Элвин Грей Инстаграмында травматик пистолеттан аткан видео урнаштырып тамашачыларын коткыга салган. Роликта җырчы һавага ата һәм «Бүген егетләр бәйрәме!» дип кычкыра.
Роликны караган 70 меңгә якын кеше бу видеодан канәгать булмавын яза. Күпләр үз комментарийларында пистолет тоткан Элвин Грей үзе дә, аның дуслары да исерек булуын фаразлый.
Элвин Грей үзе бу гамәлен дусты Илһам Үтәшевның баласы тууы белән котлавына сылтый.