Архивы яңа ел табыны - Tatar Today - татар яңалыклары.

Көне буе әзерләп, төне буе ашау: Яңа ел табынына ниләр кирәкми? [киңәш]

Алина — Tue, 25 Dec 2018 13:33:01 +0000

Яңа елны каршылау – бәйрәм көн булса да, хуҗабикәләр бу көнне иртә таңнан аш бүлмәсендә кайнаша, пешерә, төшерә. Ә бит бу – бер-береңне бәйрәм белән котлап, кунак булып йөри торган көн. Эш күләмен киметү өчен, безнең киңәшләргә колак салыгыз.

Әйтик, торт өчен коржны бәйрәмгә ике-өч көн кала ук пешереп куярга була. Салатка дигән пешкән яшелчәләрне дә ике көн алдан чистартып, суыткычка куярга мөмкин. Бутербродлар өчен ипине дә кисеп, азык-төлек пленкасына урап куярга була. Сыр һәм ит, ит ризыклары да пленка астында берничә тәүлек кипмичә саклана.

30 декабрь көнне ит, балык, тавык маринадлау белән шөгыльләнсәгез була. Торт һәм бутербродлар өчен крем ясап кую өчен дә менә дигән мөмкинлек. Бары тик азык-төлек пленкасы белән генә капларга онытмагыз. Шулай иткәндә, 31е көнне үзегезгә берничә буш сәгать багышлый алырсыз.

Гадәттә, Яңа ел табынын “Оливье”дан башка күз алдына китереп булмый. Уылдыклы бутерброд та – табын бизәге. Тагын бер төрле катлы салат ясасагыз, башка кирәкми. Ә менә әстерхан чикләвеге, виноградтан канапе ясап яки бал белән төрле сырлар кисеп куярга мөмкин. Җиләк-җимешне онытмагыз. Иң мөһиме – мандарин. Аны күбрәк алсагыз, оттырмассыз. Әгәр каз пешерәсез икән, кыздырган тавык, балык булу да мөһим түгел. Тозлы кыяр, помидор, маринадланган ананас, персик кебек кабымлыклар булса да шәп. Аларны аппетитны уятып, ашказанын эшкәртеп җибәрә. Ашказаны дигәннән, минераль су турында онытмагыз. Пилмәнне дә күпләп пешермәскә киңәш итәбез. Иң яхшысы – аның шулпасын әзерләп куегыз. Төнлә аш ашарга һәркем гадәтләнмәгән. Ә менә 1 гыйнвар иртәсендә шулпа бик кирәк.

Күпләр бәйрәм табынына торт та куя. Гадәттә, десертка берәүнең дә хәле калмый. Иң яхшысы – лимонлы чәй һәм кәнфит.

Акчарлак газетасы

Запись Көне буе әзерләп, төне буе ашау: Яңа ел табынына ниләр кирәкми? [киңәш] впервые появилась Tatar Today - татар яңалыклары..

Яңа ел табыны әзерләүчеләргә 10 киңәш

Гузель — Mon, 24 Dec 2018 06:33:44 +0000

Эт артыннан ел хуҗабикәсе сары җир дуңгызы булачак. Шуңа күрә өстәлне дуңгызга ошаячак тәм-томнар белән баетырга кирәк. Өстәл бизәлешенә дә игътибар итәргә онытмагыз. Быел сары төстәге ашъяулык, салфеткалар куллансагыз, урынлы булыр.

Дуңгыз ашау яратканлыктан, өстәл азык-төлеккә мул булырга тиеш. Гади һәм җиңел ризыклар әзерләгез.
Экзотик салатлардан баш тартып, «Оливье» һәм «Сельдь под шубой» кебек салатларга өстенлек бирегез.
Табынга сары төстәге җиләк-җимешләр: банан, лимон, алма һәм груша куегыз.
Өстәлдә яшелчә һәм тәмләткечләргә дә урын бирегез.
Яшелчә һәм ит белән гади бутербродлар ясагыз.
Төп ризыклар бик майлы һәм авыр булмасын. Үзебезнең бәлеш, өчпычмак кебек сыйларны сайлагыз.
Дуңгыз итеннән кала, табынга барлык төр итләр куярга ярый. Пешергәндә куян, үрдәк, тавык, сыер, сарык ите кулланыгыз.
Десерт өчен хуш исле камыр ризыклары: җиләкле бөккән, рулет, коймак яки тәбикмәк әзерләгез.
Эчемлекләргә килгәндә, тәмле коктейль эшләгез, компот кайнатыгыз.
Ачы ризыклар әзерләү белән мавыкмагыз!

Яңа ел табынына ни генә куйсагыз да, бәйрәмегез күңелле үтсен һәм истә калырлык булсын!

Запись Яңа ел табыны әзерләүчеләргә 10 киңәш впервые появилась Tatar Today - татар яңалыклары..

Клярда пешкән краб таякчыклары

Редактор1 editor1 — Sat, 24 Dec 2016 16:01:46 +0000

Кирәк булачак:

краб таякчыклары, сыр.

Кляр өчен: он, сөт, йомырка, тоз, борыч.

Пешерү тәртибе:

Сырны озынча итеп турыйбыз.

Краб таякчыкларын сүтәбез, бер башына сырны куеп, яңадан төрәбез. Теләсәгез, арага вак итеп туралган укропны да кушарга мөмкин

Кляр өчен барлык ингредиентларны кушып болгатабыз. Каймакка охшаган масса килеп чыгарга тиеш. Краб таякчыкларын камырга манып алабыз һәм кызган майлы табада пешерәбез.

Запись Клярда пешкән краб таякчыклары впервые появилась Tatar Today - татар яңалыклары..

Яңа ел табынына “Аучы” салаты рецепты

Редактор1 editor1 — Sat, 19 Nov 2016 15:20:26 +0000

Кирәк булачак:

250 г тавык ите, 2 бәрәңге, 3 йомырка, 1 кишер, 2 тозлы кыяр, 150 г маринадланган гөмбә, 200 г сыр, майонез.

Әзерләү тәртибе:

Тавык, йомырка, яшелчәләрне пешереп алырга.

“Аучы” салаты рәт-рәт итеп ясала.

1нче рәт – вак итеп туралган бәрәңге, майонез.

2нче рәт – вак итеп туралган тавык ите, майонез.

3нче рәт – озынча итеп туралган йомырка, угыч аша чыгартылган кишер, майонез.

4нче рәт – угыч аша чыгартылган тозлы кыяр,майонез.

5нче рәт – гөмбә, майонез, сыр.

Салатны 2-3 сәгатькә суыткычка куеп торырга.

Ашларыгыз тәмле булсын!

Запись Яңа ел табынына “Аучы” салаты рецепты впервые появилась Tatar Today - татар яңалыклары..

Торт, пирожныйлар өчен бик тәмле крем рецепты

Редактор1 editor1 — Mon, 14 Nov 2016 16:37:50 +0000

Кирәк булачак:

200 г шикәр комы

100 мл су

4 йомырка агы

Әзерләү тәртибе:

Шикәр комына су салырга.

Әлеге массаны салмак утта кайнатырга (30-35 мин).

Массаның әзер булуын тикшерер өчен, сиропны салкын суга салып карагыз, әлеге сироптан шарчыклар ясалса, ул әзер дигән сүз.

Йомырка агына бераз тоз салып, блендр ярдәмендә яхшылап болгатырга.

Йомырка агына кайнар (әмма кайнап тормый торган) сиропны әкрен генә салырга һәм 7-10 минут дәвамында болгатырга.

Запись Торт, пирожныйлар өчен бик тәмле крем рецепты впервые появилась Tatar Today - татар яңалыклары..