Архивы татар җыры - Tatar Today - татар яңалыклары.

Ринат Рахматуллин ни өчен «Татарча солянка»да җырламаган?

Рамиля Валиахметова — Fri, 27 Sep 2024 11:15:26 +0000

Кичә Чаллының Сара Садыйкова исемендәге концертлар залында узган «Татарча солянка» концертында Ринат Рахматуллин да җырларга тиеш булган. Ләкин тамашачылары концертта Ринат Рахматуллинны көтеп җиткерә алмаганнар. Бу уңайдан үзенә канәгатьcезлек белдереп язучы дусларына җырчы социаль челтәрләрдә аңлатма бирә.

«Кичә смслар килә башлады, дуслар. «Концертка барган идек, «солянка»да җырламадыгыз. Килмәгәнсез икән, нигә алдыйсыз?» – дип язасыз «ВКонтакте» төркемнәрендә. Әйе, кичә Чаллыда узган «Татарча солянка»да мин дә җырларга тиеш идем. Әмма ул концерттан без инде әллә кайчан баш тарттык. Чаллының Сара Садыйкова исемендәге концертлар залында концертым булачак. Анда зур баннер эленеп тора инде. Мине тыңларга теләгән кеше шул баннерны күреп тә аңлый ала иде.

Минем барлык афишалар – социаль челтәрдәге сәхифәләремдә. Без кичә Столбищеда сезонны башлап җибәрдек. Шуңа да бу сорауларны миңа түгел, оештыручыларга бирергә кирәк булгандыр. Мин һәрвакыт күз алдыгызда. Иҗатым, тормышым буенча социаль челтәрләрдә көн саен хисап биреп барам», – дип аңлаткан артист концертка килмәвенең сәбәбен.

Запись Ринат Рахматуллин ни өчен «Татарча солянка»да җырламаган? впервые появилась Tatar Today - татар яңалыклары..

Алар хәзер атказанган!

Рамиля Валиахметова — Tue, 03 Sep 2024 10:26:37 +0000

Берьюлы өч җырчы мактаулы исемгә лаек булган. Кемнәр дисезме?

Азат Абитов, Гөлсирин Абдуллина һәм Ранис Габбазовка “Татарстанның атказанган артисты” дигән мактаулы исем бирелгән. Бу хакта Ваһапов фонды хәбәр итә.

«Каршы алыгыз! Сезнең алдыгызда – Татарстанның атказанган артистлары! Чын күңелдән котлыйбыз! Котлауларга сез дә кушылыгыз! Бүләкләү тантанасы 16 сентябрьдә Ваһапов фестиваленең юбилей гала-концертында булачак», – дип хәбәр итәләр Фондның социаль челтәрдәге сәхифәсендә.

«Ура! Күптән көттем! Әфарин, Рифат Әхмәтович! Тырышлыкларыгыз бушка китмәде, нәтиҗәләре әнә нинди җимешле. Алга, шәп!» – дип котлый яшьләрне композитор Зифа Нагаева.

«Барыгызны да хөрмәт итәбез. Алга таба да уңышлар!»

«Иҗатыгыз гөрләп барсын. Яңа уңышлар! Сез мактаулы исемнәргә бик лаек. Дәвамлы булсын, тамашачыларыгыз күп булсын. Бәхеткә күмелеп яшәгез», – дип котлый җырчыларны башкалар да.

Чыннан да, лаеклы, шәп җырчылар бит! Килешәсезме?

чыганак: https://kiziltan.ru/articles/kultura/2024-09-03/alar-h-zer-atkazangan-3909116

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Алар хәзер атказанган! впервые появилась Tatar Today - татар яңалыклары..

Татар эстрадасы җырчысы татуировка ясаткан

Рамиля Валиахметова — Wed, 24 Jul 2024 11:35:30 +0000

Татар эстрадасы җырчысы Лилия Гыйматдинова күптәнге хыялын чынга ашырган.

«Тәвәккәлләдем. Үземнең чираттагы гештальтны яптым – татуировка ясаттым. Альбина – үз эшенең остасы. Супер нәтиҗә өчен рәхмәт», – дип мастерга рәхмәт сүзләре яза ул статусларында.

Лилия Гыйматдинова татуировканы аркасына, муеныннан аз гына аскы өлешкә ясаткан. Анда инглиз телендә: «Синең йөрәгеңне җырларга мәҗбүр итә торган эшләр эшлә», – дип язылган.

чыганак: https://intertat.tatar/news/tatar-estradasy-yrcysy-tatuirovka-yasatkan-5867441

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Татар эстрадасы җырчысы татуировка ясаткан впервые появилась Tatar Today - татар яңалыклары..

Сөмбел Билалова: “Ашыгыч” ярдәм югары кан басымы белән хастаханәгә алып китте”

Лейла — Wed, 27 Jan 2021 08:02:32 +0000

Аерылышканнан соң, “фәләннең сөяркәсе” дип сөйли башладылар. Бу очракта сүз көрәштерүнең дә мәгънәсе юк. Ләкин артист кызларга мондый караш кәефне боза, билгеле. Әйтик, мин мәҗлестә чыгыш ясыйм. Бәйрәмдә яки концертта кунаклар белән биеп алырга да, шаярырга да мөмкин, чөнки бу – эшем. Артист бер урында басып торырга тиеш түгел.

– Пандемия башлангач, көн саен диярлек Инстаграмда туры эфирлар алып бардың…

– Пандемия вакытында филармония артистлары белән туры эфирлар оештырдык. Шуңа игътибар иттем: туры эфирлардан соң энергиям кими иде. Бервакыт туры эфир вакытында кинәт хәлем китте. Темасы да авыр иде, бәлки шул да тәэсир иткәндер. “Элемтә начарайды” дигән сәбәп белән эфирдан чыгарга туры килде. “Ашыгыч” ярдәм чакырттым, ул югары кан басымы белән хастаханәгә алып китте.

– Коронавирус белән чирләдеңме?

– Көз көне чирләдем. Тик мин аны җиңелчә кичердем. Коронавирус башлангач та, бик курыктым. Өйдән дә чыкмадым, ләкин алай ук паникага бирелергә ярамый икән. Коронавирустан куркып, Мәскәүгә дә машина белән бардым. Машинада йөрергә бик яратам. Сәяхәткә дә руль артында чыгып китәр идем.

– Бүләкләр еш кабул итәсеңме?

– Әйе, сюрпризлар булгалый. Ләкин мин хорафатларга ышанам, шуңа хәтта концертта бүләк ителгән бүләкләрне дә өйгә алып кайтмыйм. Кайвакыт чәчәкләрне дә концертта эшләүче апаларга калдырам.

– Сәхнәдә иҗат итүеңә 15 ел булды. Бу уңайдан концерт оештырырга җыенмыйсыңмы?

– Планда бар, тик пандемия аркасында төгәл әйтә алмыйм. “Чулпан” мәдәният үзәгендә концерт оештырырга теләк бар. Соңгы тапкыр концертым Г.Камал сәхнәсендә узган иде.

– Артистлар арасында серләреңне сөйли торган дусларың бармы?

– Гөлнара Мулланурова, Дилә Нигъмәтуллина, Альбина Апанаева, Ләйсән Сөнәгәтова белән бик яхшы аралашабыз. Кайчан мөрәҗәгать итсәм дә, ярдәмгә килергә әзер алар.

– “Гомер үтә” дип уфтанган чакларың буламы?

– Күпләр 30дан соңгы тормышны картаю дип кабул итә. Минемчә, хатын-кыз 40 яшьтә дә гаилә корып, бала табып, бәхетле булырга мөмкин. Мин әле яши башлаган кебек кенә. Моңа кадәр булган вакыйгалар репетиция сыман гына. Быел – минем ел, Үгез елы, шуңа да мин аңа зур өметләр баглыйм. Тормышымда яңа бүлекнең башлануын көтәм.

– Бүгенге көндә иң зур хыялың?

– Гаилә корып, үз йортым белән яшәргә телим. Мин мәхәббәткә, чын хисләргә ышанам.

Чыганак: Шәһри Казан

Запись Сөмбел Билалова: “Ашыгыч” ярдәм югары кан басымы белән хастаханәгә алып китте” впервые появилась Tatar Today - татар яңалыклары..

Ришат Төхвәтуллин гаиләсендә сөенечле вакыйга!

Лейла — Mon, 21 Dec 2020 08:05:26 +0000

Татарстанның атказанган артисты Ришат Төхвәтуллинның сеңлесе Айгөл әни булган.

20 декабрь көнне Илгиз белән Айгөлнең кызлары туган. “Ришатның сеңлесе Айгөл һәм аның тормыш иптәше Илгиз тәүге тапкыр “әти” белән “әни” булдылар! Сезне төркем һәм подписчиклар исеменнән чын күңелдән котлыйбыз! Бәхетле, сау-сәламәт, тәүфыйклы бала булып үссен”, – дип язылган Ришатның фан төркемендә.

View this post on Instagram

A post shared by Официальный фан-аккаунт❤️ (@rishat_thv_fann)

Запись Ришат Төхвәтуллин гаиләсендә сөенечле вакыйга! впервые появилась Tatar Today - татар яңалыклары..

“Болгар радиосы” VIII Милли музыкаль премиясе җиңүчеләре, IPHONE12 отучы, «Татар эстрадасы легендасы»: билгеле!

Лейла — Mon, 14 Dec 2020 08:23:58 +0000

12 декабрь “Болгар радиосы” VIII Милли музыкаль премиясен тапшыру тантанасы узды. Тамашачылар концертны онлайн күзәтеп барды.

“Болгар радиосы” Милли музыкаль премиясенең максаты – халык күңелендә үз урынын тапкан җырчыларны һәм җырларны барлап алтын фондка кертү.

Милли премия тапшыру тантанасында төрле буын вәкилләренең катнашты. Әлеге премиядә елдагыча зур популярлыкка ия булган җырчылар, яңа гына сәхнәгә ныклы адымнарын ясый башлаган яшь башкаручылар, “Кайнар хит” проектында җиңеп чыккан яңа йөзләр белән дә таныштылар. Җырчыларның бары тик иң-иңнәре генә “Алтын йолдыз” сыны белән бүләкләнде.

“Болгар радиосы” VIII Милли музыкаль премиясендә барлыгы 30 номинант. Премиянең авторларга да тапшырылуы шулай ук үзенчәлекле матур бер традициягә әверелде.

Фирдүс Тямаев “Иң дәртле җырчы”
Нәфкатъ Нигъмәтуллин “Халык мәхәббәте”
Ришат Төхвәтуллин “Иң затлы җырчы”
Алсу һәм Азат Фазлыевлар “Иң үзенчәлекле дуэт”
Винарис Илъегет “Иң тынгысыз җырчы”
Зөфәр Хәйретдинов “Үлмәс хит”
Илсөя Бәдретдинова “Иң креатив җырчы”
Рифат Зарипов “Иң максатчан җырчы”
Ринас Әхмәтов “Иң романтик җырчы”
Зәйнәб Фәрхетдинова “Халык мәхәббәте”
Зинира һәм Ризат Рамазановлар “Иң халыкчан дуэт”
Гөлсирин Абдуллина һәм Азат Абитов “Елның гаилә дуэты”
Ришат Фазлыйәхмәтов “Үзенчәлекле моң”
Айдар Рәкыйпов “Өметле җырчы”
Раяз Фәсыйхов “Иң хисле җырчы”
Динара Ряхимова “Иң лирик җыр”
Зәринә Хәсәншина “Ел ташкыны”
Алия Карачурина “Иң лирик җырчы”
Анастасия Макарова “Яңа исем”
Гүзәлем “Иң эзләнүчән җырчы”
Азалия Зиннәт “Иң заманча җырчы”
Ильмира Нәгыймова “Иң романтик җырчы”
Гүзәл Уразова “Тамашачы мәхәббәте”
Мәсгут Имашев “Татар эстрадасы легендасы”
Филүс Каһиров “Иң моңлы җырчы”
Артур Исламов “Кабатланмас тавыш”
Илнар Миранов “Заманча яңгыраш”
Эльмира Кәлимуллина “Йөрәкләргә үтеп кергән җыр”
Винера Ганиева “Иң зәвыклы җырчы”
Гүзәл Идрисова һәм Илназ Баһ “Иң романтик дуэт”

Тамаша барышында сюрпризлар да бихисап иде. Күренекле композитор, Татарстанның атказанган сәнгать эшлеклесе, Россиянең атказанган мәдәният хезмәткәре Мәсгут Имашев “Татар эстрадасы легендасы” номинациясенә ия булды. Алдагы елларда әлеге номинациягә Хәмдүнә Тимергалиева, Флера Сөләйманова, Рафаэль Ильясов кебек олпат шәхесләребез лаек булган иде.

Шулай ук, Милли музыкаль премиясенең лауреаты Гүзәл Уразова да турыдан-туры трансляция барышында тамашачыларга видеосәламен юллады һәм зур уңышлар теләп калды.

Ул гына да түгел, IPHONE 12 отучы да билгеле булды! Җиңүче очраклы рәвештә сайланды һәм ул Казанда яшәүче Лилия исемле кыз булып чыкты. Алып баручыларыбыз Лилиягә турыдан-туры трансляция барышында шалтыратып хәлләрен белеште һәм әлеге зур бүләк оту белән тәбрикләде. Җиңүче кыз үз чиратында сәламнәрен юллады һәм һаман да ышанып бетә алмавын әйтеп узды.

Максим Платонов фотолары

Запись “Болгар радиосы” VIII Милли музыкаль премиясе җиңүчеләре, IPHONE12 отучы, «Татар эстрадасы легендасы»: билгеле! впервые появилась Tatar Today - татар яңалыклары..

Ландыш дүртенче баласына нинди исем куша?

Лейла — Thu, 10 Dec 2020 08:53:31 +0000

Ландыш Нигъмәтҗанова һәм Фәрит Таишев кичә тагын бер тапкыр әти – әни булды.

Сабыйга Каюм дип исем биргәннәр. Бу хакта җырчы инстаграмында үзе язган.

View this post on Instagram

A post shared by LandyshNigmatjanova (@landyshnigmatjanova)

Запись Ландыш дүртенче баласына нинди исем куша? впервые появилась Tatar Today - татар яңалыклары..

Татар байларының 19 гасырда туйлары ничек уза [видео]

Лейла — Wed, 09 Dec 2020 05:37:06 +0000

Татарстанның Дәүләт җыр һәм бию ансамбле “Туган ил” концерт программасы нигезендә, себер һәм Казан татарлары морзалары балаларының туй күренешенә багышланган тамаша тәкъдим итә.

Сценарий буенча “Туй” хореографик спектакле себер татарлары традицияләренә нигезләнеп үткәрелә. “Концерт программасында татар морзаларының туйларын күрсәтәсебез килде. Хореографик тамашаның нигезендә Казан һәм себер татарларының туй йолалары ята”,— ди ансамбльнең сәнгать җитәкчесе Айрат Хәмитов.

Ансамбльнең биючесе Айгөл Кыямова хәзерге заманда да яшьләр туйларда гореф-гадәтләрне чагылдыра башлады, ди.

” Тарихчылардан сорашып, китаплардан карап, без элек-электән килгән йолаларны күрсәтәбез”, – ди Айгөл әлеге музыкаль спектакль хакында.

Дәүләт ансамбленең туй тамашасын 9-10 декабрь Камал театры сәхнәсен күреп булачак.

Запись Татар байларының 19 гасырда туйлары ничек уза [видео] впервые появилась Tatar Today - татар яңалыклары..

Лилия Муллагалиева Ирек Кашаповны нигә судка биргән? [видео]

Лейла — Tue, 17 Nov 2020 10:43:33 +0000

Җырчы Лилия Муллагалиева Камал театры артисты Ирек Кашаповтан ни өчен 130 мең акча таләп итә? Низагны хәл итәр өчен хөкемдарга кадәр барып җитәләр. ГТРК “Татарстан” телеканалында Татарстан Юристлары берлеге белән берлектә, “Хөкемдар” тапшыруы чыга башлады. Яңа шоуның беренче геройлары Татарстанның атказанган артисты Лилия Муллагалиева һәм Камал театры артисты Ирек Кашапов.

Шоу реаль вакыйгаларга нигезләнеп төшерелә. Татар телевидениесендә кеше хокукларына багышланган беренче тапшыру телне популярлаштыру һәм кешеләрнең хокукый белемен арттыруны максат итеп куя Тапшыруның сценариен профессионал юристлар яза.

Хөкемдар ролендә дә чып-чын судья: Татарстанның Конституцион суды аппараты җитәкчесе Әнәс Нуриев. Тапшыру исә студиядә түгел, ә чын суд залында төшерелә. “Хөкемдар” һәр дүшәмбе көнне “Татарстан” телеканалында эфирга чыга.

Шулай ук шоуны телеканалның рәсми сайтында, социаль челтәрләрдә дә карарга мөмкин.

Запись Лилия Муллагалиева Ирек Кашаповны нигә судка биргән? [видео] впервые появилась Tatar Today - татар яңалыклары..

«Бер генә җырчының Илһам Шакировка багышлап концерт куйганы юк иде әле…»

Лейла — Sat, 14 Nov 2020 09:46:45 +0000

2 декабрь көнне «Филармония» концертлар залында Татарстанның һәм Башкортостанның атказанган артисты Илһам Вәлиевның «Илһамнан-Илһамга» дип аталучы концерты узачак. Әлеге чара алдыннан проектның продюсеры Рифат Фәттахов һәм Илһам Вәлиев үзе журналистлар белән очрашу уздырды.

Җырчыны яшәтүнең тагын бер формасы – аның репертуарын яшәтү. Рифат Әхмәтович билгеләп үткәнчә, концертның төп үзенчәлеге – аның Илһам Шакиров башкарган җырлардан гына торуы.
– Билетларның 30 процентын гына сатабыз: безнең һәм сезнең сәламәтлек – беренче урында. Иң затлы тамашачыны җыеп, зәвыклы, сыйфатлы концерт программасы күрсәтергә җыенабыз, – диде ул.

Илһам Вәлиев исә тамашаны килеп күрергә тагын бер сәбәп булуын әйтте:
– Илһам Шакировның җырларын кечкенәдән тыңлап, кушылып җырлап үстем. Шуңа да, концертка әзер, дисәк тә буладыр. Җырларның төрлесен җырлыячакбыз: дәртлесен дә, салмагын да. Тамашачыны кызыксындырырдай дуэтлар да булачак. Кичә кунаклары – Фердинанд Сәлахов, Руслан Сәйфетдинов, Гөлсирин Абдуллина, Рәнис Габбазовлар белән җырларга исәп.

Рифат Фәттахов Илһам Вәлиев кебек профессиональ җырчы белән Ваһапов фестиваленең яшь җырчылары бер сәхнәдә чыгыш ясауны соңгылары өчен зур имтихан булуын да искәртте

Чыганак: Ваһапов фестивале телеграмы

Запись «Бер генә җырчының Илһам Шакировка багышлап концерт куйганы юк иде әле…» впервые появилась Tatar Today - татар яңалыклары..