Кичә Нурлатта көчле җилдән берничә йортның түбәсе өлешчә җимерелгән, коймаларга зыян килгән. Район кешеләре бу күренешне фотога төшергән.
Гадәттән тыш хәлләр министрлыгы хезмәткәрләре давыл узган урынга килгәч, күп катлы дүрт йортка (Нурлатская 19, Ленинградская, 7, Кариев 22, Совет, 8) һәм бер шәхси йортка (Чишмәле,17) зыян салынганлыгын ачыклаган.
Дүрт бина түбәсенең – барлыгы 160 квадрат метр, шәхси йортның – 15 квадрат метр мәйданына зыян килгән.
Россия МЧС Татарстан буенча Баш идарәсе хәбәр иткәнчә, беркем дә зыян күрмәгән, кешеләрне башка йортларга күчерү таләп ителми.
чыганак: https://tatar-inform.tatar/news/nurlatta-yasaucelar-davyl-imergan-koimalarny-ham-iort-tubalaren-videoga-tosergan-5871810