Архивы Болгар радиосы премиясе - Tatar Today - татар яңалыклары.

Филүс Каһиров нигә “Болгар радиосы” концертларында, “Милли премия”дә катнашмый әллә катнаштырмыйлар?

Alfia — Wed, 18 Dec 2019 12:05:02 +0000

// Татар Тудей // Татар Бүген //

14 декабрь Казанның Пирамида залында “Болгар радиосы” Милли музыкаль премиясен тапшыру тантанасы үтте. Бу чарада Филүс Каһиров катнашмады. Моның сәбәбен белер өчен, Татар Тудей җырчы һәм “Болгар радиосы” белән элемтәгә керде.

– Филүс, нигә “Болгар радиосы”ның милли музыкаль премиясендә катнашмадыгыз? Ялгышмасак, “Болгар радиосы” оештырган быелгы концертларда гомумән күренмәдегез, ТНВның Яңа ел бәйрәме тамашасы төшерүләрендә дә булмадыгыз кебек?

– “Болгар радиосы” премиясенә, дөресен генә әйткәндә, белмим, ни өчен чакырмаганнардыр. Ул көнне мин катнаша ала идем. Ләкин чакыру килмәде. Бу сорауны “Болгар радиосына” бирергә кирәк дип уйлыйм, бәлки катнаштырасылары килмәгәндер. Ә ТНВ Яңа ел съемкасында булдым.

“Болгар радиосы” премиясендә генә катнашмадым. Дөресен генә әйткәндә, премиядә генә түгел, “Болгар радиосы” үткәргән чараларда соңгы мәлләрдә катнашканым юк. Чакырулар килми, белмим, бәлки мин ул программаларга сыя алмыймдыр, бәлки җырчыларның яхшыраклары бардыр, диде Татар Тудей порталына Татарстанның атказанган артисты Филүс Каһиров.

2017 елгы фото, “Болгар радиосы” студиясендә

Безнең сорауга “Болгар радиосы”ның баш мөхәррире, радио продюсеры Илфар Кәримов аңлатма бирде:

– Без Филүс белән хезмәттәшлек итәбез. Әлбәттә, ул концертларның бер бизәге. Ләкин быел ул яңа җырлары белән әллә ни сөендермәде. Бәлки әле яңа җырларының эфир өчен әзерләнгән варианты гына юктыр. Ә “Болгар радиосы” эфирында бүгенге көндә барган җырлары инде “Болгар радиосы” Милли музыкаль премиясенә лаек булган иде.

Запись Филүс Каһиров нигә “Болгар радиосы” концертларында, “Милли премия”дә катнашмый әллә катнаштырмыйлар? впервые появилась Tatar Today - татар яңалыклары..

“Болгар радиосы” Милли музыкаль премиясендә кайсы җырчыларны күрергә мөмкин булачак?

Alfia — Tue, 22 Oct 2019 19:51:59 +0000

// Татар Тудей // Татар Бүген //

2019 елның 14 декабрь көнендә Казанның “Пирамида” концертлар залында “Болгар радиосы” VII Милли музыкаль премиясен тапшыру тантанасы узачак.

“Болгар радиосы” Милли музыкаль премиясенең максаты – халык күңелен яулаган җырларны барлау, җырчыларны һәм аларның иҗат җимешләрен алтын фондка кертү. “Болгар радиосы” халкыбыз фикеренә таянып, иң яхшыларын гына барлый, яңа гына табадан төшкән җырларны еллар белән сыналган сәнгать әсәрләре белән янәшә куеп замана белән бергә атлый.

Билгеле булганча, “Болгар радиосы” Милли музыкаль премиясе лауреатларының бер өлеше – “Кайнар хит” проектында тавыш бирү нәтиҗәсендә җиңү яулаган артистлар. Алар арасында Ришат Төхвәтуллин, Гүзәл Уразова, Раяз Фәсыйхов, Марат Шәйбәков, Гөлназ Асаева, Марат Фәйрушин, ИлСаф, Рүзилә Хәертдинова, Сиринә Зәйнетдинова, Рәзил Камалов белән Рәфинә Ганиуллина һәм башкалар бар.

“Кайнар хит” җиңүчеләреннән кала, ел дәвамында “Болгар радиосы”нда еш соралган һәм халык күңеленә кергән җырлар да “Алтын йолдыз” сыны белән бүләкләнә. Шуны да әйтергә кирәк, “Болгар радиосы” Милли музыкаль премиясенә җырчылар гына түгел, җырны иҗат иткән авторлар да лаек була”, – ди “Болгар радиосы” баш мөхәррире, продюсеры Илфар Кәримов.

Быел “Болгар радиосы” VII Милли музыкаль премиясендә 30дан артык номинация көтелә. Елдагыча, артистлар “Иң халыкчан җырчы”, “Татар җыр сәнгатен дөньяга танытканы өчен”, “Ел ачышы”, “Иң лирик җыр”, “Иң моңлы җырчы”, “Елның гаилә дуэты”, “Халык мәхәббәте”, “Кабатланмас тавыш” һәм башка номинацияләрдә бүләкләнәчәк.

“Болгар радиосы” VII Милли музыкаль премиясен тапшыру тантанасы 14 декабрьдә 18:00 сәгатьтә “Пирамида”да узачак. 6+

Запись “Болгар радиосы” Милли музыкаль премиясендә кайсы җырчыларны күрергә мөмкин булачак? впервые появилась Tatar Today - татар яңалыклары..

Винарис Ильегет белән Ләйсән Мәхмүтова “Алтын йолдыз” сынын ничек бүлешә?

Julia Julia — Tue, 11 Dec 2018 10:31:13 +0000

Винарис “Болгар радиосы” милли премиясендә икенче мәртәбә катнаша. Беренче премияне ике ел элек “Килеп китсәң ни була?” җыры өчен алган иде. Быелгы концертта ул Ләйсән Мәхмүтова белән дуэт буларак чыгыш ясады. “Мәхәббәт күбәләге” җыры белән “Иң креатив дуэт” номинациясендә “Алтын йолдыз”га ия булган ике җырчы бер сынны ничек бүлешкәннәр икән?

– Әле ярый “Алтын йолдыз” белән дипломын да бирделәр, ике бүләк булды. Берәү генә булса ничек бүлешкән булыр идек, белмим (көлә). Бу бүләк икебез өчен дә бик кадерле булып чыкты. “Алтын йолдыз” сыны башта миндә, ә диплом ярты ел Мәхмүтовада торачак, дигән фикергә килдек. Июль аенда алмашабыз: диплом миңа кайта, “Алтын йолдыз” Ләйсәнгә китә дип сөйләштек.

– Бу бүләкләрне гомер буе шулай алмаштырып йөрергә җыенасызмы?

– Юк, киләсе елга башка җыр белән шушы милли премиядә катнашырга уйлыйбыз. Тагын бер “Алтын йолдыз” ала алсак, берсе Ләйсәнгә, берсе миңа була.

– Сезнең бер генә дуэтыгыз турында белә идек, икенчесе дә шаян җырмы?

– Икенче дуэтыбыз өстендә эшлибез әле. Тиздән әзер булачак, үзегез күрерсез.

– Винарис, сезнеңчә милли премиядә чыгыш ясаган җырчыларның барысын да гадел юл белән сайлаганнармы?

– Мин үзебез өчен генә җавап бирә алам. Концертта безне бик яратып кабул иттеләр. Тамашачының алкышлары моңа дәлил. Шуңа күрә әлеге премиягә безне халык сайлаганына шигем юк. “Алтын йолдыз”лы булуыбыз белән бик горурланабыз!

Запись Винарис Ильегет белән Ләйсән Мәхмүтова “Алтын йолдыз” сынын ничек бүлешә? впервые появилась Tatar Today - татар яңалыклары..

Айдар, Ришат, Данир, Илсөя, Филүсләр милли премия алды: “Болгар радиосы” гаделлек принципларына тугрымы? [фотогалерея]

Julia Julia — Mon, 10 Dec 2018 12:31:35 +0000

//Юлия Насыбуллина//Тatar today//Алмаз Шәмсиев һәм Рөстәм Исхакый фотолары

Казанның Пирамида залында 8 декабрьдә узган “Болгар радиосы” VI милли музыка премиясен тапшыру тантанасында 33 җырчы”Алтын йолдыз” сыны белән бүләкләнде. Кичәне радионың баш мөхәррире Илфар Кәримов, атказанган артист Рөстәм Гайзуллин һәм Миләүшә Кашапова алып бардылар. Быелның иң мөһим һәм әһәмиятле “Татар эстрадасының легендасы” номинациясе Флера Сөләймановага тапшырылды, Виталий Агаповны “Ел продюсеры” дип игълан иттеләр.

Иң беренче булып “Алтын йолдыз” сынын быел милли премиядә беренче тапкыр катнашучы өч бала әнисе Ләйсән Гыймаева алды. Ул Зифа Нагаева иҗат иткән “Алан җиләге” җыры белән “Иң үзенчәлекле тавыш” номинациясендә җиңү яулады.

“Иң лирик җыр” номинациясе быел Мурат Гайсинныкы булды. Ул Венер Фәттәхов сүзләренә үзе иҗат иткән “Агыла моң” җырын башкарды.

Татарстанның атказанган җырчысы Гөлдания Хәйруллинаны “Иң тынгысыз җырчы” дип игълан иттеләр. “Мин үземне яңа чыгып килә торган җырчы итеп кенә хис итәм әле. Гомер буе эзләнүдә булдым. Үзгәрешләргә яхшы карыйм, критиканы да уңай кабул итәм. Эшләмәгән кешегә генә сүз әйтеп булмый ул. Эзләнгән кеше ялгышырга да мөмкин. Бернигә дә карамыйча алга таба эшләргә, эзләнергә һәм иҗат итәргә кирәк”, диде Гөлдания Хәйруллина.

“Елның гаилә дуэты” – Динә һәм Рафаэль Латыповлар, “Иң моңлы дуэт” – Илмира Нәгыймова һәм Руслан Кираметдинов, “Тамашачы мәхәббәте” – Дилә һәм Булат Нигъмәтуллиннар, “Иң лирик дуэт” – Алсу һәм Флорид Гыйздәтуллиннар, “Иң романтик дуэт” – Айгөл һәм Ришат Шәйхетдиновлар, “Иң креатив дуэт” – Ләйсән Мәхмүтова һәм Винарис Ильегет, “Иң халыкчан дуэт” исеменә – Зинира һәм Ризат Рамазановлар лаек булдылар. Милли премиядә дүртенче мәртәбә катнашучы Зинира һәм Ризат Рамазановлар шушы бүләк өчен тамашчыларга чиксез рәхмәт белдерделәр.

“Ходай шушы тамашачылардан аермасын. Безне хөрмәт итеп концертларыбызга йөрүче, радиодан һәрдаим җырларыбызны яңгыратуны сорап торучы тыңлаучыларыбыз булганда без бик бәхетле”, диде Ризат.

Җыр ничек хитка әйләнә һәм ни өчен эстрада чүпләнә?

Башка тантаналардан аермалы буларак, “Болгар радиосы” милли музыка премиясендә җырның авторларын һәм композиторларын да бәяләп үттеләр.

“Без, ягъни композиторлар, бөтен күңелебезне биреп язган җырларны җырчы җиренә җиткереп башкара алса, ул җыр хитка әйләнә. Әлбәттә, һәр җырның үз башкаручысы була, тиешле җырчысына эләгү дә мөһим роль уйный”, дип Альфред Якшимбетов хит җырларның ничек барлыкка килүе турында сөйләде.

Россия авторлар җәмгыятенең Татарстан бүлеге рәисе Зөфәр Хәйретдинов авторлык хокуклары бозылу очраклары һәм җыр урлашу кебек ямьсез күренешләр, низаглар турында фикерен әйтте. “Авторлык хокуклары бозылу буенча җырчылар байтак мөрәҗәгать итә. 16 ел Россия авторлар җәмгыятенең Татарстан бүлеген җитәклим. Беренче елларда мондый нәрсәләр гомумән юк иде. Моны мин яңа технологияләр, интернет һәм социаль челтәрләр актив эшли башлау галәмәте дип кабул иттем. Хәзерге җырларны берсеннән берсен аерып алу бик кыен. Базарның бик чуарланганын аңлата бу. Элек җырчылар аз булгач, җырлары да азрак иде. Ә хәзер җырчылар да күп, репертуарлары да киң. Шулкадәр җырны кайдан табып бетерәләрдер. Булдыра аламы, алмыймы теләсә кем җыр яза. Шулар белән җыр сәнгате чүпләнә, низаглар килеп чыга”, диде “Иң халыкчан автор-башкаручы” номинациясе җиңүчесе Зөфәр Хәйретдинов.

“Популяр җырлар авторы” номинациясе быел Айдар Тимербаевка, ә “Халык күңеленә кергән җырлар авторы” исеме Зифа Нагаевага тапшырылды.

Атказанган җырчы Илназ Баһ: “Кашыкларда, шешәләрдә уйныйм”

“Заманча яңгыраш” – Лилия Гыйматдинова, “Иң эзләнүчән җырчы” – ИлСаф, “Иң моңлы җырчы” – хатын-кыз җырчылар арасында Бәширә Насырова, ир-ат җырчылар арасында Идрис Газиев, “Иң романтик җырчы” – Раяз Фасыйхов, “Иң зәвыклы җырчы” – Лилиана Ирназарова, “Ел ташкыны” – Гүзәл Диникиева, “Иң лирик җырчы” – Илсөя Бәдретдинова, ә “Күпкырлы җырчы” номинациясендә Илназ Баһ бүләкләнде.

“Хәзер заманасы шундый, күпкырлы булырга кирәк”, дип алып баручылар әле күптән түгел генә атказанган артист исеменә лаек булган Илназ Баһны сәхнәгә чакырды. Бу Илназның икенче “Алтын йолдыз”ы икән.

“Җырлар язам, күп төрле уен коралларында: гитарада, курай, гармун, баянда, кашыкларда, шешәләрдә уйныйм. Насыйп булса, киләсе елга милли премиядә хатыным Гүзәл белән дуэт буларак катнашырга уйлап торабыз”, дип сөйләде Илназ Баһ.

Азат белән Гөлсирин милли премиядә нигә җырламады?

“Ел җырчысы” – Айдар Галимов, “Татар җыр сәнгатенә керткән өлеше өчен” – Венера Ганиева, “Милли музыка үсешенә керткән өлеше өчен” – Илмир Низамов, “Йөрәкләргә үтеп кергән җыр” – Филүс Каһиров, “Иң җор телле җырчы” – Данир Сабиров, “Халык мәхәббәте” – хатын-кызлар арасында Зәйнәп Фәрхетдинова, ир-атлар арасында Ришат Төхвәтуллин, ә “Өметле җырчы” исеменә Алия Карачурина ия булды.

Гөлсирин Абдуллина белән Азат Абитов күптән билгеләнгән гастрольләргә китү сәбәпле Болгар радиосы” VI милли музыка премиясендә җырламадылар. Хәтерләсәгез, берничә көн элек “Кайнар хит”ның нәтиҗәләре Рифат Фәттәховның ачуын чыгарган иде. Бәхәс уңай хәл ителгән, күрәсең. Җитәкчелек белән сөйләшеп, яшьләрне “Милли моңнарны саклап калуга зур өлеш керткән өчен” номинациясендә бүләкләделәр. “Алтын йолдыз”ны Ваһапов фонды җитәкчесе Рифат Фәттахов чыгып алды.

“Бу Азат Абитов белән Гөлсирин Абдуллинаның җиңүе генә түгел, бу сезнең җиңү дә. Безнең Азат белән Гөлсирин “Кайнар хит”ның соңгы тапшыруларында бик уңышлы чыгыш ясадылар һәм алар өчен сезнең тарафтан бик күп тавышлар килде. Рәхмәт. Инде безнең яшьләребезне күреп алган, гаделлек принципларына тугры булып калган, безнең яшьләргә стимул биргән һәм аларны шундый бүләккә лаек дип тапкан “Болгар радиосы”на, ТНВ җитәкчелегенә аерым зур рәхмәт”, диде продюсер Рифат Фәттахов.

Фотогалерея: Татар тудей//Алмаз Шәмсиев һәм Рөстәм Исхакый

Запись Айдар, Ришат, Данир, Илсөя, Филүсләр милли премия алды: “Болгар радиосы” гаделлек принципларына тугрымы? [фотогалерея] впервые появилась Tatar Today - татар яңалыклары..

Римма Никитинага “TMTV”, “Болгар радиосы” премияләре эләкмәгәнгә, Чаллы тамашачысы үзенекен бирә

Гузель — Fri, 12 Oct 2018 13:51:00 +0000

“Ну, Чаллы! Ну, зурладыгыз! Ну, рәхмәт! Матур-матур чәчкәләрегез, бүләкләрегез өчен зур рәхмәт! Хәтта премия дә бирдегез! “TMTV” премиясен бирмәделәр, “Болгар радиосы” премиясен күрсәтмәделәр, ә менә Чаллы шушындый матур премия белән бүләкләде. Тамашачы мәхәббәте премиясеннән дә зуррак бүләк юк”, дигән видео урнаштыра.

“Чаллы, киләсе елга яңа концерт программасы белән 9 октябрьда очрашканчыга кадәр! Сезне яратып, сезнең “зажигалка” Риммагыз!”, дип тә яза ул.

Фото Римма Никитинаның Инстаграмыннан алынды

Запись Римма Никитинага “TMTV”, “Болгар радиосы” премияләре эләкмәгәнгә, Чаллы тамашачысы үзенекен бирә впервые появилась Tatar Today - татар яңалыклары..

“Ел җырчысы” кем дә, “2016 ел дуэты” кемнәр?

Редактор1 editor1 — Sat, 25 Feb 2017 18:52:41 +0000

“Пирамида” концертлар залында шушы минутларда “Болгар радиосы” милли музыка премиясе тапшыру тантанасы гөрли. Татар эстрадасының каймагы шушы чарадан фото-видеолары белән социаль челтәрләрдә бүлешә. //Tatar-today//

Ризат һәм Зинира Рамазановлар да үз чыгышын тәмамлап, бүләк-чәчәкләргә күмелеп кереп китте. Алар “2016 ел дуэты” номинациясенә лаек дип табылды.

https://www.instagram.com/p/BQ8bdTyhSH8/?taken-by=ziniraramazanova%20

“Кил син тәүбәгә” җыры белән Ильяс Халиков та җиңүче булды.

Премия Раяз Фасыйхов белән Лилия Хәйруллинага да эләкте.

“Син һәм мин” дип җырлаучы Салават белән Гүзәлем “Тамашачы мәхәббәте” номинациясендә җиңү яулады.

Рифат Зарипов “Сабырлык” җыры өчен бүләккә ия булды.

Вадим Захаров та көтеп алынган бүләген тотып фотога төшкән.

“Ел җырчысы” исеменә Ришат Төхвәтуллин лаек дип танылды.

Запись “Ел җырчысы” кем дә, “2016 ел дуэты” кемнәр? впервые появилась Tatar Today - татар яңалыклары..

Мөселман яшьләре форумы кавыштыра – Бәкир белән Айшәнең мәхәббәт тарихы

Редактор1 editor1 — Mon, 18 Jul 2016 10:53:15 +0000

Бу көннәрдә Болгарда мөселман яшьләренең II форумы уздырыла. Анда Кырымнан Бәкир һәм Айшә Адиловлар да катнаша. Аларны былтыр форумның беренчесе кавыштырган.

Бәкир Адилов – иҗади кеше. Ул нәшидләр башкара. Шулай ук балаларга җыр буенча дәресләр алып бара. Киләсе елга Кырымның мәдәният, сәнгать һәм туризм университетында магистратура тәмамлый. Айшә исә белеме буенча – филолог. Ул кырым татар теле укыта.

“Хәләл җефетем белән былтыр Болгарда мөселман яшьләренең I форумында таныштык. Бер атна дәвам иткән әлеге чара барышында Айшә белән уртак якларыбызның күп булуы ачыкланды”, – диде Бәкир.

Яшьләрнең һәркайсы Симферополь шәһәрендә яшәсә дә, Айшәнең Бәкирнең концертларына баргалаганы булса да, аларга нәкъ менә Татарстанда танышырга насыйп булган. Кырымга кайткач, якыннан аралашуларын дәвам иттергәннәр. Моннан 3 ай элек гаилә корып җибәргәннәр.

“Без биредә таныштык. Форумның гаиләбезнең күркәм традициясенә әверелүен теләдек. Шуңа күрә быел да анда кабат катнашырга булдык”, – диде Айшә Адилова.

Бәкир билгеләп үткәнчә, дин – ул тормыш рәвеше. Моның шулай икәнлеген таныган, диннең үз-үзеңне чикләү, дөньядан ваз кичү түгеллеген аңлаган очракта гына җан тынычлыгы була. Ислам дине кешеләрне дөрес юнәлештә үсеш алырга һәм тормышның мәгънәсен аңларга ярдәм итә дип саный ул.

Татар-информ

Запись Мөселман яшьләре форумы кавыштыра – Бәкир белән Айшәнең мәхәббәт тарихы впервые появилась Tatar Today - татар яңалыклары..

Мәскәүдә Болгар радиосы тантанасы ничек үтте [фото-видео]

Габдулла Тукай — Sun, 28 Feb 2016 15:02:29 +0000

28 февраль Мәскәүдә беренче тапкыр Болгар радиосы III милли музыкаль премиясен тапшыру тантанасы узды. Без анда ниләр булуын белергә тырыштык.

Болгар радиосы премиясендә популяр, халык яраткан дип табылган татар җырчы-арстистлары һәм алып баручылары Мәскәүдә сәхнә тотты. Кайберләре беренче тапкыр Русия башкаласындагы җиде меңлек тамашалар залын күрде.

Казан егетләре тамашачылар янынан үтә

Артистлар исемлеген саный китсәк, Хәния Фәрхи, Зәйнәп-Зөфәр, Габделфәт Сафин, ИлСаф, Радик Юльякшин, Сиринә Зәйнетдинова, Алинә Давыдова, Салават Миңнеханов, Гүзәлем, Азат Абитов, Артур Шөгаепов, Рузилә Хәйретдинова һәм башка җырчылар бар. Казаннан барлыгы (биюче, ярдәмче, ансабльләр, җырчылар, алып баручылар) 300ләп иҗат кешесе Русия башкаласына юл тота.

Алып баручылар

Илсаф һәм Радик Юльякшин

Артур Маузер саксофонда милли моңнарны оркестр белән уйнады.

Мәскәүдәге зур татар концертында алты меңләп тамашачы җыелды.

Марсель Вәгыйзов һәм Филүс Каһиров

Данир Сабиров гадәттәгечә үзенчә шаккаттырды.

Салават Миңнеханов һәм Гүзәлем чыгышлары биючеләр белән бизәлде.

Мәскәүдә Болгар радиосы премиясе алучылар Салават Миңнеханов һәм Гүзәлем сәхнәдән хисләнеп, очынып чыктылар.

Тантана азагы “Туган тел” җыры белән тәмамланды.

Күмәк фото

Запись Мәскәүдә Болгар радиосы тантанасы ничек үтте [фото-видео] впервые появилась Tatar Today - татар яңалыклары..