Сезгә дә шулай дип шалтыраталармы?
Уфада бер бәндә өлкән яшьтәгеләрне шулай дип алдап, акчаларын алып йөргән.
Полиция «туганыгыз юл-транспорт һәлакәтенә юлыкты» схемасы буенча эшләгән мошенникны тоткарлаган. 25 яшьлек җинаятьче пенсионерларны миллион сумнан да артыкка алдаган.
Тоткарланган егетнең элек хөкем ителгән булуы һәм барлыгы шундый ук 22 җинаять кылуы ачыкланган. Бу хакта Башкортстан буенча Эчке эшләр министрлыгы матбугат хезмәте хәбәр итә.
Мошенниклык фактлары буенча җинаять эше кузгатылган. Шикләнелүче хәзерге вакытта сак астында.
чыганак: https://kiziltan.ru/articles/donja/2022-08-11/tuganygyz-avariya-yasady-2905524