Татарстанның атказанган артисты Иркә чын дуслар турында үз фикерләре белән бүлеште. Моннан тыш үзенең дусты кем булуын да әйтте.
— Ул минем дустым, чын дустым. Ходамнан бирелгән зур бүләгем. Ул минем йөрәгемнең иң түрендә. Башкалар килер дә китер, ә ул китмәс! Балам!.. Нинди матур, тәмле сүз. Ул мине төрле хәлдә: шатлыкта да, борчулы вакытларда да, бәхеттән кычкырып көлгәнемне дә, сыкрый-сыкрый елаганымны да, мәхәббәттән шашканымны да, барлыгын да, юклыгын да күргән, аңлаган бала ул минем. Рәхмәт сина, Айсылу! — дип яза җырчы Иркә үзенең олы кызы турында.