Соңгы арада Ришат Фазлыйәхмәтов сәхнәдән китә икән, сүзләр таралды. Баксаң, бу хак сүзләр икән. Җырчы әлеге мәсьәләгә ачыклык кертеп, Инстаграм битендә үзе хәбәр җиткерде. 

“Хөрмәт иткән, яраткан тамашачым!

Сәхнәдән китәм, дигән сүзем, дөрес!

Минем белән бергә булганыгыз өчен, хөрмәтегез өчен рәхмәтемне белдерәм!

Рәхмәт сезгә!”, дип язган Ришат Фазлыйәхмәтов.

“Алда куп концертлар калмады, рәхмәтемне белдерәм. Кемнәр минем белән булды, барыгызга да рәхмәт”, дип белдергән җырчы.

Ришатның бу сүзләрен Инстаграмдагы дуслары игътибарсыз калдырмаган. Карарының сәбәбе белән кызыксынганнар һәм кире уйлавын үтенгәннәр.

https://www.instagram.com/p/BvIjySDFmyU/

2018 елның август аенда ук Ришат Фазлыйәхмәтов: “Менә бу яңа концерт программамны тиешенчә итеп әзерләп, клиплар төшереп карыйм да, халыкка кирәк булмый икән – икенче елга тулысынча эстрададан китәргә ниятлим”, дип әйткән була.

https://www.instagram.com/p/Bp877ulgtml/

Запись Ришат Фазлыйәхмәтов сәхнәдән нигә китә? впервые появилась Tatar Today - татар яңалыклары..

“Иҗатында озакка сузылган тәнәфестән соң, татар эстрадасының популяр җырчысы Ленар Сәйфиев белән очраштык. Ул эстрадага кайта. Сез аның чыгышларын 30 гыйнварда Казанда, 25 февральда Уфада Айгөл Рәхимова концертларда күрә аласыз.

Ленар өчен мин бик шат. Аның иҗади потенциалы гаять зур. Ул үзенең яңа хиты белән барыбызны да шаккатарычык. Көтәбез!”, дип языган ул.

View this post on Instagram

A post shared by ILGIZ ABDRAKIPOV (@ilgiz_abdrakipov)

Запись Вәсилә Фәттахованың ире Илгиз Габдерәкыйпов Ленар Сәйфиев турында яңалык җиткерә впервые появилась Tatar Today - татар яңалыклары..

«Син үзеңне таза дип саныйсыңмы?» дигән сорауга җырчы «Әйе» дип җавап кайтарды. Аптырарлык әйбер юк та кебек, нинди генә матур булса да, хатын-кыз һәрвакыт камиллеккә омтыла. Тулысынча үз-үзе белән канәгать булган кешеләр бик сирәктер ул. Артист халкына бигрәк тә авырга туры килә, һәрвакыт сәхнә утлары, камера һәм тамашачы алдында…

Үзенең инстаграм битендә ул фитнес клубта төшкән фотосы белән дә  бүлеште. Фото астына “Гөлсирин (gulsik93) монда тазарыр өчен йөри, мин ябыгыр өчен йөрермен инде”, дип язып куйган.

View this post on Instagram

A post shared by Айсылу Габдинова (@aisylu_gabdinova)

Күптән түгел кияү эзләү максаты белән өр-яңа проект тәкъдим иткән Айсылу хәзерге вакытта йөргән егете булмавы һәм берәүгә дә гашыйк булмавы хакында әйтте. Димәк, җырчы кызыбызның йөрәге буш. Кемнәр әле өйләнмәгән, үз көчегезне сынап карый аласыз!

Автор: А. Галимова Сәхнә журналы 
Фото: Инстаграм @aisylu_gabdinova

Запись Айсылу Габдинова үзен таза дип саный впервые появилась Tatar Today - татар яңалыклары..

Гафур Каюмов Арча халык театрында режиссер булып эшли иде. Укучылары, хезмәттәшләре һәм дуслары аның туганнарының авыр кайгысын уртаклаша. Фаҗига сәбәпләре һәм тулырак мәгълүмат ачыклана.

Википедиядән: Гафур Шәкүр улы Каюмов — танылган татар драматургы, театр режиссеры.

Гафур Каюмов 1959 елның 2 мартында Татарстанның Арча районы Яңа Сәрдә авылында туган. 1979 елда Казан театр училищесында актерлык осталыгы бүлегендә укырга керә. Укуын тәмамлауга, аны Республика күчмә театрына эшкә чакыралар. 1990 елдан 1997 елга кадәр ул – Г.Камал исемендәге Татар дәүләт академия театры артисты.

Гафур Каюмовны режиссерлык эше мавыктыра һәм ул 1994-1999 елларда Мәскәү институтының мәдәният, сәнгать хезмәткәрләрен режиссерлыкка әзерләү бүлегендә укый, Болгария республикасының Милли академиясендә театр факультетында белемен күтәрә.

Театр һәм кино сәнгатендә шактый тәҗрибә һәм белем туплаган Гафур Каюмов 1980 еллардан башлап драма әсәрләре иҗат итә башлый. Аның пьесалары төрле театрларда куела, кызыклы спектакльләргә әверелә. ”Упкын өстендә уен” 2 пәрдәле трагифарс жанрында язылган әсәре, “Кабан күле серләре” пьесасы Г.Камал исемендәге, Тинчурин исемендәге, Чаллы, Минзәлә, Әлмәт, Түбән Кама театрларында, Башкортстанның «Нур», Уфа башкорт яшьләре театрларында, Туймазы, Сибай, Салават шәһәрләре театрларында һәм Ырынбур дәүләт татар драма театрында, Марий Эл драма театры сәхнәләрендә куела. Бу инде үзе үк Гафур Каюмовның драматургиягә килүе очраклы булмавы турында сөйли.

Г.Камал исемендәге Татар дәүләт академия театрында аның “Мирас” (1990), “Һинд кызы” музыкаль комедиясе (1992), “Сарык арыслан” притча-әкияте (1997) куела.

Гафур Каюмов драматургиянең төрле жанрларына мөрәҗәгать итә, сәхнә законнарын белеп, шартлы алымнарны уңышлы файдаланып яза. Бүгенге көнгә кадәр язылган “Язмышлар ярында”, “Юбилей”, “Сагынырсың әле син дә бер…”,”Ак баба иле”, “Ахырзаман авазы”, “Эх, Алла боерса”, “Ач күзеңне-монда мин…”, “Таныштыру-кавыштыру бюросы”, “Соң инде”, “Аномалик табигать күренеше”, “Ыру”, “Әрнү” пьесалары драматургның үсеш юлында әһәмиятле бер этапны хасил итәләр.

1997-2000 елларда ул Мәдәният министрлыгында, 2000-2004 елларда Татарстан телевидениесендә эшләп ала. 2004 елдан башлап Гафур Каюмов – Әлмәт дәүләт театрында баш режисссер.

Запись Режиссер Гафур Каюмов фаҗигале төстә вафат була впервые появилась Tatar Today - татар яңалыклары..

Ул да булса артист халкы. Әгәр син үзеңне формада тоту артисткаларга гына кагыла, дип уйласаң, бик нык ялгышасың. Артистлар алардан да уздырып җибәрә әле, мин сиңа әйтим! “TeatrLife” сәхифәсендә бүген артистлар үзләрен ничек формада тотуы турында серләрен ача.

Илдус Габдрахманов, Татарстанның халык артисты:

– Мин үземне формада тоту өчен бик каты эшлим. Элек тәмәке тарта идем. Ташлагач, кинәт кенә тазара башладым. Аңа кадәр 61 кило булсам, ташлагач, 70кә җиттем. Болай йөреп булмый, дидем. Суларга да авыр була башлады, биегәндә дә тыннар кысыла иде. Шуннан соң бассейнга еллык абонемент (тренажер залы белән бергә) алдым. Атнага 2-3 мәртәбә йөрим. Тренажеркага бармаганда, бассейнда 1 километр туктаусыз йөзәм, барсам – 500әр метр. Театрда хәләл җефетем, балетмейстер Сәлимә Әминова бию дәресләрен үткәрә. Анда атнага 2 тапкыр шөгыльләнәбез. Ишегалдындагы турникта да шөгыльләнәм, йөгерәм, растяжкалар ясыйм.

Ашау ягына килгәндә, хәзер камыр ризыгыннан бераз тыелам. Чөнки аларны ашасаң, тиз тазарасың. Үзем өчпочмак, өлеш, гөбәдия, пилмән бик нык яратам. Тик хәзер диета кулланырга туры килә. Иртән бутерброд ашыйм да көне буе иписез тукланам. Күбрәк алма, апельсин, мандарин – җиләк-җимеш ашарга тырышам. Вәт! Диетага утыру – үземнең теләк. Тазара башлагач, ялкаулана башлыйсың, корсак үсә башлый, берни эшлисе килми. Бераз гына йөгерсәң, бөтен буыннар авырта. Нәрсәгә хаҗәт ул? Үзеңне һәрвакыт формада тотарга кирәк. Безнең театрда рольләребез дә шундый – җырлы-биюле спектакльләр, формада булуны таләп итәләр, универсаль артист булырга кирәк.

Мин һәрвакыт ябык кешеләрне уйнадым. Тазарырга кирәк булса, аның төрле ысуллары бар. Мисал өчен, тазарта торган толщинкалар. Тулы гәүдәле кешене ничек тә уйнарга була. Авыз эченә мамык тыгып грим ясыйсың. Ә таза кешегә ябык геройны уйнау авыррак! Хәзер безнең театрда «Бию пәрие» спектакленең репетицияләре бара. Анда биюләр, хәрәкәтләр бик күп. Шул сәбәпле, аңа әзерлек барышында ике ай эчендә 5-6 килога ябыктым. Бу махсус шулай эшләнгән әйбер түгел.

Гадәттә, көненә 8000 адым ясыйм. Ә хәзер, репетицияләр вакытында, ул 10-11 меңгә җитә. Театрга гына килү түгел, үзәктә дә велосипедта йөрергә тырышам. Чөнки машинаны парковкага кую бик авыр хәл, түләргә кирәк, ә бу – бушка (елмая). Фитнеска баргач, кайвакыт үлчәүгә басып үлчәнәм. Анда басам да «Әһә, бүген ярты килога тазарганмын икән», дип әйтәм. Башка көнне киләсең дә «Теге ярты килоны алып атканмын», дип уйлыйсың. Хәзер мин – 66 килограммга якын. Әле тагын ябыгасы, прессны яхшыртасы бар. Чөнки мин сәхнәгә ярымшәрә чыгам, ә тәндә пресс кубиклары булмаса – ямьсез. Бәлки, нарисуем гына? Нарисуем, будем жить (елмая).

Рамил Вәҗиев, Татарстанның атказанган артисты:

– Мондый проблема тормышымда булыр, дип, гомердә дә уйламадым. Яшьрәк чакта, 1995 елда театрда эшли башлаганда, мин бик ябык идем. Буем – 181 сантиметр, 67 килограмм. Тазарасым килә иде. Хәзер, киресенчә, – ябыгу процессында.

Сәхнә болай да берничә килограмм өсти. Анда никадәр ябыграк булсаң, шулкадәр яхшырак. Таза кешене уйнарга кирәк булса, әлбәттә, аның үз ысуллары бар. Ә ябык геройны гәүдәләндерергә кирәк булса, әгәр дә таза икәнсең, үзеңне берничек тә юнып булмый. Шуңа күрә артистка һәрчак үзен формада тоту кирәк. Аның өчен, әлбәттә, диета, фитнес, спорт булыша.

Камыр ризыклары, баллы әйберләр – минем иң яратканы, ләкин шул ук вакытта мине харап итүчеләр. Шуңа күрә, әгәр миңа берничә килограммнан котылырга кирәк икән, камыр ашлары, баллы әйберләр ашамыйм, дөрес тукланырга тырышам. Үзеңне мораль яктан кысаларга кертү җиңел түгел инде. Ләкин кирәк булгач, нишлисең – тотасың.

Спектакльләр өчен махсус ябыккан тәҗрибәм бар. «Кара чикмән» дигән спектакльдә минем бии торган роль иде. Тектерелгән костюмнарның һәрберсе аз гына тазарганыңны да күрсәтә иде. Шуңа күрә ул спектакль планга кертелсә, мин бер атна алдан, хәсрәтләнеп, үземне кулга алып, формага китерә торган идем. Хәзер репертуарда «Бармы ришвәттән дәва?» спектакле бара. Анда, киресенчә, мин зур гәүдәле кешене уйныйм. Монда инде җиңелрәк. Махсус толщинкалар, корсаклар киелә. Толщинкаларны сәхнә буйлап өстерәп йөрү җиңел түгел, киенүе дә, чишенүе дә озак. Гомумән, сәхнәгә чыгар өчен, үзеңне чикләргә туры килә.

Фәнис Җиһанша, Татарстанның атказанган артисты:

– Әни җәй көне күп итеп җиләк-җимеш катырып куя. Кыш буе шулар белән рәхәтләнеп чәй эчәм. Эшкә дә җәяү йөрергә тырышам. Чит илләргә чыксам, мәсәлән, 30ар мең адым атлаганыма, телефонымдагы махсус программма һәр кич «Сез бүгенге план – 10 000 адымны, арттырып үтәдегез!» дигән матур язу чыгара. Шуңа сөенеп яшим инде. Җәяү йөрүнең тагын бер әйбәт ягы бар; транспорттан файдаланмыйм, бу – акчаны янга калдыра дигән сүз. Икенчедән, тарихи урыннарны күбрәк күрәсең, үзеңне тонуста тотасың.

Кич белән дә, аруга карамастан, җәяү кайтырга тырышам. Артистка спектакльдән соң саф һава, табигать кирәк. Казанда парклар аз, агачлар кочаклап ял итәргә мөмкинлек чикле (көлә). Ярдәмгә Кабан күле суы һәм табигатьнең энергиясе килә.

Камыр ризыклары күпме генә тәмле булса да, чикләргә тырышасың инде. Безнең эш баш мие эшчәнлеге белән бәйле булганга, аңа да бит глюкоза кирәк. Спектакльдән соң ашарга түгел, су эчәргә, су балансын нормада тотарга кирәк. Спектакль барышында өстәлемдә 1,5 литрлы су тора. Камыр ризыгы мәсәлән, ит бәлеше икән, эчен ашыйсың. Тамак туйса, камырын кала бит әле. Төбен кисеп авыз итеп, күңелемне күреп куярга була. Күбрәк, миңа калса, организмны тыңларга, ул нәрсә тели, шуны эшләргә кирәктер. Бөтенләй ризык кабул итәсе килмәгән көннәрдә үзеңне көчләүдән мәгънә юк, минемчә.

Тагын мунча керергә яратам: бөтен организмны чистартып чыгарырга булыша ул.

Ябыгу, театрга караганда, кинода күбрәк кирәк. Мәскәүдән кинога төшергәндә чакырганда, миңа 10 килога ябыгырга куштылар. Ике айда, суда пешкән карабодай ашап, 8 килограммга ябыктым. 2 атнадан соң туйдырды, аннары кефирга болгатып ашый башладым. Җиләк-җимеш, яшелчәне чикләмәдем. Эштә исә, театр буфетында тукланабыз. Монда бик тәмле, калориясе аз булган ризык пешерәләр. Артистларның майлы, кыздырылган ризыкларны ашамаганнарын аңлыйлар. Биредә аш, ананас белән пешерелгән тавыкны яратып алам.

Алинә МИННЕВӘЛИЕВА
Ринат НӘҖМЕТДИНОВ фотолары, Ялкын

Запись Камал артистлары ябыгу ысулларын күрсәтә [фото, видео] впервые появилась Tatar Today - татар яңалыклары..

Бәлки «фәләннәрнең кызы театрда уйнап йөри икән» дигән кырын хәбәрләрдән нәсел-нәсәпне аралау өчен дә фамилияне ярып салу ярамагандыр.

Илсөя Төхфәтуллина Камал театры сәхнәсенә моннан 30 ел элек аяк баскандагы фамилиясен үзгәртмәде. Аны Алсу Гайнуллинаның икетуган сеңлесе икән дигән хәбәр озата кайтты. Яңа артистканың яшь кенә түгел, бәлки, әле гаҗәеп матур да булырга тиешлегенә бер шарт иде бугай бу туганлык. «Төхфәтуллина» дигән фамилияне аңа – Щепкин исемендәге югары театр училищесында укып йөргән булачак артисткага икенче бер артистыбыз – Рамил Төхфәтуллин ялгаган булып чыкты. Мәскәү урамнарын ураганда Мәскәү көзе юраган мәхәббәт булган икән ул! Шуңа күрә театрда тагын бер Гайнуллина булмый калды.

Илсөя үзе сентябрь кызы. Әмма Татарстанның халык артисты түгәрәк юбилеена кунакларны ноябрь ахырында җыйды.

Алар 1984 елда, Щепкин училищесына 12 егет, 6 кыз китәләр.120 кешелек конкурсны узганнар, имеш.

Алданрак килдем театрга. Капшый торыйм әле. Буш фойеда йөреп торам. Буш дип инде… Диварларда Илсөя Төхфәтуллина уйнаган спектакльләрдән фотокүргәзмә. Мәйсәрәләр, Галиябанулар, Маргариталар арсында йөренеп торам. Бераздан без – тамашачылар күбәеп тә киткәнбез икән. Диварга тезелгән фотосурәтләрдән алган тәэсир, матурлык хозурлыгы гына да кара көз кичендә театрга дип өйдән чыгып китүне аклый сыман. 50 нче – 60 нчы еллар кинооператорлары йөз матурлыгын экран тутырып күрсәтергә ярата торганнар иде. Менә аларга материал монда! Мәрмәр маңгай, җәя кашлар, ук керфекләр, ганҗәдәй иреннәр. Ул мөлаемлык, ул сөйкемлелек, ул караштагы назлылык! Ниндидер кибәрле назлылык түгел, җылыта, юата торган назлылык бу. Ярабби! Шушы кадәр чибәр булып була микәнни соң ул! «Алсуга җиткәне юк!» дип йөри идем бит әле. Әллә уздырган инде?! Хәер, нәселләре бер шул, калыплары бер! Ходай Тәгалә кечесенә җырлау куәсен дә мулдан бүләк итеп ташлаган. Кинәнсен генә татар театры.

Кинәнә дә. Бөегебез Марсель Сәлимҗанов аны хәтта Мәскәү юлыннан туктатырга да омтылып карый. «Кал! Мәйсәрәгә кертәм мин сине!» Калмый кыз ул чагында. Әмма дүрт елдан соң «керә» ул Мәйсәрәгә. Галиябануга да керә. Инде Мәскәү остазлары мәктәбен узган, вокал мөмкинлекләре чарланган оста артистка булып килеп керә. Сәхнә түренә эленгән экраннан яраткан сандугачын – шәкертен 100 яшьлек остазы сәламләде. Гомер еллары да, арада яткан 30 ел да кызның образын остаз күңеленнән юмаган.

Юбилей сәхнәсендә Илсөя Төхфәтуллина уйнаган спектакльләрдән өзекләр чиратлаша. «Зәңгәр шәл», «Галиябану», «Эзләдем, бәгърем, сине!»… Булат белән Мәйсәрә, Хәлил белән Галиябану, Рәхимҗан белән Диләрә – Илсөя белән Рамил Төхфәтуллиннарның мәхәббәттә аңлашуы, 30 ел сыналган мәхәббәтләренең гомерлек мәхәббәт икәнлеген меңләгән күз каршында исбатлавы иде бу күренешләр. Бер-береңне шулкадәрле яратып уйнамасаң, дөньяларыңны онытып икәү генә кала белмәсәң, тамашачыны катарсиска җиткерү, ягъни тетрәндерү мөмкин түгелдер. Илсөянең мецо-лирик сопраносы белән Рамилнең драматик баритоны тамашачының йөрәген яулап алган мизгелләр татар театрының казанышы ул. Татар театры, барыбер дә, халык йөрәгенә юлны нотык сөйләп түгел, бәлки, үзәкләрне өзәрдәй җырлар җырлап ярган! Илсөянең фа-диезларны ала торган тавыш мөмкинлекләре йөрәк түренә җиңел үтеп керә алуына инде ничә инандык.

Бу гаиләдә хәзер егет кеше дә үсә. Камил онык кем булыр икән – артистмы, режиссермы, юристмы?

Ә бит шушы артистка – сабакташы Әмир Камалиев: «Ул безнең курсыбызның сандугачы иде» дигән Илсөя үзенең комедияләрдә дә уйный алуын исбатлардан элек «Ричард!!!» спектаклендә Англия королевасы Маргаританы да ышандырырлык итеп, тавышына хакимәләр аһәңнәре ягып уйный белде. Комедия дигәннән, өр-яңа премьерада ул Гөлбану булып чыгачак. Бу юлы да алар ире Рамил белән бергә сәхнә тотарга җыена. (Сүз уңаеннан, Рамил Төхфәтуллинның кабат Камал театрына кайтуы Илсөянең юбилеена иң зур бүләк булды. Хәер, бер аңа гына микән әле.)

Артистканың иҗат биографиясендәге тагын бер рольне күрмәмешкә сабыша алмыйм. Бу – Зөләйха! Рамил Төхфәтуллинның «Зөләйха» фильмы (Гаяз Исхакый әсәре буенча) һәртөрле гыйсъянчылыкка әзер 90 нчы еллар өчен дә вакыйга булган иде. Шул фильмда Илсөя иҗат иткән каһәрләнгән хатын-кыз образы безнең сәхнә иҗаты тарихында бердәнбер булып кала әле, Зөләйха оныту белмәс хәтерне һаман тетрәтә. Аның ул фильмдагы әрнүле карашы, елап-елап арыган күзләрендәге сагыш – ул безнең дә әрнү, безнең дә сагыш!

Ә бит бу кыз бала, безнең Илсөябез җырлы-тальян гармунлы гаиләдә Зәйнәп белән Җиһангирның дүрт баласы арасында төпчеге булып, үзе дә әнисен «Ал Зәйнәбем» җыры белән куандырып, алар җырлаган җырларны отып алып үскән. Әнә берсен – әнисе яраткан «Ачылы тау » җырын газизләренең фотосурәтенә карап, хатирәләрен моңга манып җырлады. Мөгаен, ул бу мизгелләрдә үзе дә җилкәсенә көянтә-чиләк элеп, Зөягә суга төшкән яшь чакларын сагынгандыр, Дәвеш болыннарында печән җыйган елларын, болын җиләге җыеп йөргән җәйләрен юксынгандыр, сыер савып кергән кичләрен искә төшергәндер… Үткәннәр үткәндә кала шул. Әнә инде үзенең төпчек кызы Диләрә ишек ярыгыннан гына карап, әнисенең артистлар бүлмәсендә грим ягынып утырганнын күзәтә. Әнисе моннан 30 ел элек Мәйсәрә роле өчен тегелгән зәңгәрсу күлмәктән. Буй-сыны бу утыз елда бер дә үзгәрмәгән. Бергәләшеп фитнеска, йөзәргә йөрүләрнең хикмәте инде бу. Чү! Әнисе кузгалды. Димәк, сәхнәгә чыга. Диләрә театр чаршавының икенче канаты ягына йөгерде. Хәзер ул үзе дә аңа каршы чыгачак.

Казан консерваториясенең беренче курсы студенты Диләрә Төхфәтуллинаның тавышын, әнисенә бүләк итеп җырлаган катлаулы арияне тыңлагач, тамашачы аһ итте. Пышын-пышын хәбәрләшү китте: «Вена операсына чакырганнар икән дә, кыз Клара Хәйретдиновада гына укырга телим дигән икән, ди. Олы кызлары Индира юрист икән. Югыйсә анысы да җырлый, ди». Кызының җырлы бүләген кабул иткәннән соң, Рамиленең, Булат авызы белән әйтелгән: «Синнән дә матуррак кызны күрмәдем», – дигән сокланулы сүзләрен ишеткәннән соң, Илсөябез бер тында залга серен чиште: «Бәхетемә рәхмәт!» Әйбәт бит. Әгәренки ул, инде Мәйсәрә авызы белән: «Узган гомер бигрәк жәл!» – дисә, ни хәлләр итәр идек тә, аны ничек юатыр идек.

Асия Юнысова, Сөембикә

Запись Рамил Төхфәтуллин Илсөянең юбилеена онытылмаслык зур бүләк ясый впервые появилась Tatar Today - татар яңалыклары..

“Камал мәктәбе” театр тамашачысы мәктәбе проекты бу ел башында 1987 елда куелган “Ахырзаман” спектакле белән башланып, бу атнада “Зәңгәр шәл” спектакленең (1987, 2000 еллар) видеоязмасын күрсәтү белән тәмамланды.

Фикер алышуга Булат, Мәйсәрә, Ишан рольләрен төрле елларда башкарган Камал театры артистлары килде. Белгечләр буларак язучы Рабит Батулла, композитор Фоат Әбүбәкеров, филолог Рауза Солтанова һәм галимә Миләүшә Хәбетдинова чыгыш ясады.

“Камал мәктәбе” проекты авторы, журналист, музыкант Рәдиф Кашапов артистларга сораулар да әзерләгән иде. Булат персонажы турында сүз кузгаткач, “Зәңгәр шәл”дә бу рольне башкаручы Рамил Төхвәтуллин сүз алды.

– Кәрим агай Тинчурин тарафыннан язылган бу әсәрне, драматургия ягыннан карасак, гап-гади бер әсәр дияргә була. Ләкин Кәрим Тинчуринның мәхәббәт турында язылган әсәрләре арасыннан “Зәңгәр шәл” аерым урын алып тора. Милләтебезнең якты мәхәббәткә омтылуы, ышануы генетик код булып канына сеңгән. Булатны, кеше үтерсә дә, халык аклый. Аны үз мәхәббәте өчен көрәшче итеп кабул итәләр, ди Төхвәтуллин.

Рамил әфәнде режиссер Марсель Сәлимҗанов бу рольне аңа тапшыргач, куркып калуын да искә төшерде. Ул Булатны иң дөрес уйнаучы итеп Наил Әюповны атады.

Шулай ук Булат ролен башкарган Әсхәт Хисмәтов өчен дә Булат якын икән. Ул аны социаль герой дип атады.

– Булат – кеше үтергән кеше түгел. Шулай килеп чыккан, димәк, дөньяда төрлесе була. Шундый мәхәббәт булган, ишан кызны мәҗбүриләп алып китә, яшь парлар кавыша алмый калалар, монда җәлләмичә мөмкин түгелдер, диде ул.

Мәйсәрә ролендә Рамил Төхвәтуллин белән бергә уйнаган Илсөя Төхвәтуллина һәм хәзерге заман Мәйсәрәсе Гүзәл Гүлвердиева ничек бу рольне уйный башлауларын сөйләделәр. Чараны алып баручы Рәдиф Кашаповның авыл күренеше бүген кирәкме-юкмы дигән соравына җаваплары төрле булды.

Гүзәл Мәйсәрәне студент чагында ук уйнау бәхетенә ирешкән. “Рольгә ничек кереп китүемне аңламый да калдым. Яңача эшләргә тырыштык. Хәзерге “Зәңгәр шәл”ебез стилизацияләнгән”, диде ул. Шулай ук иске авыл тормышын чагылдыру да бу спектакльдә хәзер кирәк түгел дигән фикердә яшь актриса.

Илсөя Төхвәтуллина фикеренчә, “Зәңгәр шәл”дә авыл тематикасы сакланырга тиеш. “Балаларны тәрбияләгәндә, алар һичьюгы спектакльгә килеп, киемнәргә, авыл мохитенә, аларның сөйләменә игътибар итеп китәргә тиеш”, дип искәртте Илсөя ханым.

Ишан булып уйнаган Әзһәр Шакиров “Зәңгәр шәл”нең мәхәббәт, диннән көлү сюжетыннан гына тормавына игътибарын юнәлтте. Ул качкыннар белән өзектә халыкның азатлыкка, хөррияткә омтылуын белдерде.

– Спектакльләрдә ишаннардан көлү генә түгел, халык күңелендә яткан иң зур фикер – кайчан ирекле булабыз соравы ярылып ята. Кайчан милләтебез ирекле була? Ишаннан, мулладан көлү ул бар, әлбәттә. Әмма тамашачы үзенә кирәген эзли. Халыкның азатлыкка омтылуы теләсә-теләмәсә дә эчендә ята, диде Әзһәр Шакиров. Үз роленә килгәндә, ул аны кабатланмас итәргә тырышкан. Аңа кадәр ишанны усал, әшәке итеп уйнаучы булмагач, Әзһәр Шакировка шундый дин әһелен эшләргә туры килә.
Чарада катнашкан белгечләрнең дә спектакльгә карашлары үзгә иде. Драматург, язучы Рабит Батулла “Зәңгәр шәл” диннән көлми, диндәге ишан кебек наданнардан көлә дип саный.

– Аны аңларга кирәк. Тукаебыз да, Тинчуриныбыз да диннән көлмәгән, “псевдодинчеләр”дән көлгән. Сез, тамашачылар, Уразиковны да күрмәгәнсез, башкасын да, сезгә бу “Зәңгәр шәл” канун булып тора, ди Батулла.

Сәнгать белгече Рауза Солтанова спектакльнең миллилегенә, халыкчанлыгына тукталды. Белгеч спектакльнең төрле еллардагы куелышындагы үзенчәлекләре, образлылыгы, төсләрнең әһәмияте хакында сөйләде.

Театр тәнкыйтьчесе, галимә Миләүшә Хәбетдинова “Зәңгәр шәл”не галәм дип атады.

“Бу галәм татар йөрәгенә генә ачылмый. Безнең “Зәңгәр шәл”ебез талисман кебек. “Зәңгәр шәл”гә карап яшьләр кем икәнен танысын иде, шуның белән бәхетле булыр идек. Сәхнәбез “зәңгәрләнмәсен” иде”, диде ул үзенең чыгышында.

Проект авторы Рәдиф Кашапов фикеренчә, татарда бөтен нәрсә бетсә дә, театр бер утрау булып калачак.

“Татарлар өчен, татар мәдәнияте өчен театр мәңгелек булмаса да, озын гомерле булыр, алла боерса. Шуңа да аның тарихын җентекләп өйрәнергә кирәк. Башка халыклардан аермалы буларак, без үзебезнең кем икәнебезне беләбез. Нигезебез бар. Ул мәдәниятебездә чагыла. Нишләп әле ул нигезебез турында матур сәнгать телендә сөйләшмәскә?” диде Рәдиф Кашапов ​Камал театры белән берлектә оештырылган “Камал мәктәбе” проектының максатын аңлатып. Алга таба да моңа охшаш чаралар булачак дип белдерде ул.

Азатлык

Запись “Зәңгәр шәл”не караган галимә “сәхнәбез зәңгәрләнмәсен иде” дип белдерә [видео] впервые появилась Tatar Today - татар яңалыклары..

Ул “Медея” спектаклендә Медея образы белән җиңү яулады. Әмма әлеге образ күпләрдә каршылыклы фикерләр уятты. Чөнки анда төп герой аркасын күрсәтеп, чишенеп ала. Кемдер моны “сәнгать” дип, икенчеләре “оятсызлык” дип бәяләде. Ни генә булса да, Мәдинә ханым бүген Әлмәт театрының алыштыргысыз, талантлы артисткаларының берсе. Үзе чибәр, үзе серле, үзенчәлекле… Ә аралашкан вакытта тагын да яңа сыйфатлары белән ачылды ул.

– Мәдинә ханым, заманында Камал театрындагы “Курчак туе” да тамашачыда фикер каршылыгы тудырган иде. Анда да Нәфисә Хәйруллина билгә кадәр чишенә, шәрә аркасын күрсәтә. Хәзер менә сез – әлмәтлеләр куйган “Медея”не “чәйниләр”. Мондый тәнкыйтьне ничек кабул итәсез?

– Спектакль турындагы язма матбугатка чыккач, үзәк өзгеч фикер язучылар күп булды. Мин аларны куштырнак эченә алып, “кара халык” дип әйтер идем. Чөнки аларның берсе дә спектакльне карамаган, стиль, жанрның нәрсә икәнен белмиләр. Шулай булса да, андыйларга тизрәк үз сүзен язып калырга кирәк. “Татар театрына килешә торган эшме инде бу?!” – дип сүктеләр. Анда арка күрсәтү күренеше өч кенә секунд бара. Тамашачы аны сизәргә дә өлгерми кала. Ә фотоларны карасаң, әйе, чишенгән кебек. Гомумән, социаль челтәрләрнең кайсын гына алма, кешеләрнең бер-берсенә таш ату күренеше бара хәзер. Бигрәк тә эстрада һәм театр артистларына эләгә.

– Режиссер чишенергә туры киләчәген әйткәч, тиз ризалаштыгызмы?

– Юк, директор да, режиссер һәм пластиканы куючы кызыбыз да нык үгетләделәр. Аннан, шулай кирәктер инде дип ризалаштым. Төп героиня иренә нәфрәт итеп, ике баласын асып куя. Ахырдан бер нәрсәсез кала. Аңа инде үзенең нинди халәттә булуы барыбер. Бу күренешне тулысы белән ачып бирү өчен режиссер шундый символик финалга тукталырга уйлаган. Өч бала әнисе буларак, бу рольне уйнарга бик авыр булды, капиллярларым шартлар дәрәҗәгә җитте хәтта.

– Сез Казанда туып-үскәнсез. Ә ни өчен Әлмәт театрына киттегез?

– Казан мәдәният һәм сәнгать академиясенә укырга кергәндә ук, без үзебезнең Әлмәт театры өчен җыелган курс икәнебезне белә идек. Әмма мин шуның белән бәхетле: икенче курста укыганда ук Камал театры спектакльләрендә уйный башладым. Укып бетергәч, Марсель Сәлимҗанов: “Әлмәт театрында бер ел эшләп кайт, син әле яшь, башка театрларда да чыныгу алу кирәк”, – диде. Әмма икенче елны Марсель Хәкимович вафат булды…

– Кире Камал театрына кайту теләге белән киткән идегезме?

– Андый уй юк иде үзе. Труппа бик җылы кабул итте. Шундук төп рольләрне бирделәр. Чөнки ул чакта яшьләрне уйнарга артистлар юк иде. Курста 9 кеше укыдык, бары мин генә театрда эшләп калдым.

– Еш кына театр артистларыннан роль җитмәү турында зарлар ишетергә туры килә…

– Мин киресенчә, ял сорап йөрим. “Медея”ны чыгардык кына, инде Зифа Кадыйрова әсәре буенча куелган “Синсез килгән язлар” спектаклен әзерли башладык. Анда да төп рольне башкарам. Артист буларак мин бик канәгать.

– Иҗади тормышыгыз шундый тыгыз режимда бара. Ә гаилә? Аңа вакыт җиткереп буламы соң?

– Ирем эшемне аңлый торган кеше. Өч ул үстерәбез. Иң олысы Илданга – 15, уртанчысы Вилданга – 13, кечесе Ризванга 8 яшь. Өйдә булмаганда аларны каенанам карарга булыша. Бөтен серләремне сөйли торган бер якын дус кызым бар. Үзем өлгермәгән вак-төяк эшләрне, утка-газга түләүләрне ул башкарып куярга мөмкин.

– Ирегез белән ничек таныштыгыз?

– Ул тугыз ел Әлмәт театрында механик булып эшләде, транспорт бүлеген җитәкләде. Хәзер нефть өлкәсендә эшли. Без Казанда укыганда Әлмәт театры директоры ай саен стипендия алып килә иде безгә. Илдар – шофер, аның белән бергә килеп йөрде. Шул вакытларда ук миңа күз аткан булган. Әлмәткә кайтып бер ел узгач, тәкъдим ясады. 17 ел бергә яшибез, тьфү-тьфү!

– Холкыгыз турында ни әйтерсез?

– Мин конфликтлы кеше түгел. Кемнән генә сорасагыз да, шулай диячәк. Һәр эшне уйлап эшлим. Кайвакыт алга бер адым атлаганчы, артка икене ясап куярга мөмкинмен. Эштәге артистлар белән һәрвакыт дистанция тотам, ачылып бетмим. Миңа шулай рәхәт!

– Күңелегезне кайтарган кеше белән араны өзәсезме?

– Юк. Киресенчә, аңа тагын да күбрәк яхшылык эшләргә тырышам. Үзе исәнләшмәсә дә, беренче булып сүз катарга мөмкинмен. Эчтә ачу тота алмыйм. Бүгенге заманда негатив күп. Сәбәбе нәрсәдер, белмим. Бәлки дөрес тукланмыйбыздыр. Әбиләр безгә кечкенә чакта: “Кызым, “бисмилла” әйтеп аша, алайса эчеңә шайтан керә”, – дип куркыта иде. Әллә ашаган ризыгыбыз дөрес түгел микән дим?! Кем генә, кайда гына пешергән, нинди генә ризыклар белән тукланмый бит хәзер адәм баласы.

– Сез чибәр, зифа буйлы. Матурлык серләре белән дә уртаклашыгыз әле?

– Салоннарга йөрмим, кыйбатлы кремнар сөртмим. Ике көнгә бер тапкыр геркулестан битлек ясыйм. Аңа кайнар су агызып, җылы килеш биткә сөртеп, 10-15 минут тотып алам. Бит тиресе баланыкы кебек була. Туклануга килгәндә, организм нәрсә тели – шуны ашыйм. Балалар да шулай. Беркайчан да көчләп ашатмыйм.

– Сез көчле хатын-кызмы?

– Көчле. Кемдер кирәк кешесен елап җиңә, аның көче шунда. Мин үземне жәлләтергә яратмыйм. Кешегә сиздермичә генә авырлыкларга каршы тора алам. Беренче баламны тудырганда, табиблар ялгышлыгы белән сабыемның теш казнасына зыян килгән, йөзен җәрәхәтләгәннәр иде. Бер як бите үсә, берсе юк. Без бу турыда бала үсә башлагач кына белдек. Өч яшьлек улыбызны операция өстәленә салу җиңел булмады. Хәзер йөзендә үзгәреш башлану белән, Мәскәүдә пластик операция ясатып торабыз. Күп акчалар түгелә. Табиблар 20 яшькә кадәр ясарга туры киләчәк, диделәр. Чөнки скелет формалашу шул вакытта туктый. Түзәбез. Әле ярый балам урын өстендә ятмый, үз акылында, аяк-куллары исән-сау, дим. Аннары гаиләдә бер китек әйбер булырга тиештер инде ул. Бу – Аллаһы Тәгаләнең бер сынавы. Ә мине белгән күпләр: “Мәдинә үзен генә карап йөри, бер проблемасы юк”, – дип уйлый. “Әйе шул, Аллага шөкер”, – дим. Кеше саен зар чәчеп йөреп булмый. Ә чынлыкта, эчем тулы яра.

– Соңгы вакытта телевизордан “Вакыт җитмәде” дигән клибыгызны күрсәтәләр. Ул тормыштан алынган җырмы?

– Бервакыт әнием бик каты авырып китте. Казанга хастаханәгә алып килделәр, катлаулы операция кичерде, озак вакыт аңына килә алмыйча ятты. Уянып, әз генә ашый башлагач та, табиблар өмет чаткысы бирмәде. Гел еладым ул көннәрдә. Шул вакыт менә шушы шигырьгә тап булдым. Сүзләре йөрәгемә үтте. Әле дә: “Әниегезне югалттыгызмы әллә?” – дип сорап язучылар күп. Юк, Аллага шөкер, әнием исән-сау. Әти белән Лаеш районы Имәнкискә авылында яшәп яталар. Ләкин әниләре белән күрешергә вакыты җитмәгән, аларны югалткач кына, “ник кирәк кадәр кадер-хөрмәт күрсәтмәдем икән?” дип үкенүчеләр күпме?! Әлеге клипны гыйбрәт өчен төшердем.

Нәзилә Хуҗина, Акчарлак

Запись Әлмәт театры артисты Мәдинә Гайнуллина иренә нәфрәт итеп, ике баласын асып куйган героинясын тәнкыйтьләүчеләргә ҖАВАП бирә впервые появилась Tatar Today - татар яңалыклары..

Сәхнәдәге күренеш биюченең буяулар белән эш итүе һәм мөнәҗәт әйтү белән үрелеп бара. Биюче Марсел Нуриев һәм мөнәҗәт әйтүче, Мубай тәхәллүсе белән танылган башкаручы Илдар Мөбарәкшин моңарчы таныш булмаган яңа амплуада ачыла. Әсәрнең композиторы – Эльмир Низамов, тавыш режиссеры – Ильяс Гафаров. Оештыручы һәм идея авторы – “Әлиф” аша таныш булган Рус яшь тамашачы театрының баш режиссеры Туфан Имаметдинов. Рәссам – Лилия Имаметдинова. Хореографлар – Нурбәк Батулла һәм Анна Гарәфиева.

Оештыручылар фикеренчә, спектакльнең төп идеясе һәм үзенчәлеге – ислам мәдәниятенә гашыйк булган 94 яшьлек шамаилләр язучы рәссам Владимир Попов мисалында ике алымны кулланып иҗат җимеше булдыру.

 “Татар халкының рухи тормышы төрлечә – шамаилләр, мөнәҗәтләр аша да чагыла. ХХ гасыр башында шамаилләр аеруча популярлаша. Кемнең генә өенә килеп керсәң дә бик еш шамаилләр очратып була. Шуңа күрә спектакльдә без шамаилне, гомумән, рухи теманы буяу һәм бию аша ачарга булдык. Бу безгә шамаилләр темасын ныклап өйрәнергә сәбәп булды”, диде биюче Нурбәк Батулла.

Спектакльдә тамашачы бары тик биючене, буяулар, ак сәхнә һәм мөнәҗәтчене генә күрә ала. Музыкаль инструментлар да юк. Бары тик тере тавыш. Спектакль барышында мөнәҗәт әйтүченең тавышы өстенә тавыш яздырыла һәм өр-яңа композиция барлыкка килә.

“Спектакль Русия президенты гранты хисабына куелды. Бу шамаилләргә яңа караш, яңа сулыш дисәк була. Әлеге күзлектән карап, үз дөньясын, күңелен ачу. Максат – рухыбызны ислам дине аша күтәрү”, дип аңлата бу күренешне режиссер Туфан Имаметдинов.

Композитор Эльмир Низамов спектакльнең киләчәге тамашачы кулында дип саный. “Бу спектакль нәкъ менә шул турыда дип әйтә алмыйбыз. Һәркем күңеле аша үткәреп үзенчә аңлый. Карагыз, шамаилгә “Аллаһ матурлыкны ярата” дип язылган. Биюче бии генә түгел, ул акка карадан шамаил яза. Спектакль караганда һәркем үзенә яңа мәгънә ала, ачыш ясый”, диде ул.

Яңа спектакльгә сәбәпче булган “Аллаһ гүзәллекне ярата” шамаиленең авторы, 94 яшьлек Владимир Попов үзенең сөенечен яшермәде.

“Бу башы гына булса иде дип телим. 30 елдан артык шамаилләр язуым дәверендә мондый тәҗрибәнең бар ислам дөньясында булганы юк дип беләм. Уйлап карагыз, шамаилнең һәр хәрефе, һәр сүзе тормышка башлангыч булып тора. Әлеге спектакль дә шул хакта”, диде халык рәссамы.

Азатлык

Запись “Шамаил” премьерасында Нурбәк Батулла сәхнә артында кала [фото, видео] впервые появилась Tatar Today - татар яңалыклары..

Мәсәлән, Г.Кутуйның “Тапшырылмаган хатлар” әсәренә нигезләнеп төшерелгән нәфис фильмда Искәндәр роле белән.

— Сез Г.Камал театрында эшләү дәверендә күп кенә рольләр уйнадыгыз һәм әле дә аларны башкарып барасыз. Шул рольләр арасында күңелегезгә иң якын торганы кайсысы?

— Мин Г.Камал театрында 2011нче елдан бирле эшлим инде. Шул алты ел эшләү дәверендә минем бер унлап ролем бар. Һәм алар минем өчен минем ун бармагым кебек бөтенесе дә бер тигез. Алар миңа барысы да бик якын. Шуңа күрә мин аларның берсен дә аерып әйтә алмыйм. Уңай образларны да, тискәре образларны да мин бик яратып уйныйм. Чөнки сәхнәдә ниндидер геройның образын тамашачыга җиткергәндә аны төрле буяулар, төрле мөмкинчелекләр белән уйнарга кирәк. Ә ул исә актер буларак мине үстерә генә, яңа яктан ача. Шуңа күрә алар миңа барысы да кадерле.

— Сезнең холкыгызга иң якын торган, сезгә охшаган кайсы образны әйтә аласыз?

— Һәрбер образда да мин үзем чагылганмын. Аларның һәрберсендә минем кайсыдыр якларым тупланган. Мәсәлән, Зөлфәт Хәкимнең «Искән җилләр» спектаклендәге Рамай ролен алсак, минем ул образда ниндидер максатчанлыгым, якты киләчәккә омтылып яшәүем чагыла. Кәрим Тинчуринның «Зәңгәр шәл» спектакленең баш героен Булатны алсак, мин үземне аның кебек кыю җанлы, тәвәккәл, мәхәббәт өчен көрәшүче, батыр егет дип саныйм. Илгиз Зәйниевның «Әрем исе»ннән Сәярне алсак ул хыяллана торган герой. Гомумән алганда иҗат кешесе бит ул хыялланып яши. Мин дә хыялларга бирелеп яши торган кеше буларак Сәяр образында ачылам. Ә тискәре образларны алсак, шул ук Илгиз Зәйниевның «Көтәм сине» мелодрамасында мин Камил кебек үк тормышта әшәке түгел, ләкин, шулай да, үземә кирәк әйберемә ирешкәндә тайпылмыйча, үземнең сүземне нык әйтә ала торган кеше.

— Сезнең өчен театр ул нәрсә?

— Театр минем өчен — ул икенче йорт. Дөресерәк әйткәндә, беренче йортым, чөнки мин көннәр буе театрда булам. Ә өйдә мин кунак кына.

— Театрдан тыш сез үзегезне кино өлкәсендә дә күрсәтергә өлегердегез. Театр сәнгате белән кино сәнгате белән аерма бармы? Кайсысы җиңелерәк бирелә?

— Театр һәм кино арасында бик күп төрле аерма бар. Театрда  артист кеше эмоция белән уйнап, тамашачыны тәэсир итәргә тиеш. Ә инде кино өлкәсендә башка мөмкинчелекләр, башка нюанслар белән эшләргә туры килә. Шулай ук син анда тормышта кебек үк гади булып калырга тиешсең. Кино — ул үзе бер осталык. Театр белән аның бик күп аермасы бар. Минем өчен икесендә дә эшләү бик кызыклы, чөнки алар икесе ике төрле дөнья. Ләкин мин аларның кайсысындыр өстенрәк куя алмыйм.

— Сез театр сәхнәсенә чыгып үзегезнең ролегезне башкарып, спектакль беткәч тә тамашачының реакциясен шул ук вакытта күрә аласыз. Ә менә кинода ул бәяләмә, киресенчә, берникадәр вакыт дәвере үткәч кенә килеп җитә. Әлеге аерма нык сизеләме?

— Спектакльдә син тамашачының фикерен аларның күзләре, кул чабышлары аша күрәсең. Хезмәтеңңне шулай югары итеп бәяләгәннәрен күргәч сиңа ниндидер җылы энергетка кире кайтып, сине тулылынадыра гына. Һәм тагында ниндидер югары үрләр яуларга көч бирә.  Кинода инде син эшеңне экранга чыгып күпмедер вакыт үткәч кенә, тамашачы сиңа үзенең ниндидер фикерен җиткерәчәк. Сине я сүгәләр, я мактыйлар дигәндәй. Ләкин аның бер аермасы бар: кино ул мәңгелеккә кала торган әйбер һәм синең эшеңне мәңгеләштерәләр.

— Ә сезгә адресланган тәнкыйтькә ничек карыйсыз?

— Мин тәнкыйтькә бик уңай карыйм. Дөньяда күпме кеше бар шулкадәр үк кешенең үз фикере. Һәм бу бик яхшы күренеш. Ләкин тәнкыйть  җиткергән кешенең фикере дә төпле булырга тиеш. Кеше сиңа яхшы мөнәсәбәт белән әйтә ала, яисә  киресенчә көнчелек белән. Моны бик төгәл генә аера белергә кирәк. Әгәрдә инде яхшы мөнәсәбәт белән сине тәнкыйтьләсәләр син ул фикерне тыңлап, үз хаталарыңны танып аларны яхшы якка үзгәртергә тырышасың. Безнең дөньяда шулай ук көнчелек дигән әйбер дә бар. Ул сәнгатьтә генә түгел һәрбер өләкәдә дә чагыла. Шуңа эчке дөньяң белән дә сизгер булырга кирәк.

— Ә сез киләчәктә нинди рольләр уйнарга хыялланасыз?

— Минем алай хыялланган ролем юк. Әлеге рольләрем минем көн саен яңа якларымны ачып бара. Шуңа күрә Ходай биргән һәрбер ролемне мин рәхмәт әйтеп башкарам.

— Шигъриятне яратуыгызны сез матур итеп укыган шигырьләрдән күрә алабыз. Рус һәм татар әдәбиятыннан яраткан шагыйрьләрегез дип кемне атар идегез? 

— Мин шигъриятне, чынлап та, бик яратам. Һәм шагыйрьләр арасыннан яратмаганым юк. Алар безнең бөек классикларыбыз. Мин, бәлки, бик баналь булырмын, ләкин шуңа карамастан Хәсән Туфан, Һади Такташ, Муса Җәлил, Г.Тукай иҗатларына гашыйкмын. Рус классикларыннан мин Рождественскийның, Маяковскийның шигырьләрен бик яратып укыйм. Аларның барысын да санап бетереп булмас, бик күп алар.

— Бер әңгәмәдә Сез үзегезне Г.Камал театрында бердән-бер профессиональ җырчы булуыгыз турында әйткән идегез. Бу җырлау сәләте, моң сезгә кемнәндер бирелгәнме?

— Безнең гаиләдә профессиональ яктан җырлаучы кеше юк. Әти-әнием, апаем матур җырлыйлар. Ләкин шулай да бу Ходайдан бирелгән сәләт дип саныйм. Ходай тарафыннан бирелгән сәләт булса да, ул бик күп тырышлыкны сорый. Әлеге кечкенә генә булса да дәрәҗәм хезмәт белән тудырылган. Һәм, чынлап та, әлеге сәләткә ия булу — ул үзе бер зур бәхет.

— Киләчәктә җыр өлкәсенә кагылышлы планнарыгыз бармы?

— Мин әлеге белгечлегемне Галиәскәр Камал театрында  профессиональ җырлаучы артист булсын дигән нәтиҗәгә ирешер өчен алдым. Минем өчен  профессиональ җырлый белә торган артист булу дәрәҗәсе, җырчы гына булуга караганда күпкә кулайрак.

— Музыка сәнгатендә сез охшарга торышкан, шул югарылыкка ирешергә теләгән шәхес бармы?

— Минем гомумән кумирларым юк. Ләкин мин төрледән төрле музыка тыңларга яратам. Роктан башлап Софья Гобайдуллинага кадәр. Чөнки алар бөтенесе дә кызыклы. Мин аларның фәлсәфәсен аңаларга тырышам. Аңлап җиткермәсәм яңадан тыңлыйм, белгечләрдән киңәш сорашам, өйрәнәм. Миңа гомумән музыка дөньясы кызык.

-Сез бик күп әйбер белән кызыксынам дидегез. Ә сез актер булмасагыз нинди профессия сайлар идегез?

— Минем стоматолог яки психолог булырга хыялым бар иде (елмая).

— Ә ник алайса актерлык юлын сайладыгыз?

— Димәк башка әйбер эшлим белмим. Шул гына. (Көлә)

— Сез холкыгыз буенча акыл белән уйлап эш итүчеме, әллә,  киресенчә, йөрәк кушуын тыңларга тырышасызмы?

— Төрле вакытта төрлечә. Кайвакыт акыл белән эш итәм, кайвакыт йөрәк белән. Минем, Әлхәмдүлилләһ, интуициям бик көчле. Күңел әйткәнен тыңлыйм һәм шул дөрес булып чыга.

— Ә сез бер күрүдә гашыйк булуга ышанасызмы?

— Ышанам. Мин ике тапкыр гашыйк булган кеше. Ләкин икесе дә җавапсыз мәхәббәт булды. Иҗат кешесе буларак мине  гаҗәпләндергән төрле әйбергә гашыйк була алам. Мәсәлән, табигатькә, яисә ниндидер бинаның архитектурасына.

— Сез иҗат кешесе буларак еш гашыйк булам дип әйтәсез. Бу сезгә комачаулыймы?

— Белмим, әлеге вакытта миңа комачаулаганы булмады. Ярдәм генә итә.

— Күп кенә кызларны кызыксындырган сорауны да бирмичә кала алмыйм. Сезгә нинди кызлар ошый?

— Миңа үзендә хатын-кызның барлык сыйфатларын туплаган кызлар ошый. Кызларны төрле хәлдә дә чын ир-ат булып кала торган егетләр кызыктыра бит. Ә мине бөтен очракларда да хатын-кызга хас булган сыйфатларын саклап кала торганнары.

— Сез бер әңгәмәдә авырлыкларга елмаеп кына карыйм дип әйткән идегез. Бу сүзләрне сезнең тормыш девизыгыз дип атап буламы?

— Анысы шулай. Мин һәрвакыт нинди генә авырлыклар булмасын аларга уңай карарга, аларны кабул итәргә тырышам. Димәк шулай кирәк булган дип саныйм. Алар Ходай тарафыннан бирелгән бер сынау итеп кабул итәм дә, алардан  арынырга җиңелерәк була. Күңелендә кояш яшәсә, барлык сынауларга да елмаеп карасаң ул үзеңне позитив итеп тыяр өчен бик яхшы ысул дип саныйм.

— Бәхет сезнең өчен нәрсә ул? Сез бәхетлеме?

— Мин үземне бик бәхетле итеп саныйм, Аллага шөкер. Мин сау-сәләмәт, минем аякларым төз, кулларым төз, минем әти-әнием дә, якыннарым да исән-сау, яраткан эшем, яраткан тамашачым бар. Тагын нәрсә кирәк? Бәхет бит ул нәрсәләрдер белән үлчәнми. Кайвакыт ниндидер вак әйберләр дә сине бәхетле итәргә мөмкин. Үзеңне бәхетле итеп тоеп яши белсәң шуннан да күп әйбер кирәкми.

— Әңгәмә өчен зур рәхмәт. Киләчәктә дә Сезгә иҗатыгызда зурдан зур уңышлар телим.

— Рәхмәт!

Алсу Һадиева

Запись Ришат Әхмәдуллин: «Беренче йортым – театр, өйдә мин – кунак» впервые появилась Tatar Today - татар яңалыклары..