Архивы җәйге ял - Tatar Today - татар яңалыклары.

Совет чорында Instagram нинди булыр иде? [фотолар]

Редактор1 editor1 — Tue, 02 Aug 2016 19:07:02 +0000

Инстаграмны актив кулланучы яшьләр бәлки белеп тә бетермидер, квадрат форматтагы фотолар, социаль челтәрләр барлыкка килгәнче үк, совет чорында да бик популяр булган.

6х6, 6х7 форматында төшерүче “Любитель”, “Киев 88”, “Салют”, “Москва” фотоаппаратларны кешеләр бик яратып кулланган, җәйге ялларга да үзләре белән алган.

Август ае – җәйге ялларның иң кызган чагы. Әйдәгез әле, күз алдыбызга китереп карыйк, совет курортларында ял иткән кешеләр “хештег”, “лайк”, “перепост”ның нәрсә икәнен белсәләр, алар чорындагы инстаграм челтәре нинди булыр иде икән?

“Родник” балалар лагере. Учак янында. 1972

Пицунда. Шахмат. 1973 год

Мәгълүмат, фотолар ТАСС сайтыннан алынды

Запись Совет чорында Instagram нинди булыр иде? [фотолар] впервые появилась Tatar Today - татар яңалыклары..

Әлмәт районы башлыгы тарзанкадан сикергән [видео]

Редактор1 editor1 — Sat, 30 Jul 2016 09:06:01 +0000

Соңгы арада Татарстанның район башлыклары социаль челтәрләрдә бик актив. Кемдер “love story” төшә, кемдер урак өстендә комбайнчыларның хәлен белә. Ә менә Әлмәт районы башлыгы Айрат Хәйруллин күпердән тарзанка белән сикергән.

Бу видеоны Айрат Хәйруллин инстаграм челтәрендәге аккаунтына урнаштырган һәм “Күңелемне җилләтем” дип язып куйган. Район башлыгының аккаунтына язылучылар, соклануларын белдереп: “безнең мэр иң “текә”, “горурланабыз”, “менә бу ир”, дигән фикерләр дә калдырган.

Проветрил душу…

Видео опубликовано Ayrat Khayrullin (@khayrullinayrat) Июл 29 2016 в 12:35 PDT

Запись Әлмәт районы башлыгы тарзанкадан сикергән [видео] впервые появилась Tatar Today - татар яңалыклары..

Илдар Хәкимов белән Гүзәл Уразованың йокы бүлмәләре су астында урнашкан [фото].

Редактор1 editor1 — Thu, 21 Jul 2016 09:38:24 +0000

Илдар Хәкимов белән Гүзәл Уразова җәйге ялларын Дубайда уздырырга уйлаганнар.

Бик эссе булса да, җырлы гаилә көннәрен кызыклы үткәрә. Инстаграм битләрендә дә фотолар гел алмашып тора. Ләкин тамашычларны гаҗәпкә калдырганы һәм сокландырганы шул булды: Илдар белән Гүзәлнең йокы бүлмәләре су астында икән!

Фотолар Илдар Хәкимов, Гүзәл Уразованың Инстаграм битләреннән алынды

https://www.instagram.com/p/BIGO81iD3iIyv826bF0qzRhx2WvWOwcjM7ZDuY0/?taken-by=ihakimov

Запись Илдар Хәкимов белән Гүзәл Уразованың йокы бүлмәләре су астында урнашкан [фото]. впервые появилась Tatar Today - татар яңалыклары..

Русия туристлары өчен Төркия кабат ябык

Редактор1 editor1 — Tue, 19 Jul 2016 09:35:43 +0000

Русия һәм Төркия 2016 елда чартер авиарейсларны кабат гамәлгә куймаячак. Бу хакта Русия туристик операторлар ассоциациясе директоры Майя Ломидзе белдерде.

Чартер рейсларның 2017 елда җанлануы да шик астында, дигән ул. Аның әйтүенчә, 14 июльдә Мәскәүдә Төркия вәкилләре катнашында чартер рейсларны кабаттан торгызуга багышланган очрашу узган. Русия ягы Төркия аэропортларында, курортларда, аэропорттан курортка бару юлында, экскурсия вакытында куркынычсызлык булдыру мәсьәләләрен күтәреп чыккан. Нәтиҗәдә Төркия ягы туристлар өчен куркыныч тудырган урыннар исемлеген әзерләп тапшырырга тиеш булган.

Туристик операторлар быел төркиядә 300 меңләп Русия кешесенең ял итүен фаразлаган. Әмма чартер рейслар булмау һәм илдәге сәяси тотрыксызлык сәбәпле даими рейсларның да туктатылуы аркасында фаразлаган саннар өч тапкырга кимегән. “Хәрби фетнә Төркиядә ял итәргә теләүчеләр санын сизелерлек киметте, – ди Ломидзе. – Шул ук вакытта барлык туристлар да сатып алынган юлламаларыннан баш тартмады. Чөнки операторлар тарафыннан түләнгән акча тулысынча кайтарылмый. Ә башка юнәлешләрдә бәяләр сизелерлек кыйммәтрәк”.

Интертат

Запись Русия туристлары өчен Төркия кабат ябык впервые появилась Tatar Today - татар яңалыклары..

Ләйсән Мәхмүтова нигә гаиләсе белән ялга китмәгән?

Редактор1 editor1 — Sat, 16 Jul 2016 07:47:33 +0000

«Зө-Ләй-Лә» төркеме солисты Ләйсән Мәхмүтовада аулак өй икән! Ул балаларын – Сөләйман (13 яшь) белән Йосыфны (5 яшь) әтиләре белән диңгезгә озаткан.

«Кичә генә балаларымны әтиләренә ышанып, ерак сәфәргә озаттым. Туганнары Краснодарда да, Волгоградта да бар. Иптәшем Руслан бик романтик кеше. Шуңа күрә аларның кайларга тукталасын, төгәл ничә көнгә киткәннәрен әйтә дә алмыйм. Кая күзе төшә – шунда ял итәрләр дип уйлыйм. Машинада бару балаларны ардырыр, әлбәттә. Туеп, арып кайтырлар микән – белмим. Ләкин үзләре бик көтеп, теләп киттеләр. Юлга күптән кузгалырга тиешләр иде дә, килеп чыкмады. Ерак сәфәрләргә Сөләйманның аңа кадәр дә барганы бар иде. Ә менә Йосыф белән декрет ялының ахырына кадәр өйдә үзем булгач, анысы күбесенчә әни малае. Шәхсән үземә бөркү, дымлы һава килешми. Дөресен әйткәндә, кайтырга авылыбыз булса, шунда гына кайтарыр идек тә малайларны. Юк шул! Барыбер авыл һавасына җитми инде! Аннан соң шәһәр балалары авыл эшенең дә ни икәнен күреп-белеп килерләр иде», – диде Ләйсән ханым.

Шәһри Казан

Запись Ләйсән Мәхмүтова нигә гаиләсе белән ялга китмәгән? впервые появилась Tatar Today - татар яңалыклары..

Рөстәм Миңнеханов Татарстанда иң матур, заманча пляж ачты [фото-видео]

Редактор1 editor1 — Wed, 13 Jul 2016 15:36:01 +0000

Татарстан Президенты Рөстәм Миңнеханов Әлмәт шәһәр күлендәге туризм-ял итү зонасын ачу тантанасында катнашты. Шул уңайдан республика лидерының Instagram битендә фотолар һәм видеоязма куелды.

Элегрәк билгеләп үтелгәнчә, Әлмәт шәһәр пляжы бүген республикада, гомумән, илдә тиңе булмаган уникаль ял итү зонасына әйләнгән. Аны өч айда төзеп өлгерткәннәр.

Пляжга Таиландтан 2,5 мең тонна кварцлы ком кайтарылган, рулонлы газон җәелгән, җәяүлеләр өчен 880 метрга сузылган юл җиһазланган. Вейк-паркта су трассасы озынлыгы 600 метр тәшкил итә, өйрәнүләр өчен торган трасса – 150 метр.

Әлмәт шәһәр пляжында ятаклар, яктылык диодлы таганнар, пляж волейболы өчен җайланмалар түләүсез, ә вейк-парк, скалодром, бауда шөгыльләнү паркы, ачык бассейн һәм катамараннарда йөрү түләүле булачак.

Запись Рөстәм Миңнеханов Татарстанда иң матур, заманча пляж ачты [фото-видео] впервые появилась Tatar Today - татар яңалыклары..

Әлмәттә гаҗәп матур һәм үзгә ял зонасы булган пляж ачыла [фото]

Редактор1 editor1 — Tue, 12 Jul 2016 11:42:14 +0000

Иртәгә, 13 июльдә, Әлмәт шәһәр күлендә яңартылган пляж ачыла. Тантаналы чара 13:30 сәгатьтә башлана.

Татарстан Парклары дирекциясендә әйтүләренчә, пляж республикада тиңе булмаган үзгә ял зонасы булачак. Пляж биләмәсендә яңа объект һәм ял зоналары барлыкка килгән. Әйтик, вейк-парк, су чаңгысында шөгыльләнү өчен ике трасса, гаилә белән актив рәвештә ял итү өчен махсус зоналар – скалодром, спорт тренажерлары, волейбол мәйданчыгы…

Пляжда балалар мәйданчыгы, туклану урыннары, көймә, катамараннарны прокатка бирү пунктлары, фитнес һәм йога белән шөгыльләнү урыннары да бар.

Моннан тыш биредә ачык һавада бассейны, саунасы, балалар су мәйданчыгы булган спрей-парк та пәйда булган. Пляж ак ком белән түшәлгән.

Шунысы игътибарга лаек: ял итәргә керү бушлай. Шулай да аерым зоналар түләүле һәм түләүсезгә бүленә.

Интертат

Запись Әлмәттә гаҗәп матур һәм үзгә ял зонасы булган пляж ачыла [фото] впервые появилась Tatar Today - татар яңалыклары..

Төркиядә Русия туристларын чәчәкләр белән каршы алып, коктейльдән соң гына кунакханәләргә озатканнар

Редактор1 editor1 — Sat, 09 Jul 2016 12:07:08 +0000

Төркиянең Анталия шәһәренә Русиядән килгән туристларны чәчәкләр һәм банкет өстәле белән каршы алганнар. Бу хакта “Анадолу” мәгълүмат сайты хәбәр итә.

«Rossiya Airlines» авиакомпаниясенең FV 5859 «Мәскәү-Анталья» рейсы белән Төркиянең “туристлык башкаласына” 189 турист килгән. Русиялеләрне коктейльдән соң гына, кунакханәләргә озатканнар.

Анталия губернаторының урынбасары Мехмет Явуз «Rossiya Airlines» авиакомпаниясенең рейсы чартер булмавын искәртте.

«Бу рейс туристик пакетлар буенча элек алынган рөхсәт буенча оештырылган иде. Чартер рейсларына килгәндә, аларга әле рөхсәт бирелмәде», – дип билгеләп үтте Явуз.

Татар-информ

Запись Төркиядә Русия туристларын чәчәкләр белән каршы алып, коктейльдән соң гына кунакханәләргә озатканнар впервые появилась Tatar Today - татар яңалыклары..

Айгөл Бариева гаиләсе белән Барселонада ял итә [фотолар]

Редактор1 editor1 — Thu, 07 Jul 2016 10:50:37 +0000

Быел Төркия һәм Мисыр курортлары безнең өчен ябык булу сәбәпле күп кенә татарстанлылар ялларын авылда һәм дачада уздыра.

Шулай да, Кипр, Тунис, Болгария, Испания кебек популяр юнәлешләр ачык. Соңгысында популяр җырчы Айгөл Бариева һәм аның гаиләсе ял итә.

Шушы көннәрдә ул фейсбуктагы битендә Барселонадан «туры репортаж» алып бара.

Артистлар.ру

Запись Айгөл Бариева гаиләсе белән Барселонада ял итә [фотолар] впервые появилась Tatar Today - татар яңалыклары..

Төркиягә ялга барырга теләүчеләр чиратка тезелгән. Турлар җитәрме, бәяләр нинди булыр? [видео]

Редактор1 editor1 — Sun, 03 Jul 2016 12:17:25 +0000

Киләсе атнада Русиядән Төркиягә чартер очышлары башланыр дип көтелә. Турлар Татарстанда да сатыла һәм Төркиягә барырга теләүчеләр чиратка тезелгән. Сораштыру Татарстанда ял итәргә теләүчеләрнең дә шактый булуын күрсәтте. //Азатлык радиосы//

Төркиянең сивиль авиация баш идарәсе үз Twitter’ы аша Русиядән чартер очышларның 7 июльдә яңартылачагын игълан итте.

Русиядәге иң эре туроператорланың берсе – Pegas. Tоuristic инде турлар тәкъдим итә дә башлады. Әлеге ширкәтнең Казандагы сату урынындагы сатучы кыз “турлар бар, инде узган төндә онлайн сату системнарына чыгарылды”, дип хәбәр итте. Аның сүзләренчә, ихтыяҗ шул хәтле күп –кеше чират торып ала.

Ширкәт вәкиле турларны килештерү алдан башланган идеме дигән сорауга җавап бирә алмады. Сатучы кыз үзе дә ничек шулай тиз турларны сөйләшеп куюларына гаҗәпсенүен әйтте.

Бу ширкәттә Анталия, Кемер якларына бер атналак сәяхәтне кеше башына 39 мең сумга тәкъдим итәләр. Бу шенген виза таләп иткән Греция һәм Кыбрыс юлламаларыннан арзанрак.

Шулай ук Русиядәге эре туроператор саналган Coral Travel ширкәтенең Казан бүлегендә дә Анталия якларындагы кунакханәләргә юлламалар саталар, әмма бәягә юл хаклары кермәгән. Чартер очышларны әлегә килештерергә өлгермәдек, әмма берничә көннән, хәтта Казаннан да очышлар булачак, дип ышандырды турлар сатучы кыз Марина.

Төрле операторлардан тәкъдимнәр алып сатучы 1001 ширкәтенең Казан бүлегендә дә арзанлы бәяләр, беренче вакытка гына торачак, аннан соң күтәрелүен көтәбез, дип хәбәр иттеләр. “8 июльгә Мәскәүдән Анталиягә сөйләшенгән беренче чартерларга урыннар инде юк, 13-15 июльгә очкычларда урыннар инде аз калган”, диделәр әлеге ширкәттә.

Русия белән Төркия мөнәсәбәтләре җайлану, ялга барырга мөмкинлек ачылу хакында татарстаннар төрле фикердә. Берәүләр барырга теләсә дә, шартлаулар, террор мөмкинлеге куркыта. Икенчеләре инде ял итеп кайткан, җәйне Татарстанда гына үткәрмәкче. Өченчеләре бу мәсьәләгә Русия мәнфәгатьләре күзлегеннән карый.

Запись Төркиягә ялга барырга теләүчеләр чиратка тезелгән. Турлар җитәрме, бәяләр нинди булыр? [видео] впервые появилась Tatar Today - татар яңалыклары..