Популяр җырчы Ришат Төхватуллин яңа сезонга ничек әзерләнүенең серен чиште. Элек артист матур җырлауы белән тамашачыны яулап алса, хәзер исә, Ришат биергә дә өйрәнә — татар биюенә.
«Гастрольләр башланды. Бу елны мин татар биюен өйрәнергә булдым. Дашкынга рәхмәт, ул безнең дөньяга карашны үзгәртте. Үзен татар дип санаган кеше татарча иркен сөйләшү, халык җырларын тыңлау-җырлау гына түгел, татарча рәхәтләнеп бии дә белергә тиеш дип тәгаен әйтә алам хәзер! Туйда кирәге чыгар», – ди, артист.