Укучыларыбыз, без бөек җырчыбыз Әлфия апа Авзалова кабере өстендә һәйкәле (кеше зурлыгындагы сыны) ачуылуны хәбәр иткән идек. Инде мөселман кардәшләрдә сорау туды, кирәк идеме ул анда?
⠀
Нәфис сүз остасы Рәшит Сабиров татар-мөселман зиратында акыра-акыра Әлфия апага һәйкәл таләп итеп дөрес эшләдеме?! Нигә ул аны Ирек мәйданында — Татарстан президенты йорты каршында яки Парламент каршында сөйләми, ә зиратта сөйли… Бу уңайдан Азатлык радиосы укучыларында да сорау туган һәм анда мондый фикер калдырганнар.
⠀
Мөслим 20.09.2019:
⠀
— Сәхнәдә билдән түбән мәзәкләр сөйләүче әртис Рәшит Сабировны танымассың, зиратка килеп җиткәч, акыра да бакыра. Мөселман зиратында үзеңне шулай тотарга ярыймы? Яңа бистә зиратында бердән-бер ахмак-мәгънәсез, тулысынча кеше гәүдәсен тасвирлаган сын тора иде, ул да булса ниндидер Оглы исемле чегән абзыена куелган. Әлеге сын янәшәдә күренеп тә тора. Менә хәзер Әлфия апага да шундый ук мәгънәсез пот куйганнар, диваналар! Без, татарлар, мөселман халкы бит, ярыймы шулай үз-үзебезне мәсхәрәләргә, зиратларыбызны шундый ямьсез-затсыз хәлгә китерергә? Әйе, шәһәр урамнарында һәйкәлләр кую мөмкин, моңа каршы берни әйтеп булмый. Әмма мөселман зиратларының үз тәртибе бар, анда акырып-бакырып сөйләшергә дә ярамый, кеше сыннарын ды куймыйлар. Менә шулай, әртис агайлар.
Чыганак: Чит ил агентлыгы