// Татар Тудей // Татар Бүген //
Җырчы Дилия Әхмәтшина кызына заманча әни буларак, үзенең бала тәрбияләү һәм йөклелек чорында үзеңне карау серләре белән уртаклашты.
⠀
— Вакыт бик тиз үтә. Бала белән үзем генә шөгыльләнгә күрә (ирем эштә, әти-әниләр Ижевскида һәм Казанда), бөтен нәрсә: сабыйның үсеше һәм киләчәктәге гадәтләре, минем халәтем — дөрес төзелгән режимнан торганына бик тиз төшендем, ди Дилия Әхмәтшина.
⠀
Җырчы сыйфатлы режимның игътибарга алынырга тиешле берничә өлешен тәкъдим итә:
⠀
1. Баланың биологик ритмнары буенча режим төзү, чөнки алар безнең өчен дә иң дөресе булып тора.
⠀
2. Үзеңне йога, душ, су ярдәмендә тәртипкә китерү өчен, Асэль уянганчы ярты сәгать алданрак тору. Ә ул безнең таң ату белән уяна.
⠀
3. Бернәрсәне дә онытмас өчен, башкарасы эшләрнең исемлеген төзү.
⠀
4. Бала бер үк вакытта ашарга сорый. Бу вакыт аралыгында нәрсә эшлиячәкне алданрак хәл итеп кую.
⠀
5. Баланың ашыйсы яисә йоклыйсы килүен аңларга өйрәнү.
⠀
6. Сәгать 12 гә кадәр саф һавада йөреп керү һәм баланы урамга йокысы килгәндә алып чыгу.
⠀
7. Көндез 2-3 сәгатьтән артык йоклый икән, төнлә йокласын өчен, җайлап кына уятырга кирәк.
⠀
8. Йоклар алдыннан психикага тәэсир итә торган уеннар уйнатмаска.
⠀
9. Кичен саф һавада йөргәннән соң, баланы коендыру яисә йоклар алдыннан массаж ясау.
⠀
10. Бергә йокларга.
⠀
Дилия Әхмәтшинаның йога белән дуслыгы йөклелек чорында башланган. «Хәзер дә әлеге күнегүләрне эшлим. Физик энергия йөклеләргә генә түгел, барлык кешегә дә саф һава кебек кирәк», ди ул.