“Беренче канал” “Голос.Дети” проектының алтынчы сезоны нәтиҗәләрен гамәлдән чыгарырга карар кылган. Әлеге бәйгедә җырчы Алсу һәм эшмәкәр Ян Абрамовның кызлары Микелла җиңгән иде.

Телеканалның РБКга җибәрелгән белдерүендә “Тикшерүнең беренчел нәтиҗәләре тавыш бирүгә тыштан йогынты булуын раслады, бу шоуның ахыргы нәтиҗәләренә тәэсир иткән”, диелә. Тикшерүнең тулы хисабы май ахырында чыгарга тиеш.

Бәйге нәтиҗәләрен тикшерүче Group-IB ширкәте 07 саны астында чыгыш ясаучы (Микелла Абрамова) файдасына автоматлаштырылган СМСлар җибәрелгән дип белдерде. Белгечләр исәпләвенчә, 300ләп телефон номерыннан 8 мең тирәсе СМС җибәрелгән.

Group-IB хәбәр итүенчә, бәйгенең нәтиҗәләрен үзгәртү максатыннан тавыш бирү системына эчке йогынты ясау яки киберһөҗүм оештыру ачыкланмаган. Моннан тыш, Русиянең бер төбәгендә бәйгедә катнашучыларның берсе өчен тавыш биргәндә ботлар кулланылган. Алардан 30 мең шалтырату кабул ителгән.

“Беренче канал” үзенең белдерүендә аудит тавыш бирүгә тыштан йогынты ясалганмы-юкмы икәнен тикшерә, кемгә дә булса гаепләү белдерү бурычы юк ди. “Балалар үзләре кылмаган гамәлләр өчен җавап бирергә тиеш түгел” диелә белдерүдә.

Телеканал шулай ук “Голос.Дети”ның махсус чыгарылышын әзерләргә карар иткән. Ул 24 майда эфирга чыгачак, анда бөтен финалистлар да катнашачак.

Проектның яңа сезоны башланганчы “Беренче канал” шулай ук тавыш бирү механизмын камилләштерергә ниятли.

“Голос.Дети” проектының алтынчы сезон финалы турыдан-туры эфирга 26 апрельдә чыкты. Микелла Абрамовага тамашачыларның 56,5 проценты тавыш бирде. Аның көндәшләре Ержан Максимов һәм Валерий Кузаков иде.

Әлеге хәлдән соң социаль челтәрләрдә шау-шу купты. Кемдер Алсуны һәм аның кызын яклады, каршы булучылар да күп иде.

Запись “Чынлыкта кем җиңгән?” – Беренче канал “Голос.Дети” финалы нәтиҗәләрен гамәлдән чыгарды впервые появилась Tatar Today - татар яңалыклары..

Дөресен генә әйткәндә, иҗатка бәя бирү беркайчан да тулысынча объектив була алмый инде ул, чөнки берәүләргә бер төрле талантлар ошаса, икенче берәүләр­нең зәвыгы бөтенләй башка төрле булырга бик мөмкин. Ничек кенә булмасын, берничә талантлы бала сайлап алына һәм бөтен халык хө­ке­менә телеэкраннарга чыгарыла. Шуннан соң бәяне, смс-хәбәрләр юллап, тамашачы бирә. Беренче карашка монда да барысы да гадел кебек тоела. Талантлар өчен тигез көрәш мәйданы ачыла. Кем үзенең тавышы белән күпчелек халыкны әсир итә ала, шул җиңә. Җиңе­лү­челәргә үпкәләргә урын калмый.

Тагын бер нәрсәне искәртик: шоуда теләгән һәркем катнаша ала, баланың әти-әнисе кем булуы да, социаль чыгышы да исәпкә алынмый. Бу яктан ул гади халык баласына, таланты булса, түбәннән күтәре­лергә, эстрадада үзенә исем-имидж ясап “йолдыз“га әверелергә мөм­кин­лек бирә торган социаль лифт­ны хәтерләтә. Халык аның менә шушы ягын үз иткән һәм яраткандыр да. Тормышта бит таш­ка язылган кануннардан тыш, язылмаган ка­гыйдәләр дә бар. Соңгысы, язылмаганы, күпчелек очракта көчлерәк тә булып чыга. “Голос. Дети“ның язылмаган законы исә моңа кадәр шундый иде: бер “йолдыз“ да үз баласын анда этеп чыгармады, миллионер һәм олигарх балалары да анда катнашып көчәнүдән имин иделәр. Быел менә шушы кагыйдә бозылды. Миллионер баласы һәм миллиардер оныгы, җитмәсә, эстрада “йолдызы“ның кызы гадиләр өчен старт булып хезмәт иткән мәйданга чыкты һәм шикле рәвештә зур җиңү яулады. Бу хәлгә хәтта эстрадада азау теше ярган осталар да түзеп тормады. Максим Галкин, әйтик, беренчеләрдән булып, социаль челтәрдә Микелла­ның конкурста катнашуын һәм җиңүен өнәмәгән пост бастырды. Гавам шуны гына көткән төсле аны күтәреп алды һәм гауга кар йомарламы кебек үсә башлады. Бу юллар язылганда, “Ютюб“та җиңүче кыз­ның чыгышы 8 мең лайк, 34 мең дизлайк җыеп өлгерде инде. Кыз балага янаучылар җитәрлек. Гауга социаль протест төсен ала. Күрә­сең, мәшһүрләр үз кызларын конкурста катнашырга этәргәндә, ил­дәге вәз­гыятькә дөрес бәя бирә алмаганнар, ба­ланың карьерасына старт мәйданы дөрес сайланмаган.

Илдәге вәзгыять исә менә мондыйрак бит инде. Миллионнар кү­рә­­ләр: үзләре тормышларын юк­лыкта үткәрделәр, хәзер балаларына калкып чыгарга һич җай юк. Югары белемле яшь белгечнең хезмәт хакы 20 мең сумнар тирәсендә тирбәлә. Бу әле барысы да яхшы гына барганда һәм эшкә уңышлы урнашканда шулай. Станок артына басып та бик мантый алмыйсың. Гомереңне фәнгә багышласаң да, иртәгесе көннең якты булуына ышаныч юк. Кыскасы, кая гына карама, синең алда социаль лифтның ишекләре бикләнә һәм котылгысыз рәвештә түбәндә каласың. Зур акча эшләү мөмкинлеге бирә торган табигый монополия булган дәүләт компа­ния­ләренә вакансия турында бел­дерү аша гына эшкә урнашып булмый. Берәр туганыңның, якының­ның шунда эшләве һәм сине тартып кертүе кирәк. 20 мең сум, хәтта 30 мең сум айлык акча белән тормышны ничек кормак кирәк, фатир арендалаганнан соң һәм ашау-эчү чыгымнарын күтәргәннән соң, кесә төбе такырая да кала. Яшьләр генә­ме, инде пенсия яшенә якынлашучылар да хәтта 10-12 мең сумлык хезмәт хакына риза булып яшәргә мәҗбүр. Топ-менеджер­ларның бер көнлек хезмәт хакы синең гомерең буе бил бөгеп алган акчаңнан өс­тенрәк булуы тагын теңкәне соңгы чиккә кадәр киерә. Менә шушы шартларда халык совет чо­рының тигезлеген сагына хәзер. Үткән гасырның илленче-сиксәненче ел­лары вәкилләре генә түгел, тормышка яңа аяк басучы яшьләр дә үткәннәргә текәләләр. Гавам хәтта утызынчы елларның репрессиялә­ренә мөкиббән, сталинизмны кайтаруны таләп итә.

Шундый вәзгыятьтә илкүләм оештырылган телешоуда, үз урынын онытып, бизнес элитаның йогынтылы бер вәкиле үз баласын югарыга этеп чыгара. Кыз талант­лымы-юкмы, аның тавышы аһәң­леме-моңлымы – болары хәзерге этапта һичбер әһәмияткә ия түгел. Баланың финалга чыгуы үзе үк гаделсезлек элементы буларак кабул ителә. Җиңүе исә бөтенләй ачу кубара торган хәлгә әверелә. Игътибар итсәк: соңгы вакытларда халык төбәк җитәкчеләрен сайлауда да үзе кебек фәкыйрьлек йөген тартучыларны яисә гади кешеләр мән­фәгатьләрен якларга вәгъдә бирү­челәрне тәхеткә күтәрә. Менә шул феномен илкүләм телешоуда тагын бер тапкыр үзен күрсәтте, сыйнфыйлык позициясе, сул идеяләр йогынтысы йөрәкләрдә протест дулкыны уятты. Мәгълүмат кыры сугышчылары – журналистлар һәм блогерлар да шул протестны яклады. Нишләтәсең, каләм ияләре үзләре дә халык белән аның кара бәхетен уртаклаша бит бүген. Интеллигенция вәкилләре – табиблар һәм укытучылар, галимнәр һәм иҗат әһелләре бер үк казандагы сыек шулпаны эчәләр. Нәтиҗәдә бик күңелсез хәл туды: үзен ни өчен эзәрлекләгәннәрен аңлый алырлык яшькә җитмәгән кыз баланы пычрак су белән коендырдылар.

Соклануны һәм нәфрәтне тиешле юнәлештә борып җибәрү өчен мәгълүмат диверсиясе ясау да җи­тә. Алсу кызы, чынлап та, бик әллә ни зур талант түгелдер, бәлки. Хә­зер бит техника һәм техноло­гияләр ярдәмендә колагына аю бас­кан теләсә кемнән зур җырчы ясап була дип әйтәләр. Әмма эш анда түгел, илкүләм махсус оештырылган психозда. Бу бит беренче очрак кына түгел. Олимпия чемпионы титулын рус фамилияле Медведевадан хаклы рәвештә тартып алгач, татар кызы Алинә Заһитовага каршы нинди пычрак мәгълүмат һө­җүме оештырылган иде, хәтерл­ик әле. Монда хәтта эш гап-гади көн­челектә һәм буллингта гына түгел, кемнәрдер тарафыннан оештырыла торган расачыл махсус сәясәт һөҗүмендә дә. Кемнәрдер халык­ларны бер-бер­сенә өсте­рергә тырыша. Бик шапшак уен, билгеле, әмма дан-шөһрәт аренасына аяк басарга теләгән­нәр­гә моны истә тотарга туры киләчәк. Шоуга килсәк, педагог буларак минем бәям шул гына: педагогикага да, гомумкешелек кыйммәтләренә дә каршы килә тапшыру үзе дә, аннан соң оештырыла торган пычрак һөҗүмнәр дә.

(Рәшит Фәтхрахманов/“Ватаным Татарстан”, /№ 64, 01.05.2019/)

Фото: соцсети

Запись “Алсуның кызын ник яратмадылар?” впервые появилась Tatar Today - татар яңалыклары..

Көтмәгәндә җиңүче булган кызның уңышында социаль челәрләрдә аның өчен тавыш бирергә өндәгән башка эстрада җырчыларының өлеше дә зур булгандыр, дип фаразлана.

Хәзер күпчелек бәйгеләр тавыш бирүгә корылган. Әлбәттә, инстаграмда 2 миллионнан артык язылучысы булган Алсуның кызы тавыш бирү буенча беренчелекне алганга гаҗәпләнергә кирәк түгелдер.

Дөрес, “Беренче канал” әлеге тавыш бирүнең дөрес булу-булмавын тагын бер кат тикшерәчәк. Әлеге гаугалы алтынчы сезон бәйгесе хакында төшерелгән «Голос. На самой высокой ноте» документаль фильмын экраннарга чыгармаска булганнар.

Запись Алсу кызы Микелланың «Голос. Дети» бәйгесендә җиңү сәбәбе ачыкланган впервые появилась Tatar Today - татар яңалыклары..

Телефоннан шалтырату системасы аша Микелла Абрамова 36 428 шалтырату җыйган. Бу 92% тавыш дигән сүз. Валерий Кузаков өчен 1097 кеше шалтыратса, Ержан Максим өчен 2168 кеше тавыш биргән. SMS аша тавыш бирүдә Микелла 53% тавыш җыйган.

Әлегә бу гаугалы хәлгә карата Алсу тарафыннан бернинди аңлатма ишетелми. Шулай да бик күп артистлар фикерләрен язалар, күбесе гаделсезлекне таный.

“Голос. Дети” проектына 1 миллион сум акча һәм сингл яздыру өчен сертификат оту өчен көрәшкә тугыз бала килгән иде. Суперфиналга өч бала: Валерий Кузаков, Ержан Максим һәм Микелла Абрамова чыкты. Тапшыруны күзәтеп баручылар фикеренчә, шулар арасыннан көчле тавышы, таланты белән аерылып торган ике малайның берсе җиңәргә тиеш иде, дип яза Кызыл таң.

Фото: соцсети

Запись Алсуның кызы җиңүне сатып алганмы? впервые появилась Tatar Today - татар яңалыклары..

Микелла алдагы этапта төшеп калган иде. Ләкин халыкның тавыш бирүе ярдәмендә ул җиңүче булды. Аның өчен 56,5% тавыш биргәннәр, дип яза ШК.

Фото: соцсети

Запись Җырчы Алсуның кызы «Голос. Дети» бәйгесендә җиңүе зур җәнҗал тудырды впервые появилась Tatar Today - татар яңалыклары..

“Без сәхнәдә бер генә йолдыз – Эльмира гына булырга тиеш дигән фикергә килдек. Аның ире Евгений да шушы фикердә. Сәхнәдә ирләр генә булып, алар арасында Эльмира балкып торачак”, – диде концерт программасының режиссеры Максим Скалозуб.

Эльмира Кәлимуллина коллективына җиде музыкант, дүрт биюче, режиссер һәм тавыш операторлары командалары керә. Җырчы композитор Эльмир Низамов һәм Андрей Руденко белән хезмәттәшлек итә.

 

Посмотреть эту публикацию в Instagram

 

Друзья! Спешу поделиться грандиозной новостью – 15 марта в Казани (КЦ “Пирамида”) старт моего сольного тура “Главная роль” по Татарстану! Тур пройдет при поддержке Президента и Министерства культуры Республики Татарстан, организационная поддержка – компания «Барс-Медиа»! «Главная роль» – это переосмысление моего творческого опыта. Главный мотив концерта – любовь к Родине и татарской Культуре. Я готова и хочу открыть душу, показать настоящую себя своему зрителю. Ведь именно татарская культура воспитала из меня личность и музыканта. Я подготовила для вас народные татарские песни в современной обработке, классику и любимые вами авторские песни. Со мной на сцене будет джаз-бэнд Elmiracle под управлением Андрея Руденко. В некоторых номерах примет участие московская балетная труппа – ребята потрясающе танцуют, вы непременно оцените! После Казани я буду ждать вас: 17 марта в Набережных Челнах (КЗ Сары Садыковой). 20 марта в Альметьевске (ДК культуры «НЕФТЬЧЕ») Завершится мой сольный тур 21 марта в моем родном – Нижнекамске (Дом народного творчества). Буду рада встрече с вами! Билеты можно купить на сайте kassir.ru (активная ссылка в профиле) или в кассах самих залов. #эльмиракалимуллина #сольныйконцерт #главнаяроль #безкомпромиссов #новаяя #татарстан #пирамида #казань #нижнекамск #набережныечелны #альметьевск

Публикация от Эльмира Калимуллина (@elmiramatur) 28 Янв 2019 в 2:45 PST

Эльмира Кәлимуллинаның концерт туры 15 мартта Казанда башлана һәм 21 мартта туган шәһәре Түбән Камада тәмамлана. 17 мартта җырчы Чаллыда һәм 20 мартта Әлмәттә чыгыш ясаячак.

Татарстанның атказанган артисты Эльмира Кәлимуллина Түбән Кама шәһәрендә туган, Казан дәүләт консерваториясен тәмамлаган. “Голос” проектының финалисты буларак танылды.

Запись Эльмира Кәлимуллинаның концертында ир-атлар гына катнаша впервые появилась Tatar Today - татар яңалыклары..

Җырчы тамашачыларына җыр сайларга булышуларын сорап мөрәҗәгать итә. “Татар җырын башкарырга җыенам. Әмма кайсы җырның минем башкаруда отышлырак буласын уйлап бетермәдек. Булышыгызчы”, ди Ранис Габбазов.

 

Посмотреть эту публикацию в Instagram

 

МИН «ГОЛОС» ПРОЕКТЫНДА КАТНАШЫРГА ӘЗЕРЛӘНӘМ! Кадерле #дусларымтуганнарым ! Мин чыннан да @1tv каналында баручы, бик популяр “Голос” проектында катнашырга әзерләнәм. Моның турында инде әллә кайчан уйлап йөри идем, дөресен генә әйткәндә. Янымда басып торучы @dinagaripova га менә дигән мисал өчен рәхмәт! Әлбәттә, мин ул конкурста татар җырын җырларга җыенам. Әмма ниндиен җырларга , кайсы җыр нәкъ минем башкаруымда отышлырак буласын әле уйлап бетермәдек. Булышыгызчы?? #ПроектГолос #ГолоснаПервом #РанисГаббазов #Голос #ПервыйКанал #Вагаповфест

Публикация от Ранис Габбазов (@ranis_gabbazov) 31 Янв 2019 в 6:26 PST

Төп фото: җырчының шәхси аккаунтыннан алынды

Запись “Голос”та катнашырга теләүче Ранис Габбазов халыктан ярдәм сорый впервые появилась Tatar Today - татар яңалыклары..

10:30 да башланачак бәйрәмгә авыл хуҗалыгы министры Марат Әхмәтов, Татарстан мөфтие Камил Сәмигуллин, Казан һәм Татарстан метрополиты Феофан киләчәк.

12:00дә бәйрәм намазы укылачак. Аннан соң концерт булачак, аны Камал театры артисты Фәнис Җиһаншин алып бара. Концертта Габделфәт Сафин, Сәйдә Мөхәммәтҗанова чыгыш ясаячак.

Запись Динә Гарипова бу авылга кайтмаячак впервые появилась Tatar Today - татар яңалыклары..

Иң яхшы дип табылган башкаручыны саллы гына бүләк –Casio компаниясеннән синтезатор көтә.
7 гыйнварда премьерасы булып узган “Пятый элемент” тыңлаучылар тарафыннан җылы кабул ителгән иде. Ютубта куелган  видео астында Динәнең җырын мактап язылган комментарийлар шактый күп булды. Шулай да, клип булмауга бәйледерме, караулар саны аз: бары тик 17 мең тирәсе генә. Динә чыннан да талантлар эзлиме, әллә Инстаграмдагы бу бәйге җырны популярлаштыру чарасымы – билгесез.

Нәтиҗәләр 13 мартта билгеле булачак. Төп җиңүчедән кала тамашачы мәхәббәтен яулаган, ягъни видеоязмасы иң күп карау җыйган катнашучыга да бүләк биреләчәк.
Бәйге турында тулырак мәгълүматны җырчының Инстаграмдагы сәхифәсендә күрергә була.

View this post on Instagram

Академия популярной музыки Игоря Крутого, Дина Гарипова и компания Casio в рамках проекта #AcademyCovers объявляют конкурс кавер-версий на песню #ПятыйЭлемент ! Условия проведения: ? послушай оригинал песни Дины #ПятыйЭлемент (по ссылке в профиле ее аккаунта в инстаграм @DinaGaripova или на просторах YouTube); ? придумай свою кавер-версию, исполни и сними ее на видео, и выложи этот ролик в инстаграм; ? подпиши свое видео – "Я участвую в конкурсе кавер-версий песни #ПятыйЭлемент от @Academy_IgorKrutoy, @DinaGaripova и @Casio_Music и хочу выиграть синтезатор!": ? поставь к посту хэштеги #АкадемияИгоряКрутого #ДинаГарипова #Casio #ПятыйЭлемент #AcademyCovers #ХочуСинтезатор Ура, ты в деле! ❗ Работы принимаются по 11 марта включительно! ❗ Победитель, которого вместе выберут Дина и Академия Музыки Игоря Крутого 13 марта, получит приз – синтезатор от компании Casio! ❗ Также "приз зрительских симпатий" получит обладатель видео, которое ко дню окончания конкурса наберет наибольшее количество просмотров. Вперед! И всем удачи!

A post shared by Дина Гарипова (@dinagaripova) on Mar 2, 2017 at 3:43am PST

Запись “Голос” проектыннан Динә Гарипова бәйге үткәрә: җиңүчене бүләк көтә впервые появилась Tatar Today - татар яңалыклары..

View this post on Instagram

A post shared by Ришат Тухватуллин 🎶 (@rishat_thv)

Җырчы Инстаграмына язылучыларга кызыклы видео тәкъдим итә. Тулырак версиясы инде Ютюбта да бар. “Голос” проектын хәтерләп беләсездер инде. Креслоларда утырган өч жюри әгъзәсы. Җырларга чыккан кешене алар күрми, әлегә артка борылганнар. Җырлавы ошаса, махсус җайланмага басып, җырлаучыга таба кире борылалар. Монда да шул ук технология. 

Ришат Төхвәтуллин проектны үзенең иҗади төркеме белән башлап җибәргән. Жюри буларак, Ришаттан кала алып баручысы Рөстәм Гатауллин, биюче егет Илгиз Бәдретдинов бар. Ришат үзен “усал остаз”, Илгизне “балерун”, ә Рөстәмне “сатылган музыкаль продюсер” буларак билгели. Беренче дәгъвачы Алия Карачурина. Ул инглиз телендә җыр башкарса да, Ришат, милли рух белән сугарылган егет буларак, “Туган як”ны җырлап башлый. 

Беренче карашка кызык, уен гына кебек тоелса да, шушындый яшь талантларны җыйган проектның Татарстанда да киләчәге бар дип ышанасы килә.

Запись Ришат Төхвәтуллинның эшләре зурдан: Татарстанның үз “Голос”ын башлап җибәргән [видео] впервые появилась Tatar Today - татар яңалыклары..