы язмасы, видео һәм фотосы  (чит ил агентлыгы)

Запись “Бернинди Тукай да юк” – Олег Кашин Казан аэропортына Тукай исемен бирүгә каршы чыга впервые появилась Tatar Today - татар яңалыклары..

Уенның төп вакыты 1:1 исәбе белән тәмамланды. 11 минутта Русия яклаучысы Сергей Игнашевич үз капкасына ялгыш гол кертте, 41-нче минутта исә Артем Дзюба пенальти ярдәмендә тигезлеккә иреште. Өстәмә вакыт эчендә такымнар гол кертә алмады, пенальти чиратында Русия футболчылары 4:3 исәбенә җиңде.

Азатлык Бауман урамына чыгып Дөнья футбол беренчелеге җанатарларыннан Казан, Татарстан турында фикерләрен сорашты. Читтән килгән җанатарлар арасында фикерләрен татарча белдерергә теләүчеләр дә шактый булды.

Футбол беренчелеге вакытында Казанда җанатарлар өчен махсус мәйданчык булдырылды. Анда барлык уеннарны зур экраннардан карап була, концертлар җыр-биюләр оештырыла.

Айзирәк Гәрәева (Facebook-тан алынган фикер):

Кеше футбол карый дип, мин дә карыйм. Казанда үткәннәрен күбрәк. Менә хәзер дә карыйм дип, Казан турында әйтерләрме дип көтеп утырам инде)))

Төрек комментаторы әле генә уен башында һава торышы белән таныштырды: Казанда һава торышы бик еш үзгәреп тора, ди. Коеп яңгыр яуды. Аннары кояш чыкты да киптереп бетерде, ди. Әле суык иде. Хәзер кыздыра ди.

Кыскасы, аязучан болытлы һава икән, дип уйлап куйдым. Бераздан: Казан – Татарстан җөмһүрияте башкаласы. Волга буенда, һава бик дымлы, диде.

Ә менә тәнәфес бетеп барганда инде бөтенләй мактап ташлады. “Шоферлар юл кагыйдәләрен бозмый”, “төрле халыклар яши, яртысы татар. Бер җәмигъ салсалар, бер җирдә чиркәү салалар”, “татарлар олы-олы кешеләр, дип сөйләшәләр. Сораган идем ни дигәнне аңлата дип, карт кешеләрне әйтәләр икән”, “безгә татарча бик якын. саннары да төрекчә белән бер”…

Тагын… Германия командасында Германиядә яшәгән төрек Мәсгуть уйный. “Мәсгуть атты! Мәсгуть типте! Супер Марио тупны тотты!” Кыскасы, кичәге Месси онытылып китте))

Германиядә яшәүче 9 яшьлек Тукай әти-әнисе белән үз иле такымы өчен җан атарга дип Казанга килгән. Бу Тукайның Казанга беренче килүе.

Хыяллары челпәрәмә килгән: гамәлдәге дөнья чемпионы Германия Көньяк Корея белән уенда 2:0 исәбенә җиңелә һәм беренчелектән төркем уеннары вакытында ук төшеп кала. Букмекерлар өчен шаккатыргыч күренеш. Интернет инде бу хакта шаяртулар белән тулы.

Азатлык

Запись 9 яшьлек Тукайның хыяллары челпәрәмә килә [фото-видео] впервые появилась Tatar Today - татар яңалыклары..

Запись Чәчәкләр, Тукай премиясе, концерт, президент…Тукай бәйрәменнән зур фотогалерея впервые появилась Tatar Today - татар яңалыклары..