Татарстанда әле яз да матур гына килеп җитә алмый, кемдер инде җәйдән ләззәт ала. Мәсәлән, танылган җырчылар Җәвит һәм Зөлфия Шакировлар. //Tatar-today//
Шакировлар гаиләсе Дубайда ял итә. Җәвит абый үзенең Инстаграмдагы битенә әлеге илнең матур табигатен, ял итү мизгелләр фото, видеога төшереп кертеп бара. Алар популяр «Шератон» отелендә урнашкан. Җәвит абый хәтта кызык итеп: «Отель безнен Шератон! Тик узебез шарлатан!» дип тә язып куйган. Оныклары Самирә дә әби-бабасы янында.
-Бик рәхәт биредә, 35 градус эссе, диңгез… Ни кирәк тагын? — ди Җәвит абый. Шакировларга күңелле яллар телибез!