Архивы бозлавык - Tatar Today - татар яңалыклары.

Тагын буран була, диләр…

Алсу Мансурова — Fri, 26 Feb 2021 11:49:58 +0000

Татарстан синоптиклары буран, бозлавык һәм кар көртләре хакында кисәтә.
Һава шартлары начараю аркасында күз күреме 500-1000 метрга кадәр кимиячәк.

Иртәгә, 28 февральдә, Татарстанда һава шартларының начараюы көтелә.

ТР Гидрометеорология һәм әйләнә-тирә мохитне күзәтү идарәсенең матбугат хезмәтеннән хәбәр итүләренчә, төнлә һәм иртән республика территориясендә, Казанны да кертеп, көчле кар явачак. Төнлә дә, көндез дә буран чыгуы көтелә, буран вакытында күз күреме 500-1000 метрга кадәр кимиячәк.

Моннан тыш, җилнең тизлеге урыны белән секундына 15-18 метрга кадәр җитәчәк (республика башкаласында җил төнге сәгатьләрдә көчәер дип көтелә). Юлларда бозлавык һәм кар көртләре барлыкка киләчәк.

Чыганак : "Татар - информ" МА

Запись Тагын буран була, диләр… впервые появилась Tatar Today - татар яңалыклары..

Иртәгә безне нинди һава торышы көтә?

Алина — Wed, 02 Jan 2019 14:54:28 +0000

Иртәгә, 3 гыйнварда, Татарстанда төнлә һәм иртән урыны белән томан, пыскак кар һәм бозлавык көтелә. Бу хакта Татарстан Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә.

Төбәктә аязучан болытлы һава торышы саклана. Бераз кар явачак.

Татарстанда төнлә – 13 градус булачак. Көндез һава температурасы -4…-9 градус фаразлана.

tatar-inform

Запись Иртәгә безне нинди һава торышы көтә? впервые появилась Tatar Today - татар яңалыклары..

Татарстан синоптиклары юеш кар һәм бозлавык турында кисәтә

Алина — Tue, 27 Nov 2018 08:04:18 +0000

Бүген, 27 ноябрьдә, Татарстан территориясендә урыны белән бераз кар явачак. Юлларда бозлавык хасил була. Бу хакта Татарстан Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә.

Республикада һава торышы болытлы булачак, көндезге сәгатьләрдә аязланырга мөмкин, – дип фаразлый синоптиклар.

Һава температурасы көндез -3тән -8 градуска кадәр салкын булачак. 28 ноябрьгә каршы төндә термометр баганалары -13 градуска кадәр, аязган вакытта -19 градуска кадәр төшәчәк.

Татар-информ

Запись Татарстан синоптиклары юеш кар һәм бозлавык турында кисәтә впервые появилась Tatar Today - татар яңалыклары..

Яз төрлелеге: башта кояш, аннан бозлавык, кар һәм яңгыр [һава торышы]

Редактор1 editor1 — Mon, 17 Apr 2017 12:24:07 +0000

Татарстан Гидрометеорология һәм әйләнә-тирә мохитне күзәтү идарәсе Татарстан территориясенә көньяк циклоны килү сәбәпле, һава торышы һәм юл шартлары бозылу турында кисәтә. Бу 19-21 апрель көннәрендә күзтеләчәк. //Татар-информ//

Республика территориясендә уртача һәм көчле җепшек кар, яңгыр явуы көтелә. Урыны белән буран чыгачак, күз күреме сизелерлек кими. Кар катламы ятарга мөмкин. 20-21 апрельдә тизлеге секундына 17-22 метрга кадәр җиткән көчле җил булуы көтелә. Юлларда бозлавык хасил булу ихтимал. Һава температурасы -3..+2 градуска кадәр төшә.

19-20 апрельдә республиканың көньягында һәм көнчыгышында +8..+10 градус җылы булачак. Юлларда бозлавык, аерым урыннарда кар көртләре пәйда булырга мөмкин.

Запись Яз төрлелеге: башта кояш, аннан бозлавык, кар һәм яңгыр [һава торышы] впервые появилась Tatar Today - татар яңалыклары..

Кышкы шиннарын ашыгып җәйгегә алмаштырганнар арасында юл һәлакәтенә юлыгучылар күп [фото]

Редактор1 editor1 — Wed, 29 Mar 2017 14:53:41 +0000

Инде март ахыры булса да, яз әле бөтенләе белән килергә ашыкмый. Иртәнге буран һәм һава торышының кинәт бозылуы юлларда бозлавык ясады. Язгы кояш нурларына алданып, кышкы шиннарын җәйгегә алмаштырганнар арасында, кызганычка каршы, юл һәлакәтләренә юлыгучылар булды. Казан юлларында көндез генә дә ничәмә-ничә юл һәлакәте булган. //Tatar Today//

Запись Кышкы шиннарын ашыгып җәйгегә алмаштырганнар арасында юл һәлакәтенә юлыгучылар күп [фото] впервые появилась Tatar Today - татар яңалыклары..

Татарстанлылар бозлавыкта егылмас өчен менә дигән ысул уйлап тапкан! [фото]

Редактор1 editor1 — Sat, 12 Nov 2016 08:26:32 +0000

Табигатьнең начар һава торышы юк дисәләр дә, соңгы көннәрдә бар халык бозлавыктан зарлана. Зарланырлык та, меңләгән юл-транспорт һәлакәтләре, кешеләрнең имгәнүләре турында яңалыклар тынмый.

Шул ук вакытта адәм баласы эшкә, укырга барганда ничек кенә егылмаска дип баш вата. Алабугалар бу проблеманың чишелешен бик тиз тапкан.

Алар аяк киеме өстеннән носки киеп урамнарга чыккан. Олылар да, балалар да матурлык турында онытып, үзләрен шулай егылулардан сакламакчы булган.

Фото, мәгълүмат Новая Кама сайтыннан алынды.

Запись Татарстанлылар бозлавыкта егылмас өчен менә дигән ысул уйлап тапкан! [фото] впервые появилась Tatar Today - татар яңалыклары..

Нурлат районында гадәти булмаган һәлакәт: бер ир ат арбасы астында калып үлгән

Редактор1 editor1 — Tue, 01 Nov 2016 11:29:36 +0000

Кичә кич Татарстанның Нурлат районында 45 яшьлек ир ат арбасы астында калып һәлак булган.

Чистай-Аксубай-Нурлат машина юлының 102 нче чакрымында җиккән атта барган ир, караңгыда бозлавыкта җиккән атта барганда идарәне югалткан һәм ат арбасы белән әйләнеп капланып үлгән.

Татар-информ

Запись Нурлат районында гадәти булмаган һәлакәт: бер ир ат арбасы астында калып үлгән впервые появилась Tatar Today - татар яңалыклары..

Алдагы ике көндә һава торышы тагын да бозылачак

Редактор1 editor1 — Mon, 31 Oct 2016 19:53:48 +0000

Татарстанның Гидрометеорология үзәге республикада 31 октябрь – 1 ноябрьдә һава шартларының тагын да бозылуы турында кисәтә.

Шушы ике көндә Татарстанда кар, кайбер районнарда юеш кар явачак, урыны белән көнчыгыштан, көньяк-көнчыгыштан секундына 15 метр тизлектә җил-буран уйнаячак, буран вакытында күз күреме 1 мең метрдан да артмаячак, дип фаразлый синоптиклар. Вакытлы гына булса да, җиргә кар ятты инде. Юлларда бозлавык урнашачак, дип кисәтә Гидрометеорология үзәге. Төнлә һава температурасы 1-6 градус салкын, көндез 1 градус җылыдан 3 градуска кадәр суык көтелә.

Татар-информ

Запись Алдагы ике көндә һава торышы тагын да бозылачак впервые появилась Tatar Today - татар яңалыклары..