Архивы акча - Tatar Today - татар яңалыклары.

Яшәү минимумы күләме ничә процентка артачак?

Рамиля Валиахметова — Wed, 19 Jun 2024 05:44:31 +0000

Россия Хөкүмәте киләсе елга яшәү минимумы күләмен 14,8 процентка арттырган. Премьер-министр Михаил Мишустин әйтүенчә, бу күрсәткеч моңа кадәр федераль бюджет турында закон нигезендә билгеләнсә, алга таба башкачарак – медиан керемнән (уртача керемнән төгәлрәк сан) чыгып исәпләнәчәк. Яшәү минимумы күләме бюджетны формалаштырганда илдә тормыш дәрәҗәсен бәяләү, әһәмиятле социаль программалар, ярдәм чаралары әзерләү өчен кулланыла.

Шулай итеп, 2025 елда Россиядә яшәү минимумы күләме җан башына 17733 сум (2024 елдагыдан 2280 сумга күбрәк), эшкә сәләтле халык өчен – 19329 сум (2485 сумга күбрәк), пенсионерлар өчен – 15250 сум (1960 сумга күбрәк), балалар өчен 17201 сум (2212 сумга күбрәк) тәшкил итәчәк.

Мишустин әйтүенчә, төбәкләр күрсәткечне үзләре билгеләячәк. Күп кенә ташлама һәм пособиеләр күләме шуңа бәйле. Мәсәлән, кереме төбәктә яшәү минимумына җитмәгән балалы гаиләләр һәм йөкле хатын-кызларга, пенсионерларга түләүләр шуннан чыгып исәпләнә. Сүз уңаеннан, быел Татарстанда яшәү минимумы күләме җан башына 13135 сум, эшкә сәләтле халык өчен – 14317 сум, пенсионерлар өчен 11296 сум тәшкил итә. Балалар өчен бу күрсәткеч 12741 сумга тигез.

Чыганак: https://vatantat.ru/2024/06/144878/

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Яшәү минимумы күләме ничә процентка артачак? впервые появилась Tatar Today - татар яңалыклары..

Ана капиталыннан акчаны ай саен ничек алырга?

Лейла — Wed, 04 Aug 2021 13:39:32 +0000

Татарстан Республикасы буенча Пенсия фонды бүлеге ана капиталы акчаларыннан ай саен акчалата түләү алу хокукына Россия Федерациясе территориясендә даими яшәүче гаиләләр ия дип искә төшерә. Шул ук вакытта, икенче бала һәм ананың – Россия гражданнары, икенче баланың 2018 елның 1 гыйнварыннан соң туган булуы шарт.

Шунысы мөһим: гаиләнең бер әгъзасына туры килгән керем күләме узган елның II кварталына төбәктә билгеләнгән, эшкә яраклы халыкның ике яшәү минимумыннан артмаска тиеш. Мәсәлән, Татарстанда бу – 20 588 сум.

Бер айга алдагы елның II кварталы өчен балаларга регионда билгеләнгән яшәү минимумына тиң сумма түләнә. Татарстанда бу – 9 713 сум. Түләү ала башлау өчен, шәхсән яки электрон гариза бирергә кирәк. Моны Россия Пенсия фондының клиентлар хезмәтендә, йә Дәүләт һәм муниципаль хезмәтләр күрсәтүнең күпфункцияле үзәгендә, йә РПФ сайтында яки дәүләт хезмәтләре порталында электрон рәвештә эшләргә мөмкин. Түләүне алу өчен бала туганнан соң өч ел дәвамында теләсә кайсы вакытта мөрәҗәгать итәргә мөмкин. Искәртеп узабыз: әгәр түләү билгеләнсә, башта – бер елга. Бу вакыт узгач, гаилә ана капиталын шул рәвешле тотарга тели икән, яңадан гариза бирергә кирәк булачак.

Шунысын да билгеләп үтәргә кирәк, айлык түләүне билгеләү өчен мөрәҗәгать туган көннән соң 6 айдан да соңга калмыйча тапшырылса, түләү баланың туган көненнән билгеләнә. Шул ук вакытта бала туган айлар өчен айлык түләүләр суммасы мөрәҗәгать иткәнчегә кадәр исәпләнәчәк һәм ана счетына күчереләчәк. Әгәр гариза 6 айдан соң бирелә икән, түләү мөрәҗәгать иткән көннән билгеләнәчәк.

Чыганак: Шәһри Казан

Запись Ана капиталыннан акчаны ай саен ничек алырга? впервые появилась Tatar Today - татар яңалыклары..

Мошенниклар пенсионер ханымны 3 миллионга алдый

Лейла — Thu, 22 Jul 2021 05:20:35 +0000

Иркутск өлкәсендә яшәүче алтмыш сигез яшьлек хатын-кыз ялган брокер фирмасына өч миллион сумга якын акча керткән,дип хәбәр итә IrkutskMedia.

Зыян күрүче отышлы тәкъдим белән белдерүне Интернетта күргән.
Инвестицияләрдә катнашу өчен гариза рәсмиләштергәннән соң, пенсионерга “фонд биржасында уен буенча белгеч” шалтырата һәм “җиңел” табыш шартларын аңлата. Хатын дүрт банктан кредит алган һәм процент алу өмете белән мошенникларның счетын күчергән.

Чыганак: РИА-Новости

Запись Мошенниклар пенсионер ханымны 3 миллионга алдый впервые появилась Tatar Today - татар яңалыклары..

Путин игълан иткән 10 000 сумны алу гадиләштерелгән

Рамиля Валиахметова — Tue, 04 May 2021 06:10:57 +0000

Владимир Путин Россия хөкүмәтенә август аенда 6 яшьтән 18 яшькәчә балалары булган гаиләләрне 10 000 сум бердәм түләүләр белән тәэмин итәргә боерды. Әлеге түләүләр Федераль җыенга юлланган юлламарны гамәлгә ашыру кысаларында башкарыла.

Шул ук вакытта укучы-инвалидларга аерым түләү тәртибе булдыру сорала. Башкарылган эшләр турында президентка 1 сентябрьгә кадәр хисап тотарга тиешләр.

Моңа кадәр хезмәт министры Антон Котяков бердәм түләүләр белән 17 миллионнан артык мәктәпкәчә яшьтәге балалары булган гаилә тәэмин ителәчәк дип белдергән иде. Аны алу өчен МФЦга, Россия пенсия фонды бүлекчәсенә яки социаль яклау органнарына гариза язарга кирәк. Башка өстәмә кәгазьләр җыярга кирәк түгел.

Чыганак: Шәһри Казан

Запись Путин игълан иткән 10 000 сумны алу гадиләштерелгән впервые появилась Tatar Today - татар яңалыклары..

Чаллы егете рэпер Тиматиның конкурсында 4 млн сум откан

Рамиля Валиахметова — Sun, 02 May 2021 12:19:44 +0000

Чаллыда яшәүче Рәмис Салихов популяр рэпер Тимур Юнысов (Тимати) оештырган бәйгедә акча откан. Конкурс социаль челтәрдә барды. Аның шартлары буенча, катнашучылар Тиматиның «Инстаграм»дагы дусларына язылырга тиеш иде. Җиңүчегә исә 4 млн сум акча вәгъдә иттеләр. Аны Тимати шәхсән үзе тапшырачак.

29 апрель кичендә «туры эфир»барышында рэпер җиңүчене сайлады. Ул Татарстаннан Рәмис Салихов булып чыкты.

«ВТ» җиңүче белән элемтәгә кереп, зур җиңүе белән котлады. Рәмис Салихоы — милек белән идарә итү өлкәсендә белгеч, гаиләсе бар, ике бала үстерә. Конкурста җиңүен белгәч шок кичерүен әйтте әңгәмәдәшебез.

— Конкурс нәтиҗәләре билгеле булганда «туры эфир»га кушыла алмадым. Хәзер оештыручылар белән сөйләшүләр бара. Акчаны нәрсәгә тотасыбызны әле хәл итмәдек. Кулга алгач, билгеле булыр, Аллаһ боерса! — диде Рәмис Салихов. — Котлап шалтыратучылар күп иде. Кемдер котлады, кемдер акчаң белән бүлешерсең әле, диде.

Чыганак һәм фото: Ватаным Татарстан

Запись Чаллы егете рэпер Тиматиның конкурсында 4 млн сум откан впервые появилась Tatar Today - татар яңалыклары..

Россия халкының хезмәт хакын яңача санаячаклар?

Алсу Мансурова — Sat, 27 Feb 2021 17:49:11 +0000

Россиялеләрнең хезмәт хакы турындагы белешмә мәсьәләсе статистик мәгълүмат кына исәпкә алынуы белән бәйле.

Дәүләт Думасы депутаты Андрей Ветлужских URA.RU сайтына биргән интервьюсында шундый фикерен белдерде, дип яза РИА Новости.

Депутат билгеләп үткәнчә, медиана хезмәт хакын исәпләү дөресрәк булачак. Бу сан хезмәт хакының урта арифметик күрсәткеченнән өчтән бер өлешкә кимрәк.

«Мониторинг үткәрсәң, берничә төп момент күренәчәк: нормадан тыш эшләнгән вакыт исәпкә алынмый, урта статистик хезмәт хаклары буенча дифференциация зур, керемнәрнең төрләре һәм аларны исәпләүгә кагылышлы методик кимчелекләр бар», – дип белдерде ул.

Элегрәк «Работа.ру» сервисы, тикшеренү үткәреп, хезмәт хакы буенча Россиянең кайсы шәһәрләрен иң яхшысы буулын ачыклаган иде. Нәтиҗәдә, Мәскәү (респондентларның 86 проценты шул шәһәрне атаган) – беренче, Санкт-Петербург (29 процент), Новосибирск (җиде процент) өченче баскычта урнашкан, диелә хәбәрдә.

Чыганак : "Татар информ"

Запись Россия халкының хезмәт хакын яңача санаячаклар? впервые появилась Tatar Today - татар яңалыклары..

Пенсияләр яңадан артачак!

Алсу Мансурова — Tue, 23 Feb 2021 16:52:02 +0000

Федерация Советының Социаль сәясәт комитеты рәисе урынбасары Елена Бибикова Россиядә өлкән яшьтәге кешеләргә тиздән социаль пенсияләр артуы көтелә, дип белдерде.

Сенатор сүзләренчә, социаль пенсияләр 1 апрельдән артачак. Бибикова аңлатканча, социаль пенсияләрне иминият пенсиясенә хокукы яки хезмәт стажы, яки пенсия коэффициентларының тиешле күләме булмаган гражданнар ала алачак.

Бибикова шулай ук законда пенсиянең 2,6% ка арттыруы күздә тотыла, дип ассызыклады.
Ул шулай ук Конституциянең яңа нормаларының барлык социаль түләүләрне, федераль һәм төбәк түләүләрен дә кертеп, индексацияләргә мәҗбүр итүенә игътибарны юнәлтте.

Чыганак: "Шәһри Казан" сайты

Запись Пенсияләр яңадан артачак! впервые появилась Tatar Today - татар яңалыклары..

Казанда транспортта йөрү бәясе арта!

Алсу Мансурова — Thu, 18 Feb 2021 04:25:50 +0000

Автотранспортчыларның билет бәясен арттыру турындагы тәкъдимен Тарифлар буенча Татарстан дәүләт комитетында хуплаганнар.

Тарифлар комитетының бәяне арттыру турындагы карарын Юстиция министрлыгына юллаганнар.

Бәянең кайчан үзгәрәчәге әлегә билгесез. Әмма шунысы ачык: транспорт һәм банк картасы белән түләгәндә, билет бәясе үзгәрешсез калачак. Салонда акча түләп алганда, аны 35 сум итәчәкләр. Бүген Тарифлар комитеты утырышында җәмәгать транспортының узган елдагы зыянны анализлаганнар. Бу сумма 150 миллион сумга тиң икән. Пандемия аркасында пассажирлар агымы 30 процентка кимегән. Вирус сәбәпле, салоннарны махсус чаралар белән эшкәртүгә дә акча тотылган. Тарифлар комитетының бәяне арттыру турындагы карарын Юстиция министрлыгына юллаганнар. Министрлык раслаганнан соң документ үз көченә керә.

Чыганак : "Шәһри Казан" сайты.

Запись Казанда транспортта йөрү бәясе арта! впервые появилась Tatar Today - татар яңалыклары..

Ана капиталы буенча яңалыклар бар

Лейла — Fri, 06 Nov 2020 11:31:11 +0000

2021 елда ана капиталы күләме индексацияләнәчәк, алга таба аның күләмен һәр ел саен арттырырга планлаштыралар.

Бу хакта 6 ноябрьдә Россиянең хезмәт һәм социаль яклау министры урынбасары Ольга Баталина хәбәр итте.

“Киләсе елда ана капиталы күләме индексацияләнәчәк, һәм алга таба аның күләмен ел саен арттыру планлаштырыла”, – дигән Баталина. Ул ана капиталының күләме беренче балага 466 мең сум тәшкил итүен һәм икенче бала өчен 616 мең сумга кадәр артуын искәрткән.

Баталина сүзләренчә, программа гамәлдә булган барлык вакыт эчендә 10 млн нан артык гаилә сертификат алган, ә сигез миллионы алардан файдаланган.

Чыганак: Известия

Запись Ана капиталы буенча яңалыклар бар впервые появилась Tatar Today - татар яңалыклары..

3 яшьтән 7 яшькә кадәрге балаларга пособиеләр түләүдә үзгәрешләр булачак

Лейла — Sun, 11 Oct 2020 13:08:22 +0000

Проект тарафыннан инде быел ук шундый пособиеләр белән тәэмин итү күздә тотыла.

Хөкүмәт 3 яшьтән 7 яшькә кадәрге балаларга айлык пособие түләү турындагы проектка кертелгән үзгәрешләрне хуплады. Бу хакта РИА Новости агентлыгы хәбәр итә.

Элегрәк РФ Хезмәт һәм социаль яклау министрлыгы мондый түләүләргә дифференциация кертергә тәкъдим иткән иде. Пособиеләрнең күләмен гаиләнең кеременә бәйле рәвештә билгеләү күздә тотылды, «чөнки элекке күләмдәге түләүләрдән соң барлык гаиләләр өчен дә җан башына туры килгән уртача керем яшәү минимумына җитте», дип искәрттеләр агентлыкта.

Министрлык мәгълүматлары буенча, айлык пособиеләрне арттыру өчен якынча 95 миллиард сум акча кирәк булачак. Проект тарафыннан инде быел ук шундый пособиеләр белән тәэмин итү күздә тотыла.

Аз керемле гаиләләр өчен 3 яшьтән 7 яшькә кадәрге балаларга пособие 2020 елның июнь аенда түләнә башлады. Ил буенча түләүләрнең уртача күләме, төбәктә билгеләнгән баланың яшәү минимумы күләменә бәйле рәвештә, 5,5 мең сум чамасы тәшкил итә.

Чыганак: Татар-информ

Запись 3 яшьтән 7 яшькә кадәрге балаларга пособиеләр түләүдә үзгәрешләр булачак впервые появилась Tatar Today - татар яңалыклары..