Киләсе эш атнасы 4 көнлек кенә булачак. Чәршәмбе – 12 июньдә Россия көне билгеләп үтелүгә бәйле бу, дип хәбәр итә Хезмәт, халыкны эш белән тәэмин итү һәм социаль яклау министрлыгының матбугат хезмәте.
Ведомствода аңлатып үтелгәнчә, Хезмәт кодексы нигезендә, 12 июнь – Россия көне эш көне булмаган бәйрәм көне булып тора.
Хезмәт кодексы буенча, бәйрәм көне алдыннан килүче эш көне озынлыгы бер сәгатькә кыскара. Димәк, сишәмбе – 11 июньдә дә шулай булачак.
Шул ук вакытта, Татарстан Рәисе Рөстәм Миңнеханов Указы нигезендә, 16 июньдә – якшәмбе көнне мөселманнарның Корбан бәйрәме башлана. Әмма моңа бәйле рәвештә өстәмә ял бирелмәячәк: республиканың бәйрәм көннәре ялларга туры килгәндә, бәйрәм көне күчерелми.
Чыганак: https://vatantat.ru/2024/06/143930/ ТАТАР ТУДЕЙ ТЕЛЕГРАМ КАНАЛЫ - https://t.me/tatartoday