Архивы Пирамида - Tatar Today - татар яңалыклары. https://tatar-today.ru/tag/piramida/ Татар шоу бизнесы, экономика, дин, татар җырлары яңалыклары. Новости на татарском языке. Татарская пресса. Wed, 04 Dec 2019 16:38:56 +0000 ru-RU hourly 1 https://wordpress.org/?v=6.1.12 105180419 Тамашачыны сюрпризлар көтә – “Болгар радиосы” VII Милли музыкаль премиясен тапшыру тантанасы уңаеннан матбугат конференциясе узды https://tatar-today.ru/2019/12/54907/ Wed, 04 Dec 2019 16:38:56 +0000 https://tatar-today.ru/?p=54907               // Татар Тудей // Татар Бүген // 4…

Запись Тамашачыны сюрпризлар көтә – “Болгар радиосы” VII Милли музыкаль премиясен тапшыру тантанасы уңаеннан матбугат конференциясе узды впервые появилась Tatar Today - татар яңалыклары..

]]>  

 

 

 

 

 

 

// Татар Тудей // Татар Бүген //

4 декабрь Казанда “Болгар радиосы” VII Милли музыкаль премиясен тапшыру тантанасы уңаеннан матбугат конференциясе узды. Чарада “Болгар радиосы” башкарма директоры Наилә Хәйдәрова, “Болгар радиосы” баш мөхәррире-продюсеры Илфар Кәримов, ТНВ каналының баш режиссеры Алмаз Әкбәров, хореограф Ирина Алешина, Татарстанның атказанган артисты Раяз Фәсыйхов, Башкортстанның атказанган артисты Әнвәр Нургалиев, татар эстрадасы җырчысы Рүзилә Хәертдинова катнашты.

2019 елның 14 декабрендә Казанның “Пирамида” концертлар залында “Болгар радиосы” VII Милли музыкаль премиясен тапшыру тантанасы узачак.

“Болгар радиосы” Милли музыкаль премиясенең максаты – халык күңелен яулаган җырларны барлау, җырчыларны һәм аларның иҗат җимешләрен алтын фондка кертү. “Болгар радиосы” халкыбыз фикеренә таянып, иң яхшыларын гына барлый, яңа гына табадан төшкән җырларны еллар белән сыналган сәнгать әсәрләре белән янәшә куеп замана белән бергә атлый.

«Болгар радиосы» Милли музыкаль премиясен тапшыру тантанасы – ул нәтиҗә ясау. Ләкин бу бөтен татар эстрадасына нәтиҗә ясау түгел. Бу – “Болгар радиосы”ның һәм “Болгар радиосы” тыңлаучыларының фикере. Һәрбер җырчы, һәрбер иҗатчы өчен бу премия стимул булып тора, чөнки иң яхшылары гына әлеге премиягә лаек була.

Премия кемгә тапшырыла?

Билгеле булганча, “Болгар радиосы” Милли музыкаль премиясе лауреатларының бер өлеше – “Кайнар хит” проектында тавыш бирү нәтиҗәсендә җиңү яулаган артистлар. Алар арасында Ришат Төхвәтуллин, Гүзәл Уразова, Раяз Фәсыйхов, Марат Шәйбәков, Гөлназ Асаева, Марат Фәйрушин, ИлСаф, Рүзилә Хәертдинова, Сиринә Зәйнетдинова, Рәзил Камалов белән Рәфинә Ганиуллина һәм башкалар бар.

“Кайнар хит” җиңүчеләреннән кала, ел дәвамында “Болгар радиосы”нда еш соралган һәм халык күңеленә кергән җырлар да “Алтын йолдыз” сыны белән бүләкләнә.

Нинди номинацияләр булачак?

Быел “Болгар радиосы” VII Милли музыкаль премиясендә 30дан артык номинация көтелә. Елдагыча, артистлар “Иң халыкчан җырчы”, “Татар җыр сәнгатен дөньяга танытканы өчен”, “Ел ачышы”, “Иң лирик җыр”, “Иң моңлы җырчы”, “Елның гаилә дуэты”, “Халык мәхәббәте”, “Кабатланмас тавыш” һәм башка номинацияләрдә бүләкләнәчәк.

Биредә яшь башкаручылар да, тәҗрибәле, өлкән буын вәкилләре дә катнаша. Ел саен “Татар эстрадасы легендасы” дигән номинация тапшырыла. Алдагы елларда әлеге номинациягә Хәмдүнә Тимергалиева, Флера Сөләйманова кебек олпат шәхесләребез лаек

булган иде. Быел бу номинациянең кемгә тапшырылачагы әлегә сер. Тамашачылар аның исемен 14 декабрь көнне генә белә алачак. Ул шулай ук хөрмәткә лаек өлкән җырчыбыз.

Үзенчәлеге нәрсәдә?

«Болгар радиосы» Милли музыкаль премиясенең төп үзенчәлекләренең берсе – ул премиянең авторларга да тапшырылуы. Җыр җырчы тарафыннан гына тумый. Башта шигырь языла, аннан көй иҗат ителә. Җыр җырчыга килеп эләккәч, җырга аранжировка ясала. Әзер продуктны җырчы тамашачыга тәкъдим итә. Җырны әзерләүдә бик күп кешенең өлеше керә. Шуңа күрә җырның сүз һәм көй авторына да премия тапшырыла.

“Икенчедән, без премия исемендәге “милли” сүзенә тәңгәл. Милли дигәч тә, сәхнәгә читек киеп чыгу дигән сүз түгел. Миллилек алып баручылар телендә, сценарийда чагыла. Мәзәкләр һәм шаяртулар урынлы булырга тиеш. Сөйләм әдәби телдә булсын дип тырышабыз. Киемнәрдә милли элементларны чагылдырырга телибез. Биюләр әзерләнгәндә дә миллилеккә өстенлек бирәбез. Тагын бер миллилек – тантананың пафоссыз, ләкин шул ук вакытта югары дәрәҗәдә узуы. Без алтын урталыкны сакларга тырышабыз”, – ди “Болгар радиосы” баш мөхәррире һәм продюсеры Илфар Кәримов.

Тамашачыны ни көтә?

Вакыйга “Пирамида”ның фойесында ук башлана. Тамашачыларны музыка белән каршы алып, бүләкләр тапшыралачак. Менә инде ничәнче ел рәттән тамашачыларга «Болгар радиосы» Милли музыкаль премиясенең символы булган йолдызлар бүләк ителә. Быелның тагын бер үзенчәлеге – теләгән һәркемгә бушка фотомагнитлар өләшәчәкләр. Фойеда куелачак фотозоналарда фотога төшү мөмкинлеге булачак. Әзер фотомагнитларны антракт вакытында алырга мөмкин.

Запись Тамашачыны сюрпризлар көтә – “Болгар радиосы” VII Милли музыкаль премиясен тапшыру тантанасы уңаеннан матбугат конференциясе узды впервые появилась Tatar Today - татар яңалыклары..

]]> 54907 Раяз Фасыйхов, ИлСаф, Филүс Каһиров яшьлекләрен сагынып сәхнәгә чыгып җырлаячак https://tatar-today.ru/2018/09/33906/ Wed, 19 Sep 2018 12:26:05 +0000 https://tatar-today.ru/?p=33906 “Болгар радиосы” “Үткәннәр сагындыра” концертына чакыра!  6 октябрьдә “Пирамида”да “Болгар радиосы”ның “Үткәннәр сагындыра” дип аталган…

Запись Раяз Фасыйхов, ИлСаф, Филүс Каһиров яшьлекләрен сагынып сәхнәгә чыгып җырлаячак впервые появилась Tatar Today - татар яңалыклары..

]]> “Болгар радиосы” “Үткәннәр сагындыра” концертына чакыра! 

6 октябрьдә “Пирамида”да “Болгар радиосы”ның “Үткәннәр сагындыра” дип аталган театральләштерелгән концерты узачак.

Тамашада татар эстрадасының танылган артистлары чыгыш ясаячак.Ул быелның язында узган “Үткәннәр сагындыра” концертының дәвамы булыр дип көтелә. Бу юлы да вакыйгалар радиога бәйле булачак, ләкин ул заман кешеләрен без фотоальбом аша искәтөшерербез. Вакыйгалар агымы буыннар алмашы белән үрелеп барыр. Ата-ул мөнәсәбәтләре, гореф-гадәтләр һәм яшәү асылыныңгаилә булуы ассызыкланыр.

Тамашада Закир Шаһбан, Сиринә Зәйнетдинова, Раяз Фасыйхов,Зәйнәб Фәрхетдинова, Зөһрә Шәрифуллина, Фердинанд Сәләхов,Зөһрә Сәхәбиева, Винера Ганиева, Асаф Вәлиев, Виталий Агапов,Филүс Каһиров, Зөлфия Минһаҗева, Сәгыйть Гыйбашев, РезидәТөхвәтуллина, Лилия Хәмитова, Зинира һәм Ризат Рамазановларһәм башкалар катнаша. Концертны “Болгар радиосы” ди-джейларыалып барачак.

Яшьлек елларын, үткәндәге бәхетле мизгелләрне “Болгар радиосы”белән бергә барлыйк! “Үткәннәр сагындыра” концерты 6 октябрьдә “Пирамида”да 18 сәгатьтә башлана

Запись Раяз Фасыйхов, ИлСаф, Филүс Каһиров яшьлекләрен сагынып сәхнәгә чыгып җырлаячак впервые появилась Tatar Today - татар яңалыклары..

]]> 33906 Фирзәр Мортазинның 60 яшьлегеннән мизгелләр [фото, видео] https://tatar-today.ru/2018/01/24714/ Sun, 21 Jan 2018 17:03:11 +0000 http://tatar-today.ru/?p=24714 21 гыйнварда Татарстанның атказанган артисты,  композитор Фирзәр Мортазин  юбилеен – 60 яшьлеген каршылый. “Пирамида” да…

Запись Фирзәр Мортазинның 60 яшьлегеннән мизгелләр [фото, видео] впервые появилась Tatar Today - татар яңалыклары..

]]> 21 гыйнварда Татарстанның атказанган артисты,  композитор Фирзәр Мортазин  юбилеен – 60 яшьлеген каршылый. “Пирамида” да аның бәйрәме гөрли, юбилеен иҗатташ дуслары белән каршы ала композитор. Шул уңайдан Инстаграмга күзәтү ясадык. //Tatar today//

Юбилярны котларга Айгөл Бариева, Фәридә-Алсу, Гөлназ һәм Илсур Шәрипҗановлар килгән.

Энергияләре ташып торган Данир Сабиров һәм Фирдүс Тямаев та монда!

Салават, Раил Садриевлар да юбилярны котлый.

Запись Фирзәр Мортазинның 60 яшьлегеннән мизгелләр [фото, видео] впервые появилась Tatar Today - татар яңалыклары..

]]> 24714 Ришатлы, Салаватлы, Хәниясез “Татар җыры – 2017” [фото-видео] https://tatar-today.ru/2017/12/23866/ Sat, 16 Dec 2017 19:26:55 +0000 http://tatar-today.ru/?p=23866 16 декабрь Казанның “Пирамида” концертлар залында “Татар җыры” фестивале узды. Грандиоз тамаша “Барысы да яңадан башлана”…

Запись Ришатлы, Салаватлы, Хәниясез “Татар җыры – 2017” [фото-видео] впервые появилась Tatar Today - татар яңалыклары..

]]> 16 декабрь Казанның “Пирамида” концертлар залында “Татар җыры” фестивале узды. Грандиоз тамаша “Барысы да яңадан башлана” дигән сүзләр белән күпләрне кызыксындырып торды һәм бу чара, чыннан да, гаҗәпләндерерлек булып үтеп китте. Инстаграмга безнең күзәтүне тәкъдим итәбез. //Tatar today//

“Татар җыры”н һәрвакыттагыча Гөлназ Сәфәрова, Айваз Садыров алып барды. Аларга фестивальнең кабатланмас алып баручысы Искәндәр Хәйруллин да кушылды. ТМТВ каналы турыдан-туры трансляция белән концертны телевизор экраннарыннан күрсәтте.

Элвин Грей һәм Гүзәл Уразова концертны ачып җибәрде.

“Халыкчан җырчы” булып Ришат Фазлыйәхмәтов танылды.

“Елның иң популяр” җырын Илназ Баһ башкара икән.

“Яшьләр проекты” номинациясендә Лилия Хәйруллина җиңде.

Салават һәм Гүзәлем – “Иң яхшы дуэт”.

“Иң яхшы танцеваль проект” җиңүчесе Ландыш Нигъмәтҗанова.

https://www.instagram.com/p/Bcxjov9hPi5/?tagged=татаржыры2017

Рифат Зарипов та үзенең бүләген алды.

Хәния Фәрхине дә искә алдылар. Разил Вәлиев аның истәлегенә шигырь укыды.

“Хит-парад лидерлары”  – Эльмира Сөләйманова һәм Рамил Галимҗанов.

https://www.instagram.com/p/Bcxjw3zBJXk/?tagged=татаржыры2017

“Иң популяр җырчы”  –  Элвин Грей!

“Халык мәхәббәте” Рөстәм Закиров та.

“Ел ачышы” дип Айгөл Рәхимова танылды.

https://www.instagram.com/p/BcxZ6CKBhRB/?tagged=татаржыры2017

“Тамашачы мәхәббәте”н Ильмира Нәгыймова да яулады.

“Үзенчәлекле моң” иясе Ришат Төхвәтуллин.

“Елның иң популяр җыры” Иркәдә!

Хәмдүнә Тимергалиева да “Татар җыры”нда катнашты.

Филүс Каһиров “Кабатланмас тавыш” номинациясендә җиңеп чыкты.

“Халыкчан җырчы” исеме Гүзәл Уразовага бирелде.

Концертта яңа исем – Гүзәл Әхмәдиева.

https://www.instagram.com/p/BcxkIZzBuox/?tagged=татаржыры2017

Илсөя Бәдретдинова да “барс”лы булды.

Рафаэль Латыпов үзенең бүләге белән.

https://www.instagram.com/p/Bcxjh5hhIxk/?tagged=татаржыры2017

Концертта татарның легендар җырчысы Әлфия Авзалованы да искә алдылар.

Запись Ришатлы, Салаватлы, Хәниясез “Татар җыры – 2017” [фото-видео] впервые появилась Tatar Today - татар яңалыклары..

]]> 23866 Данир Сабировка 30 яшьлек юбилее нәрсә белән истә калган? [концерттан видео] https://tatar-today.ru/2017/02/17276/ Tue, 07 Feb 2017 18:28:44 +0000 http://tatar-today.ru/?p=17276 1 февраль “Пирамида” концертлар залында пародист, юморист, алып баручы, җырчы Данир Сабировның 30 яшьлек юбилей…

Запись Данир Сабировка 30 яшьлек юбилее нәрсә белән истә калган? [концерттан видео] впервые появилась Tatar Today - татар яңалыклары..

]]> 1 февраль “Пирамида” концертлар залында пародист, юморист, алып баручы, җырчы Данир Сабировның 30 яшьлек юбилей концерты булган иде. Концертта татар эстрадасының күп кенә артистлары (Фирдүс Тямаев, Салават Фәтхетдинов, Мөнир Рахмаев, Айдар Галимов, Венера Ганиева һәм башкалар) кунак булды, җырладылар, дустын һәм хезмәттәшен гомер бәйрәме белән котладылар. Данир концертта була алмаган тамашачыларына иң истә калырлык мизгелләрне бер видеога җыйган. Рәхәтләнеп карыйбыз, дуслар. //Tatar Today//

Запись Данир Сабировка 30 яшьлек юбилее нәрсә белән истә калган? [концерттан видео] впервые появилась Tatar Today - татар яңалыклары..

]]> 17276 “Просто молоко”ның байлыгы шулкадәр күп ахры, Мәскәү йолдызларын чакырып корпоратив үткәрәләр https://tatar-today.ru/2016/12/15947/ Thu, 29 Dec 2016 21:08:25 +0000 http://tatar-today.ru/?p=15947 Яңа ел корпоративлары быел Татарстанда кими, икътисадый кыенлык, банк кризисы моңа тәэсир итә. Әмма “Просто…

Запись “Просто молоко”ның байлыгы шулкадәр күп ахры, Мәскәү йолдызларын чакырып корпоратив үткәрәләр впервые появилась Tatar Today - татар яңалыклары..

]]>

Яңа ел корпоративлары быел Татарстанда кими, икътисадый кыенлык, банк кризисы моңа тәэсир итә. Әмма “Просто молоко” ширкәте республиканың массмедиа башлыкларын, Би-2 төркемен чакырып купшы корпоратив үткәрә. Азатлык республика башкаласындагы дәүләт идарәләре һәм хосусый оешма-ширкәтләрнең Яңа елны ничек бәйрәм итүен күзәтте. //Azatliq.org//

Татарстан министрлыкларыннан беренче булып Яңа ел корпоративын 22 декабрьдә экология министрлыгы үткәрде. Күп өлешен министрлык түләгән, өчтән берен хезмәткәрләр. Кайда, ничегрәк үтүе, суммалар сер булып калды, матбугат үзәге ул мәгълүматларны бирмәде. Сәламәтлек саклау министрлыгы сүзчесе дә корпоратив турында сорауларны җавапсыз калдырды.

Республикада табигатьне саклауны күзәтүче федераль хезмәт идарәсенең исемен әйтергә теләмәгән вәкиленнән килгән мәгълүматка караганда, идарәнең Яңа ел корпоративы бюджет хисабына ресторанда үтә, хезмәткәрләр акча түләми.

Татмедиа Яңа ел корпоративы үткәрми, хезмәткәрләре “Просто молоко”ның купшы бәйрәмендә генә күңел ача

Татарстанда күпчелек мәгълүмат чаралары белән идарә итүче Татмедиа агентлыгы һәм җәмгыяте исә быел Яңа ел корпоративы үткәрми. Аларга бәйрәмнәр оештырып килгән агентлыкның исемен атамауны сораган хезмәткәре, моңа аптыравын белдереп, “элегрәк без Татмедиага күп бәйрәмнәр оештыра идек, хәзер Яңа елны да үткәрмиләр”, диде Азатлыкка. Агентлыкның да, Татмедианың да вәкилләре корпоратив булмаячагын әйтте. Аларның канаты астында эшләүче Татар-информ Казанның “Ривьера” күңел ачу үзәгендәге рестораннарның берсендә Яңа елны бәйрәм итәчәк дигән сүз чыккан иде, әмма агентлык вәкилләре андый бәйрәм булмаячагын җиткерде.
Татмедианың элекке башлыгы, Татарстанда иң сөт тауарлары җитештерүче иң зур ширкәт “Просто молоко” җитәкчесе Марат Моратов элекке коллегаларын, республика президенты матбугат үзәге җитәкчеләреннән башлап, министрлар сүзчеләрен, редактор-журналисларны үзләренең Яңа ел корпоративына чакыра. Купшы бәйрәм Казанның кәттә, кыйммәтле рестораннарыннан саналучы “Максимилианс”та үтә. Махсус кунак итеп җырларга Би-2 төркемен дә китерәләр.

Аларның мәҗлесенә хәтта хөкүмәт башлыгы Илдар Халиков та килә. “Просто молоко”ның гади эшчеләре эш урынында җыелышып бәйрәм итеп, бүләкләр алса, җитәкчелек, югарырак баскычтагы хезмәткәрләр 28 декабрьдә VIP тамашада күңел ача. Аноним чыганаклар әйтүенчә, Яңа ел корпоративы чыгымнарын “Просто молоко” үзе күтәрә.

ТНВ мең кешелек “Пирамида” концертлар залында бәйрәм итте

“Яңа гасыр” телерадиоширкәте дә икътисади, банк кризисларына бирешми, быел алар Яңа ел бәйрәмен 22 декабрь “Пирамида” залында үткәрде. Хезмәткәрләрдән 300 сум җыйдылар, калганын ТНВ үзе күтәрде. “Татарстан” дәүләт телерадиоширкәте, “Яңа гасыр” белән янәшә яшәсә дә, быел корпоратив үткәрмәде.

Казанның IT-паркындагы ширкәтләр өчен бу ел да начар ел булмаган дип аңладык. Һәр елны Яңа ел бәйрәмнәре зурдан үтә, мәсәлән IT-парк резиденты, халыкара Fix компаниясе былтыр үз бәйрәмен Казан Кирмәне ярындагы “Love story” ресторанында уздырса, быел “Ривьера” ресторанында үткәрә. Йөзләп хезмәткәрнең һәркайсына 3 мең сумлык бәя куелган, барысын да ширкәт үзе күтәргән.

Филармониядә корпортивта катнашу мәҗбүри?

Татар филармониясендә исә Яңа ел корпоративына акчаны хезмәткәрләрнең үзләреннән җыялар. Хәиерле эчемлекләр белән 700 сум, эчмисең икән – 500. Язмада кемлеген күрсәтергә теләмәгән филармония хезмәткәре сүзләренчә, килмичә калырга да ярамый икән. Уены-чыны белән, килмәсәң, эштән куабыз дип тә әйтәләр, ди ул. Бәйрәм үз биналарында 30 декабрьдә булырга тиеш.

Хосусый ширкәтләр Яңа ел бәйрәмен 500-1500 сум акча җыеп үткәрә

“АГАТ” күмәртәләп сату итү кибетендә хезмәткәрләр үзләре төркем-төркем җыелып, кайсы кайда үз корпоративын уздыра. Җитәкчелек хезмәткәрләр өстәленә бер тартма кәнфит һәм ике шешә шәрабтан кала берни дә куймый. Хәтта кечкенә балалары булган хезмәткәрләргә Яңа ел бүләкләре дә бирелмәде, ди анда эшләүче хезмәткәр.

Русия буйлап таралган “Магнит косметик” парфюмерия кибетләрендә дә эшчеләр 500 сумлап акча җыйган.

Әлмәтнең “Ак Барс” банкында эшләүчеләр 1500 сумнан җыелышып, үз хисапларына “Сосновый бор” ресторанында тыйнак кына Яңа ел корпортивы оештырганнар.

Татфондбанк кризисы бәйрәм агентлыкларын эшсез калдыра

Төрле оешмалар һәм ширкәтләрнең корпоративлары күпме акчага узуы турында Азатлыкка Казанның бер ивент-агентлыгы хезмәткәре сөйләде. Ул Татнефтепродукт, Ростехнадзор, ТАИФ ширкәтләре, Икътисад министрлыгы, банклар белән эш итә.

“Кризис аркасында яңа ел корпоративларының гына түгел, ел дәвамында узган чараларның бюдҗеты да кимеде”, ди ул.

“Татфондбанк 2,5 млн сумга күңел ачарга тиеш иде, ләкин тормышка ашмады”, диде Азатлык әңгәмәдәше. Хәзерге вакытта зур финанс кризисы кичергән банк, әлбәттә, быел корпоратив уздырмый. Интехбанкта да шундый ук хәл, алар корпоративтан бер көн алдан, банкның хәлләре начарая башлагач ук баш тарткан, ә бәйрәм сметалары хәтта Татфондбанкныкыннан да күбрәк булган!

Татфондбанк заказы минем эш тәҗрибәмдә иң кыйбатлысы иде, хәтта декор ягыннан да, дип сөйли чаралар оештыручы. Аның сүзләренчә, әлеге финанс оешмасы хуҗалары үз хезмәткәрләре өчен хәтта Мәскәү йолдызларын чакырырга җыенган булганнар.

Татар җырчылары да Яңа ел бәйрәмнәре кимүгә игътибар иткән

Без аралашкан татар эстрадасы артистларының күпчелеге соңгы елларда, быел бигрәк тә, Яңа ел корпоративларының кимүен сизгән. Аеруча зур дәүләт оешмаларында, банкларда, эшкуарлар азрак бәйрәм итә башлады, ди алар. Икенче бер төркем җырчылар, былтыр Яңа елда ничек чыгыш ясасак, быел да эш күп, эшсез тормыйбыз диләр.

Азат Фазлыев:

– Яңа елларда чыгыш ясыйбыз. Аллага шөкер, кризис безгә кагылмады. Бүгеннән февральның 23нә кадәр һәр көн диярлек язылган, бушлык юк.

Иркә:

– Яңа ел бәйрәмнәрендә чакырсалар, катнашам. Быел әллә шунда кризис тәэсир итә, күп дип әйтә алмыйм корпоративларны. Мине гади кеше дә, төрле оешмалар да чакыра. Мин беркайчан да кире какмыйм. Кайда гына эндәшмәсеннәр, Мәскәүгәме, яисә авылның берәр агач өенәме, вакытым булса, ризалашам. Чөнки минем өчен халык бертигез.

Сөмбел Билалова:

– Мин Яңа ел корпоративларында эшлим. Җырчы гына түгел, алып баручы буларак та. Шуңа күрә, Татарстанда берничә корпоратив алып барам, Мәскәүдә әле бер эшем бар. Ә Яңа елны мин Петербур татарлары белән каршы алачакмын. Алар белән бергә җырлаячакмын, бииячәкмен һәм алып барачакмын. Кризис бераз сизелә дип уйлыйм. Алай да Татарстанда Мәскәүгә караганда азрак сизелә. Әмма минем өчен Яңа ел бәйрәмнәре кимүе зыянлы түгел. Ник дигәндә, быел мин берүзем эшли башладым. Бар керемем үземә.

Зөфәр Билалов:

– Чакырган җирләргә барабыз. Быел кимеде шул. Элек декабрь аенда гына унар җиргә бара идек. Быел Башкортстан якларына барасы бар. Корпоративларны күбрәк оешмалар өчен уздырабыз. Аларның азаюына һич борчылу юк. Иң мөһиме – җырлы-моңлы булып яшик. Җырлы-моңлы булган халыкның киләчәге бар.

Запись “Просто молоко”ның байлыгы шулкадәр күп ахры, Мәскәү йолдызларын чакырып корпоратив үткәрәләр впервые появилась Tatar Today - татар яңалыклары..

]]> 15947 “Татар җыры – 2016” фестивалендә “Алтын барс”ны кемнәр эләктергән? [фото, видео] https://tatar-today.ru/2016/12/15536/ Sat, 17 Dec 2016 21:55:43 +0000 http://tatar-today.ru/?p=15536 17 декабрьда Казанның “Пирамида” күңел ачу комплексында “Татар җыры” Халыкара фестивале узды. Унҗиденче тапкыр үткәрелгән…

Запись “Татар җыры – 2016” фестивалендә “Алтын барс”ны кемнәр эләктергән? [фото, видео] впервые появилась Tatar Today - татар яңалыклары..

]]> 17 декабрьда Казанның “Пирамида” күңел ачу комплексында “Татар җыры” Халыкара фестивале узды. Унҗиденче тапкыр үткәрелгән тамашада җырчылар унҗиде номинациядә бүләкләнде. Аларның һәркайсына “Алтын барс” сыны тапшырылды. Кайберләре, мисал өчен Азалия Зиннәт, ике “барс”ка лаек дип табылды. Ул “Иң яхшы клип авторы” һәм “Иң зәвыклы җырчы” исемен алды.

//Татар-информ, Tatar Today//

Хәния Фәрхигә дә быел ике бүләк тапшырылды. Фестивальгә багышланган матбугат конференциясендә җырчы үзенең беренче “Алтын барс”ын урлатуы хакында хәбәр иткән иде. Шунлыктан, аңа брошь формасында эшләп, тәүге “Алтын барс”ын тагын бер кат тапшырдылар.

“Тамашачы мәхәббәте” номинациясендә алып баручылар Филүс Каһировның җиңүен игълан итүгә, тамашачылар аны алкышларга күмеп каршы алды. Җырын башкарганнан соң да аның хөрмәтенә алкышлар һәм “Афәрин!” сүзләре яңгырады.

Хатын-кыз башкаручылар арасында бу номинациядә җиңүне Зәйнәп Фәрхетдинова яулады.

Фирдүс Тямаев бу елның “Иң популяр автор-башкаручы”сы булып тарихка керде.

“Татар җыры” фестиваленең “Иң яхшы лирик җыр” номинациясенең лауреаты Руслан Зөлкарнаев булды.

Мөнир Рахмаевны да бүләкләмичә калдырмадылар. Ул TMTV телеканалының махсус бүләген алды.

“Халык мәхәббәте” номинациясендә ир-ат җырчылар арасында – Айдар Галимов, хатын-кызлар арасында Гүзәл Уразова җиңеп чыкты. “Елның музыкаль ташкыны” дип Радик Юльякшин табылды. Фестивальдә игълан ителгән башка номинацияләрдә җиңүчеләр хакында “Татар-информ” мәгълүмат агентлыгы он-лайн режимда хәбәр итеп барды. “Татар җыры” фестивале быел Радик һәм Гүзәл Уразованың дуэты белән тәмамланды.

Запись “Татар җыры – 2016” фестивалендә “Алтын барс”ны кемнәр эләктергән? [фото, видео] впервые появилась Tatar Today - татар яңалыклары..

]]> 15536 Elvin Grey Пирамида залыннан урындыклар ала, халык шаша, исерткеч эчемлекләр дә кулдан төшми [видео] https://tatar-today.ru/2016/11/14194/ Tue, 29 Nov 2016 17:42:41 +0000 http://tatar-today.ru/?p=14194 Инстаграммда урнаштырылган видеолардан күренгәнчә, бүген Пирамида залында Elvin Grey ның чираттагы концерты. “Самый Шулай Тур”…

Запись Elvin Grey Пирамида залыннан урындыклар ала, халык шаша, исерткеч эчемлекләр дә кулдан төшми [видео] впервые появилась Tatar Today - татар яңалыклары..

]]> Инстаграммда урнаштырылган видеолардан күренгәнчә, бүген Пирамида залында Elvin Grey ның чираттагы концерты. “Самый Шулай Тур” дип үзенчәлекле аталган бу концертны кеше бик көтте.

Радик концертына махсус кунакны – яшьләрнең яратып тыңлый торган рэперы LX 24 ны да чакырган. Алар бергәләшеп русчалы-татарчалы җырлар башкардылар, тамашачыга, күрәмсең, бу ошый.

Гүзәл Уразова дуэты белән башкарылган яңа “Красивая/хороший” җырын да тамашачы бик яратып кабул итте бит инде. Концертта шушы җырга залны дөбер-шатыр китереп, биеделәр дә җырладылар да. Хәтта утырып карарга җайланган урындыклар да алып куелды, биергә генә булсын.

Тамашачылар арасында олысы да, кечече дә бар иде. Ләкин араларыннан баласы, карты бар дип тормаган, исерткеч эчемлек эчүче затлар да булган дип сөйләде концертта булучылар.

Tatar Today

 

Запись Elvin Grey Пирамида залыннан урындыклар ала, халык шаша, исерткеч эчемлекләр дә кулдан төшми [видео] впервые появилась Tatar Today - татар яңалыклары..

]]> 14194 Әллә Раяз концерттагы аты белән өенә кайткан инде? [видео] https://tatar-today.ru/2016/11/14058/ Fri, 25 Nov 2016 13:58:41 +0000 http://tatar-today.ru/?p=14058 24 ноябрь Казанның Пирамида залында җырчы Раяз Фасыйхов 10 еллык иҗатына багышланган тамаша үткәрде. Концертка…

Запись Әллә Раяз концерттагы аты белән өенә кайткан инде? [видео] впервые появилась Tatar Today - татар яңалыклары..

]]> 24 ноябрь Казанның Пирамида залында җырчы Раяз Фасыйхов 10 еллык иҗатына багышланган тамаша үткәрде.

Концертка татар эстрадасының берничә танылган артисты да килгән. Иң беренчеләрдән булып, Хәния Фәрхи белән ИлСАФ Инстаграммда концерттан бердәм фото төшереп куйганнар. Салават Фәтхетдинов та сәхнәдәшен котларга килгән, җыр да башкарып китте.

http://www.instagram.com/p/BNNLwmuAaWT/?tagged=раязфасихов

Раяз тамашачылары яратып өлгергән җырларыннан кала, яңаларын да башкарды. Күптән түгел генә “Алма кебек кызарма” өр яңа җырына бик үзенчәлекле мультфильмлы клип чыгарган иде. Клиптагы баш герой ат та сәхнә түрендә булды. Бергә җырлап-биеп, күңел ачканнан соң, ахры бергә-бергә өйгә дә кайтып киткәннәр. Бүген ул Инстаграммда балалары һәм хаман шул дусты-аты белән: “Кичәге концерттан соң ял итәбез, ат та бик арган” дип,  язып фото куйган.

 

Tatar Today

 

Запись Әллә Раяз концерттагы аты белән өенә кайткан инде? [видео] впервые появилась Tatar Today - татар яңалыклары..

]]> 14058 Казанда Элвин Грей концертында тамашачы “аңын җуя” язган [видео] https://tatar-today.ru/2016/11/13197/ Thu, 03 Nov 2016 14:13:43 +0000 http://tatar-today.ru/?p=13197 Шушы көннәрдә күпләргә таныш яшь җырчы Элвин Грей, яки Радик Юльякшин «Пирамиданы” кыздыра. Кичә без…

Запись Казанда Элвин Грей концертында тамашачы “аңын җуя” язган [видео] впервые появилась Tatar Today - татар яңалыклары..

]]>

Шушы көннәрдә күпләргә таныш яшь җырчы Элвин Грей, яки Радик Юльякшин «Пирамиданы” кыздыра. Кичә без дә аның “Самый шулай“ дип аталган яңа концерт программасын карап кайттык. Гадәти булмаган форматта узган бу тамаша, чынлап та “самый шулай” узды.

Радикның Казандагы соңгы концертлары әле апрель аенда гына узган иде. Берничә ай узуга карамастан, яңа программасына ул яңа җырлар язарга өлгергән, тамаша яңа элементлар белән баетылган. Шуларның берсе – барабанчы егетләрнең чыгышлары булгандыр, янып торган барабаннарга кага-кага биегән, чит телдә җырлаган, ул да түгел, барабан таяклары белән төрле трюклар күрсәткән егетләрне зал алкышларга күмде. Быел концертка Радикның иҗатташ дуслары: Украинадан Ион Zip92 Зегря, Санкт Петербургтан Тимур СПБ, Казахстаннан “Самый шулай” җырының авторы Бабек Мамердзаев та килгән иде. “Мин Казанда беренче генә тапкыр, шуңа да карамастан, шәһәрне бик яраттым, татар халкының кунакчыллыгына сокландым, рәхмәт сезгә, көн саен Аллаһы Тәгаләгә рәхмәт әйтергә онытмыйк”, – диде ул чыгышында.

Радикның концертына аның дусты җырчы Фирдус Тямаев килә алмаган, шуңа да дуэт белән башкарылырга тиешле “Яңгыр”, “Гомер үтә” җырларын, Радик Юльякшин үзе генә җырлады.

Элвин Грейның ачык күңеллелегенә, активлыгына, талантына сокланмый мөмкин түгел. Татарстанның халык артисты Миңгол Галиев әйткәндәй, “мәхәббәт йомгагы” ул. Сәхнәне дер селкетте. Ул да түгел, шешәдәге суын барып эчә, кара төстәге кульяулыгы белән битен сөртеп ала. Бер минут тик тормый үзе. Концерт башында ук кисәтеп куйды ул: ”Утырган җирдәнме, басыпмы, әмма биегез, нәрсәгез булса да селкенсен инде, оялмагыз, җырның сүзләрен беләсез икән, кушылып җырлагыз. Бүген монда нәрсә эшләсәгез дә рөхсәт ителә. Без бер гаилә, мин тамашачыма рәхмәт сүзләрен әйтеп беркайчан да арымаячакмын”, –  диде ул. Аның энергетикасы тамашачыларга да күчте бугай. Залда бөтен урыннар диярлек бушап бетте, бар халык баскан, кечкенә сабыйдан алып, ак яулыклы әбигә кадәр Радикның җырларына биеде. Ни хикмәт, Элвин Грейның концертларына яшүсмерләр генә түгел, балалар, өлкәннәр дә яратып килә. Өлкән яшьтәге бер пардан озак күземне ала алмый тордым. Чал чәчле бабаен әби биергә үгетли, бабай исә хатынына утырырга куша. Салмак бию башлангач та, бабайны күндерә алмады әби. Кыскасы,  икесе дә утырган җирдән генә “биюләрен” дәвам иттеләр.

Радикны тамашачы милләтләрне берләштерүче дип тә атады. Чынлап та, башкорт, рус, татар, румын, инглиз телендә дә җырлар яңгырады концертта. Сәхнә костюмнарына килгәндә, Радик мөгез чыгарырга ярата инде. Берсеннән-берсе үзенчәлекле бишләп костюм алыштырды ул. Гадәттәгечә, караңгыда янып торган, лазер утлы костюмын киергә дә онытмады. “Мин болай классик стильдә киенергә яратам, кечкенәдән костюмнан, галстук тагып йөрдем, проект эшли башлагач, дизайнер бу киемнәрне күрсәтүгә, беркайчан да боларны кимәячәкмен дигән идем дә, киергә күндерделәр. Мондый үзенчәлекле костюмнар алга таба да булачак, гаҗәпләнмәгез, костюм нинди генә булмасын, үзем нормальный малай мин”, – диде Радик шаяртып. Тамашачының ихласлыгы, җырчыны яратуы әллә кайдан күренеп тора. Хәтта, кайберәүләр чәчәк алып килмәгән булсалар да, Элвинны кочар өчен генә сәхнәгә менделәр. Хитка әйләнгән  “Елама, ярсыма” җырын исә, бар тамашачы бергәләп башкарды.

Концерт бетүгә, Инстаграм челтәрендә фотолар, комментарийлар пәйда була башлады. Шулар арасында, “Яңа гасыр” каналында “Хәбәрләр” тапшыруын алып баручы Альбина Асылгәрәеваның, Элвин Грейга рәсми мөрәҗәгатенә күпләр игътибар иткәндер. Эльвин Грейны бик текә егет, 199 процентка чыгыш ясый, бу бик көчле энергетика, зур шоу, тиздән тагын аның конертына барачакмын, дип сөйли Альбина. Концертка билет табуга килгәндә, “Җанымны сатам, бар булганымны бирәм, урлыйм, алыштырам, сатып алам”, дип уенын-чынын бергә кушып язган ул Инстаграм челтәрендәге видео астына.

Сүз уңаеннан: Элвин Грей Пирамида концертлар залында 28, 29 ноябрьдә өстәмә концертлар бирергә җыена.

Шәһри Казан

Запись Казанда Элвин Грей концертында тамашачы “аңын җуя” язган [видео] впервые появилась Tatar Today - татар яңалыклары..

]]> 13197