16 март “Болгар кызлары” солисткасы Айгөл Зәйнуллина Инстаграм битендә элеккеге ире оештырган конфликт турында сөйли. Шулай ук җырчы үзе һәм мондый хәлдә калган хатын-кызлар өчен ярдәм сорый. 

“Бүген улымның спорт ярышы вакытында тагын конфликт булды. Минем элеккеге ирем Шәрифуллин Тимур Совет районы судының ата-аналар хокукларын чикләү турындагы карарын бозып, спорт комплексына килде. Бернинди рөхсәт алмыйча, ул балага ябышты. Шул сәбәпле ул җәнҗал куптарды. Ул мине этте, сугарга маташты… Янымда кешеләр булуы гына мине саклап калды. Полициягә гариза яздым, әмма бу берничек тә ярдәм итмәячәген беләм.

Шәрифуллин суд карарын беренче тапкыр гына бозмый. Миңа да беренче тапкыр гына кулын күтәрмәде. Тимур бу гамәлләре өчен бары тик бер тапкыр гына җавапка тартылды. Суд карары буенча, аңа 5 мең сум штраф яздылар, әмма ул акчаны да ул миңа түгел, ә дәүләткә түләргә тиеш иде… Шәрифуллин ата-аналар хокукыннан мәхрүм, әмма ул судлар аша бу хокукын кире кайтарырга тели…

Кызганычка каршы, законнар бездә тиешле дәрәҗәдә эшләми. Судка бирелгән гаризалар бөтенесе дә әле каралмаган… Аны хаман да тиеш булганча җаваплылыкка тартмыйлар.

Бу күпмегә сузылыр, билгесез. Кызганыч, безнең илдә хатын-кызларны якламыйлар. Матур сөйләүче ирләрне тыңлыйлар, ә ярдәмгә мохтаҗ булган хатын-кызларны түгел… Балаларга да авырга туры килә бит.

Бәлки безнең Татарстан депутатлары ярдәм сораучы хатыннарны ишетер һәм ярдәм итәр. Безнең көчебез генә җитми. Минем кебекләр аз түгел…”

View this post on Instagram

A post shared by Айгуль Зайнуллина (@aigul.zainullina)

Мәгълүмат Айгөл Зәйнуллина Инстаграмыннан

Запись Айгөл Зәйнуллина: “Кызганыч, безнең илдә хатын-кызларны якламыйлар…” впервые появилась Tatar Today - татар яңалыклары..

“Болгар кызлар” төркеме солисткасы Айгөл Зәйнуллинаның элекке ире белән булган авырлыклары турында моңарчы да язган идек инде. Озак вакыт балаларын күрергә тилмереп яшәп,  алар кавышкач, ана белән бергә шатланган идек. Айгөлнең бәлаләре дәвам итә икән. Ул бу турыда үзенең инстаграмында язып чыкты. 

“- Менә шундый бәйрәм оештырды миңа элеккеге ирем укытучылар көнендә. Кыйнады, балаларны психозга җиткерде,мин хастаханәдә.

Бүген аерылышуга нәкъ 6 ел. Тик бу кеше һич кенә дә тынычлана һәм үз тормышы белән яши алмый!

Бу кешенең түләнеп бетмәгән кредитлары бар. Исерек хәлдә машина йөрткән өчен ике тапкыр машина йөртү хокукыннан мәхрүм ителгән, ләкин ЮХИДИ бернинди гамәлләр дә кылмый. Газлы корал белән җәмагать эшлеклесенә аткан, суд приставына ялган гариза язган һәм шунын аркасында мине бер ни сәбәпсез генә РФдан чыгармыйлар.

Полициягә һәм приставларга ялган гаризалар язуын дәвам итә һәм барысына да балалар белән аралашырга ирек бирмим дип ялганлый. Балалар әтиләре янына төн кунырга йөри,көн саен телефон аша сөйләшә, мин суд карарын бозмыйм. Бу исемлекне тагын озак дәвам итеп була.

Суд 24 июль булды, ләкин ата-ана хокукларын чикләү турындагы суд карары әле дә гамәлгә керми. Бу мыскыллауга күпме түзеп була?! Бу кешенең адекват булмавыннан мине һәм балаларымны кем яклар”- дип өзгәләнә Айгөл.

View this post on Instagram

A post shared by Айгуль Зайнуллина (@aigul.zainullina)

Запись “Болгар кызлар” төркеме солисткасы Айгөл Зәйнуллина: “Бу мыскыллауга күпме түзеп була?!” впервые появилась Tatar Today - татар яңалыклары..

“Болгар кызлары” төркеме җитәкчесе һәм солисткасы Айгөл Зәйнуллина балалары  белән бергә диңгездә ял итә.

Җырчы Айгөл Зәйнуллина балалары янәшәсендә булуына сөенеп туя алмый. “Соңгы вакытларда безнең белән булган хәлләрдән соң, диңгез безнең өчен тынычландыру чарасы булып тора”, – ди Айгөл. Җырчының язылучылары әлеге күренешкә соклана.

Айгөл Зәйнуллинаның 11 ел ял иткәне булмаган, ә балалары диңгездә беренче тапкыр. “Әни кеше өчен иң мөһиме – балаларының бәхетле булулары. Аллага мең рәхмәтләрем”, – ди шат әни.

Мәгълүмат: Айгөл Зәйнуллинаның инстаграмыннан

Запись Зур михнәтләр күргән Айгөл Зәйнуллинаның балалары белән күңелле ял итүенә укучылар соклана впервые появилась Tatar Today - татар яңалыклары..

«Болгар кызлары» солисткасы Айгөл Зәйнуллина үзенең инстаграм битендә янәдән халыкка мөрәҗәгать итеп, видео урнаштыруы хакында хәбәр иткән идек.

Элекке иренең гаризасы нигезендә Айгөлгә Россия чикләреннән чыгу тыела. Бу хакта “Ямьле” төркеме солисткасы Алинә Давыдова да үзенең инстаграм битендә видео урнаштырган. Биредә Айгөл нинди хәлдә калуын аңлата һәм Татарстан президенты Рөстәм Нургали улыннан ярдәм сорый. Алинә исә Татарстаннан бер төркем җырчылар, журналистлар һәм җәмәгать эшлеклеләре Айгөлнең бу мөрәҗәгатен халыкка таратулары турында җиткерә. Алинә Давыдова әлеге хәлгә битараф булмаучылардан ярдәм итүләрен сорый. Шундый ук эчтәлектәге язманы күп кенә татар артистлары үзләренең инстаграм битләрендә урнаштырдылар.

https://www.instagram.com/p/BzyOsmRFbS7/?utm_source=ig_web_copy_link

Мәгълүмат Алинә Давыдованың инстаграм битеннән

Запись Татар җырчылары Айгөл өчен Татарстан президентыннан ярдәм сорый [видео] впервые появилась Tatar Today - татар яңалыклары..

«Болгар кызлары» солисткасы Айгөл Зәйнуллина үзенең инстаграм битендә янәдән халыкка мөрәҗәгать итеп, видео урнаштыра.

Видеодан беленгәнчә, ул үзенең төркеме белән Стамбул шәһәрендә Татарстан өчен чыгыш ясарга тиеш булган. Ләкин Айгөл анда бара алмаган. Аның кулында “суд карары нигезендә Россия чикләреннән чыгу тыела” дигән язу. Билгеле булганча, моның өчен аның ире суд приставына гариза язган. Нинди канун нигезендә иренең шулай эшли алганын Айгөл суд аша ачыклаячагын әйтә.

Ана кешенең балаларын күрмәгәнгә 9 июльдә бер ай булган. Кануннарны боза торып та, иренең Россия – Казахстан чикләрен үтә алуына Айгөл шакката. “Кайчан гаделлек хакимлек итәр? Кайчан кануннар үз көченә эшли башлар? Безнең илдә нәрсә майтарыла?” – дип халыкка мөрәҗәгать итә Айгөл Зәйнуллина.

View this post on Instagram

A post shared by Айгуль Зайнуллина (@aigul.zainullina)

Мәгълүмат Айгөл Зәйнуллинаның инстаграм битеннән

Запись Элекке ире Айгөл Зәйнуллинаны («Болгар кызлары») чит илгә чыгарттырмый, 2 бала әнисе шок хәлендә впервые появилась Tatar Today - татар яңалыклары..

“Болгар кызлары” төркеме солисткасы Айгөл Зайнуллинаның элекке ире балаларын урлап алып киткәнлеге турында язган идек. Айгөл үзенең инстаграм битендә бүген суд буласын хәбәр итә.

“Күңелдә сагыну хисе… Бүген суд. Элекке ирем анда килерме яисә тагын мәгънәсез сылтау эзләп табармы. Балаларны алып кайтмадылар, хәтта суд приставларының 6 көн эчендә балаларны Россиягә кайтарырга дигән таләбе дә элекке ирем өчен бернәрсә дә түгел. Балаларны урлап, башка илгә алып китте, ә үзе Казанда. Нәрсә бу? Ата кешенең мәхәббәте һәм кайгыртуымы? Нигә әни кешедән балаларын тартып алып, теләсә нәрсә эшләргә була? Һәр нәрсәнең чиге бар. Кемдер Алла бар ул, дигән иде. Ул барысын да күреп торадыр һәм барысын да үз урынына куяр, дип өметләнәм,” – ди Айгөл Зәйнуллина.

Айгөлнең язылучылары да моңа битараф калмый, әлбәттә, язма астында үз фикерләрен калдыралар. Алар арасында аның хезмәттәшләре дә бар.

Татарстанның атказанган артисты Фирдүс Тямаев: “Айгөл дустым, кайгырма, бар да әйбәт булыр! Сез ирегез белән нинди генә мөнәсәбәттә булсагыз да, балалар әтисен дә, әнисен дә күреп үсәргә тиеш. Шуңа күрә син психолог, акыллы һәм сабыр бул. Бар да җайланыр, Алла теләсә”.

Татарстанның атказанган артисты Айгөл Бариева: “Барысы да яхшы булыр, Айгөл, бераз гына түз инде. Аллаһ Тәгалә ярдәменнән ташламасын”.

Мәгълүмат Айгөл Зәйнуллинаның инстаграм битеннән

Запись Айгөл Зәйнуллина: “Бүген суд. Нәрсә бу?” впервые появилась Tatar Today - татар яңалыклары..