Архивы Айваз Садыров - Tatar Today - татар яңалыклары.

Айваз Садыров кызына нинди исем сайлаган?

Алсу Мансурова — Thu, 25 Feb 2021 06:44:53 +0000

Танылган алып баручы Айваз Садыров күптән түгел генә әти булган иде. Ул хатыны белән кызына нинди исем сайлаулары хакында хәбәр итте.

“Кызыбызга Газизә дип исем куштык. Гарәп исеме. Мәгънәсе – бик кадерле, кыйммәтле, газиз, хөрмәтле, данлы, көчле, сирәк, бәһале, изге? Шушы исемне сайлавыбызның берничә сәбәбе бар:

Беренчедән, исем мәгънәсе ягыннан да, яңгырашы ягыннан да икебезгә дә ошый иде.
Икенчедән, минем әтинең әбисе дә Газизә исемле булган.

Берничә исем арасында сайланганда сеңлем төш күргән: имеш кечкенә кызым безнең өйдә утыра икән. Кем соң син? – дип сорагач, «мин Газизә!» – дип җавап кайтарган сабый.

Балага исемне дә үзем кушасы килү теләге бар иде миндә. Шуңа күрә, өйгә кайткач, шартларын туры китереп, үзем башкарып чыктым әлеге йоланы, Аллага шөкер”, – дип язган Айваз.

Запись Айваз Садыров кызына нинди исем сайлаган? впервые появилась Tatar Today - татар яңалыклары..

Айваз Садыров, Гөлназ Сәфәрова туй, мәҗлесләргә бәйле көтелмәгән фикер әйтәләр

Alina — Fri, 03 Apr 2020 17:35:18 +0000

Коронвирус пандемиясе сәбәпле кертелгән чикләүләр беренче чиратта күңел ачу, спорт өлкәсенә китереп сукты. Барлык тамашалар, чаралар, хәтта туйлар кичектерелә. Күпме артист, алып баручы, тамадалар бүген эшсез утыра. Алар хәзер нишли, зыян бик зурмы, киләчәктә бу өләкне нәрсә көтә? Чираттагы Татарча подкастта бу хакта татар дөньясында танылган алып баручылар, журналистлар Айваз Садыйров һәм Гөлназ Сәфәрова белән сөйләштек.

Айваз Садыров, Гөлназ Сәфәрова

Мәгълүмат чит ил агентлыгыннан

Запись Айваз Садыров, Гөлназ Сәфәрова туй, мәҗлесләргә бәйле көтелмәгән фикер әйтәләр впервые появилась Tatar Today - татар яңалыклары..

Салават&Гүзәлем дуэты арасына “Татар радиосы”ннан Айваз Садыйров килеп керә

Редактор1 editor1 — Wed, 26 Oct 2016 17:52:52 +0000

Татар эстрадасына зур шау-шу белән килеп кергән әлеге пар инде күптән үз тыңлаучысын тапты. Концертның сценариен “Татар радиосы”ның баш мөхәррире Айваз Садыров

Аларны кемдер пафостан гына торалар дип тәнкыйтьли, кемдер клипларын карагач “кеше кыланмаганны” дип куя. Ләкин яшьләр дә, әби-бабайлар да ярата аларны. Салават үзе дә бу хакта:
– Мине әбиләр ярата, Аллага шөкер, – ди.
– Билгеле, бу техник яктан бик катлаулы. Ләкин тамашачы алдында җырчы исемен күтәрү өчен бу кирәкле адым. Безнең халык фонограммага җырлаганга күнеккән, шуңа күрә концертлардан да бизә башладылар, – ди Салават Миңнеханов.
Узган елгы чыгышлардан чыгып Гүзәлем:

– Кайвакытта сүгеп аталар, кайвакыт мактыйлар. Тамашачы фикеренә карап үз өстеңдә ныграк эшли башлыйсың.

Теге елгы концертларга Гүзәлем белән Салават Чаллыда үз өйләрендә әзерләнгән булган. Репетицияләр дә шунда барган. Ә хәзер зур состав булгач алай барып чыкмый, дип елмаялар алар. Шунысын да искәртеп үтәргә кирәк, сәхнәдә бер юлы 15 кеше чыгыш ясаячак.

“Cафари” төркеменең җитәкчесе Дмитрий Понамарев төркеменең талантлы музыкантлары белән таныштырды:
– Без интернациональ төркем. Бездә немец та бар, башкорт, украин, удмурт, татарлар да бар. Алар барысы да зур тәҗрибә туплаган, музыканың нәрсә икәнен аңлап, тәмен белә торган кешеләр. Басистыбыз Сайбель легендарь “Сак-сок” төркеменнән. Гитаристыбызның исеме Ричард, ләкин репетицияләрдә без аны Ришат дип йөртәбез. Күңелле яшибез, – дип елмая ул.

Салават аның сүзен дәвам итеп:
– Араларында бөтенләй татарча аңламаганнары да бар. Аларга җыр текстын тәрҗемә итеп бирәбез. Шул рәвешле алар татар телен өйрәнә.

Концерт темасыннан кайтып, үзләре, яшәешләре турында да сөйләделәр. Салават Миңнехановның намазга басканы берәүгә дә сер түгел. Әлеге вакыйгадан соң ул туй мәҗлесләрен, туган көннәрне исерткеч эчемлекләрсез генә үткәрергә ярата икән:
– Әйдәгез хәләл итеп үткәрәбез. Без сезгә шушындый күләмдә ташлама тәкъдим итәбез, дип әйтәм. Һәм күпләр ризалаша, – ди ул.

Гастрольләр туры 2 нче ноябрьдән Мөслим районныннан башланып китәчәк. Җанлы музыка тыңлап, кызыклы концерт программасы карыйсыгыз килсә – рәхим итегез. Гүзәлем һәм Салават Миңнеханов сезне көтеп кала!
Узган ел алар “Телепортация” исемле шоу белән район-шәһәрләрдә чыгыш ясаса, быел аларның концерт программасы тагын да кызыклырак булачак. Татар эстрадасында моңарчы тиңе булмаган форматта узачак тере концертның исеме – “Син һәм мин”. Концертның сценариен “Татар радиосы”ның баш мөхәррире Айваз Садыров язган. Салават Миңнеханов моны аерылып торасыбыз килә дип аңлатты:
– Без артистлар, бер урында гына торырга тиеш түгел. Алай булса сине оныталар. Үз коллегаларыңнан да калышасы килми бит. Шуңа күрә без тамашачыны гел шаккаттырып, яңа алымнар кулланып үзебезгә җәлеп итәбез.
Концертның “йөземе” нәрсәдәме? Тере тавыш. Алай гына да түгел җырчылар инструменталь ансамбль, аерым куела торган утлар, бэк-вокал белән гастрольләргә йөриячәк.

Шәһри Казан

Запись Салават&Гүзәлем дуэты арасына “Татар радиосы”ннан Айваз Садыйров килеп керә впервые появилась Tatar Today - татар яңалыклары..

Артистлар Корбан бәйрәмен каршы ала [фото]

Редактор1 editor1 — Mon, 12 Sep 2016 05:46:50 +0000

12 сентябрь – мөселман дөньясында олуг бәйрәм – Корбан гаете. Бу көнне мәчетләрдә бәйрәм намазлары укыла, Аллаһы Тәгалә ризалыгы өчен корбаннар чалына. Татар эстрадасы артистлары гает көнен ничек каршы алды икән?

Артистлар, җырчылар тормышы белән танышам дисәң, инстаграм челтәренә күз салу да җитә. Мәсәлән, Айваз Садыров ел да гает намазына данлыклы, бай тарихлы Кышкар мәчетенә кайта икән.

Данлыклы Кышкар мәчете. Тарихы XVIII гасырдан башлана. Авыл мәдрәсәсендә Тукаебызның әтисе Мөхәммәтгариф, бабасы Зиннәтулла, Камил Мотыгый белән Галия Кайбицкаяның әтиләре Мотыйгулла Төхфәтуллин, драмматург Фатыйх Халиди, мәгърифәтче Таип Яхин белем ала. Үз авылыбыздан мәдрәсәдә бары өч кеше укый. Аларның икесе – минем бабам Садыйров Гали һәм аның энесе Садыйров Һади Садыйр уллары. Гает намазларына шушы мәчеткә кайтырга тырышам. Бүген дә биредә булдым. Шиһабетдин Мәрҗани Кышкар авылы турында болай дип яза: «Элек заманнан ук дәүләтле байлары һәм зур мәдрәсә тотып, күп шәкертләр җыеп дәрес әйтүче имамнары белән дан һәм шөһрәт казанган авыл». Олы тарихның чыбык очына үземнең дә катнашым барлыгын тоеп, туганнар белән исәнләшеп, авылдашларны хәтердә яңартып, хәл-әхвәлләрен сорап, авыл урамнарын акрын гына күзәтеп узгач, күңелдә рәхәт булып китә. Бәйрәмнәр мөбарәк булын!

Фото опубликовано Айваз Садыров (@aivazsadyrov) Сен 11 2016 в 9:28 PDT

Илдар Хәкимов та бәйрәм намазын авыл мәчетендә укыган:

Корбан гаете мөбарәк булсын дусларым!

Фото опубликовано Ильдар Хакимов (@ihakimov) Сен 11 2016 в 8:27 PDT

Булат Бәйрәмов корбан сарыкларын видеога төшерергә ашыккан:

Корбан гаете мөбарәк булсын!??????

Видео опубликовано Ведущий Булат Байрамов (@bulat_bairamov) Сен 11 2016 в 11:31 PDT

Гүзәл ханымнар, әлбәттә, тәмле коймаклар белән кызыктырды. Дилә Нигъмәтуллинаның тәмле ризыкларын тиз арада ашап бетергәннәр.

Коймакны кыздырып олгерэ алмыйм, ашап баралар! Ай, тэмле булган ! Бэйрэм хормэтенэ дер инде. Корбан гаете мобэрэк булсын, дусларым!!! #курбанбайрам #мазарбашы #туганавылым #дилянигматуллина

Фото опубликовано Диля Нигматуллина (@dilyanig) Сен 11 2016 в 10:12 PDT

Ә Айсылу Лерон әнисе пешергән коймаклар белән мактанды:

Әнием коймаклары!!! Бәйрәм белән, дуслар!☺#корбангаете

Фото опубликовано Айсылу Лерон (@iceluleron) Сен 11 2016 в 10:05 PDT

Фото: kazved.ru

Запись Артистлар Корбан бәйрәмен каршы ала [фото] впервые появилась Tatar Today - татар яңалыклары..

Ришат Фазлыйәхмәтов белән Айваз Садыров “Молодежка” сериалының яңа сезонында төшкән? [фото]

Редактор1 editor1 — Thu, 18 Aug 2016 02:56:19 +0000

Ришат Фазлыйәхмәтов һәм Айваз Садыров Чаллы шәһәрендә “Молодежка” сериалының артистлары белән фотога төшкәннәр.

Айваз Садыров “Молодежкага сакаллы яңа уенчы!” дип тә язып куйган. Әллә шуңа, егетләрнең битенә язылучылар: “Әллә сериалның яңа сезонында төштегезме, кая очраттыгыз бу артистларны?” дип сорарга ашыкты.

“Сез монда да бик кирәк, китмәгез” дип, борчылып язучылар да булды.

В #Молодежку нового бородатого хоккеиста!..?

Фото опубликовано Айваз Садыров (@aivazsadyrov) Авг 18 2016 в 11:25 PDT

Молодёжка!#молодежка #ришатфазлиахметов

Фото опубликовано Ришат Фазлиахметов (@rishat_fazliakhmetov) Авг 18 2016 в 11:06 PDT

Запись Ришат Фазлыйәхмәтов белән Айваз Садыров “Молодежка” сериалының яңа сезонында төшкән? [фото] впервые появилась Tatar Today - татар яңалыклары..

Булат Бәйрәмовка – “мамонт”, Гөлназ Сәфәровага – “элегант мишәр” дип исем такканнар

Редактор1 editor1 — Sun, 14 Aug 2016 15:00:55 +0000

«Татар радиосы» баш мөхәррире Айваз Садыйров хезмәттәшләрен әнә шулай дип атый. Дус, тату, матур эшләп килүче радионың тиздән 15 еллык юбилее. 1 октябрь көнне «Пирамида» мәдәни-күңел ачу үзәгендә булачак концертта 15 ел эчендә хитка әйләнгән җырлар яңгыраячак.

Венера Ганиева, Хәмдүнә Тимергалиева, Мөнир Рахмаев, Радик Юльякшин һәм башка башкаручылар тамашачылар өчен бары тере тавышка гына җырлаячак. Юбилей мәшәкате белән йөргән Айвазны көчкә «койрыгыннан» тотып, туган көн концертының кайбер серләрен чишәргә булдык.

– Айваз, 15 ел кеше гомерендә үсмер чор, «бунтарь» чор дисәк тә була… Шушы вакыт эчендә радионың акылга сыймаслык нинди проектлары булды? Гомумән, нинди нәтиҗәләр ясыйсың?

– Төпләп, инде үтәсен үтеп, кыланасын кыланып, җитди нәтиҗәләр ясарлык вакыт бу. «Бунтарь» проектларга килгәндә, безнең радио һәрвакыт гаҗәпләндерерлек проектларга гына алына. Россия күләмендә Радио көнендә, хәтерләсәгез, без «Татар радиосы» – биеклектә» дигән проект оештырдык. Студиябез бер көнгә Казанның иң биек ноктасында, «Корстон» сәүдә һәм күңел ачу бинасының 25нче катына күченде. Көн дәвамында биредә җырчыларны, кунакларны каршы алып, тере тавышка, туры эфирдан концерт куйдык.

– Юбилей концертында нинди дә булса сюрприз әзерләвегезгә шигем юк. Булачак тамаша серләрен бераз булса да чиш әле?

– Бу чыннан да шулай. Юбилей уңаеннан концертта җиде сотый җир уйнатабыз быел. Моның өчен тамашачыга бары билет тотып концертка гына килергә кирәк. Концертыбызга бара алмаган тамашачыны да буш итмибез, андыйларга радио дулкыннары аша җылы якларга путевка уйнатылачак. Концертта алып баручылар турында кыска метражлы фильм да күрсәтеләчәк.

– Юбилейга дип әзерләнгән «Беренче микрофон» проекты турында да сөйләп китсәң иде?

– Тыңлаучыларыбыз арасында сәләтле кешеләр күп, аларны эзләп табу – безнең бурычыбыз. «Беренче микрофон»ны «Голос» проекты аналогында эшләдек. Римма Ибраһимова, Эльмира Кәлимуллина, Илфак Шиһапов һәм мин яшь җырчыларны җитәклибез. Остазлар иң яхшы дип сайлаган бер җырчыга тавыш бирә, ләкин төп сайлаучы ул – тамашачыбыз. Җиңүче 15 август көнне билгеле була. Төп бүләк – «Барс медиа» агентлыгы белән килешү төзү.

– Продюсер булу ошадымы үзеңә?

– Кызык тәҗрибә булды бу. Финалга укучым Алмаз Рәхимов чыкты. Ул минем якташым да әле, Арча районыннан. Башкалар белән чагыштырганда, аның инде гаиләсе, тормыш тәҗрибәсе бар. Ләкин моңга тартылуын тормыш басмаган. Алга таба да радио аша сәләтле, әле танылмаган җырчылар белән эшләргә исәп.

– Инстаграм челтәрендә барган «Товар әйләнеше» проектын кем уйлап тапты?

– Ул минем бик күптәнге идея инде. Аны җәйге-җиңел форматта ясыйсы килде. Гади кепкадан гына башланып киткән иде бу уен, кыйммәтле техника, зәркән эшләнмәләренә кадәр барып җитте. Шунысына игътибар иттем: халыкка нинди товар тәкъдим итәсең, ул шуңа аналог эзли. Кәрәзле бал урынына бер капчык бәрәңге, кәҗә тәкъдим итүчеләр дә булды. Гөлназ Сәфәрова анда үз алкаларын биреп җибәрде. Кайвакыт бу товарларга алып баручыларның үзләре дә кызыгып куя. Әлеге проектның халыкка азмы-күпме ярдәме булыр дип уйлыйм. Бу үзенә күрә бер социаль эксперимент та әле.

– Кул астыңда эшләүчеләрнең холкын бер-ике сыйфат белән тасвирлап кит әле. «Татар радиосы» ди-джейлары нинди алар?

– Гөлназ Сәфәрова – элегант мишәр. Әбри Хәбриев – импровизация, юмор, профессионализм. Ул теләсә кайсы ситуациядән бик җиңел генә чыга ала, аңа эфирда хәтта сценарий да кирәкми. Редакциядә халыкның көлә башлавын ишетсәм, димәк, Әбри килгән. Алмаз Гыйльметдинов – генератор. Эфирның күп кенә кызыклы элементларын ул җитәкли. Назлыгөл – электровеник. Чая, үткен, аңа бары тик эш кенә кирәк, «миңа эш бирегез! Эфирны арттырыгыз!» дип кенә тора. Рамил Шәрәфиев – дисциплина, бөтен эшне төгәл, җиренә җиткереп башкара. Ленар Гыйләҗев – сөйкемле сөяк. Аны бигрәк тә хатын-кыз тыңлаучылар якын итә. Радиода Ленарның үз армиясе бар. Ул кайвакыт алар белән сәгатьләр буе телефоннан сөйләшеп утыра. Булат Бәйрәмов безнең «мамонт». Ул иң беренче булып эфирга чыккан кеше. Аның радиода эш стажы безнең радио яше белән тәңгәл.

– Радионы алга җибәрү, кеше арасында таныту буенча күп эш башкарылган, ә менә сыйфат ягы ничек? Кайчан да булса радиода «бәрхет» тавышлы алып баручыларны кабат ишетү насыйп булырмы?

– Бүген ди-джейның тавышы нинди булырга тиеш дигән стандартлар юк. Ул Совет заманында түбән тавышлы, акрын сөйләшүче дикторлар кирәк булган. Без күңел ачу радиосы. Кешенең фикере, тыңлаучыны җәлеп итәрдәй сөйкемле сөяге бар икән, аның өчен безнең радио ишекләре ачык. Тел камиллегенә игътибар итәргә тырышабыз, әлбәттә. Иң беренче чиратта радио кешегә иптәш, дус булырга тиеш. Безгә АКШ, Финляндия, Польша якларыннан рәхмәт әйтеп шалтыраталар. Үземне генә искә төшердем әле. 2009 елда мин ярты ел АКШта яшәдем. Шул вакытта өч ай бер тапкыр да татар телендә сөйләшмәдем, татар тапшырулары, татар җырлары тыңламадым. Шуннан соң беренче татар җырын ишеткәч, күзләрдән яшь килде. Читтә яшәүче татарлар өчен без сулар һава кебек кирәк. Чиста әдәби телдә сөйләшмәсәк тә, безне яраталар һәм тыңлыйлар, дип әйтәсем килә.

– Алга таба нинди планнар, киләсе юбилейга кадәр нинди зур проектларга алынырга уйлыйсың?

– Эфир белән генә чикләнмәскә, редакциядән чыгып, халык белән тагын да якынаерга тырышачакбыз.

Алисә САБИРОВА

Шәһри Казан

Запись Булат Бәйрәмовка – “мамонт”, Гөлназ Сәфәровага – “элегант мишәр” дип исем такканнар впервые появилась Tatar Today - татар яңалыклары..