Бүген Татарстанда эсселек иң югары ноктасына җитәчәк – температура 36 градуска кадәр күтәрелә, ди синоптиклар.
Синоптиклар мәгълүматына караганда, 4 августта аязучан болытлы һава. Урыны белән кыска вакытлы яңгырлар явып узачак. Көннең икенче яртысында һәм кич урыны белән көчле яңгыр, боз явырга да мөмкин.
Республиканың кайбер районнарда яшеннәр булуы да көтелә. Көннең икенче яртысында һәм кич урыны белән җилнең тизлеге секундына 25 метрга кадәр җитәчәк.
Төнлә 18-23 градус җылы булуы көтелә. Көндез 36 градус эссе булачак.
Элегрәк синоптиклар 5 августтан һава торышы үзгәрәчәк – эсселек кимер, көндезләрен температура 30 градустан күтәрелмәячәк дип белдергән иде. Күрәсең, табигатьнең үз кагыйдәләре. Температура 36 градуска җитәчәк дип белдерелсә дә, инде кичә үк Татарстанда кояшта термометрлар 40 билгесенә якынлаша язды.