Архивы Путин - Tatar Today - татар яңалыклары.

Путин игълан иткән 10 000 сумны алу гадиләштерелгән

Рамиля Валиахметова — Tue, 04 May 2021 06:10:57 +0000

Владимир Путин Россия хөкүмәтенә август аенда 6 яшьтән 18 яшькәчә балалары булган гаиләләрне 10 000 сум бердәм түләүләр белән тәэмин итәргә боерды. Әлеге түләүләр Федераль җыенга юлланган юлламарны гамәлгә ашыру кысаларында башкарыла.

Шул ук вакытта укучы-инвалидларга аерым түләү тәртибе булдыру сорала. Башкарылган эшләр турында президентка 1 сентябрьгә кадәр хисап тотарга тиешләр.

Моңа кадәр хезмәт министры Антон Котяков бердәм түләүләр белән 17 миллионнан артык мәктәпкәчә яшьтәге балалары булган гаилә тәэмин ителәчәк дип белдергән иде. Аны алу өчен МФЦга, Россия пенсия фонды бүлекчәсенә яки социаль яклау органнарына гариза язарга кирәк. Башка өстәмә кәгазьләр җыярга кирәк түгел.

Чыганак: Шәһри Казан

Запись Путин игълан иткән 10 000 сумны алу гадиләштерелгән впервые появилась Tatar Today - татар яңалыклары..

Путинның милләткә яңа мөрәҗәгать белән кайчан чыгыш ясаячагы билгеле

Лейла — Tue, 23 Jun 2020 10:03:49 +0000

Россия Президенты Владимир Путин бүген, 23 июнь россиялеләргә яңа мөрәҗәгать белән чыгыш ясаячак. Бу хакта дәүләт башлыгы матбугат секретаре Дмитрий Песков хәбәр итте.

Кремль вәкиле сүзләренә караганда, мөрәҗәгать трансляциясе 15:00 сәгатьтә башланачак. Путин чыгышы коронавируска каршы көрәшнең башлангыч нәтиҗәләренә һәм икътисадтагы вәзгыятькә багышланачак.

Элегрәк массакүләм мәгълүмат чаралары хәбәр иткәнчә, РФ Президенты россиялеләргә мөрәҗәгать итәргә һәм РФ Конституциясенә кертелергә тиешле төзәтмәләрнең мәгънәсен шәхсән аңлатырга планлаштыра.

Чыганак:  "БИЗНЕС Online".

Запись Путинның милләткә яңа мөрәҗәгать белән кайчан чыгыш ясаячагы билгеле впервые появилась Tatar Today - татар яңалыклары..

Путин коронавирус вәзгыяте буенча яңа йөкләмәләр бирде

Лейла — Sat, 16 May 2020 17:34:31 +0000

Президент Владимир Путин Хөкүмәткә һәм төбәк хакимиятләренә коронавирус ситуациясенә бәйле рәвештә яңа йөкләмәләр бирде.

Шулай итеп, дәүләт башлыгы яңа йөкләмә бирә:

—1 июньгә кадәр социаль өлкә хезмәткәрләренә махсус өстәмә түләүләр һәм беренче баланы карау буенча пособиене арттыру турындагы законнарга үзгәрешләр кертергә;

COVID-19 авырулар белән эшләүче медикларга федераль өстәмә түләүләр буенча мониторинг алып барырга;
төбәкләрдә эпидемиологик нормаларны үтәп, база тармаклары предприятиеләрен торгызу өчен шартлар тәэмин итәргә ;
25 майга кадәр ГосУслуги Порталы һәм ПФР бүлеге аша 16 яшькә кадәрге балалар өчен ун мең сум күләмендә түләү мәсьәләсен хәл итәргә;
коронавирус булу – булмауга халыкны тестлау күләмнәрен арттыру;
коронавирус белән көрәшүче медикларга апрель ае өчен федераль өстәмә түләүне 15 майга кадәр тәэмин итәргә;
чикләүләрне этаплап бетергәндә барлык күрсәтелгән нормаларның үтәлешен контрольдә тоту;
COVID-19 белән авыручыларга ярдәм итүче медицина оешмалары артыннан контрольне оптимальләштерергә.

Узган айда дәүләт башлыгы коронавирус белән зарарланган пациентлар белән эшләүче табибларга түләү билгеләде. Дүшәмбе көнне президент медикларның яртысыннан да кимрәге акча алганына игътибар итте, гәрчә акчалар регионнарга керсә дә. Путин губернаторларга бу хәлне ачыкларга кушты.

Чыганак: РИА-Новости

Запись Путин коронавирус вәзгыяте буенча яңа йөкләмәләр бирде впервые появилась Tatar Today - татар яңалыклары..

Путин гадәттән тыш хәл игълан итте

Alina — Thu, 02 Apr 2020 06:34:46 +0000

Россия Президенты хөкүмәтткә гадәттә тыш хәл игълан итү яки бөтен Россия территориясендә югары әзрелектә тору хокукы бирә торган законга кул куйды.

Әлеге документ рәсми хокукый мәгълүмат порталына урнаштырылган.

Закон гадәттән тыш хәлләр вакытында, 90 көн дәвамында, кайбер даруларны күпләп һәм берәмләп сатуны чикләү, аеруча мөһим препаратлар куллануны һәм аерым бер төр даруларны һәм медицина чараларын теркәүне көйләү хокукы да бирә.

Мәгълүмат Ватаным Татарстан

Запись Путин гадәттән тыш хәл игълан итте впервые появилась Tatar Today - татар яңалыклары..

Казан һәм Уфада Путин турында ни уйлыйлар? [видео]

Alfia — Wed, 15 Jan 2020 13:38:57 +0000

15 гыйнвар Русия президенты Владимир Путин Федераль җыенга еллык юллама белән чыгыш ясый. Азатлык Казан һәм Уфа урамнарында кешеләрнең Путинга ни әйтергә теләүләрен, аңа ышану-ышанмауларын белеште.

Мәгълүмат: azatliq

Запись Казан һәм Уфада Путин турында ни уйлыйлар? [видео] впервые появилась Tatar Today - татар яңалыклары..

Путин үзеннән соң кем киләчәген әйтте

irina — Sun, 30 Jun 2019 10:04:53 +0000

Русия җитәкчесе Владимир Путин Financial Times гәзитенә интервью биргәндә “Сезгә алмашка кем киләчәк?” дигән сорауга җавап бирде.
“Мин бу хакта 2000 елдан ук уйлыйм инде, – дигән ул. – Дөньяда хәлләр үзгәреп тора һәм кешеләргә карата таләпләр дә үзгәрә, ләкин шуңа карамастан, сайлау вакытында соңгы сүз халыктан булырга тиеш”.
Әйткәндәй, Русия лидерына чит ил журналистлары мондый сорауны еш бирә. Азакы тапкыр 2018 елда NBC каналы интервью алганда бу теманы күтәргән иде.

Фото һәм мәгълүмат РИО-Новости сайтыннан алынды

Запись Путин үзеннән соң кем киләчәген әйтте впервые появилась Tatar Today - татар яңалыклары..

Путин балалары булган гаиләләргә 900 мең сум бирергә куша?

Лэйсирэ — Thu, 28 Feb 2019 06:55:08 +0000

Русия Президенты Владимир Путин Федераль Җыелышка Юлламасында гаиләләргә ярдәм күрсәтүнең өстәмә чараларын кертүне тәкъдим итте: мәсәлән, өченче һәм аннан күбрәк бала туган гаиләләрдә ипотека кредитыннан 450 мең сумны дәүләт исәбеннән капларга.

Путин әлеге программаны 2019 елның гыйнварыннан башларга мөмкин дип белдерде. Ул шулай ук, әгәр әлеге ярдәмне ана капиталы белән бергә кушсаң, 900 мең сумнан арта, дип белдерде.

Русия гаиләләрендә керемнәр үсәргә тиеш дип исәпли дәүләт җитәкчесе. Атап әйткәндә, Путин балалары күбрәк булган саен, гаиләләргә салым күләмен киметергә дигән тәкъдим ясады. Ул балалары булган гаиләләрнең фатир мәйданына салымны да киметү яклы.

Моннан тыш дәүләт җитәкчесе төбәкләргә салым ташламалары тәкъдим итте. Мәсәлән, хөкүмәткә һәм Үзәк Банкка ипотека буенча ставкаларны киметергә. Аның фикеренчә, әгәр гаиләдә 2 һәм аннан күбрәк бала икән, ташламалы ипотека 6 процент тәшкил итәргә тиеш. Ташлама ипотека вакыты беткәнче гамәлдә булырга тиеш.

Президент 2020 елның 1 гыйнварыннан беренче һәм икенче балага түләү планкасын ике яшәү минимумына кадәр күтәрергә тәкъдим итте. Аның әйтүенчә, бу балага өстәмә түләү алырга хокукы булган гаиләләр санын бер ярым тапкырга арттырачак.

Дәүләт башлыгы шулай ук инвалид балалар тәрбияләүче гаиләләргә түләүне арттыру кирәклеге хакында да әйтте. Түләү аена 5,5 мең сумнан 10 мең сумга кадәр үсәчәк.

Өмет

Фото: РИА Новости

Запись Путин балалары булган гаиләләргә 900 мең сум бирергә куша? впервые появилась Tatar Today - татар яңалыклары..

Путин авылга эшкә күчкән укытучыларга 1 миллион сум акча бирмәкче

Алина — Thu, 21 Feb 2019 16:42:20 +0000

Россия Президенты Владимир Путин 2020 елдан башлап укытучылар өчен “Земский учитель “программасын башларга тәкъдим итте. Әлеге программа буенча авылларга һәм кече шәһәрләргә күчкән укытучыларга 1 млн сум күләмендә акча биреләчәк. Бу хакта ул Россия Федераль Җыенына юлламасында сөйләде.

“Кадрлар – мөһим мәсьәлә. 2020 елдан “Земский учитель” программасын башлап җибәрергә тәкъдим итәм. Аның буенча авылларга һәм кече шәһәрләргә күчеп килүче педагогларга бер тапкыр 1 млн сум күләмендә акча биреләчәк”,— диде Владимир Путин.

Элегрәк дәүләт башлыгы медицинада кадрларга кытлык булмасын өчен «Земский доктор» программасында катнашучыларга яшь чикләүләрен бетерергә кирәклеге турында белдергән иде.

“Земский доктор ” программасында катнашучыларга яшь чикләүләрен бетерергә тәкъдим итәм. 50 яшьтән өлкәнрәк белгечләр авыл җиренә яки кече шәһәргә эшкә күчкәндә, шулай ук бер тапкыр түләнә торган акчаны алырлык булсын. Табибларга – миллион сум, фельдшерларга – 500 мең сум”, – диде Владимир Путин.

Чыганак: Татар-информ

Запись Путин авылга эшкә күчкән укытучыларга 1 миллион сум акча бирмәкче впервые появилась Tatar Today - татар яңалыклары..

Путин Казанга киләме?

Лэйсирэ — Fri, 08 Feb 2019 14:27:29 +0000

Студентлар арасында тәрбия эшен арттырмакчылар. Зәй ГРЭсының киләчәге мәсьәләсендә исә әлегә ачыклык юк. Хөкүмәт Йортында узган брифингта Казан Кремленең рәсми вәкиле Лилия Галимова киләсе атнада Казанда Илбашын көтәргәме-юкмы дигән сорауга да анык кына җавап бирмәде.

Бүген – Россия фәне көне уңаеннан, Татарстан Президенты Рөстәм Миңнеханов фән һәм техника өлкәсендә дәүләт бүләкләрен тапшырачак һәм вуз ректорлары белән очрашачак дип көтелә. “КФУның Лобачевский исемендәге фәнни китапханәсендә вузның күзәтчелек советы утырышы узачак, аны Рөстәм Миңнеханов җитәкли”, – диде Лилия Галимова. Чарада күтәреләчәк төп мәсьәләләрнең берсе югары уку йортларында тәрбия эшен оештыруга бәйле. “Рөстәм Миңнеханов Татарстан Яшьләр эшләре министрлыгының еллык коллегия утырышында билгеләп үткәнчә, вузларда тәрбия эшләре буенча проректорларны кайтару бурычы тора. Кызганыч, кайбер югары уку йортларында әлеге вазифа юкка чыккан. Республика башлыгы фикеренчә, болай ярамый”, – диде Казан Кремленең рәсми вәкиле.

Республикадагы югары уку йортларының горурланырлыгы да бар. Идел буе федераль округына керүче төбәкләр арасында Татарстанда студентлар күбрәк. “Республикада барлыгы 46 вуз бар, аларда 147 меңгә якын студент белем ала. Без әлеге күрсәткеч буенча Идел буе федераль округында – беренче, ил күләмендә исә – җиденче урында”, – диде Лилия Галимова. Татарстан вузлары чит ил студентлары арасында да зур кызыксыну уята. Былтыр гына да чит илдән килгән 6 меңнән артык егет-кыз республика югары уку йортларына укырга кергән.

Лилия Галимова Зәй ГРЭСының язмышы турындагы сорауга да җавап бирде. Моңа кадәр “КоммерсантЪ” басмасы, үз чыганакларына нигезләнеп, республика җитәкчелегенең электр станциясен 66,5 миллиард сумга яңартырга җыенуы турында хәбәр итте. “Әлеге мәгълүматны каян алганнардыр, белмим. Әлеге юнәлештә бик күп компанияләр белән сөйләшүләр алып барыла. Мәсәлән, моңа кадәр Mitsubishi Hitachi Power Systems, Siemens һәм General Electric кебек зур оешмалар вәкилләре белән очрашулар узды. Бу – бик зур, күләмле эш”, – диде Казан Кремленең рәсми вәкиле.

Россия Президенты Владимир Путин киләсе атнада Казанга киләме? Бу хакта кызыксынгач, Лилия Галимова: “Без Илбашының эш графигына аңлатма бирә алмыйбыз”, – дип кенә җавап бирде. Инде хәбәр иткәнебезчә, Владимир Путин 10–12 февральдә Казанда РФ Дәүләт Советының торак шартларын яхшырту һәм уңайлы шәһәр мохите формалаштыруга багышланган киңәйтелгән президиум утырышын үткәрергә йөкләмә бирде. 2018 елның декабрендә Владимир Путин ил үсешендәге төп юнәлешләр буенча РФ Дәүләт Советының 16 эшче төркемен оештырды, аларны төбәк башлыкларына җитәкләргә кушылды. Торак базарын үстерү һәм уңайлы шәһәр мохите формалаштыру буенча эшче төркемне Татарстан Президенты Рөстәм Миңнеханов җитәкли.

(“Ватаным Татарстан”, /№ 18, 08.02.2019/)

Фото: REUTERS

Запись Путин Казанга киләме? впервые появилась Tatar Today - татар яңалыклары..

Яңа закон: өйдә эшләүчеләр күпме салым түләргә тиеш?

Алина — Thu, 29 Nov 2018 10:10:11 +0000

Россия Президенты Владимир Путин үзмәшгуль гражданнарга салым салу буенча эксперимент үткәрү турында өч законга кул куйды. Алар Хокукый мәгълүматның рәсми интернет-порталында басылып чыкты.

2019 ел башыннан үзмәшгуль гражданнар өчен салым салуның тәҗрибә системасы дүрт төбәктә: Татарстан, Мәскәү, Мәскәү өлкәсе һәм Калугада кертеләчәк.

Кешеләр белән үзмәшгульләр өчен керем салымының күләме 4% тәшкил итәчәк, оешмалар белән эшләүчеләр өчен – 6%. Шул ук вакытта аларның еллык кереме 2,4 млн сумнан артмаска тиеш.

Эксперимент 2028 елга кадәр дәвам итәчәк.

Чыганак: Татар-информ

Запись Яңа закон: өйдә эшләүчеләр күпме салым түләргә тиеш? впервые появилась Tatar Today - татар яңалыклары..