Башкортстанның беренче президенты Мортаза Рәхимовка һәйкәл куелачак. Аның авторы скульптор Салават Щербаков булачак, дип хәбәр итә «Башинформ».
Һәйкәл Уфада куелачак. Башкортстан Башлыгы Уфа мэры Ратмир Мәүлиевка якындагы өч көн эчендә әлеге мәсьәлә буенча тәкъдимнәр тапшырырга боерган.
Исегезгә төшерәбез, 11 гыйнварда Башкортстан Республикасының беренче президенты Мортаза Рәхимов 89нчы яшендә вафат була.