Азнакайда самолетта очу өчен әллә кайларга барып та йөрисе түгел. Очышлар өчен һава торышы да рас килеп торды. Таң аттымы, зәңгәр күк йөзен лачын кебек иңләп самолет оча.

«Чит яклардан килүчеләр дә бихисап. Күпләрне Чатыр Тау өстеннән очу кызыксындыра», — ди очучы Илдар Фазуллин. Аның самолет штурвалы артына утыруына да инде 17 елдан артык вакыт үтеп киткән.

«Шәһәр өстеннән очкан самолетны күреп, бер очып карыйсы иде дип кызыгып карап калган идем. Туган көнемә кызым, уйламаганда, шундый зур бүләк ясады. Очыш вакытында алган тәэсирләрне әйтеп-сөйләп кенә дә бетерерлек түгел. Без үзебез Чиләбе өлкәсендә яшибез. Азнакай бик матур шәһәр, урамнарына-паркларына сокланып туймаслык, бар җир төзекләндерелгән, каралган, уңайлыклар тудырылган», — ди Флюра апа.

Фото: Ватаным Татарстан

Чыганак: Ватаным Татарстан 

Запись Азнакайда 88 яшьлек әби күптәнге хыялын тормышка ашырган впервые появилась Tatar Today - татар яңалыклары..

“Алар Иркутск өлкәсе белән Бурятия чигендәге районны карарга тиеш иде”, – дип ачыклык кертә эзләү-коткару үзәге вәкиле.
Хәзерге вакытта югалган очкычны һавадан эзлиләр. Бу операциягә бер вертолет һәм ике самолет җәлеп ителгән.
Шуны да билгеләп үтәргә кирәк: очыш алдыннан пилотлар рөхсәт алмаган, һава маршрутының җентекле планы белән заявка бирелмәгән булган.

Чыганак: Кызыл Таң

Запись Күктә юкка чыккан… впервые появилась Tatar Today - татар яңалыклары..

Чаллы хатын-кызы ике баласы белән Тенерифе утравында ял иткән. Ял вакытында балалар җил чәчәге белән авырган. Шул сәбәпле аларны самолеттан төшергәннәр.

«Билетлар сатып алынган иде инде. Аэропортта теркәлү уздык, самолетка утырдык. Тик безне борттан төшерделәр. Куркыныч авыру сәбәпле, самолеттан тиз арада чыгып китүне сорадылар. Без берничә секунд эчендә самолет салоныннан чыктык», – дип сөйли хатын-кыз. Аларга аэропорттан чыгу өчен биш минут вакыт биргәннәр.

«Безнең билетлар янды. Иминият компаниясенә мөрәҗәгать иттем. Анда балалар тулысынча савыккач, кайта алырсыз, дип җавап бирделәр. Кунакханәгә урнаштык. Ким дигәндә, тагын бер атна ял итәчәкбез», — дип хәбәр итте ул социаль челтәрләрдә.

Җил чәчәге – йогышлы авыру. Балалар аны чагыштырмача җиңел кичерә. Өлкәннәр өчен, бигрәк тә йөкле хатын-кызлар өчен җил чәчәге куркыныч.

Һава транспортында вентиляция системасы ябык. Шул рәвешле, бортта авыру булган очракта, ул башкаларны зарарлый ала. Әгәр пассажирның сәламәтлеге башка затларның иминлегенә куркыныч янарга мөмкин булса, транспорт йөртүче килешүне өзүгә хокуклы. Кагыйдә буларак, авыру йогышсыз стадиядә булуы турында табиб белешмәсе сорала.

Фото: пиксабай

Запись “Чит илдә Чаллы кешесен ике авыру бала белән самолетка кертмиләр” впервые появилась Tatar Today - татар яңалыклары..

Портал диспетчер белән командирның әңгәмәсен дә урнаштырган. Анда диспетчер командирның нигә кире җиргә төшәргә җыенуын ачыклый. Командир ачулы тавыш белән бер пассажир хатынның терминал бинасында баласын онытып калдыруын һәм ары очудан баш тартуын белдерә.

Баласын да онытучы хатынга карата җәза каралгандырмы, ул хакта портал белдерми.

Фото: Пиксабай.

Запись Күкрәк баласын аэропортта онытып калдыра впервые появилась Tatar Today - татар яңалыклары..

«Бүген 4.54 сәгатьтә «Икар» авиакомпаниясенә караган, Орскидан Мәскәүгә юл тоткан, бортында 76 пассажир булган самолет Казан аэропортына планнан тыш нигездә төшеп утырды», – диде Гадел Гатауллин.

Пассажирларның берсе дә зыян күрмәгән, аларны тиздән шул ук авиакомпаниянең башка рейсы белән Мәскәүгә озатачаклар.

Фото: https://pixabay.com

Запись Казанда 76 пассажиры булган самолет ашыгыч рәвештә төшә впервые появилась Tatar Today - татар яңалыклары..

Әмма куркулар юкка булган ла! Безне экскурсиягә чакырулары икән. “Кая?” дип сорагыз? Казан халыкара аэропортына! Кафедрадан ике генә кеше барырга тиеш, шулай булгач, Рәйдә белән миңа бик мөһим вазифа йөкләнде. Барысын да күреп, белеп кайтырга һәм дуслар белән бүлешергә кирәк.

Аэропортка барасы көнне һава торышы нык үзгәреп, көйсезләнеп күрсәтсә дә, безне бу куркытмады. “Кулда – каләм, яза беләм” дигәндәй…

“Казан” халыкара аэропортына баруыбыз әлеге аэропортта беренче тапкыр даими рейс барлыкка килүнең 25 еллыгына багышланды. 

Аэропортта безне Гатауллин Гадел Искәндәрович каршы алды. Ул  матбугат хезмәтендә эшли икән. Экскурсиянең башыннан ахырына кадәр ул безнең белән булды, сорауларыбызга җавап бирде.

Тематик экскурсиябез терминалны караудан һәм пассажирлар белән эш итүнең асылын аңлатудан башланды. “Казан” аэропортының транспорт куркынычсызлыгы бүлеге җитәкчесе Виктор Гафаров безгә бай һәм кызыклы мәгълүмат бирде. Аэропорт тарихы хакында тәҗрибәле белгеч күп итеп сөйләде. Мәсәлән, “Казан” халыкара аэропортының туган көнендә (15 сентябрь, 1979 ел) Ту-134 самолетында Казан-Сочи маршруты буйлап тәүге рейс ясала. Шул ук елның ноябрь аенда аэропорт Ту-154, Ту-134, Ил-18 һәм башка очкычларны кабул итә. 1986 елның 21 февралендә “Казан” аэропорты үзенең хәзерге статусын – халыкара аэропорт исемен ала. Виктор Мирзаянович 2013 елгы Универсиада уеннарының Казанда узуы аэропорт өчен уңай булды, дип белдерде. Нәкъ шушы елны яңа аэронавигация комплексы – контроль-диспетчерлык пункты башнясы, №1 күтәрелү-утыру полосасы ачыла, 1 нче Терминал эшли башлый.

Теркәлү зонасында булганнан соң, Виктор Гафаров безне кабат пассажирларны тикшерү ничек баруы белән таныштырды. “Аэропорт куркынычсызлыкны тәэмин итү өчен барысын да эшли. Без ГБР (група быстрого реагирования) төзедек. Бу аэропорт кармагында эшләүче безнең хезмәткәрләрдән торган төркем, алар куркынычсызлык кагыйдәләре бозылган очракта, полиция килеп җиткәнче, ситуацияне контрольдә тота”, диде ул. Шулай ук безнең өчен тыелган һәм чикләнгән предметларны тикшерә торган аппаратларның ничек эшләвен аңлатты, мисаллар ярдәмендә күрсәтте. Баксаң, аэропортка үзең белән су да алып керү тыелган икән! Сыекчаны бары тик аэропортта, тикшерү узгач алырга мөмкин. Гадел Искәндәрович, безнең аптыраганны күреп: “Бу бит сезнең куркнычсызлыгыгыз өчен эшләнелә! Аэропорт көйсезлеге түгел ул. Без үзебездә нинди су сатылганын  һәм аеың чыннан да су икәнен беләбез, ә сезнең шешәдә теләсә нәрсә булуы ихтимал!” дип аңлатты. Виктор Мирзаянович аның җавабын тулыландырып гади су шешәсенең дә шартлаткыч матдә өчен уңайлы тирәлек булганлыгын искәртеп үтте.

Студентларны алда иң кызык мизгел көтте – һава аланында чып-чын очкычларның җиргә төшкәнен күзәттек. Авыр “тимер кошлар”ның баш очыннан гөрелдән узып китүен һәркем я фотога, я видеога төшереп калырга тырышты. Кайткач дуслар, туганнар белән бүлешәсе бар бит!

Экскурсиябезне күмәк фото төшү белән тәмамладык. Күпләребезнең биредә матбугат хезмәтендә эшләргә теләге туды. Кем белә бит, бәлки, Гадел Искәндәрович белән берлектә киләчәктә безгә дә беренче курс студентларына шушындый пресс-турлар оештыру мөмкин булыр.

Чулпан ГАРИФУЛЛИНА

Запись Татар тудей журналисты Казан һава аланында булып кайтты [фоторепортаж] впервые появилась Tatar Today - татар яңалыклары..

http://twitter.com/KevinRothrock/status/839242011626582016

Фото 7 мартта урнаштырылган була. Тимати фото астына шушындый сүзләр яза: “8 март алдыннан өйдән куып чыгарсалар да, кардәшеңнең буш бүлмәсе булуы шатландыра”, дип. Җырчы фотода, шулай ук Рамзан Кадыровны да билгели. Ләкин соңыннан ул сурәт юкка чыга.

Тимати баштагы мәлләрдә дә Чечня башлыгы белән дус булуын әйтеп тә, билгеләп тә китә иде. 

2 мартта, мәсәлән, Тимати Кадыров белән уртак фото урнаштыра. 

View this post on Instagram

A post shared by 13 (@timatiofficial)

Шуны да әйтеп китәргә кирәк, 2014 елның ноябрендә Рамзан Кадыров Тиматига Чечня республикасының атказанган артисты исемен бирә. Тимати да сүзсез калмый: “чын ир-ат” Кадыровка рәхмәтен җиткерә. “Мин дуслыгыбыз белән горурланам! Безнең аек яшьләр тәрбияләүдә уртак идеологиябыз мине сөендерә”, ди. 

Запись Тимати Рамзан Кадыровның очкычына барып нигә йоклаган? [фото] впервые появилась Tatar Today - татар яңалыклары..

Бу шагыйрә ханымны күптән беләм. Дөресрәге, шигырьләрен укып барам. Җитмешен узып киткән булса да, шигырьләрендә дәрт шаукымы, мәхәббәт чаткылары бар аның. Үзен бик тә карап, матур итеп йөртә белә ул. Шуңа күрә аның яшьлегендә генә түгел, бәлки хәзер дә ир-атларның күз карашын үзенә җәлеп итә алганлыгына бер дә шикләнми идем.

Редакциягә бер керүендә ул ачылып китәсе итте. «Дөрес фаразлагансыз. Мин мәхәббәт халәтендә яшә­дем. Бу дөньяда яшәр өчен Мәхәббәт бик кирәк нәрсә ул. Кайгыларны да күр­дем, әмма мине алардан шул мәхәб­бәт дигән нәрсә исән алып чыкты. Мәхәббәт әле яныңда юк икән, аны уйлап чыгарырга кирәк. Әгәренки яратудан күзләрең очкынланып яна башласа, чын мәхәббәте дә ерак йөрми аның».

Шул рәвешле башланган сүзебез шагыйрә ханымның тормыш сәхифә­ләренә, яшәү, иҗат итү рәвешенә барып ялганды. «Кызым еракта – Себердә үк яши. Ул да шагыйрә, тик шигырьләрне русча яза. Әле менә икебезнең шигырьләрдән уртак китап чыгардык Мәскәүдә», – диде ул. Кызының әтисен бик тә нык яратып кияүгә чыккан булган ул. Мәхәббәт хакында да сөйләштек без.

– Үземнән 10 яшькә өлкәнрәк иде. Очучы иде. Реактив очкычларда очты. Ел да медкомиссия узып торган ирем көннәрдән бер көнне бөгелде дә төште, җанашым… Бөер дип уйладык. Табиблар буйлап киттек. Бер теше дә ямалмаган, өрлектәй таза адәмдә яман шеш таптылар. Реактив очкыч пилотлары шулай акрынлап радиация белән зарарлана икән. Ике-өч ай дигәндә ирем шәм сыман сызды да бетте. Малай кебек кенә калды. Октябрь азагында җирләдек. Ул исән чакта ук мәктәп стадионына йөгерергә чыга идем. Ирем очышта чакларда яки төнге очыштан кайтып ял иткәндә, аңа комачауламыйм дип, һаман саен ялгыз гына йөгерәм. Аякларың йөгерә тора, ә башың мәңге бетмәс уйларын уйлый. Минем байтак шигырьләрем йөгергәндә языла иде. Ирем урын хастасына калгач, уемда ул гына булды. Тагын нинди дару табыйм микән, тагын кайсы табиб белән киңәшләшим икән, дип уйлый-уйлый түгәрәк арты түгәрәк әйләнәм. Шулай әйләнә торгач, кулымдагы беләзегемнең төшеп калганын да сизмәгәнмен. Иремнең бүләге иде лә бу беләзек! Аны югалтуны мин начарга юрадым. Димәк, китә ирем, мин аны да югалтам. Юньле фал түгел бу! Инде мин йөгерүдән туктап, кипкән яфракларны, беренче суык-лардан укмашкан кар кантарларын аралый башладым. Үзем елыйм.

Бер ир-ат көн саен диярлек миңа каршы түгәрәк ясап йөгерә торган иде. Ул да туктап калды: «Ни булды, ни югалттыгыз, нигә елыйсыз?» – дип сорау арты сорау яудыра. Үзем елыйм, үзем такмаклыйм: «Ирем, беләзек, югалттым…» Ул да эзләште беләзекне, тик таба алмадык. Ирем шул төнне җан бирде. Мин кабат йөге­рергә чыкканда яз килеп азаплана иде инде. Минем йөрәктә генә кыш суыгы. Ялгызлык, югалту суыгы. Берзаман йөгереп бара торгач, кем­гә­дер килеп бәрелгәнемне дә абайламаганмын. «Ханым! Ниһаять, очраттым бит мин сезне. Адресыгызны да сорамаганмын. Менә бит ул! Таптым бит мин аны!» Ни күрим! Йөгерүче ир-атның учында гәрәбә кашлы көмеш беләзегем – иремнең ядкаре ята. Мин тагын елап җибәр­дем. «И-и, ханым, мин сезне сөенде­рим дигән идем, ә сез тагын елыйсыз!» Сөйләп бирдем инде кайгымны. Сабыр гына тыңлап торды. Аннары әйтеп куйды: «Язмыш бу. Бер ел элек мин дә хатынымны җирләгәннән соң чыккан идем бу стадионга. Каршыма һәр кич саен язмышым йөгергәнен генә белмә­гәнмен. Тәкъдир түгел микән бу? Табылган беләзек уртак бәхеткә ишарә түгел микән?»

Тиздән без бергә яши башладык. Ул миннән ун яшькә кечерәк булса да, яшь аермасын тоймадык. Шагый­рә итеп тә мине теге ирләрем түгел, нәкъ менә ул – өченче ирем таныды. Тормышымда гармония ур­нашты дигәндә генә ул яшь хатынга китеп барды. Аның бала атасы буласы килде. Гаепләмим. Умартачы булып китте. Беренче балдан мине авыз иттерә, киңәш кирәк булганда яныма килә. Мине һаман яратуын әйтә. Өлкәнәйдем бит инде. Мин шушы табылдык бәхетемә дә канәгать.

Запись “Ирем реактив очкычта очучы иде. Беркөнне бөгелде дә төште, җанашым… Октябрьда җирләдек” впервые появилась Tatar Today - татар яңалыклары..

Башкортстанның һәм Татарстанның халык артисты Айдар Галимов Башкортстанда чыгучы “ДОСААФ: Испытано на себе” тапшыруында катнашып, җиңел моторлы самолет йөртеп караган.

Самолетта ул инструктор белән очкан. Видеода аларның куркыныч трюклар ясавын да күреп була.

Очыш тәмамлангач, Айдар Галимов хис-кичерешләре белән дә бүлеште: “Исән! Мондый очышларга әзер булырга кирәк икән. Мин әлегә шок халәтендә”, диде ул.

Запись Айдар Галимов экстремаль рәвештә самолет йөртә [видео] впервые появилась Tatar Today - татар яңалыклары..