Шулай итеп, 1 октябрьдән 6001 нче номерлы Казан-Свияжск, 6437 нче номерлы Арча-Казан һәм 6432 нче номерлы Казан-Арча поездлары гамәлдән чыгарылачак.

3 октябрьдән 6001 нче номерлы Казан – Тюрлема, 16 октябрьдән 6383 нче номерлы Казан – Йошкар – Ола, 17 октябрьдән 6382 нче номерлы Йошкар-Ола – Казан поездлары расписаниедән чыгарыла.

Җәдвәлдәге башка үзгәрешләр турында +7(937)625-04-33 телефоны буенча белешергә мөмкин.

Чыганак: Вечерняя Казань

Запись Казанда октябрь башыннан алты шәһәр яны поездын гамәлдән чыгарачаклар впервые появилась Tatar Today - татар яңалыклары..

Россия Тикшерү комитетының Идел буе Тикшерү идарәсе матбугат хезмәтеннән хәбәр итүләренчә, нәтиҗәдә, ике пассажир вагоны юлдан киткән. Пассаңирлар булмаган. Зыян күрүчеләр юк, зыян күләме һәм һәлакәт сәбәпләре билгеләнә.

• Хәзер һәлакәт урынында Россия Тикшерү комитетының Транспортта Идел буе Тикшерү идарәсе тикшерүчеләре эшли, югарыда күрсәтелгән факт буенча тикшерү үткәрелә, һәлакәтнең барлык шартлары һәм сәбәпләре ачыклана. Тикшерү нәтиҗәләре буенча процессуаль карар кабул ителәчәк һәм Уфа станциясендә куркынычсызлык чараларын көчәйтү турында күрсәтмә кертеләчәк, – дип билгеләп үттеләр ведомствода.

Baza Телеграм-каналы хәбәр иткәнчә, бу хәл машинистларның берсе телефонда утыруы һәм поездның кызыл утка узганын күрмәве аркасында килеп чыккан.

Чыганак: TATPRESSA.RU

Запись Уфада фаҗига: ике поезд… [видео] впервые появилась Tatar Today - татар яңалыклары..

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Фото һәм мәгълүмат @vesti24 сайтыннан алынды

Запись Алла Пугачева: лимузинда поездга кадәр [видео] впервые появилась Tatar Today - татар яңалыклары..

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

https://www.instagram.com/p/BzXaa7ooJtq/?igshid=vanduz887mh3

Фото һәм мәгълүмат Марат Яруллинның инстаграм битеннән алынды

Запись Марат Яруллин РЖД поездында шок кичерә – “2000 түгел 300 сум булырга тиеш бу!” [видео] впервые появилась Tatar Today - татар яңалыклары..

“Япония. Тимер юл вокзалы. Минем яннан, мин хәтта бәяли дә алмаган тизлектә, поезд үтеп китә. Ничә км/сәг? 200? 300? 400? Минем белән мондый хәл булганы юк иде әле. Синкансен-магнит мендәрдәге тәгәрмәчсез поезд.

⠀

Телефонымны  алдым, фотога тошерер өчен  икенчесен көтәм. Тагын 3 поезд узып китте. 0 кадр. Аннары тагын 2, тагын бер генә кадр да ясап булмады. Син өлгерә алмыйсың.

Тавыш та, ис тә юк-бернәрсә дә калмый . Җиле генә сизелеп кала. Мин шаккаттым.  Үземне көтмәгәндә киләчәккә эләккән татар аборигены  итеп тоям. Японнар шыпырт кына минем бу поездны видеога тошерергә тырышканны карыйлар. Аларның күзләрендә аптырау чагыла. Әйтерсең, мин, чәнечкеле чыбыклар алып барыр өчен, беренче класстагы поездны көтәм. Миңа уңайсыз, мин өлгермим. 15 вагон ярты секунд эчендә узып китә. Поезд артыннан башны да борып өлгереп булмый, ә телефонны кесәдән  алып өлгерү турында сүз дә юк.

Күп кенә японнар эре шәһәрләрдә эшли, ә 300 километр ераклыкта  яши һәм көн саен эшкә йөри. Поезд секундына кадәр төгәллек белән килә,  тавыш та ишетелми, тузан да – юк. 45 минут һәм сез урында. Япон кешесенә бу бик уңайлы. Янга калган вакытны ул соңыннан гаиләсенә, дусларына һәм сәяхәткә сарыф итәчәк.  Япониядә поездлар хәрәкәтенең уртача тизлеге-350км/сәг.

Русия. Тимер юл вокзалы. Миңа таба Русия Тимер Юлы логотибы төшерелгән кызыл поезд акрын гына килә. Ул килкән арада, 4 ел элек Япониядә булганымны  искә алам. Анда мин берни дә төшерергә өлгермәдем. Аннары вагоннарның нумерациясен  ишетәм. Искә төшә –  без 12 нче вагон көтәбез.  Аннары телефонн алып, видео төшерим микән, әллә фотомы  дип уйлыйм?40 секундны озын күбәләк корты шуышып килгәнен  төшерәм. Әле дә күбәләккә әйләнмәгән – күбәләк корты…  Һәм, ниһаять, ул килеп җитте.

Безнең илдә поездларның уртача тизлеге – 50-90 км/сәг. (рәсми сайттан алынды). Кая без шулай ашыгабыз?!  Мин шок хәлендә.  Кыскасы, хәзер берәүне дә Россия тимер юлларында  СССР чорыннан хәрәкәт тизлеге кимүе гаҗәпләндермәс дип  уйлыйм.  Дөньяда иң тиз поездның тизлеге –  603км/сәг.

Нәрсә эшләргә ? Безнең илгә тизлек, поездларга тизлек җитми, барыбызга да тизлек җитми. Без акрын. Акрын гына карарлар кабул итәбез, акрын гына аларны гамәлгә ашырабыз , акрын гына җайлашабыз, аның каравы тиз арада барысын да ышанычлы тартмага, «көтегез » дигән исем астына салабыз.   Нәтиҗәдә  безгә тырышканчы, аклану җиңелрәк.

Япон кешесенең кереме  аена  уртача 3100 доллар, россияле кереме 520 доллар. Төп-төгәл  6 тапкырга ким. РТЮ тизлектә дә нәкъ шул кадәргә үк калыша.

Ә сез 5 тапкыр күбрәк акча эшләргә теләр идегезме? Ул чакта тизлегегезне арттырыгыз  яки Россия тимер юлларының тизлеге артканын көтеп торыйкмы?

Нәтиҗәләр:

1 . Күбрәк телисез икән, тизлегегезне арттырыгыз.

2. Акчаны тиз эшләргә кирәк, ә акрынрак тотарга кирәк.

3. РТЮ, тагын бер кабат әйтәм, Синкансенны беркайчан да узып китмәячәк .

Ә менә  мин шәхсән япон кешесен керемнәр буенча 19 ел элек куып җиттем.  Сезнең дә барысы да килеп чыгачак,” – ди.

View this post on Instagram

A post shared by Айдар Исмагилов (@aidarismagilov)

Фото: соцсети

Ләлә Маннанова тәрҗемәсе

Запись Бизнесмен Айдар Исмагилов: “Тизлек күпме тора?” Япония һәм Россия тимер юллары турында впервые появилась Tatar Today - татар яңалыклары..

Авариядә җиде кеше үлгән, 46сы зыян күргән, дип хәбәр итә шәһәр губернаторы Васип Шахин. Урында табиблар һәм коткаручылар эшли.

Состав Конья шәһәренә барган.Авария шәһәр яны поезды белән бәрелешү аркасында килеп чыккан, дип белдерделәр Төркия Транспорт министрлыгында.

Россия илчелеге зыян күрүчеләр арасында россиялеләр бармы-юкмы икәнлеген ачыклый.

tatar-inform

Запись Анкарада тиз йөрешле поезд рельстан чыга впервые появилась Tatar Today - татар яңалыклары..

Яшүсмер белән янәшә баручы кечерәк иптәше сөйләвенчә, тимер юлны чыгар алдыннан алар як-яка карамаганнар. Аларга таба килгән составны соң гына күреп алганнар. Ике поезд арасында калу куркынычы бар дип, кире борылырга уйлаганнар. Иптәше йөгереп үтәргә өлгерә, ә өлкәнрәк малай хәрәкәт иткән составка эләгә.

Ашыгыч ярдәм бригадасы зыян күргән яшүсмерне Әгерҗе районы үзәк сырхауханәсенә илтә. Хәзерге вакытта малай авыр хәлдә.

Запись Әгерҗедә яшүсмер ике поезд арасында калган впервые появилась Tatar Today - татар яңалыклары..

Искәртеп үтик, фаҗига бүген иртәнге сәгать 4тә Арча – Коркачык юлында булган. «Новосибирск – Адлер» поезды машинисты 849 нчы чакрым платформасында Васильева Бужа һәм Качелино авыллары арасында поездга артлары белән баручы кешеләрне күргән. Машинист экстрен рәвештә тормозга баскан, тавыш һәм ут сигналлары биргән, ара аз булу сәбәпле поезд туктый алмаган һәм өч кешене бәрдереп киткән. Һәлакәт аркасында өч кеше дә үлгән.

Пассажир поезды 30 минутка тоткарланган. Аннан үз маршруты буенча юлын дәвам иткән. Фаҗига урыныда Арча янгын-коткару гарнизонының оператив төркеме эшләгән.

Запись Арча районында поезд өч кешене бердергән впервые появилась Tatar Today - татар яңалыклары..

Бераздан, дөбердәп, янәшәдән тагын бер поезд составы уза һәм тирә-юнь җансыз тынлыкка чума…

Станция дежурные, хәвефле хәбәрне алуга, башта «ашыгыч ярдәм» машинасы чакырып, якындагы больницага шылтырата, ә аннан үзе рельслар буенча һәлакәткә очраган кешене эзләп китә. Ул кар астында калган, өшергә дә өлгергән Закирҗанны барып тапканда иртәнге биш була. Юлда инде биш сәгать буе ятуына карамастан, егет аңын югалтмаган. Ярдәм килмәсә, коткармасалар, авыртуга түзә алмасам дип, кесәсеннән пәкесен генә алган…

Фәнисә сөйли:
— Мин  Колчым авылында туып-үстем, ә Закирҗан — Биктимердә. Район үзәге Сарыкташта очрашып күрештек тә, бер-беребезгә гашыйк булдык. Бераз очрашып йөргәч, кавышырга, өйләнешергә ниятләдек. Туй алдыннан, Яңа елга берничә көн калгач, кибетләрдә йөрергә дип икәү Оренбурга киттек. Ул вакытта һәммә нәрсә дә талонга иде бит әле. Җитмәсә — чиратлар. Бер көндә бөтен кирәк-яракны да алып бетереп булмады, әлбәттә. Шуңа күрә, мин Оренбургта калырга булдым, ә Закирҗан авыр сумкалар белән вокзалга, поездга китте…

Көне буе шәһәр буйлап кибеттән кибеткә йөреп тәмам алҗыган Закирҗан проводницага: «Мине Черный Отрог станциясендә уятырсыз әле», — ди дә, йокларга ята. Үзе дә йокыга киткән проводница егетне поезд кирәкле станциядән инде кузгалгач кына уята. «Поезд тизлеген арттырганчы сикер, әйдә», — ди ул. Закирҗан башта җиләк-җимеш белән тулган сумкаларны ыргыта. Аннан туй машинасын бизәргә дип алган зур балдакларны терсәгенә кигән килеш, караңгылыкка үзе сикерә. Калганы бар да секундлар эчендә була. Закирҗан хәтта аңларга да өлгерми кала. Поезд тәгәрмәчләре аны үзенә тартып ала. Башта бер аягы киселә. Икенче аягы белән этелергә, читкә китәргә талпынгач, анысы да тәгәрмәч астына эләгә…

Әйе, язмыш Фәнисә белән Закирҗанны әле бергә яши башламаган килеш үк сыный. Түрендә үзе утырасы туй өстәлен томан каплый. Закирҗан озын-озакка больницага кереп ята. Хәер, сигез ай буе Фәнисә дә егете яныннан бер адымга да китми.

Ике якның да туганнары төрлесен уйлап карый. Закирҗанныкылар: «Тизрәк язылышсыннар иде, югыйсә, Фәнисә ташлап китәр аны», — диләр. Кызның туганнары, бигрәк тә апасы: «Хәзер медицина бик көчле, Закирҗан больницадан үз аяклары белән чыгар, туйны шул вакытта ясарлар», — дип киңәш итә. Аларны табиблар да хуплый.

Фәнисә кабат ул көннәрне искә төшерә:
— Закирҗан больницада аңына килүгә: «Китәм дисәң, кит. Мин сиңа үпкәләмим», — диде. Тик минем аны жәлләгәнгә генә янында утыруым түгел иде бит, яратуым иде… «Сау-сәламәт ирне дә көйләп-җайлап кына яшәргә кирәк, ә син монда ике аяксызга кияүгә чыгарга җыенасың, акылыңа кил», — дип «киңәш бирүчеләр» дә табылды.

Күп операцияләрдән соң Закирҗан, ниһаять, протезларда йөрергә өйрәнә. Туйны фаҗига булганга нәкъ бер ел тулган көнне ясыйлар алар.

Инде Закирҗанга яңача яшәргә өйрәнергә кирәк була. Ул Оренбург финанс техникумының көндезге бүлегенә укырга керә. Өч елдан соң, укуын тәмамлап, туган авылында эшли башлый. Ләкин егетнең кәгазь эшенә күңеле ятмый. Армия сафларында, Хабаровскида хезмәт иткәндә БАМны төзүдә катнашкан була ул. «Анда машина йөрткән идем бит, ә нигә хәзер тракторга утырып карамаска?» — ди Закирҗан. «Ике аягыңның берсе дә юк икәнен оныттыңмы әллә?» — диючеләргә дә ир-егетнең җавабы әзер: «Очучы Маресьевны искә төшерегез. Ул булдырганны нигә әле мин булдырмаска тиеш?!»

Сәламәт кешедән артык булмаса да, ким дә эшләми Закирҗан: кайсы тракторга кирәк — шунысына утыра, фураж да биреп тора… Кыскасы, бер көн дә эшсез утырмый.

1999 елны яңа йорт җиткезеп кергәннәр. Олы кызлары Суфия башта Оренбург педагогия көллиятенең татар бүлеген тәмамлаган, аннан, читтән торып, Оренбург педагогия университетының тарих бүлегендә укыган. Хәзер ул Себердә эшли. Уллары Дамир Мәскәү янында армия сафларында хезмәт итә. әле күптән түгел генә ялга да кайтып киткән.
«Шагыйрь Фәнис Яруллин турында ишеткәнегез бармы?» — дип сорыйм Закирҗаннан.

— Суфия Оренбургта, көллияттә укыган вакытта анда  Фәнис  Яруллинга  багышлап  кичә үткәрделәр, — ди әңгәмәдәшем. — Безне дә чакырдылар. Андый шагыйрь турында беренче тапкыр шунда ишеттем. Шигырьләре миңа бик нык тәэсир итте. Аның язганнары кешеләргә көч-дәрт бирә, яшәргә өмет уятадыр дип уйлыйм.

Минекенә охшаш язмышка дучар булганнарның әти-әниләре, йә туганнары минем яныма да аз килмәделәр. «Улым (энем, ирем) да синең сыман бәлагә тарыды. «Яшисем килми», — ди. Зинһар, янына килеп сөйләшеп кара әле. Бәлки синең сүзләреңә колак салыр?» — диләр.
— Очрашкач, андый кешеләрне нинди сүзләр табып юатасыз, ниндирәк киңәшләр бирәсез инде?
— Аяк киселеп кенә дөнья бетми, мин менә шушы килеш тә яшәргә өйрәндем, сез дә өйрәнерсез, дим. Сез әле бер генә аягыгызны югалткансыз, ә минем менә икесе дә юк, дим. Мин авыру, дип урын өстендә яту — ул сафсата, торырга кирәк, үзеңне мескенгә санарга, боегырга ярамый, дим.
— Тормыш зилзиләсенә эләгеп тә, аумыйча калырга холкыгызның кайсы ягы ярдәм итте сезгә?
— Без бит авыл балалары. Кече яшьтән эшләп үстек. Хезмәт — бөтен бәлаләрдән дә дәва. Колхоз эшенә чыкмаганыма әле биш-алты ел гына. Тик аңа карап тик торган юк, әлбәттә. Ун баш зур малыбыз гына бар, йорт тутырып кош-корт асрыйбыз. Авылда яшәгәч, башкача булмый. Аннан, Фәнисә белән икәүләп мамык шәлләр бәйләп сатабыз менә. Ишегалдымда тракторым, җиңел машинам тора.
— Машинаны, инвалид буларак, сезгә хөкүмәт биргәндер?
— Юк, үзем сатып алдым. Дөрес, инде бик күп еллар машинага чиратта торам, тик аның очы-кырые гына күренми. әфган белән Чечнядан аяксыз кайткан егетләр күп бит, барыбызга да җиткезә алмый торганнардыр.

Ә минем ике аяксыз булуыма кайчакта хәтта ГИБДД хезмәткәрләре дә ышанып бетми. Бервакыт шулай Оренбургка барырга чыктым. Шәһәргә җитәрәк туктаттылар болар мине. Кирәкле кәгазьләрнең вакыты алдагы көнне чыккан икән. Шуны сәбәп итеп, машинамны эвакуаторга төяргә тотындылар. «Егетләр, нишлисез? Мин бит ике аяксыз кеше, хәзер кая барыйм?» — дип өзгәләнәм. Алдакчыга караган кебек карыйлар, янәсе, таптың шаяртыр нәрсә. «Кая, күрсәт соң  алайса»,  —  диләр.  Аптырагач:  «Менә  кара­­гыз», — дип, чалбар балакларын күтәрдем. Ә машинамны барыбер алып киттеләр.
Нишләтәсең, дөнья булгач, шундый хәлләр дә булгалый.
— Протезларны еш алыштырасызмы?
— Элек ике елга бер иде, хәзер өч елга бер генә.
— Районда сезнең белән кызыксынганнары, берәр ничек ярдәм иткәннәре бармы?
— Хәзер андый ярдәм итүләр юк инде ул. үзем дә сорап бармыйм. Ә менә колхозыбызның, авылдашларымның һәм туганнарымның ярдәмен һәрдаим тоеп яшим. Мин аларга мең риза, рәхмәттән башка сүзем юк. җиде меңгә якын пенсия алам. Мине караган, тәрбияләгән өчен хөкүмәт Фәнисәгә дә акча түли башлады. әйтәм бит, мин бүгенгемнән бик риза, бик канәгать.

Суфияның әтисе белән әнисе янына — Биктимергә кунакка кайткан чагы иде. Әңгәмәбезгә ул да кушылды. «әтием белән бик тә горурланам, —  диде  Су­фия. — Дөнья йөзендә аның кебек кеше юктыр. Дамир армиядән кайткач, әти белән әнигә озакламый икәү ярдәм итә башларбыз, дип уйлыйм. Аларны тәрбияләргә хәзер безнең чират».

Фәнисә һәм Закирҗан Идиятуллиннар йорты артында гына Сакмар елгасы ага. Буш вакыты булганда, Закирҗан шунда балык тотарга ярата икән. Ләкин бөтен теләкләрне дә үти торган алтын балыкка түгел, тормышта иң элек үзенә ышана ул.

Запись “Сәламәт ирне дә көйләргә кирәк, ә син аяксызга кияүгә чыгасың диделәр… ә мин чыктым!” впервые появилась Tatar Today - татар яңалыклары..

Һәлакәт БСИ янында тимер юл аркылы чыгу юлында бүген иртән булган. “Лада Калина” һәм поезд бәрелешкәнлектән бу тирәдә зур бөке хасил булган.

Зыян күрүчеләр һәм һәлакәт сәбәпләре ачыклана.

Татар-информ

Запись Түбән Камада юл һәлакәте: җиңел машина поездга бәрелгән [фото] впервые появилась Tatar Today - татар яңалыклары..