Архивы Татмедиа - Tatar Today - татар яңалыклары.

Ландыш Нигъмәтҗанованың кызы Ләйләне нинди эшкә чакырганнар?

Alina — Wed, 26 Feb 2020 15:13:41 +0000

«ТАТМЕДИА» АҖ генераль директоры Шамил Садыйков «Татар-информ»да узган матбугат конференциясендә балалар матбугаты чараларын үзгәртү нияте турында әйтте.

Әлеге эшнең беренче адымы — «Салават күпере» журналының яңа концепциясен булдыру. Бу максаттан идеяләр бәйгесе игълан ителде.

«Хәзерге вакытта балалар матбугаты кәгазь журналлар белән генә туктап калмаска тиеш. Максатыбыз балалар өчен милли-мәдәни дөнья барлыкка китерү», — диде Садыйков. Бу нисбәттән «ТАТМЕДИА» бинасында балалар өчен мультимедиа лаборатория булдырылачак, ул үз эченә кәгазь журнал әзерләү, ютуб-каналлар өчен видеоконтент булдыру, блоглар ясау, смартфоннар өчен әсбаплар әзерләү һәм башка юнәлешләрне алачак.

Яңа концепция нигезендә, «ТАТМЕДИА», Татарстан китап нәшрияты һәм «Шаян ТВ» телеканалы өчен яңа уртак геройлар булдыру күздә тотыла.

Шамил Садыйков иҗатчыларны идеяләр бәйгесендә катнашырга чакырды. Әлеге конкурста рәссамнар гына түгел, язучылар, журналистлар, шагыйрьләр, башка иҗат әһелләре дә катнаша ала, диде ул.

Бәйге 2020 елның 2 мартында башланып, 2020 елның 28 апреленә кадәр дәвам итәчәк. Бәйгенең нигезләмәсе «Салават күпере» журналы сайтында урын алган. Бәйгегә жюри әгъзалары итеп балалар, шул исәптән җырчы Ландыш Нигъмәтҗанованың кызы Ләйлә һәм Арслан Сибгатуллин чакырылган.

«Салават күпере» 1990 елның 1 мартында нәшер ителә башлаган, Татарстан Республикасындагы беренче төсле журнал. Быел журнал нәшер ителүенә 30 ел булачак. “ТАТМЕДИА” акционерлык җәмгыяте балалар өчен, “Салават күпере” журналыннан тыш, “Сабантуй”, “Көмеш кыңгырау” һәм “Ялкын” басмалары нәшер итә.

Мәгълүмат Ватаным Татарстан

Запись Ландыш Нигъмәтҗанованың кызы Ләйләне нинди эшкә чакырганнар? впервые появилась Tatar Today - татар яңалыклары..

Казанда “Татмедиа” каршындагы яңа машиналар кем өчен? Президент сәркатипләре эшли беләме?

Лейла — Sun, 22 Sep 2019 12:28:59 +0000

//Татар Тудей//

Без хосусый мәгълүмат чарасы булсак та, хезмәттәшләр эшләгән “Татмедиа” агентлыгы һәм “Татмедиа” акционерлык җәмгыяте яңалыклары белән кызыксынып барабыз. Бу көннәрдә Татарстанның район редакцияләре өчен лада машиналары кайтарылган. Якын көннәрдә өләшәчәкләр, ләкин бу гына журналистикадагы хәлне яхшыртырмы?!
⠀
Ике “Татмедиа”ны да 8 сентябрьдә үткән сайлауга кадәр Татарстан президентларының (Миңтимер Шәймиев, Рөстәм Миңнеханов) матбугат сәркатипләре җитәкләде. Әмма алар җитәкләгәндә матбугатта эшләүчеләрнең эш хакларында үзгәреш булмады диярлек.
⠀
Күптән түгел “Татмедиа”га караган татарстан24 каналы алып баручысы Зөһрә Уразбахтина эшеннән китте, аның аена эш хакы 7500сум булган. Саный китсәң, гаҗәпкә калырлык. Әлдә әле анда эшләүчеләр шул хезмәт хакына Татарстанның булган-булмаган уңышларын мактап яза алалар. Моны бары шул эшкә фанатларча бирелгәннәр генә эшли ала.
⠀
Президентларның сәркатипләренә килсәк, Аллага шөкер, аларның хәлләре бик яхшы күренә, Миңтимер Шәймиевнең элекке сәркатибе “Татмедиа” агентлыгын җитәкләгәннән соң, 8 сентябрьдән Татарстан Дәүләт Шурасына депутатлыкка күчте, алай гына да түгел, Разил Вәлиев җитәкләгән мәгариф, милли мәсьәләләр комитеты рәисе итеп куелды. Разил Вәлиев милли мәсьәләләрдә җитәрлек актив булмады дигән идек, хәзер менә Айрат әфәнде Зарипов ничек булыр инде, сез аның гомумән ниндидер милли фикер, сүз әйткәнен хәтерлисезме? Сез әле аның “Татмедиа”ны җитәкләгәнен дә белмәгәнсез…Аның урынына әлегә кем киләсе билгесез, республикадагы журналистларның эш хакларын арттырырга дигән наказ яңа килүчегә кала…
⠀
АО “Татмедиа”ны җитәкләүче, Рөстәм Миңнехановның элекке сәркатибе Андрей Кузьмин әле үз урынында, мөгаен, яңа машиналарны редакцияләргә ул өләшер.
⠀
“Татмедиа”га кергән редакцияләрдәге коллегаларга сабырлыкларын югалтмый, иҗадилыкларын саклап, яңа машиналарда, яңа шартларда, югары хезмәт хакы алып, сөенеп эшләүләрен телибез!

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Запись Казанда “Татмедиа” каршындагы яңа машиналар кем өчен? Президент сәркатипләре эшли беләме? впервые появилась Tatar Today - татар яңалыклары..

Эльвира Ибраһимова (Мутавалова) истәлегенә багышланган бәйгенең шартлары билгеле

Лэйсирэ — Tue, 18 Dec 2018 05:04:27 +0000

“Татарстан”, “Болгар”, Актаныш радиосы дикторы, Биектау FM радиостанциясенең беренче дикторы, “Ярдәм” милли ислам хәйрия фонды хезмәткәре булган Балтач төбәгенең Таузар авылы кызы Эльвира Ибраһимованың якты истәлегенә багышлап Актаныш районы үзәгендә шигырь бәйгесе оештырыла. Бу хакта оештыручылар хәбәр итә.

Бәйгенең максаты – нәфис сүз осталарын барлау һәм аларга иҗади үсеш өчен шартлар булдыру, аларның иҗади потенциалын үстерү, татар телен, әдәбиятын һәм мәдәниятен пропагандалау һәм шулай ук Актаныш төбәгендә яшәп һәм иҗат итеп, үзеннән эз калдырып киткән шәхес – Эльвира Ибраһимова белән горурлану хисен тәрбияләү.

“Моң кайтавазы” нәфис сүз бәйгесендә теләгән һәр кеше катнаша ала. Конкурс түбәндәге яшь категорияләренә бүленеп карала:

1. Мәктәпкәчә яшьтәге балалар;
2. 1- 4 сыйныф укучылары;
3. 5 — 8 сыйныф укучылары;
4. 9 – 11 сыйныф укучылары;
5. 18 яшьтән өлкәнрәкләр.

Бәйге түбәндәге номинацияләр буенча үткәрелә:

1. Эльвира Ибраһимова репертуарыннан булган әсәрне сөйләү (Эльвира Ибраһимова шигырьләрен https://vk.com/elvira_ibragimova_gr адресы аша таба аласыз);

2. Татар телендә башка әсәрләрне башкару;

3. Видеоязма (видеоязма Актаныш төбәгеннән ераграк урнашкан районнар өчен. Язмаларыгызны kaitavaz@yandex.ru электрон адресына җибәрү сорала).

Бәйгене оештыручылар: Резедә Храмова – “Агыйдел дулкыннары” әдәби берләшмә әгъзасы; Руслан Усманов – “ТАТМЕДИА” АҖ филиалы “Актаныш-информ” җитәкчесе, “Актаныш таңнары” газетасы мөхәррире; Алмазия Мәрданова – “Яшьлек” мәдәни үзәге директоры; Гаязова Нурдидә – Г.Баруди исемендәге 4 нче номерлы Биектау гомуми урта белем бирү мәктәбенең милли мәгариф буенча директор урынбасары.

Бәйгедә катнашу өчен гаризаларны kaitavaz@yandex.ru электрон адресына җибәрергә кирәк. Гариза 15 гыйнварга кадәр кабул ителә.

Белешмәләр өчен телефон: 8 (927) 477-78-16. E-mail: kaitavaz@yandex.ru

tatar-inform

Фото: архив

Запись Эльвира Ибраһимова (Мутавалова) истәлегенә багышланган бәйгенең шартлары билгеле впервые появилась Tatar Today - татар яңалыклары..

“Татмедиа” җитәкчесе хисләнеп, караокеда җырлап утыра [видео]

Редактор1 editor1 — Mon, 06 Feb 2017 08:05:02 +0000

Якшәмбе “Татмедиа” җәмгыяте башлыгы Андрей Кузьмин “Extra Lounge” рестораныннан үзенчәлекле видео чыгарды. Ул анда популяр җырчылар кебек җыр сузып утыра, күңел ача. //Tatar Today//

View this post on Instagram

A post shared by Андрей Кузьмин (@kuzminmedia)

Ул Александр Малининның “Напрасные слова” җырын бик моңлы башкара. Шуңа үзе дә: “Караокеда җырлыйм… күңелем тернәкләнә башлый…”, дип язган. Кызык, “Татмедиа” башлыгы караокеда русча җырлаган кебек, татарча да моңланамы икән?

Запись “Татмедиа” җитәкчесе хисләнеп, караокеда җырлап утыра [видео] впервые появилась Tatar Today - татар яңалыклары..

“Сабантуй” журналы юридик яктан юкка чыга

Редактор1 editor1 — Thu, 12 Jan 2017 13:00:13 +0000

“Татмедиа” җәмгыяте филиалы дип аталган “Сабантуй” журналы редакциясенең юридик статусы бетерелә. Хәзер “Сабантуй” һәм “Ялкын” журналы редакцияләре уртак филиал буларак эшләячәк.

//Azatliq.org//

“Татмедиа” җәмгыяте җитәкчесе Андрей Кузьмин пәнҗешәмбе матбугат очрашуында белдерүенчә, матбугат чарасы буларак “Сабантуй” журналы чыгудан туктамый.

Күптән түгел “Ялкын”ннан аның элекке мөхәррире Йолдыз Миңнуллина китте. Ул вакытта “Сабантуй”ның баш мөхәррире Айдар Гыймадиев әлегә ике басманы берләштерү турында сүз бармый дигән иде.

“Сабантуй”ның беренче саны 1924 елда “Яшь ленинчы” исеме белән басыла. 1991 елда аның исеме “Сабантуй” дип үзгәртелде. Гыймадиев аны 2004 елдан бирле җитәкли.

Атнага бер тапкыр басылган “Сабантуй” газеты 2014 елдан 20 битлек журнал форматында айга ике тапкыр чыгуга калды. “Татмедиа” җитәкчесе сүзләренчә, бу финансларга бәйле. “Сабантуйны” киләчәктә ешрак чыгару күз уңында тотылмый, диде Кузьмин.

Элегрәк “Сәхнә” һәм “Салават күпере” журналлары бер редакция буларак берләштерелгән иде. Ике журналны да Зиннур Хөснияр җитәкли.

Андрей Кузьмин кайбер редакцияләрне оптимальләштерү процессы бара дип белдергән иде. Шул ук вакытта ул бер генә газет-журнал да ябылмаячак, диде.

2016 елның 5 октябрендә Intertat.ru һәм sntat.ru электрон газетлары “Татар-информ” мәгълүмат агентлыгына кушылды.

Запись “Сабантуй” журналы юридик яктан юкка чыга впервые появилась Tatar Today - татар яңалыклары..

Сабада Салават концертында татар журналлары укучылар эзләп маташа [видео]

Габдулла Тукай — Mon, 21 Mar 2016 00:41:43 +0000

Үткән атнада Татарстанның Саба районында узган Салават Фәтхетдинов концертында татар журналлары тәкъдим ителә. Татмедиа милли басмаларны Салават тамашаларына төреп сатуга керешкән.

17 мартта Саба мәдәният йортында үткән Салават концертында Татмедиа карамагындагы татар редакцияләре хезмәткәрләренең журнал тәкъдим итү очрагы беренчеләрдән түгел икән. Моңа кадәр алар күренекле җырчы белән Чаллы, Мамадышда булып кайтканнар. Максатлары – милли басма матбугатка реклам ясау һәм укучыларны, тиражны арттыру. Әйтүләренә караганда, Татмедиа агентлыгы башлыгы Андрей Кузьмин үзе Салават Фәтхетдинова белән сөйләшеп, аның концертында татар журналларын рекламаларга, сатарга килешәләр. Хәтта ки, Салават әфәнде сәхнәдән торып та бу хакта халыкка әйтер дип көтелә, әмма әлегә беркем дә татар журналлары укыгыз, язылыгыз, сатып алыгыз дигән сүзен ишетми.

Татарстан президенты Рөстәм Миңнехановның туган ягында үткән Салават концертындагы тамашачыларга мәдәният йорты фоесында “Сәхнә”, “Сөембикә”, “Сабантуй”, “Салават күпере”, “Гаилә һәм мәктәп” журналлары тәкъдим ителә. Журналларны күрсәтү белән беррәттән, Татмедиа аларны күпләп сату максатын да куйган булган. Ләкин барлык басмалар да бертигез дәрәҗәдә кызыксыну уята алмаган.

“Казан утлары”, “Сөембикә”, “Гаилә һәм мәктәп” басмаларын берничә дистә алдылар. Чөнки аларның аудиториясе – олы яшьтәге кешеләр һәм алар концерт тулы иде. Ә “Сабантуй” журналына килсәк, мондый чарага балалар йөрми, шәхсән үзем өчне сата алдым”, ди “Сабантуй” балалар журналы вәкиле Айсылу Мөхәмәтҗанова. Аның фикеренчә, аудиториясе Салават концертына туры килмәгән “Сабантуй”ны мәктәпләрдә яки малайлар-кызлар күп булган чараларда рекламларга кирәк.

Шунсы да билгеле, кайбер басмалар сату әйбәтрәк барсын өчен өстәмә кызыксындыру чарасы да уйлаганнар. Мәсәлән, “Салават күпере” журналы вәкилләре басманы балалар уенчыкларына төреп сатырга тырышкан. Бу алым аларга күпмедер уңыш та китергән.

“Казан утлары” журналыннан Гөлзада Бәйрәмова татар матбугатының тауарга әйләнүен белдерде. Аның сүзләренчә, журналистлар басманы чыгарудан тыш, урнаштыру, сату, укучыларны табу белән дә шөгыльләнергә мәҗбүр.

Бүген “Казан утлары”ның дүрт меңләп абунәчесе бар икән. “Бу бик әйбәт күрсәткеч дисәм, ялгышмам. Ләкин яхшылыкның чиге юк. Йөз тапкыр сөйләгәнче, бер тапкыр күрүең хәерлерәк диләр бит. Укучыларның журналны чыгаручылар белән очрашуы, алар белән аралашуы, турыдан-туры журналда нәрсә чыкканнарын аңлатып бирү – бик кирәкле гамәл”, ди Гөлзада Бәйрәмова.

Журналист Фәнил Гыйләҗев фикеренчә, “Казан утлары” борынгы басма булганга күрә, күпләр аны оныта башлаган, “Журнал әле дә чыга мени соң, исән мени ул?” дип сорыйлар икән.

“Язучылар, журналистлар һәрвакыт халык арасында булырга тиеш. Үзләренең журнал-газетларын редакциядә утырып язып кына халыкка ирештереп булмый. Халык арасында йөреп, күпмедер үзеңне, язган әсәрләреңне күрсәтә аласың икән, бу кешедә кызыксыну уята һәм матбугат чарасына язылу теләге арта”, ди Фәнил.

Әлеге чараларда журналлар тәкъдим итүчеләрдән шунсы да мәгълүм булды: Татмедиа Салават концертында сату, яздыру өчен барлык шартлар булдырса да, редакциядән баручылар турында уйлап бетерми.

“Аша-эчү, әлбәттә, булмады. Фое салкын иде, ишектән кеше йөреп торганга, суык тидереп кайттым. Салават Фәтхетдинов безнең янга чыгып та карамады, сәхнәдән дә берни әйтмәде. Мәдәният йорты халык белән тулы иде, концерт програмында Казанда үткән тамашасы кабатланды, Илһам Шакировка сәхнәдә һәйкәл куеп, “Түшәк” кебек шаян җырларын башкарды. Бары тик Саба районы башлыгы Рәис Миңнеханов кына концертка керешли, “Сатыламы кызлар?” дип тиз генә узып китте”, диде Айсылу Мөхәмәтҗанова.

Запись Сабада Салават концертында татар журналлары укучылар эзләп маташа [видео] впервые появилась Tatar Today - татар яңалыклары..

Казанда Тукай музее төзекләнеп, дәүләт сайтлары татарча яза башлармы?

Габдулла Тукай — Mon, 22 Feb 2016 23:10:13 +0000

Казанда татар мөхәррирләре, язучы-шагыйрь катнашында Тукайның 130 еллык юбилеена багышланган түгәрәк өстәл үтте. Әлеге чараны оештыручылар махсус халыкара ана теле көне алдыннан уздырырга булган. Анда Казандагы Тукай музееның аянычлы хәле, татар теленең кулланышы кимү проблемнары күтәрелде.

19 февральдә үткән түгәрәк өстәлне Татмедиа җәмгыятенең җитәкчесе урынбасары Сөмбел Таишева алып барды. Ул бу очрашуны Татарстан Дәүләт шурасының мәдәният, фән, мәгариф һәм милли мәсьәләләр комитеты рәисе Разил Вәлиев тәкъдиме белән үткәрелүен белдерде.

“Бездә һәрчак эшне соңгы чиккә калдыралар, тик моның кадәр үк булганы юк иде әле. 2018 елда үтәчәк Максим Горький юбилеена Путин үзенең указын өч ел элек чыгарды. Ә без Тукай туган көненә быелның 19 гыйнварында гына әзерләнә башладык. Үзем президентка “Тукайның юбилее, беркая берни эшләнми”, дип хат язгач кына, ашык-пошык чабыша башладылар”, ди дәүләт шурасы депутаты.

Быел мәшһүр халык шагыйре Габдулла Тукайның 130 еллык юбилее уңаеннан Татарстанда төрле чаралар көтелә. Арча районында яңа бюстын булдыру, интернетта порталын яңарту, башка мәдәни чаралардан бигрәк, Татмедиа үткән түгәрәк өстәл сөйләшүендәге татар язучы-шагыйрьләрен, мөхәррирләрне борчыган төп мәсьәләнең берсе – Казанда Тукайның дистә еллар төзекләндерелмәгән музее булды.

Халык шагыйре Зиннур Мансуров, Тукай йөз елдан артык үзенең шәхесе, иҗаты белән татар халына хезмәт итә, ә без аның музеен да тиешле дәрәҗәдә булдыра алмыйбыз, ди. Аның фикеренчә, татар халкы Тукайга бурычлы булуын онытырга тиеш түгел.

“Читтән килгән туристларны Тукай музеена алып керергә оят, түшәме коела. Төзекләндерү өчен нигә язучының юбилеен көтәргә? Һәр биш ел саен ремонтка мәдәният министрлыгы акча таба алмый мени?! Тукайга аерым мөнәсәбәт булырга тиеш. Республика шәһәрләренең башка музейлары Тукайныкы белән чагыштырганда төзек хәлдә, Тукайныкы җимерелеп төшәргә тора”, диде ул музейларның торышына җавапле түрә-җитәкчеләрне шелтәләп.

Тукай музее хезмәткәре Резеда Нәгыймуллина белдергәнчә, бүген төзекләндерү эшләре башланган. Төзүче инженерлар бинаны карап, үлчәп йөри икән. Ләкин Тукай туган көненә тулысынча яңарту икеле.

Очрашуда Тукай яшәгән Болгар номерлары, “Амур” кунакханәсе турында да фикерләр яңгырады.

“Без үз вакытында Тукайның “Болгар номерлары”н югалттык. Җимерелер хәлгә җиткән иде дип акланабыз. Карап тормагач, әлбәттә, җимерелә. Аны без җимердек”, ди Зиннур Мансуров. Әдипләр фикеренчә, ул бинада Тукай җылысын сеңдергән бер кирпеч ташы да калмаган.

Заманында Тукай Фатыйх Әмирхан белән яшәгән “Амур” кунакханәсенең исемен кайтару нияте дә яңгырады. Ләкин әлеге кунакханә дәүләт карамагында түгел, хуҗасы риза булуы хакында шик туды.

Язучының 125 еллык юбилеена интернетта Габдулла Тукай порталы булдырылган иде. Әлеге мәгълүмати сайтны Интертат редакциясе алып барган. Тукай порталы киң кулланылышлы аудитория өчен бердән-бер сайт булып тора икән. Җыелышта Разил Вәлиев, бу сайт искергән, аны яңартырга яисә яңа сайт булдырырга кирәк, дигән фикер белән чыкты.

“Сайтта булган мәгълүматны бетермәскә иде, чөнки аны яңадан торгызу күпкә авыррак булачак. Тукай порталы бернигә дә карамастан яшәргә тиеш. Аннан бөтен дөнья татарлары куллана алырлык булсын”, диде Вәлиев. Ул Татарстанның дәүләт сайтларыннан, ике телле алып барылучы уңай мисал буларак президент Рөстәм Миңнехановныкын гына атый алды, калган министрлыклар, туризм комитеты кебек идарәләрнең татар телен санга сукмавын һәм бу тел куллану мәсьәләләрен башкарасы эшләрнең күплеген белдерде. Сөмбел Таишева да Татмедиа җәмгыяте эшчәнлегенең, рәсми сайтының татарча алып барылмавын борчылып сөйләде, Разил Вәлиевтан бу мәсьәләне чишәргә ярдәм сорады.

Запись Казанда Тукай музее төзекләнеп, дәүләт сайтлары татарча яза башлармы? впервые появилась Tatar Today - татар яңалыклары..