“Хакимияттә Путин Брежневка караганда озаграк торды. Кешеләр президент вазифасы Путин дип атала, дип уйлый. Әлбәттә, ул барыбыздан да яхшырак уйлый. Путинга россиялеләр белән күңелсез, һәр дүрт ел саен үзгәрә торган дөнья лидерлары белән күңелсез. Меркель турында гына немецлар оныткан, ул шулай ук утыра да  утыра”, – дип хәбәр итте пародист.

Галкин сүзләренчә, Путинга россиялеләр белән күңелсез, чөнки гражданнарның пенсияләре, хезмәт хаклары, торак-коммуналь хуҗалык түләүләре  кебек проблемалары күңелсез. Путин үзе башка масштабларда фикер йөртә. “Путин барысын да аңлый, ул торналарга  кайда йомырка салырга кирәклеген дә белә”, – дип өстәде Галкин.

Шул ук концертта пародист Россия телевидениесендә совет чоры цензурасы кертелде, дип белдерде. Бу сүзләр Соловьевка ошамады, ул Россиядә цензура закон белән тыелган, дип аңлатты.

Чыганак:"МК"

Фото - Сергей Бобылев (ТААС)

Запись Максим Галкин сәяси юморы белән шаккаттыра: “Путинга безнең белән күңелсез, аңлыйсызмы?” [видео] впервые появилась Tatar Today - татар яңалыклары..

Максим Галкинның инстаграмы хәзер башка төрле форматта эшли, аңа башка кулланучыларның лайклар һәм карау саны күренми. Бу хакта ул инстаграм челтәрендә сөйли.

“Минем инстаграмдагы аккаунтым социаль челтәрләрнең яңа интерфейсы өчен тест үтәргә сайлап алынган иде. Мин хәзер башкаларның фото, видеоларында лайк һәм караулар санын күрмим. Минемчә, бу бик яхшы фикер. Лайклар бик күп кешеләр өчен чын мәгънәсендә бәйлелек тудыралар һәм стерсс чыганагы булып торалар. Әгәр лайк һәм караулар саны күренмәсә, инстаграм күпләрнең, ә иң мөһиме балалар һәм яшүсмерләрнең психикасын коткарачак. Яңа версиядә статистика бары тик үзеңнең аккаунтың өчен мәгълүм булачак. Мин бу хакта Яна Рудковскаяга әйттем @rudkovskaүaofficial, ул лайклар өчен борчыла һәм бу хакта үзенең постында язып чыга. Минемчә, бизнес өчен бу хәтта яхшырак, чөнки лайклар җыю базарын юкка чыгарачак. Бу эксперимент әлегә чикләнгән сандагы кулланучылар өчен генә мөмкин, әгәр барлык инстаграм челтәренә дә таралса, бик яхшы булыр”, – ди Максим.

View this post on Instagram

A post shared by Максим Галкин (@maxgalkinru)

Мәгълүмат Максим Галкинның инстаграм битеннән

Запись Инстаграм йолдызларны куркуга сала. Максим Галкин инстаграмда башка кулланучыларның лайкларын һәм карауларын күрми впервые появилась Tatar Today - татар яңалыклары..

Реклама турында законны бозучы, әлбәттә, Филипп Киркоров үзе түгел, ә Johnson & Johnson компаниясе. Антимонополь компания фикеренчә, артист товарларны чагыштырганда, рекламалана торганы турында арттырыбрак сөйләгән икән.

Филипп Киркоров төшкән рекламада тамак авыртуыннан дару күрсәтелә, ул экраннарга 2018 елның октябрендә чыкты. Рекламада Филипп Киркоров даруны сиптерүгә тамак авыртуы бетә ди, ә бу дөреслеккә туры килми икән.

Компанияне җаваплылыкка тартканнар, административ хокук бозу турында эш кузгатылган. Филипп Киркоров үзе бу хакта бернинди дә фикер әйтмәде.

Фото: кадр из телепередачи

Запись Филипп Киркоров халыкны алдый? впервые появилась Tatar Today - татар яңалыклары..

Иномарка алыштыруны совет чорындагы сәпит алуга караганда да җиңелрәк санаучы катлаулар барлыкка килде, кредитка тиз генә фатир юнәлтү мөмкинлеге пәйда булды, базарлар товар белән тулды. Хосусый милек һәм базар дигән ике нәрсә, хактыр, тормыш өчен алыштыргысыз кирәкле шәйләр­дән. Әмма халыкның бик зур кат­лавының якасыннан фә­кыйрьлек дигән әфәнде дә кысып тотып алды. Дүрт саның төгәл торып, исән-сау да булсаң, тик ятмаган кешегә тормышны бөтәйтергә мөмкинлек табылмый калмый калуын. Ә авырып китсәң, балаң чирле туса, бәла-казага юлыксаң, көй­мәң ватып булмый торган боз кантарына терәлә дә кала.

Реформалар бушлай медицина дигән нәрсәне, хөкүмәтнең социаль ярдәме дигән әйберне, үзең эшләгән оешманың сиңа матди һәм әхлакый булышлык күрсәтү мөм­кин­леген юып төшерә яздылар. Һәм… бәхетсезлек ияләре, учларын сузып, урамнарга чыгып басарга, матбугат һәм социаль челтәрләр аша халыкка мөрәҗәгать итәргә мәҗбүр булдылар.

Әле ярый интернет бар, мәгъ­лүмат кырында сөрән салу күпкә җиңеләйде. Шулаен ул шулай да, тик ул өлкәләрдә дә хәйран калырлык эшләр булып ята. Бердән, байлык белән фәкыйрьлек арасындагы контраст шаккатыра. Менә карагыз инде: рәсми чыганаклар “Газпром“, “Роснефть“ һәм “Саклык банкы“ менеджерларының еллык хезмәт хакы ике төбәк бюджетыннан узып китте дип хәбәр итәләр. Сүз халык байлыгы булган җир асты хәзинә­ләреннән файдаланучы дәүләт компанияләрендәге идарәчеләре­нең законлы хезмәт хаклары турында бара. Юк, болар урлашмаган, ә үз якларына борып, закон тәртәсе эшләгәннәр дә, ил амбарына бушатасы йөкне җиңел генә үз ишегалларына бушатып яталар.

Урлашучылар да калышмый. Новосибирск өлкәсенең “Хуҗалык идарәсе“ дип аталган дәүләт конторасы директоры Наталья Мали­новс­каяның өенә тентү белән килгәч, күпне күргән “опер“лар да таң калган: йорт доллар пачкалары белән шыплап тулган нигез өстендә утыра, ди. Менә шул хәбәрләрне укыйсың да социаль челтәрне ача­сың. Анда угың бәла-казага тары­ганнарның инәлеп ярдәм сораган мөрәҗәгатьләренә төртелә дә кала, төртелә дә кала. Зарлар шулкадәр күп, шулкадәр күп… Тукайның: “Куйса монда корткалар төшкән тешен алтын белән, Бер телем икмәк дип анда назлы нечкә бил җылый!“ – дигән юллары кылт итеп исеңә төшә дә куя.

Монысына да күнегәсең. Кар­таң­дагы акчаны, ваклап-ваклап, мазлумнарга җибәрү дә кыен эш түгел, чөнки ил төкерсә, күл була. Кабыргага икенче нәрсә китереп төртә: ярдәм сорап сугылган чаң­ның тавышы дөресме, юкмы икәнен белеп булмый. Оятсызлар, намус сатучылар, битенә ыштыр каплаганнар чүп үләне кебек басып алды бу өл­кәне. Чынлап та ярдәмгә мох­таҗ­лар­ның өлешенә кереп, болар “кешелеклелек“ дигән тө­шен­чәнең бө­тен чик­ләрен ватып-җи­мереп бе­тер­де­ләр.

Хәзер мазлумнар нишләсен, рекомендация сорап, абруйлырак шә­хесләргә мөрәҗәгать итә башладылар. Күпмедер йогынтысы булган ышанычлы шәхес: берәр танылган артистмы анда, журналист-язучы­мы синең файдаңа сүз әйтсә, ышанып ярдәм кулы сузучылар табылыр дигән өмет җылытты мес­кен­нәрне. Беренче мәлдә бу, чынлап та, ышанычлы адым булып тоелды. Әмма караклар оятсызлыгы чик­ләр­не белми. Бу алымга да алар үзләренең шакшы куллары белән кереп тыкшынды: зур шә­хесләрнең ялган аккаунтларын ясап, шулар аша акча имәргә ке­рештеләр. Мин инде үзем генә дә россиякүләм танылган берничә шәхеснең: “Минем ялган аккаунтлардан акча җыялар, сак булыгыз“, – дигән белдерү­лә­ренә юлыктым. Менә бит эшләр ничек! Әхлакый яктан таркалу ре­формаларның бер канатына әве­рел­де: бер тарафта фәкыйрьләрнең күз яшьләре ташкын булып ургый, икенче тарафта шул күз яшьләрен­нән дивиденд җыючы типсә тимер өзәрлек оятсызлар ишәя.

Тагын рәсми хәбәрләргә әйлә­неп кайтыйк. “Россия вертолетлары“ дигән дәүләт компаниясе (салым түләүчеләр акчасына яши, чөн­ки бюджет ярдәмендә утыра) Алла Пугачеваның соңгы концертына 40 миллион сум акча күчергән. Шик юк: примадонна бу хәергә мохтаҗ түгел, чөнки аның үз предприя­тие­ләре дә бар, болай да акча капчыгы өстендә утыра. Ни өчен дәүләт компаниясе галимнәргә булышмый? Ни өчен халыкара фәнни олимпиадаларда җиңгән балаларны үс­терү өчен бер тиен дә бирми? Тех­но­ло­гия­ләр ачлыгында утыра бит үзе, шуңа күрә боралакларын сата алмый интегә.

Илдә акча юк түгел, тик аның агымы никтер ялган ерганаклар ясый да уңдырышлы туфракны юды­­рып китә, технологияләр эрозиясе барлыкка килә. Медицинада да күзәтелә ул эрозия, башка тар­мак­ларда да. Чирле күкрәк баласына табиб ярдәме эзләп, күп­ме әти-әни чит ил клини­каларының ишеген шакый? “Россия вертолет­ла­ры“на шул хакта сорау биргәч, Пугачева исеме белән реклама ясарга те­ләдек, дигән җавап килде. Соң, кызыгырлык боралак ясый алма­саң, примадонна исеменә аркаланып кына аны сата аласыңмы инде?

(Рәшит Фәтхрахманов/“Ватаным Татарстан”, /№ 27, 22.02.2019/)

Фото: РИА Новости

Запись Дәүләт компаниясенең Алла Пугачевага 40 миллион күчерүен “оятсызлык” диләр впервые появилась Tatar Today - татар яңалыклары..

Җанатарлар артистларның гонорарларын кайчагында миллионнар белән исәпләүгә күптән күнеккән инде. Һөнәренә ихтыяҗ булу аркасында музыкантлар һәм актерлар күчемсез милек сатып ала һәм күп сәяхәт итә. Әмма бу киләчәктә йолдызлар зур пенсияләргә исәп тота ала дигән сүз түгел. Шушы көннәрдә Роза Сябитова аңа тиешле түләүләр күләме турында сөйләгән. Телевидениедә тапшырулар алып баручыга аена нибары 14 мең сум акча түлиләр икән. Нәкъ менә шуңа күрә ул актив эшләвен дәвам итә, фанатларны яңа иҗади проектлар белән сөендерә.

Иң зур пенсияләрнең берсен София Ротару ала: йолдызның пенсиясен рубльгә күчереп исәпләгәндә 35 меңгә якын, ә менә Михаил Боярскийның айлык түләүләр күләме нибары 20 мең сум тәшкил итә икән.

Автор: Александра Иванова

Сәхнә

Запись Пугачева, Боярский һәм Ротару күпме пенсия ала? впервые появилась Tatar Today - татар яңалыклары..

Галкин Алладан рәсми аерылышу таләп итә, ә Пугачева катгый рәвештә каршы килеп, ризалык бирми икән, дип яза politeka.

Сүз уңаеннан, Юлия Барановскаяның бәби көтүе турында имеш-мимешләр дә бар.

Фото: politeka

Запись Галкин белән Пугачева аерылыша? впервые появилась Tatar Today - татар яңалыклары..

Кечкенә спортчылар өчен җанатарга тапшыруга балаларның әти-әниләре һәм тренерлары Сергей Бандеров килгән иде.

Беговелчыларны озатканда Галкин аларны Казанның “4 мушкетёры” дип тә атады.

 Фото: propositive.ru Видео: Puky-Russia

Запись Казаннан килгән “4 мушкетёр” Максим Галкин алдында трюклар майтара [видео] впервые появилась Tatar Today - татар яңалыклары..