Татарстанның халык язучысы Рабит Батулланың улы, “Алтын битлек” милли театр премиясе лауреаты, биюче, хореограф Нурбәк Батулла һәм Malsi Music тәхәллүсе астында таныш булган музыкант, Казан егете Ислам Вәлиев чираттагы кызыклы импровизациясен тәкъдим итә. Алар бик үзенчәлекле итеп татарча бармак исемнәрен өйрәтә.
Хәтерләсәгез, күптән түгел генә Нурбәк белән Ислам көзге паркта татар халык бию көен заманча ритмнар белән микслап биегән иде.
«Баш бармак, имән бармак, урта бармак, атсыз бармак, чәнти бармак» — болай итеп күрсәтеп аңлаткач, гел дә өйрәнүе җиңел һәм бик тиз истә дә кала, шулай бит?