«Шушы мизгелдә, хәтта, үземнең дә күзләрем яшьләнде. Әниле булу – зур бәхет! Кадерләрен белеп яшик әнкәйләрнең исән чагында», – дип яза җырчы, җырындагы юлларны кабатлап.

Әлеге ак яулыклы әбине Ришатның кайбер язылучылары танып та алган. «Гаймә апа – безнең Кәтем авылы кызы ул. Аның сабырлыгына һәйкәл куярлык. Өч баласының икесен җир куенына салды. Калган улына, оныкларына хәерле, озын гомерләр биреп, шуларның хөрмәтендә, сәламәтлектә, аларны куандырып яшәргә язсын аңа. Туган көнендә иң изге теләкләремне җиткерәм», – дип язып калдырганнар.

ЧЫГАНАК: https://intertat.tatar/news/risat-fazlyiaxmatov-susy-mizgelda-uzemnen-da-kuzlarem-yaslande-5872873

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Акъәби биюе: ” Өч баласының икесен җир куенына салды ул…” впервые появилась Tatar Today - татар яңалыклары..

Беренче сорауны Ришат Фазлыйәхмәтов биргән. “Нинди төстәге трусик киеп чыктыгыз?”

Бу сорау Илнат Фәрхуллинга туры килгән. Ул бу сорауның авторын чамалаган. “Фазлыйәхмәттән андый әйберне булыр!” ди ул.

• Оранжевый… Тулы төс түгел ул. Әйтүе кыен.

Илнатның соравы: “Халык ничек кабул итте икән, халыкны күтәреп алып булды микән?”

Илнатның бу соравына Рөстәм Асадуллин җавап бирә.

• Бик яхшы, бик шәп каршы алды. Халык һаман шалтырата, – ди дә Рөстәм Асадуллин, шалтыраткан булып кылана: “Әй, халык! Бик хөрмәт итеп җырлашып йөрим”.

Рөстәм Асадуллин соравы: “Бер концертка күпме аласың?”

Бу Гөлназ Асаевага туры килгән:

• Чынлап артист бирдеме моны? – дип гаҗәпләнә ул. – Ул артист белергә тиеш бит, төрле җирдә төрлечә.  Бу сезонда иң күбе 160 мең.

Гөлназ Асаева соравы: “Нәрсә дип җәй уртасында концерт куярга булдыгыз?”

Бу сорауга Ринат Рахматуллин җавап бирә:

• Җәй уртасында, бер кеше куймаганда Рахматуллин гына куя! Мин көтелмәгәнчә эшлим.

• Бөтен кеше ял итә, бәрәңгедә, – ди Олеся.

• Килгән кеше килә инде ул! – ди Рахматуллин.

Аның киләсе артистка соравы: “Нәрсә кеше җырларын урлап җырлыйсың?”

Бу сорауга Илназ Гарипов җавап бирә:

• Минем гомердә бер генә җырны урлап җырлаган булды. Федор Марунның “Не спеши” дигән җырын “Ашыкма” дип җырлыйм.

Илназ Гариповтан сорау: “Топ артистлардан көнләшүләрен ничек яшерәләр?”

Бу сорауга Гөлназ Сәфәрова җавап бирә.

• Мин көнләшмим. Валлаһи, ант итеп әйтәм.

Аның соравы: “Ул үзен башкалардан өстен дип саныймы?”

Илназ Минвәлиев җавап бирә:

–  Юк, санамыйм. Мин үземчә генә Илназ Минвәлиев булдым дип саныйм.

ЧЫГАНАК - Олеся Лесная блогы
ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Кайсы артист нинди төстәге трусик кия, кем күпме акча эшли – Олесядан сораштыру впервые появилась Tatar Today - татар яңалыклары..

Билгесез кешеләр Ришат Фазлыйәхмәтовның машина тәрәзәсен ватканнар. Шул сәбәпле җырчы Инстаграм битендә видео мөрәҗәгать ясаган.

“Машинамда костюмнарымнан башка берни дә юк. Документ-акчаларымны һәрвакыт үзем белән йөртәм, калдырмыйм. Дусларым, сак булыгыз, Казанда мондый хәл еш күзәтелә. Борчылып, бик күп комментарий язган тамашачыларым һәм дусларыма битараф булмаганнары өчен рәхмәтемне белдерәм” – дигән ул.

Машина тәрәзәсен вату кемгә кирәк булганлыгын Ришат белми. Шулай ук ул ГАИ һәм полиция хезмәткәрләрен дә чакыртмаган.

https://www.instagram.com/tv/B8HALkdowwz/?igshid=1mpsfh4l1hz7n

Мәгълүмат Ришат Фазлыйәхмәтов Инстаграм битеннән

Запись ЧП. “Бу юлы Казанга килгәндә, менә шулай каршы алдылар” – Ришат Фазлыйәхмәтов [видео] впервые появилась Tatar Today - татар яңалыклары..

Җырчы Ришат Фазлыйәхмәтовның мунчада төшкән фотосы шау-шу чыгарды. Татарстанның атказанган артисты Фирдүс Тямаев та әлеге фото астында үз фикерен җиткерде.

Ришат Фазлыйәхмәтов инстаграмда мунчада төшкән фотосын урнаштырды. “Мунча кереп, концертларга әзерләнәбез”, – дип яза җырчы. 

Әлбәттә, әлеге пост Ришатның язылучыларын да битараф калдырмады. Җырчыны бу гамәле өчен гаепләүчеләр дә, киресенчә, яклап чыгучылар да булды. Фирдүс Тямаев та фото астында комментарий калдырды. “Миннән дә юләрләр бар икән. Мине сөйләгән булалар”, – ди ул.

https://www.instagram.com/p/B5xtcttp1EL/?igshid=uhlzywdpp4zl

Мәгълүмат Ришат Фазлыйәхмәтовның инстаграмыннан

Запись Ришат Фазлыйәхмәтовның шау-шу чыгарган гамәленә карата Фирдүс Тямаев үз фикерен белдерде [фото] впервые появилась Tatar Today - татар яңалыклары..

Соңгы арада Ришат Фазлыйәхмәтов сәхнәдән китә икән, сүзләр таралды. Баксаң, бу хак сүзләр икән. Җырчы әлеге мәсьәләгә ачыклык кертеп, Инстаграм битендә үзе хәбәр җиткерде. 

“Хөрмәт иткән, яраткан тамашачым!

Сәхнәдән китәм, дигән сүзем, дөрес!

Минем белән бергә булганыгыз өчен, хөрмәтегез өчен рәхмәтемне белдерәм!

Рәхмәт сезгә!”, дип язган Ришат Фазлыйәхмәтов.

“Алда куп концертлар калмады, рәхмәтемне белдерәм. Кемнәр минем белән булды, барыгызга да рәхмәт”, дип белдергән җырчы.

Ришатның бу сүзләрен Инстаграмдагы дуслары игътибарсыз калдырмаган. Карарының сәбәбе белән кызыксынганнар һәм кире уйлавын үтенгәннәр.

https://www.instagram.com/p/BvIjySDFmyU/

2018 елның август аенда ук Ришат Фазлыйәхмәтов: “Менә бу яңа концерт программамны тиешенчә итеп әзерләп, клиплар төшереп карыйм да, халыкка кирәк булмый икән – икенче елга тулысынча эстрададан китәргә ниятлим”, дип әйткән була.

https://www.instagram.com/p/Bp877ulgtml/

Запись Ришат Фазлыйәхмәтов сәхнәдән нигә китә? впервые появилась Tatar Today - татар яңалыклары..

– Җәй көне күрешкәннән соң бик үзгәргәнсең, һәм, тфү-тфү, уңай якка, Ришат – күзләреңә нур кайткан, тәнеңә ит кунган, димме?.. Авыл сихере, димәк?

– Юк, менә анысы шәһәр кафелары гөнаһы гына (рәхәтләнеп көлә). Җаным тынычлана төште, шөкер, тормыш кәлиягә кайтып бара, киләчәккә стимул барлыкка килде – түгәрәкләнү шуннандыр дип беләм. Менә хәзер спортзалга йөрисе була инде! (Минем яштә үк түгәрәкләнү мактанырлык булмас). Авылдагы апаларым-туганнарым да гел сыйлап тора. Үзем генә торгач, кайгыртучанлык шундый көчле – ашы, бәлеше, өчпочмагы, дигәндәй. Бик зур рәхмәт туганнарыма!

– Авылдагы апаларга гына ышанып торып булмый инде – торышыңа коймаклар пешерерлек матур кыз алып кайтырга кирәк. Килен төшерергә. Нигез тутырып бәләкәчләр үстерергә.

– Аңа да әзермендер кебек. Әмма миңа ошарлык кыз гына юк. Дөресрәге, миңа ошардае – ирне-ир итәрлек, тормыш кадерен белерлекләре, чын кыйммәтләр белән яшәүчеләре инде кияүдә аның… Кияүдәгеләр ошый дип язып булмый ич инде (көлә). Ә инстаграмда мишуралы тормышка алданып, ялганны чыннан аермастайлары күбрәк хәзер. Хәзерге кызларның кеше тормышына кызыгып, чагыштыра-чагыштыра, үз алдындагы бәхетләренең кадерләрен дә белмәве ошамый миңа. Миңа андый кирәк түгел. Хатын-кыздан бит ул бик күп әйбер тора – ул ир дә итә белә, гаилә казанында да һәрчак кайнарлык саклана, матурлыкны да дәвам итә белә ул, итагатьле балалар да үстерә белә. Шуңа мин ашыкмыйм, минем андый вакытым, Аллаһ боерса – алда. Күкләрдә ничек язылган – шулай булыр, соңармас.

"СӘХНӘ"
Автор: Гөлнара Җәлилова
Тулы әңгәмәне «Сәхнә» журналының Февраль саныннан укый аласыз.

Запись Ришат Фазлыйәхмәтов хатын сайлый: “Миңа андый кирәк түгел” впервые появилась Tatar Today - татар яңалыклары..

Ришатның “Татарга моң кирәкми – шоу кирәк” дигән сүзләре Лилиянең ачуын чыгарган. “Мин сәхнәгә чыктым, матур җырлыйм, мине яратагыз, дип кенә тамашачыны үзеңә каратып булмый. Димәк, аларга синең матур, моңлы итеп җырлавың гына җитми. Эзләнергә, яңалык кертергә, бер туктаусыз үз өстеңдә эшләргә кирәк” – дип Лилия Хәйруллина бу мәсьәләгә үз фикерен белдерде. Исегезгә төшерәбез, Лилия быел беренче тапкыр Казанда “Мин Үзгәрдем SHOW” концертын оештырды. Лилия Хәйруллина белдергәнчә, әлегә кадәр татар эстрадасында бер җырчының да мондый концерт куйганы булмаган.

“Эш бит моңда түгел. Нишләп һәрнәрсә моңга килеп терәлә соң ул? Шоуның ни зыяны бар? Шоу дигән әйбер – сай интеллектны, түбән дәрәҗәдә җырлауны аңлатмый. Нишләп кешеләрдә шундый стереотип? Бәлки аларның яхшы шоулар караганы юктыр? Мондый фикер өчен нинди аргумент бар? Мин хәзер үз юнәлешемне яклап язмыйм. Сез беләсезме, кеше шоу ясар өчен күпме көч түккәнен? Әлбәттә, юк. Чөнки сез сәхнә арты кухнясын күрмисез. Төрле карашлы тамашачы бар. Кемнеңдер тере тавыш белән бергә матур шоу да карыйсы киләдер, утлар белән бизәлгән, эффектлы биюләр, декорацияләр. Мондый күренеш кешегә эстетик рәхәтлек бирә, илһамландыра. Моң кирәк булса, барыгыз моңлы җырчы концертларына. Нинди проблема бар? Ә иң төп проблема беләсезме нәрсәдә – эшләгән кешеләргә начар фикер язып, эстраданың үсүенә комачаулау. Берничә елдан яшьләр татарча җырлар тыңламый башласа – шул була нәтиҗә. Актуальлек юк. Актуальлек – начар дигән сүз түгел. Эшеңне сыйфатлы итеп башкарырга кирәк. Ассортимент кирәк. Һәр стиль эстрадада булырга хокуклы” – дип яза Лилия Хәйруллина. Җырчының әлеге фикере белән берәүләр килешә, икенчеләре юк. Фикерләрнең кайберләрен сезгә дә тәкъдим итәбез:

“Ходаем син дә сыйфат дип сөйләшкән буласын ичмасам телчекбикә” – дип яза Рәмзия Габрахманова. Алга таба сүзен дәвам итеп: “Ришатның артыннан этүчесе юк, ә бу телчекнең бар. Менә эш шунда. Шуңа шапырына инде сәхнәнең арты-алды, асты-өсте дип. Җыен чүп”.

“Миңа киресенчә, моң җитми! Тозсыз сүз сөйләп вакыт уздырганнары өчен кайбер җырчыларның концертына барасы килми. кайчан безнекеләр ике сәгатьлек концертта бары тик җыр башкарыр дип инде 10 ел көтәм”, дигән Фәйрүзә Мәҗитова.

“Моңлы булсаң да бер дигән шоу ясап була бит… Бик рәхәтләнеп барыр идем әле шоу ясаучыларның моңы булса. Ләкин бездә күбрәк җырчыларның карарга тамашалары да юк, моң турында әйтеп торасы да юк, – ди Зөхрә.

“Вокал һәм шоу бергә югары дәрәҗәдә булса концертны карау күпкә рәхәтрәк. Тик шоу әзерләү, сез уйлаганча сикереп тору гына түгел, бик зур көч таләп итә” – дигән Зилә.

Ә сез ничек уйлыйсыз? Сезгә нинди концертлар күбрәк ошый?

Запись Ришатның: “Татарга моң кирәкми – шоу кирәк” дигән сүзләре Лилиянең ачуын чыгара впервые появилась Tatar Today - татар яңалыклары..

Аллаһ Тәгалә яман кешеләрдән сакласын, туры юлдан тайпылдырмасын иде, ди Ришат Фазлыйәхмәтов. Ни өчен сәхнәдән китәргә җыенуы, кайчан өйләнчәге турында җырчы Татар Тудейга сөйләде.

– Ришат, бу чибәр кыз сиңа кем?
– (Елмая) Яратып йөргән кызым.

– Озак очрашасызмы соң әле?
– Бер ел чамасы бар инде.

– Шулай да исемен сер итеп тотасың. Кызың турында мәгълүмат чараларында да ачылып сөйләмисең. Ниятләрең җитдиме?
– Яман күзләрдән саклыйм мин аны. Әллә нинди начар ниятле кешеләр бар. Гел яшереп тотып та булмый, вакыт-вакыт менә шулай бергә төшкән фотоларны куясы килә.

– “Өйлән, сәхнәдән китмә, ялгыш юлларга басма. Кызың гади, яхшы кешегә охшаган”, дип язалар сиңа. Яраткан тамашачыңа нәрсә дип җавап бирерсең?
– Иҗатымны яраткан, үземне хөрмәт иткән тамашачыма олы рәхмәтемне белдерәм. Аллаһ Тәгалә яман кешеләрдән сакласын, туры юлдан тайпылдырмасын иде. Һәркемгә күңел тынычлыгы телим.

– Ришат, өйләнергә уйлыйсыңмы, әллә гомер буе ялгыз яшәргәме исәп?
– Өйләнәм. Бу тормышта иң курыкканым ялгыз калу. Өйлән дә өйлән, диләр. Бер пешкәч өреп кабасың, диләрме? Барысы да үз вакыты белән. Хәерлесе булсын!

– Хатының белән аралашканың бармы?
– Юк. Минем өчен бу тема ябык!

– Әле күптән түгел генә инстаграмыңа “Сәхнәдән китәргә ниятлим” дип яздың. Яхшы эш урыны тәкъдим иттеләрме әллә?
– Юк, тәкъдим итмәделәр. Эштән курыкмыйм, авыл егете бит мин. Менә бу яңа концерт программамны тиешенчә итеп әзерләп, клиплар төшереп карыйм да, халыкка кирәк булмый икән – икенче елга тулысынча эстрададан китәргә ниятлим, дип яздым. Халыкка нәрсә кирәген аңламыйм, аптырашта. Моңлы җырлар белән шаккаттырып булмый, шоу көтәләр. Тагын бер тапкыр талпынып карыйм да, булмаса кул селтим.

Запись “Аллаһ яман кешеләрдән сакласын” – Ришат Фазлыйәхмәтов шәхси тормышы турында сөйләде [интервью] впервые появилась Tatar Today - татар яңалыклары..

Айваз Садыров “Молодежкага сакаллы яңа уенчы!” дип тә язып куйган. Әллә шуңа, егетләрнең битенә язылучылар: “Әллә сериалның яңа сезонында төштегезме, кая очраттыгыз бу артистларны?” дип сорарга ашыкты.

“Сез монда да бик кирәк, китмәгез” дип, борчылып язучылар да булды.

В #Молодежку нового бородатого хоккеиста!..?

Фото опубликовано Айваз Садыров (@aivazsadyrov) Авг 18 2016 в 11:25 PDT

Молодёжка!#молодежка #ришатфазлиахметов

Фото опубликовано Ришат Фазлиахметов (@rishat_fazliakhmetov) Авг 18 2016 в 11:06 PDT

Запись Ришат Фазлыйәхмәтов белән Айваз Садыров “Молодежка” сериалының яңа сезонында төшкән? [фото] впервые появилась Tatar Today - татар яңалыклары..