Архивы татарка - Tatar Today - татар яңалыклары.

Ирина Смелая (ТАТАРКА) яңа клибын тәкъдим итте [видео]

Чулпан — Mon, 18 Sep 2017 16:02:01 +0000

“Алтын” җыры белән популярлык казанган Татарка яңа клибын тәкъдим итә. //Tatar today//

Ирина бу җырын да cloud rap стилендә башкара, бу юлы инглиз телендә. Яңа клип миллион ярымнан артык караучыны үзенә җәлеп иткән инде.

Запись Ирина Смелая (ТАТАРКА) яңа клибын тәкъдим итте [видео] впервые появилась Tatar Today - татар яңалыклары..

TATARKAның яңа клибын бер көндә миллион ярым кеше карый [видео]

Редактор1 editor1 — Wed, 22 Feb 2017 11:55:58 +0000

Татарка псевдонимы белән чыгыш ясаучы танылган Россия блогеры Ирина Смелая үзенең икенче клибын төшергән. «U can take» дигән җырны Татарка тормыш иптәше белән бергә башкара. Татар-инглиз телләрендә башкарылган җырны тәүлек эчендә Youtube каналында 1,6 млн кеше караган инде. Мондый уңышка хәтта кайбер танылган шоу-бизнес йолдызлары да ирешә алмый.

Татарканың беренче клибы да интернет челтәрендә зур танылу тапкан иде.
Ирина Смелая Чаллы кызы. Дүрт ел элек Санкт-Петербург шәһәренә күчеп китеп, бүген шунда иҗат белән шөгыльләнә.

Запись TATARKAның яңа клибын бер көндә миллион ярым кеше карый [видео] впервые появилась Tatar Today - татар яңалыклары..

Видеоблогерларны миллионер ясаган елның иң шау-шулы клиплары: “Алабута”, “Татарка”, Болгардагы “Җаным” [видео]

Редактор1 editor1 — Tue, 20 Dec 2016 12:43:28 +0000

2016 елга да нәтиҗәләр чыгарырга вакыт җитте, дисәк була. Бу елда Ютюбта, интернетның башка каналларында урнаштырылган видео, клиплар арасында кайсысы иң күп каралган икәнен ProKazan.ru белешкән.

“ТАТАРКА – АЛТЫН” клибы

Видеоблогер Ирина Смелаяның бу беренче клибы. Тумышы белән ул Чаллыдан. Ирина «Татарские будни» блогын алып баручы буларак танылган. “Алтын” клибы белән җырчы ике-өч көн эчендә миллионнан артык караучы җыйды. «Little Big» концертында беренче тапкыр халык алдында чыгыш ясаганнан соң, гомумән, хитка әверелде. Бүгенге көнгә, “Алтын” ны 7 миллионлап кеше караган.

Бауманда берничә минут һәм 4,6 миллион караучы

Иң күп караучылар исемлегенең икенче урынында «Злачное место» ансамбле музыкантлары һәм Бөтенроссия, халыкара конкурсларының лауреты, “Black Jack” төркеменең вокалчысы Диләрә Умарова Бауманда берничә минутлык концерт куйганнар. Яннарына үтеп барышлый тыңларга туктаган журналист аларга “Такого, как Путин” җырына уйнарга тәкъдим иткән. Ансамбль бер дә уйлап тормыйча җырлап, уйнап кешене шаккаттырган. Иң мөһиме, бу концерт Россия президенты килергә берничә көн кала куелган.

Видеороликны берничә көн эчендә 1,5 миллион кеше караган, ә ел ахырына кадәр бу видео 4,6 миллион караучыны җыйган.

Ак мәчет янында төшерелгән клип

Хәтерлисезме, үзенең ВКонтакте челтәрендәге сәхифәсенә җырчы Резедә Ганиуллинаның Болгардагы Ак мәчет янында җиңелчә генә киенеп “Җаным” дигән клибын урнаштырган иде. Казанның Кабан арты мәчете имам-хатыйбы Сәетҗәгъфәр хәзрәт Лотфуллин бу клипны тәнкыйтьләп чыкты һәм аңардан тизрәк тәүбәгә килүне, бу видеоны социал челтәрләрдән алып атуны таләп итә. Сүз уңаеннан, ул Ганиуллинаны “стриптизерша” дип тә атап китә.

Җырчы бу клипны тиз арада алып ташлаганы өчен, бүгенге көндә объектив рәвештә караучылар санын әйтеп булмый. Ләкин ул интернетның кайбер каналларында барыбер калды. Караучылар саны 500 гә якын.

Әлмәттә тәрҗемәче “Вечерний Ургант” тапшыруына эләкте

Әлмәттә “Яшел фитнес” проектын ачу тантанасында Дания кунаклары да катнашкан иде. Бездә велосипед инфраструктурасын булдыру эшенә җәлеп ителгән Дания кунагы Майкл Колвилл-Андерсенның сәхнәдәге чыгышын сүзен-сүзгә тәрҗемә иткән тәрҗемәче Беренче каналның “Яңалыклар” һәм “Вечерний Ургант” тапшыруларына эләкте. Әнә шулай итеп нефтьчеләр каласы бөтен Россиягә танылды.

Тәрҗемәченең сүзләре: «Город имеет Айрата Ринатовича (Әлмәт башлыгы) и «Татнефть», но самое главное это то, что он имеет вас. Это самый важный момент».

Әлеге сүзләр Нефтьчеләр мәйданына җыелган йөзләгән кешедә көлке уятты һәм ул көчле алкышларга күмелде. Дания кунагы баш бармагын югары күтәреп, рус телендә: “Хорошо!” – дип куйды. Бу видеоролик “вирус”лы роликка әйләнде. Берничә сәгать эчендә меңләгән кеше карап өлгергән булып чыкты.

“Алабута” җыры – татарча “Лабутены”

«Ленинград» төркеменең «Экспонат” дигән җыры шулай ук зур шау-шу уятты. Аның клибын Ютубта берничә көн эчендә ярты миллион кеше караган. Җырның цензурасыз версиясе дә, телевизорга чыгарырлык тәртипле варианты да бар. Менә хәзер татарча версиясе дә пәйда булды.

«Алабута» җырын Айсылу Габдинова башкара. Продюсер – Илфак Шиһапов. Җырның сүзләре авторы – Данил Сәфәров.

Запись Видеоблогерларны миллионер ясаган елның иң шау-шулы клиплары: “Алабута”, “Татарка”, Болгардагы “Җаным” [видео] впервые появилась Tatar Today - татар яңалыклары..

Казанда Tatarkaның 1нче чыгышында ук 100ләгән яшьләр “Алтын”ны җырлый [видео]

Редактор1 editor1 — Thu, 15 Dec 2016 17:34:11 +0000

14 декабрьда Казанда үткән “Little Big” концертының соңгы номеры булып Ирина Смелая “ТАТАРКА – АЛТЫН” җырын башкарды. “Алтын” хиты белән танылып өлгергән җырчы беренче тапкыр халык алдында чыгыш ясады. //Tatar Today//

Халык Смелаяны күрүгә, җырның музыкасын ишетүгә үк сикерә, кул чаба, ташкан хис-тойгылары белән бүлешә башлады. Җырчы хитын үзе башкармады да диярлек, аның урынына халык үзе җырлады. Бу хит чын вирус сыман, кешеләрне кабыза, җырларга, сүзләрне кабатларга, ятларга этәрә.

Элегрәк әйтеп үткәнчә, видеоблогер Ирина Смелаяның бу беренче клибы. Тумышы белән ул Чаллыдан. Ирина “Татарские будни” блогын алып баручы буларак танылган. Бу клипның режиссеры – хезмәттәше, иптәше Эльдар Джахаров, ә сүзләр авторы булып, Yummy Music Казан лейблы директоры Ильяс Гафаров тора.

Запись Казанда Tatarkaның 1нче чыгышында ук 100ләгән яшьләр “Алтын”ны җырлый [видео] впервые появилась Tatar Today - татар яңалыклары..

Илназ Фазлетдинов TATARKA – АЛТЫН җыры өстенә гармун белән уйнап эксперимент ясый [видео]

Редактор1 editor1 — Wed, 07 Dec 2016 16:25:12 +0000

Үткән атнада татар дөньясында һәм аеруча татар җырчылары арасында видеоблогер Ирина Смелаяның “TATARKA-АЛТЫН” клибы киң резонанс тудырды. Халык шау-шу тудырган клип турында төрле фикер йөртә. Кемдер җырны яңа борылыш итеп кабул итсә, кемдер аны тәнкыйтьләп, татар хатын-кызларын мыскаллау бу, дип әйтә.

Менә яшь блогер, җырчы, баянчы Илназ Фазлетдинов “TATARKA-АЛТЫН” клибына яңа сулыш өргән. “Ира Смелаяның “ALTYN” җырына бераз миллилек керттем үземчә”, дип яза ул. Тальян гармунга татар көен кушып, үзенчәлекле бер иҗат җимеше килеп чыккан аның.

Tatar Today

Запись Илназ Фазлетдинов TATARKA – АЛТЫН җыры өстенә гармун белән уйнап эксперимент ясый [видео] впервые появилась Tatar Today - татар яңалыклары..

Алинә Шәрипҗанова: «Татарка — Алтын» клибы татар хатын-кызларын мыскыл итә”

Редактор1 editor1 — Tue, 06 Dec 2016 06:07:36 +0000

Ике көн эчендә генә Ира Смелаяның «Татарка — Алтын» клибын инде 2 миллионнан артык кеше караган иде. Кемдер бу клипны татарда иң күп каралучы видео ди. Икенче берәүләр кәнәгатьсезлеген белдерә. Шуларның берсе — популяр җырчы Алинә Шәрипҗанова.

“Бу клипны чын татар хатын-кызларыннан мәсхәрәләү, көлү буларак кабул иттем…Әгәр дә һәр татар хатын-кыз шундый булса, безнең милләтебез дә калмас иде”,ди ул.

Алинә әнә шундый фикердә. Үз чиратында Шәрипҗановага да каршы чыгучылар бар. «Сез бөтен татар хатыннары исеменнән ничек сөйли аласыз?» – диләр.

Артистлар.ру

Запись Алинә Шәрипҗанова: «Татарка — Алтын» клибы татар хатын-кызларын мыскыл итә” впервые появилась Tatar Today - татар яңалыклары..

TATARKA – АЛТЫН – 4 көндә 3 миллион караучы җыйган 1нче татар клибы сүзләре [видео]

Редактор1 editor1 — Sun, 04 Dec 2016 20:29:43 +0000

Мин телим хайп, мин телим вайб, мин телим миллион лайк,
Мин телим бу бас белән сине бер мизгелдә аяктан егарга.
Кара миңа: мин очам Боинг кебек синең баш очыңнан.
Әйе, чыннан, сәхнәгә менгәндә минем тел кычыткан.
Бер караштан кызлар йомшак һәм бик оялчан.
Тик эчемнән мин һәрвакыт кычкырам:

Бизнес инде худ, безнең кызлар ут
Бизнес инде худ, безнең кызлар ут

Алтын, алтын, алтын, алтын,
Мин алтын.

Мин алтын, мин алтын,
Мин алтын матур чәчәк.

Нәрсәдән ясалган кызлар? Бәлки, алар ясалган йолдыздан?
Бәлки, алар ясалганнар айның якты нурыннан (кем белә)?
Бриллиант безнең дус (нәкъ шулай) безнең дус инстаграм (нәкъ шулай)
Ләкин күзгә карасам, ашап бетерәм тулысы белән (аааам).

Нәрсәдән ясалган егетләр? Төнлә алар явыз этләр.
Иртәсен уятып булмый, кылана гүя карт мәчеләр (мяу)
Ләкин мин аларны яратам, Ютубтан үземә каратам

Tatar Today

Запись TATARKA – АЛТЫН – 4 көндә 3 миллион караучы җыйган 1нче татар клибы сүзләре [видео] впервые появилась Tatar Today - татар яңалыклары..

Ике көндә миллионнан артык каралган татарча клип татар җырчыларын куркуга салды [видео]

Редактор1 editor1 — Thu, 01 Dec 2016 08:14:40 +0000

29 ноябрь кичендә интернетта татар телендә Tatarka-Алтын дип аталган хип-хоп җырга клип таралды. Музыкаль видео Ютубта бер төндә биш йөз меңгә якын карау һәм биш мең тирәсе комментар җыйды.

Җырны чыгышы белән Чаллыдан булган популяр видеоблогер Ирина Смелая башкара. Трек хип-хоп музыкасының хәзерге вакытта шактый популяр булган агымы – клауд-рэп җанрында язылган һәм Bones, Yung Lean, Pharaoh, Yanix кебек Көнбатыш һәм Русия рэперлары стилендә ясалган. Җырның тексты әлеге жанрга туры китерелеп тирән мәгънәгә ия булмаган, мактану һәм масаю төсмеренә ия булган юллардан тора. Аны әлеге проект өчен махсус Yummy Music төркеме язып биргән. Клип Петербурда төшерелгән.

Видеоның беренче карашка ук коммерция проекты икәне күзгә ташлана. Клипта аның Samsung гаджетына клипмейкерлар ярышы кысаларында төшерелгәне әйтелә һәм ул үзе дә Samsung каналында чыга. Могаен, “Татарка” ләкабы һәм җырның татар телендә булуы бу очракта игътибар җәлеп итү һәм өстәмә пиар өчен кулланыла.

Башкаручы үзе Татарстаннан булса да, татар телен яхшы белми булса кирәк, чөнки көчле акцент белән җырлый. Ә башка видеоларының берсендә татарчаны бөтенләй “шайтан теле” дип атый.

Azatliq.org

Запись Ике көндә миллионнан артык каралган татарча клип татар җырчыларын куркуга салды [видео] впервые появилась Tatar Today - татар яңалыклары..