Рөстәм Миңнеханов үзенең ТР Дәүләт Советына юлламасында тәкъдим иткән татар халкының үсеш стратегиясен эшләү, фикерләр белән баету, кабул итү юнәлешендә Бөтендөнья татар конгрессының зона пленар киңәшмәсе бүген Бөгелмәдә үтте. Бер-бер артлы узган пленар киңәшмәләрне чагыштырып карарга да мөмкинлек җитәрлек булды. Биредә киңәшмә аеруча җанлы узды.

Киңәшмәгә килүчеләр күбрәк урыс телле шәһәр булып саналган Бөгелмәдә татар рухы белән очраштылар. Бөгелмәлеләрнең татар халкы тарихын сакларга тырышулары Һади Атласи шәхесенә мөнәсәбәттә дә күренде.

1917 ел Февраль һәм Октябрь революцияләре, гражданнар сугышы елларында Һади Атласи гаиләсе белән Бөгелмә шәһәрендә тора. 1920 елдан 1929 елга кадәр ул Бөгелмәдә икенче баскыч мәктәбендә тарих һәм немец теле укытучысы булып эшли. Биредә укучылар күренекле тарихчы, мөгаллимнең якты истәлекләрен яңарттылар. Кунакларны Туфан ага Миңнуллинның “Гөргери кияүләре” әсәре буенча әзерләнгән тамаша да, татар мәктәбе, татар балалар бакчасы булдыру, авылның йөзен югалтмау кирәклеге турында бик дулкынланып ясалган чыгышлар да, Г.Ибраһимов исемендәге Тел, әдәбият һәм сәнгать институтытында фәнни эш буенча директор урынбасары Олег Ришат улы Хисамовның татар авылын саклау хакындагы фикерләре дә дулкынландырды.

Әлмәт районы Кичүчат авылындагы Р. Фәхретдин музее директоры Диләрә Гыймранова чыгышы да гамьле иде. Ул татар телендә кандидатлык диссертацияләрен яклауга тукталып, стратегиягә аны да кертергә кирәклеген искәртте. Азнакайлыларны элмә такталарның татар телендә булмавы бик борчый икән. Ачыктан-ачык сөйләшүдә Татарстан Премьер-министры урынбасары, Милли Шура рәисе Васил Шәйхразиевның татар телендә камил сөйләшүен дә стратегиянең киләчәге барлыгына юрадылар. Бөгелмә муниципаль районы башлыгы Линар Закиров белән бәйләп татар мохитенең үзгәрүе хакындагы фикерләр дә яклау тапты.

Ислам динен кабул итүгә 1000 ел исемендәге Казан югары мөселман мәдрәсәсе җитәкчесе Ильяс хәзрәт Җиһаншин исә райондагы дини тәрбия эшләре белән кызыксынды,биредәге мәчетләрнең милләтебезне тәрбияләүдәге тоткан урынын яхшы дип бәяләде. Бөгелмәдәге киңәшмә Ильяс хәзрәтнең дога укып тәмамлавы белән башкаларыннан аерылып торды. ”Догалы эш таркалмас”, – ди халык. Амин, шулай булсын, очрашуда кабул ителгән тәкъдимнәр стратегияне эшләү барышында искә алыныр дип ышанасы килә.

View this post on Instagram

A post shared by Мифтахов Фарид (@miftahovfarid)

Бөтендөнья татар конгрессының Казан бүлеге оешмасы җитәкчесе Фәрит Фәиз улы Мифтахов.

Запись Бөгелмәдә татар мохите бармы яки догалы эш таркалмас впервые появилась Tatar Today - татар яңалыклары..

22 гыйнварда Нурлатта Бөтендөнья татар конгрессының зона пленар киңәшмәсе узды. 2018 елда Татарстан президенты Рөстәм Миңнеханов үзенең Дәүләт Советына юлламасында татар халкының үсеш стратегиясен эшләп, аны кабул итү кирәклеге турында әйткән иде. Бу бурычны хәл итү Бөтендөнья татар конгрессына тапшырылды.

Илбашының тәкъдиме буенча стратегиянең төп юнәлешләрен билгеләгән, эскиз инде кабул ителгән. Татарстанда әлеге эскиз буенча фикер алышулар, тәкъдимнәр кабул итүләр бара. Беренче очрашу Арчада узган булса, Бөтендөнья татар конгрессынының зона пленар киңәшмәсе бүген Норлатта үтте. Норлат якташлыгы оешмасының рәисе буларак, киңәшмә алдыннан мин дә дулкынлану кичердем. Норлат төбәге кешеләре үзләрен ”Без – татарның каймагы” дияргә яраталар, кунаклар алдында йөз кызартмаслыкмы?

Стратегиянең максаты татар халкының киләчәген, телен, гореф-гадәтләрен, мәдәниятен саклап калу дигән юнәлешләрдән тора бит!

View this post on Instagram

A post shared by Мифтахов Фарид (@miftahovfarid)

22 гыйнвар иртәсен Нурлат мәдрәсәсендә Казанның югары мөселман мәдрәсәсе җитәкчесе Ильяс хәзрәт Җиһаншин һәм Наил хәзрәт Әбелханов белән очрашудан башладык. Мәдрәсәнең уку-укыту планы, шәкертләрнең уңышлары турында фикер алышкач, күңелдә якташларым өчен җылы тойгы уянды. Динебез дә милләтебез сагында тора бит! Үз чиратыбызда мәдрәсә эшендә ярдәм итү теләгебезне дә җиткердек.

Исеме рус телендә булса да, ”Буратино” балалар бакчасында берсеннән-берсе ихлас сабыйларның татар телендәге чыгышларын тыңлаганда, күзләрдән яшьләр килде. Татар телен үз туган теле буларак өйрәнүче гимназия укучылары, Бикуле халык театры артистлары чыгышлары, ”Халыклар дуслыгы” йортындагы чыгышлар, район мәдәният йортындагы кул эшләре күргәзмәсе искиткеч матур тәэсирләр калдырды. Норлатлыларның “каймагы куе” булуын күрсәтте.

View this post on Instagram

A post shared by Мифтахов Фарид (@miftahovfarid)

Татарстан Премьер-министры урынбасары, Милли Шура рәисе Васил Шәйхразиев җитәкләгән пленар киңәшмә район мәдәният йортында дәвам итте.Фикер алышуларда Бөтендөнья татар конгрессының Казан бүлеге оешмасы вәкилләре дә,Татарстанның халык шагыйре Роберт Миңнуллин, Г.Ибраһимов исемендәге Тел, әдәбият һәм сәнгать институты директоры Ким Миңнуллин, Нурлат районы җитәкчеләре, Бөтендөнья татар конгрессы рәисенең беренче урынбасары Данис Шакиров, татар яшьләре иҗтимагый оешмалары белән эшләү буенча урынбасары Тәбрис Яруллин да катнаштылар.Пленар киңәшмәдән Татар халкының үсеш стратегиясен бергәләшеп төзү теләге белән таралыштык..

Бөтендөнья татар конгрессының Казан бүлеге оешмасы җитәкчесе Фәрит Фәиз улы Мифтахов.

Запись Фәрит Мифтахов Нурлаттагы мөһим чара турында: “Татарның каймагы куемы, әллә сыекмы?” впервые появилась Tatar Today - татар яңалыклары..

Быелгы форум эшчәнлегендә беренче тапкыр Русиянең 7 өлкәсеннән, чит илләрдән: Австрия, Венгрия, Голландия, Грузия һәм Молдова вәкилләре дә бар.

Казан кунаклары  эшлекле уеннарда катнашырга, танышулар үткәрергә дә өлгерде инде. Алар әлеге чаралар барышында үзләрен актив күрсәттеләр.  Тәбрис Яруллин Форумның командасы, эшчәнлеге турында сөйләде, бер-береңне якыннанрак белү өчен уеннар тәкъдим итте. Танышу барышында, иң зур делегация Башкортостаннан икәне ачыкланды. Анда барлыгы 48 кеше икән.

Катнашучыларның 55 % кызлар, ә 45 % егетләр тәшкил итә. Аларның күбесе өйләнмәгән һәм кияүдә булмаган студентлар.

Килгән кунаклар һәм катнашучылар игътибарына, көн дәвамында төрле чаралар тәкъдим ителәчәк.

Запись Татар яшьләре форумчыларын гаиләле, гаиләсез булуларын чүгәләтеп карадылар [фото] впервые появилась Tatar Today - татар яңалыклары..

Форум эшчәнлегендә 30 чит илдән, Россия Федерациясенең 60 регионы һәм Татарстан районарыннан 900дән артык делегат катнашыр дип көтелә. Форумда халкыбызның телен, мәдәниятен саклау һәм үстерү, яшь буынның милләтебезнең үзенчәлеген саклауда тоткан роле каралачак.

VII Бөтендөнья татар яшьләре форумы Бөтендөнья татар конгрессы Башкарма комитеты, Татарстан Республикасы Яшьләр эшләре һәм спорт министрлыгы һәм Бөтендөнья татар яшьләре форумы тарафыннан оештырыла.

Яшьләр оешмасы, заманча проектларны гамәлгә кую белән беррәттән, агымдагы тормышта нинди эшләр башкарырга тиеш? Татар яшьләре оешмасы нинди уңышларга иреште һәм киләчәккә нинди максатлар куя? Әлеге һәм башка сорауларга җавапны  «Дөнья» студиясе баш мөхәррире Римзил Вәли яшьләр форумы рәисе Тәбрис Яруллин һәм аның урынбасары Айрат Фәйзрахманов белән берлектә эзләде. Айратка Римзил Вәли авыз да ачтырмаса, Тәбриз әле үз сүзен әйтеп өлгерә алды.

Видео Бөтендөнья татар конгрессы сайтыннан алынды

Запись Татар яшьләре форумы алдыннан Тәбрис Яруллин, Айрат Фәйзрахманов мөхәррир-журналиcт Римзил Вәли белән бәхәскә керә [видео] впервые появилась Tatar Today - татар яңалыклары..