Бүген Асаева безгә Виллиның ачуы чыккан, арган чагын да күрсәтте. “Котыра башласа, бик әйбәт”, дип тә өстәп куйды Гөлназ.

Видео Гөлназ Асаева инстаграмыннан

Запись Гөлназ Асаева Виллиның гаиләдә нинди икәнен күрсәтте [видео] впервые появилась Tatar Today - татар яңалыклары..

Узган атна азагында яшьләр никах укытты. Әлбәттә, яңа эш атнасы башлану белән күп кенә журналистлар Гөлназ белән Вилданнан интервью алырга теләде. Әмма бу эшне әлегә беркем дә башкара алмады. Һәм менә ни өчен.

• Хөрмәтле журналистлар, без никах темасына интервью бирүдән баш тартабыз. Зинһар, директорларыбызга, танышларга һәм туганнарыбызга мөрәҗәгать итүдән туктагыз. Аңлавыгыз өчен рәхмәт! – дип яза Гөлназ социаль челтәрдә.

Шулай да Гөлназ үзе бу тема буенча фикер алышуга каршы түгел, әмма ире журналистлар белән сөйләшүдән баш тарта, дип белдерде.

Яшьләрнең гаилә тормышында фикерләрнең туры килмәве беренче һәм соңгы тапкыр булсын иде, диясе килә.

Чыганак: Кызыл Таң

Запись Гөлназ Асаева белән Вилдан Шәмсетдиновка тыныч яшәргә кем комачаулый? впервые появилась Tatar Today - татар яңалыклары..

Тамашачының Ришат Төхвəтуллинны Алия Карачурина белəн тизрəк өйлəндерəсе килə.
Төхвəтуллин туры эфирда үзенең никах узуы турында əйтеп тамашачыны аңлаешсыз хəлдə калдырды. Бу чынмы əллə шаярту гына булдымы?

Бугенге көндə Ришат Төхвəтуллин узенең инстаграм битендə менə ничек жавап бирə:
“Соңгы вакытта сез никтер мине миннəн башка гына өйлəндереп куя башладыгыз. Минем турында кайгыртуыгыз өчен зур рəхмəт! Лəкин, руслар əйтмешли “пир во время чумы” ясап ятып булмый бит инде. Əгəр өйлəнергə уйласам, бу шатлыклы хəбəрне, һичшиксез, сез беренче белəчəксез ” – дигән җырчы.

View this post on Instagram

A post shared by Ришат Тухватуллин 🎶 (@rishat_thv)

Мәгълүмат Ришат Төхвәтуллин Инстаграмыннан

Запись Ришат Төхвәтуллин белә Алия Карачурина никах укытканнар? впервые появилась Tatar Today - татар яңалыклары..

Интернеттагы шәхси битенә ул: “Бүген мин никах күлмәкләре саттым. Кешеләр үлгәнче никах укытып калырга ашыга! Тагын кемнәрнең укылмаган әле?!”– дип язып куйган. Без аның белән элемтәгә чыктык һәм хәбәрнең ни дәрәҗәдә дөреслеккә туры килүен ачыкладык:

– Анысы мәзәк өчен язган идем, ләкин алдау да юк ул хәбәрдә. Чөнки соңгы вакытта сату өлкәсендә җанлылык сизелә. Ел башы бик авыр булган иде. Аннары Рамазан алдыннан халык никах укытып калырга ашыга бит ул. Һәр елны шул хәл. Никах күлмәкләренең гадәттәгедән күбрәк сатылуын шуннан күрәм. Гомумән, кешеләрдә паника сизмим. Сәүдә үзәгендә медицина маскаларын киеп йөрүчеләр дә күренми. Гадәти тормыш белән яшиләрдер кебек. Үземнең дә әллә ни ис китми. Бер генә нәрсә бар: карантинга япсалар дип тауар алмый торабыз.

Мәгълүмат Ватаным Татарстан

Запись “Кешеләр үлгәнче никах укытып калырга ашыга! Тагын кемнәрнең укылмаган әле?!” впервые появилась Tatar Today - татар яңалыклары..

— Айсылу, ихластан котлыйбыз сине! Кем инде ул бәхет кошын тоткан егет?

— Рәхмәт бик зур! Аның турында сөйлисем килми. Әле үзем дә ышанып бетә алмыйм кебек. Бәхетемә күзләр тимәсен. Егет белән бер ел чамасы бары тик дуслар булып кына йөрдек. Ә менә 2018 елның декабрь аенда йөреп киттек.

— Кайчан аны яратуыңны аңладың?

— Беләсеңме, элек, руслар әйтмешли, «промелькнула искра» дигән сүзне аңламый идем, ә бу мөнәсәбәтләрдә, гомумән, башкача. Хәтерлим: гастрольләр белән башка шәһәргә китәргә кирәк иде. Димәк, аның белән сау буллашырга кирәк. Ә минем аның белән бер дә хушлашасым килми иде.

— Нишләп бер ел чамасы дуслар гына булдыгыз?

— Без төрле шәһәрләрдә яшибез, шуңа күрә очрашып йөри алмадык. Ләкин бүген инде әлеге мәсьәлә хәл ителеп килә. Миңа аның белән тыныч. Һәм ул татар! Бу минем өчен бик мөһим, мин рус егетләре белән, гомумән, аралашып та тормый идем.

— Туйны кайчанга планнаштырасыз?

— Туй үткәрмиячәкбез. Никах туен җәй көнне үткәрергә планнаштырабыз.

— Никах күлмәкләрен караштырасыңмы?

— Мин күлмәкне сатып алдым инде. Әлегә аны күрсәтмим, никах көнне социаль челтәрләргә куярмын.

– Димәк, син көне буе яулыкта йөричәксең?

— Никахның мәчеттә үтә торган өлеше беткәч, бәлки салырмын да. Тик чәчем матур булмыйячак. Кызык сорау, уйланып карарга кирәк.

— Җырчылар арасыннан кемнәрне чакырырга уйлыйсыз?

— Гөлсирин Абдуллина, Азат Абитов, Ранис Габбазов, Илнар Миранов, ТНВ телеканалыннан берничә кешене чакырырмын бәлки. Әлегә төгәл исемлек юк. Әйтергә онытканмын: әтием Айдар Габдиновны да чакырмыйча булмас (көлә).

— Туй чыгымнар таләп итә. Матди яктан хәлләр ничек?

— Әлеге сорауны әти-әниләр хәл итә. Акча кирәген аңлыйбыз инде. Ләкин, Аллага шөкер, без эшлибез. Бар да яхшы булыр!

— Айсылу Габдинова гаилә дип сәхнәдән китә алырмы?

— Юк, сәхнәдән бер дә китәсем килми. Гаиләдә яхшы хатын, сәхнәдә уңышлы җырчы була алырмын дип ышанам. Бары тик тырышырга кирәк.

— Булачак ирең сәхнәгә якын кешеме?

— Ул җырларга ярата, җырны аңлый белә, ләкин сәхнә кешесе түгел. Булачак иремнең җырлавыма бер дә каршы булганы юк. Киләчәктә ул минем продюсерым булырга хыяллана.

— Син сораган мәһәр хакы күпме?

— Бергә сайларбыз дип уйлыйм. Гадәттә алтын бүләк итәләр дип беләм. Һәрбер кеше үзе хәл итә инде, егет кешенең матди яктан нинди хәлдә булуыннан тора.

Запись Айсылу Габдинова: “Туй үткәрмәячәкбез. Аның турында сөйлисем килми” впервые появилась Tatar Today - татар яңалыклары..

 

Посмотреть эту публикацию в Instagram

 

Менә шулай☺️?❤️ #айсылугабдинова #❤️

Публикация от Айсылу Габдинова (@aisylu_gabdinova) 28 Апр 2019 в 10:39 PDT

Диләрә Иләлетдинова исә никах фотолары белән уртаклаша. “Бәхетле көнебез! Безнең тормыш китабыбызда тагын бер тарихи истәлекле көн билгеләнде. Аллага шөкер, мин бәхетле!” дип яза ул.

 

Посмотреть эту публикацию в Instagram

 

. Бәхетле көнебез! ? Безнең тормыш китабыбызда тагын бер тарихи истәлекле көн билгеләнде. Аллага шөкер мин бәхетле!?

Публикация от ??????? ??????????? (@dilyara_ilaltdinova) 27 Апр 2019 в 11:03 PDT

Җырчыларны чын күңелдән котлап, тигез-матур тормыш теләп калабыз!

Запись Айсылу Габдинова туйга әзерләнә, Диләрә Иләлетдинова никах укыта впервые появилась Tatar Today - татар яңалыклары..

“Эмоцияләргә бирелеп кенә өйләнешергә ярамый. Беренче чиратта, парыңның дингә, ата-анасына булган мөнәсәбәтен, белемен, максатчан булуын белү зарур”, – диде ул.

Ислам белгече хатын-кыз һәм ир-ат җенси мөнәсәбәттән тыш, киләчәкне дә кайгыртырга тиешлеген искәртте. “Бу кеше минем баламның атасы яки анасы дип карарга кирәк. Без аның белән бергәләп баланы аякка бастырачакбыз, тәрбия һәм белем бирәчәкбез һ.б.”, – диде ул “Татар-информ” хәбәрчесенә.

Ислам белгече баланың ике зур хокукын атап үтте. “Баланың беренче хокукы – әнисенең сөннәтле никахта булган вакытта балага узган булуында. Икенче хокукы – бер-берсенә хыянәт итмәгән ата-анадан тууында. Мөхәммәт (с.г.в.) пәйгамбәр дә үзенең никахлы гаиләдән тууыннан әйтеп килә”, – диде Закир Шәрипов.

Фото: пиксабай

Запись “Гаиләдәге инквизиция”: Балага узганнан соң укылган никах ул – … впервые появилась Tatar Today - татар яңалыклары..

* Яшь парның юлын беркем дә кисеп чыгарга тиеш түгел. Юлны кисеп үтү- туйга күз тидерү дигән сүз.

*Балдагыңны кияр алдыннан төшереп җибәрү яхшыга түгел. Әгәр балдак төшеп китә икән, димәк парың үзеңнеке түгел. Бу тиздән аерылышуны яки авыр тормыш хакында сөйли.

*Әгәр кәләшнең аяк киеме үкчәсе сынса, гаилә тормышы “аксаячак”. Яшь хатын өчен бу никах бәхет китермәячәгенә ишарә.

*Ачык аяк киеме киеп кияүгә чыкмыйлар. Чөнки гаилә тормышы кыска була. Аяк – гомер сукмагы буйлап хәрәкәт билгесе. Берәрсенең кара күзе кәләшнең үкчәсендә калса, бу гаилә юлының кыскаруына китерә дип санала.

*Әгәр чит кешенең туй күлмәген яисә балдагын киеп никахлашсаң, шул кешенең язмышы белән яшәрсең. Бу фал борыннан килә.

* Туй күлмәген һәм кәчтүмен бүләк итәргә, кешегә бирергә яки сатарга ярамый. Аларны саклау, һич булмаса яндыру шарт.

* Әгәр туй алдыннан яшь парлар әти-әнисе яки әби-бабасы киемен кисә, бу аларга билгеле бер дәрәҗәдә бәхет китерәчәк. Әгәр инде әби-бабайларының гаилә тормышы бик үк яхшы булмаса, ул киемне сакларга һәм кияргә ярамый. Аларны яндырсаң яхшырак булыр.

Өмет

Запись “Ачык аяк киеме киеп кияүгә чыксаң…” [никах фаллары] впервые появилась Tatar Today - татар яңалыклары..

Нәселне бе­лүнең тагын нин­ди мәгънәсе бар? Бу хакта сәхи­фә­безнең даи­ми кунагы Рамил хәз­рәт Юныс бе­лән сөйләштек.

– Хәзер бала тууга ук, аның сәләтен, нинди уңышларга ирешә алуын, әйтик, аннан спортчы чыгамы-юкмы икәнен чамалый торган тикшеренүләр уздыралар. Алай гына да түгел, эмбрионнарга тәэсир итеп, әти-әни теләгән үлчәмнәргә туры килгән бала табу мөмкинлеге бар. Мондый күзәтүләр уздырырга ярыймы? Бу Аллаһыдан узып эш итү саналмыймы?

– Бер казах гаиләсенә баргач, шундый йоланың шаһите булырга туры килде: ике яшьлек бала алдына озын палас җәйделәр, башына өч төрле әйбер – акча, камчы, китап куйдылар. Сабый барып берсен сайлап ала. Кайсына туктала, ике яшьтән шул юнәлештә тәрбияли башлыйлар. Акча – сәүдәгәр, камчы – җитәкче, ки­тап – галим булачак дигәнне аңлата. Казах­ларда әнә шулай ике яшьтән өч юнә­лешнең берсендә белем бирәләр. Нәселне белү баланы киләчәктә кем итеп тәрбияләүгә булышмый калмый. Ә инде эмбрион дәрәҗәсендә өйрәнү дингә каршы килергә мөмкин.

– Халыкта нәсел чистарту дигән төшенчә бар. Әйтик, таркау гаиләләрдә бөтен туган-тумачаны җыеп, барлап торган бер кеше була. Нәселне чистартып, хак юлга кертеп буламы, әллә Аллаһы Тәгалә ничек язган, шулай дәвам итәчәкме?

– Ул кеше нәселне чистартучы түгел, ә вакытлыча тәртиптә тотучы гына. Аңа алмаш килмәсә, киләчәктә гаиләнең таркалуы ихтимал. Шуңа да нәселләрне белү кирәк. Хәзер “гастрольләр” күп. Күп егет-кызлар читтән килә дә, монда кияүгә чыга яки өйләнә. Аларның кем баласы икәнен дә белмиләр. Ә бит, кызны кияүгә биргәнче, егетнең әти-әнисе белән күрешеп сөйләшү мөһим. Әби-бабасын белсәң, тагын да яхшы. Яшь чакларында алар аерылышып йөрмәгәнме? Аларның никахы ныклы булмаган, талашып-сугышып яшәгәннәр икән, оныкларында бу кабатланмый калмый. Гөнаһлар тәэсир итми калмый. Генетиканы белмәү гаиләләрдә тынгысызлык китереп чыгара. Кияү белән кәләшнең матур итеп яшәп китә, бергә тора алмаулары нәселдән дә килә.

– Димәк, кылган гөнаһлар да, каргыш кебек үк, җиде буынга кадәр төшә?

– Каргыш төшми, ә гөнаһ тө­­шү ихтимал. Әйтик, әтидән балага, баладан оныкка… Туктатмаганда шулай дә­вам итә. Берәү гөнаһ кылган да, шул җиде буынга ка­дәр җи­тә­чәк дип әйтә ал­мыйбыз. Ва­кытында тукта­тып калырга кирәк. Бүгенге гарәпләрнең кү­бесенең бабалары Пәй­гам­бәре­без заманында мөшрик бул­­ган. Хәзер инде оныклары динле кешеләр.

Язманы тулысынча “Акчарлак” газетасының 11 нче саныннан укый аласыз.

Запись Нәсел чистарту нәрсә ул? Гөнаһ-каргышлар җиде буынга кадәр төшәме? впервые появилась Tatar Today - татар яңалыклары..

Шунысы гыйбрәтле: машинагыз, фатирыгыз бармы соң, дип кызыксынганнан соң, икесеннән дә, өйләндегезме әле, дип кызыксынды мәдрәсә ректоры һәм “Ал” мәчет имам-хатыйбы булган Иль­яс хәзрәт Җиһаншин. Егет­ләрнең әле берсе дә өйләнмәгән икән. Соңрак, тантана тәмамлан­гач, мәд­рәсә җи­тәкчесе өйләнү, гаилә кору зарурлыгы хакындагы фи­кер­ләре белән уртаклашты.

– Шәкертләрегез икенче-өченче курста укыганда ук өй­ләнәм дисә?

– Башлы-күзле булу зарурлыгы турында шәкертләребезгә беренче курста укыганда ук сөйли башлыйбыз. Элек байтагы мәд­рәсәне тәмамлаганчы, 4-5 курста ук өйләнү ягын карый иде. Миңа гына шулай тоеламы: хәзер ашыкмыйлар. Беренче курста ук өй­ләнәм дисә дә, каршылыгыбыз юк. Ул шул ук студент бит инде. Дини уку йортында укуы белән генә аерылып тора. Билгеле, читтән торып укуга күчми икән, аңа кичен кайдадыр эшләргә туры киләчәк. Өйләнү ул – үз өстеңә җаваплылык алу, мөс­тәкыйльлек дигән сүз. Яше җиткән, мөстәкыйль шәхес булырга тели, әти-әнисе җилкәсенә салынмыйча, яшисе килә икән, хупларга гына кирәк. Мин бу мәсьәләне катгый куям. Аларның гаиләләре булырга тиеш. Эш мәшәкате белән гаилә мәшәкате үрелеп барганда гына тормыштан тәм табачаксыз; хатыныгыз, балаларыгыз булсын, аларны сез үзегез тәрбияләргә тиеш, дип үгетлим. Мәдрәсәбездә шундый очраклар да булды. Ире бездә укый, хатыны – кызлар мәдрә­сә­сендә. Көндез укып, кичен эшлә­деләр, укуларын өзмә­деләр. Без­дә­ге остаз-мөгаллим­нәрнең барысы да гаиләле, үрнәк ала торган. Баш өстеңдә түбәң булмаса, Аллаһтан сабырлык сорый­сың. Гамәл кыл­саң, тырышсаң, Ал­лаһы Тәгалә торырлык урын да, ризык та бирә. Беришеләр, әле фатир юк, җитәр­лек хезмәт хакы бир­миләр, дип сылтау таба, гаилә коруны сузып килә. Гомер буе укырга мөмкин. Гаилә коруның үз вакыты бар. Ул вакытны ычкындырмаска кирәк. “Моны-те­гене өлгертим әле. Машина алыйм, фатирым булсын дип йөрү – хата фикер. Өйләнү эшен сузмаска ки­рәк”, – дип нәсыйхәт би­рәм мәче­те­безгә йөр­гәннәргә. Ир-егетнең яшә­ешен барыбер хатын-кыз би­зәр­гә тиеш. Йорт төзим, гаилә корам дигән кешегә Аллаһы Тәгалә барыбер кайдан булса да ярдәмен бир­мичә калмый. Чөнки бу – хәләл эш.

– Хәзер күп кенә галимнәр, уку йорты, белем бирү белән генә чикләнмичә, кешене тормышка әзерләргә тиеш, дип яза.

– Һичшиксез, шулай. Тормыш итүнең иң мөһим мәсьәләлә­рен­нән берсе – башлы-күзле булу. Гаи­лә кору кирәклеген шәкерт­ләребез башына беренче, икенче курста ук сеңдерә башлыйбыз. Яшә­ештә төр­ле кыенлыклар чыгарга мөмкин, ул авырлыкларны ничек җиңәргә икә­нен, мәдрәсә программасына туры китереп, аңлатырга тырышабыз. Бала балигъ булды икән, аны никахландыру – ата-ана өстендәге бурыч ул. Улың, кызың утыз-кы­рыкка җитсә дә, таләп шул ук кала, шартлар үтәлергә тиеш. Шәри­гатебездә көчләп өйләндерү, мәҗ­бүриләп кияүгә бирү дигән нәрсә юк. Балаң үзе теләгәненә өйләнсен, кияүгә чыксын. Билгеле, элек ан­сат­рак булган, димчеләр, яучылар ярдәмгә килгән. Бик табигый күре­неш бу. Кайберәүләр гомер буе өйләнми, кияүгә чыкмый калырга мөмкин. Аларга булышу өстебездә шарт булып тора. Табыштыру, кавыштыру эшен элек мәхәллә халкы да үз өстендәге бурыч дип караган. Хәер, инде хәзер җәмгыятебездә яучылык, димчелек белән шөгыль­ләнүче җәмгыятьләр барлыкка килде. Әле менә шушы көннәрдә Диния нәзарәтебезнең җәмгыяви эшләр бүлеге хезмәткәрләре “Утыз биштән кырык бишкәчә” дигән таныштыру кичәсе уздырырга ният­ләп йөри. Чынлап та, шул яшькә җитеп гаилә кормаганнар бар икән, нигә аларга булышмаска?! Менә туган ягымда – Тәтеш райо­нының Аллабирде авылында аксакалларыбыз элек егетләрне, егерме биш яшькә җитеп тә өйләнмәсә, азып-тузып йөрмә, башлы-күзле булырга вакыт, дип кисәткән. Мо­ның нәтиҗәсе дә булган. Хәзер, ни кызганыч, кызлар да сайланырга ярата. Карт кыз дип әйтүләреннән дә хурланмый. Билгеле, бик нәз­берек мәсьәлә бу. Гаилә коруны, дин өлкәсенә генә кайтарып калдырмыйча, ниндидер дәүләт программалары да кайгыртырга тиеш. Аерым алганда, яңа өйләне­шү­челәргә ташламалы шартларда торак бирү – бик үтемле юл. Башка төрле кызыксындыру юлларын да уйларга була. Шәри­гать күзле­ген­нән караганда, ир-егет һәм хатын-кыз гаилә корып яшәргә, аларның дәвамчылары булырга тиеш. Ми­нем­чә, егерме дүрт, егерме биш яшьтә бу мәсьәлә кешене инде көн саен борчый башларга тиеш. Иртән торасың да, нишләп әле мин һаман өйлән­мә­гән, дип уйлый башлыйсың. Алла­һы Тәгалә безне шулай яраткан, кү­рәсең. Мин үзем дә шәкерт чагында, мәдрәсәдә укыганда өй­лән­­дем.

– Әле гаилә корыйм дигәндә чибәр кызлар күбәеп китә. Кайсына өйләнергә микән дип уй­лыйсың…

– Әйе, хатын кибеттән сатып ала торган нәрсә түгел. Шуның өчен намаз укыганда, дога кылганда, хәерле бәндәңне бирсәң иде, дип Аллаһы Тәгаләдән ихлас күңелдән һәм дөрес итеп сорарга кирәк (тели белсәң – теләк, тели белмәсәң – имгәк, дип юкка гына әйтмәгәннәр). Хәерлесе эчендә бөтенесе бар: итагатьлелеге, мәрхәмәтлелеге, сөйкемлелеге дә. Шундый ният булырга тиеш. Балаларга караганда әле әти-әнисе күбрәк борчыла: хәерле кияү, хәерле килен булсын иде, диләр. Шәкертләремә мин һәрвакыт, алны-артны карагыз инде, дип киңәш биреп торам. Намаз укый торганнар булсын, әти-әни­ләренә карагыз, дим. Иманлы бәндәне алсаң, инде исламда ярты яшәешеңне тәэмин иттең дигән сүз. Без бит, Җәлил хәзрәт әйтмеш­ли, этләрнең кайсы токымнан чыкканын җиде бабасына хәтле белер­гә мөмкин. Шул ук вакытта байтагыбыз кәләшебезнең нәсел-нәсә­бен сораштырмый. Билгеле, гаилә­дә ир-атның, хатын-кызның – һәрберсенең үз урыны бар. Ислам андый мәсьәләләргә бик җаваплы карый. Интернетта гаилә коруга, үзара мөнәсәбәтләргә кагылышлы бик күп тискәре мәгълүмат бар. Ходай Тәгалә адәм балаларын ир-ат һәм хатын-кыз итеп яраткан икән, алар гаилә корырга, бала тәр­бия­ләп үстерергә, кешелекне дәвам итәргә тиеш. Калганы – Аллаһы Тәгаләнең рәхмәтендә.

– Әле менә шаһәдәтнамә алган егетләрегез өйләнмәгән икән.

– Бер караганда, аларга әле егерме өч яшь кенә. Мәхәлләдә эшлисез икән, өйләнергә вакыт, дип үгетлим мин аларны. Чөнки үзе өйләнмәгән кеше өйләнгәннәргә, әйтик, никах укыганда яшьләргә нинди нәсыйхәт бирә алсын?! Шуңа күрә дә үзебездә укып чыккан шәкертләрне күрсәм, иң әүвәл, ничә балаң бар, дип сорыйм. Еш кына Җәлил хәзрәтне мисал итеп китерәм мин. Барча балалары намаз укый, үзе авылда яши, килене белән тора, кияве белән аралаша, оныкларын тәрбияләшә. Һәр мулла шундый булырга тиеш. Үзең өлге булмасаң, шундый-шундый булыгыз, дип башкаларны үгетләү­нең мәгънәсе аз. Татар гаиләсе яшәеше, ишлелеге, татулыгы белән һәрвакыт үрнәк булган.

(Рәшит Минһаҗ/“Ватаным Татарстан”, /№ 37, 15.03.2019/)

Запись “Үзе өйләнмәгән кеше никах укыганда нинди нәсыйхәт бирә алсын?!” впервые появилась Tatar Today - татар яңалыклары..