Радик Фәрхуллин – гомерен телевидениегә багышлаган шәхес. Радик Фәрхуллин рус теле һәм әдәбияты укытучысы булып эшли, «СТС-Казань» телеканалы уздырган кастингта катнашып, йөзләгән кеше арасыннан сайлап алына. Корреспондент, аннары «Время новостей» яңалыклар тапшыруы алып баручысы була. 2003 елда ТНВ каналына килә, 2005 елда рус телендәге яңалыклар программалар дирекциясенең баш редакторы итеп билгеләнә, 2012 елда — «ТНВ-Планета» каналының яңалыклар хезмәтен җитәкли. 2016 елдан «Новости Татарстана» тапшыруы проюсеры. 2023 елда аңа Татарстан Республикасының атказанган матбугат һәм массакүләм коммуницияләр хезмәткәре дигән мактаулы исем бирелә.

Хушлашу мәрасименә килгән кешеләр аның шат күңелле, игелекле, ачык чырайлы, беркайчан беркемгә дә тупас сүз әйтмәгән, тавышын күтәрмәгән, беркемне дә кимсетмәгән җитәкче буларак искә алды. Радикның яраткан гыйбарәсе – “Все добра!” дип язуын кат-кат искә алдылар. Кәефе нинди генә булуга карамастан, Радик хезмәттәшләренә чатта көн саен шундый яхшы теләк, кәефне күтәрә торган фотолар, хәбәрләр җибәрә торган булган.

Радик соңгы унике елда яман шеш белән авырый. Әмма хезмәттәшләре аның беркайчан да зарланмавын, хәле нинди генә булса да, эшләргә, позитив яңалыклар җиткерергә дигән омтылышта булуын искә төшерделәр.

“Без телевидение гаиләсенең бик матур, бик талантлы, бик кирәкле улын югалттык, – дип сүз башлады ТНВ генераль директоры Илшат Әминов. – Без матәм җыелышын биредә – телевидениедә үткәрергә булдык, чөнки Радик бу юлдан 22 ел эшкә йөрде. Үз тормышының иң бәхетле минутларын безнең белән үткәрде. Ул яхшы алып баручы, оештыручы гына түгел, яхшы күңелле кеше иде. Ул үзен чын ирләрчә тоткан кыю егет. Шуның кадәр күп кеше җыелышып килгән икән, димәк ул сезнең күңелегездә эз калдырган.

Ул эшен бик бик яратты һәм эшләргә тели иде әле. Узган атнада гына күрештек, янына кердек, дөресен генә әйткәндә – хушлашырга… Ул кислородта утыра иде. Шулай да шаяртты, көлде. Аңа авыр икәне күренеп тора иде, әмма ул бер генә сүз дә әйтмәде. “Телевизор карыйм, яшьләр күп, хаталары да күп, мин киләм дә, төзәтәм әле аларны”, диде. “Кил, билгеле, Радик, бергә төзәтербез”, – дидем. Мин аның батырлыгы алдында баш иям. Чөнки ул унике ел диярлек авырды. Гел эшкә йөрде. Химиятерапия узганнан соң, эшкә килә иде – аягында көчкә басып тора, үзе эштә. “Килмә инде эшкә, ял ит”, ди идем. “Бу миңа яшәргә булыша”, ди иде ул. Андый кешеләр аз була, билгеле. Мин алай яши алыр идем микән – әйтә алмыйм”, – дип сөйләде Илшат Әминов.

“Татарстан” телерадиокомпаниясе генераль директоры Фирдүс Гыймалтдинов та Радик Фәрхуллинның нык кеше булуын искә алды. “Аның йөзендә һәрвакыт елмаю иде. “Нурлы кеше” диләр андыйны. Хәлгә керә белә, әмма нык иде характеры. Ләкин “юк” дигәндә дә ул елмаеп әйтә иде”.

Яңалыклар хезмәте җитәкчесе Сәрия Хәбибуллина аның хезмәттәшләренә ачуланып әйтә торган сүзләрен искә төшерде. “Вакытында материалны тапшырмасаң, мин сине балконнан атам”, дип әйтә торган булган Радик Фәрхуллин. “Бездә балкон юк, шуңа да аның бу шаяртуын “Радик шаяртуы” дип кабул итәләр иде”, диде ул. Ул шулай ук Радикның яраткан сүзе турында телгә алуга, хезмәттәшләре “Всем добра” дигән сүз икәнне искә төшерде.

Радикның бертуган абыйсы хезмәттәшләренә рәхмәт әйтте.

“Мин аның ни өчен шулай эшкә яратып йөргәнен аңладым. Аның шушындый дус коллективы булган икән. Мин соңгы көннәрдә генә аның ни дәрәҗәдә авырганын, әмма бу хакта беркемгә дә белдерми кала алган кыю ир икәнен аңладым. Мин абыйсы булсам да, шулкадәр нык түгел дип уйлыйм үземне. Барыгызга да зур рәхмәт!” – диде абыйсы.

Хушлашу мәрасименә Радикның әнисе, хатыны да килгән иде. Радик соң өйләнгән, аның кызы 1 класста гына укый. Радикның әнисе дә, хатыны да сүз әйтә алырлык түгел иде. Сүз уңаеннан, Радикның хатыны шулай ук ТНВда эшли.

Радикны Тынычлык бистәсе зиратында җирләделәр.

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись “Телевидение гаиләсенең бик матур, бик талантлы, бик кирәкле улын югалттык” – Радик Фәрхуллин белән хушлашу впервые появилась Tatar Today - татар яңалыклары..

Радик Фәрхуллинга 49 яшь иде. Ул соңгы елларда озакка сузылган көчле авыру – яман шештән интекте. Журналистның кызы беренче класста гына укый иде.

Радик Фәрхуллин белән хушлашу бүген, 10 апрельдә, 13.00 сәгатьтә ТНВ бинасы каршында (Шамил Усманов урамы, 9 йорт) узачак. Ул Тынычлык бистәсендәге зиратка җирләнә.

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись ТНВ журналисты Радик Фәрхуллин белән хушлашу урыны һәм вакыты билгеле впервые появилась Tatar Today - татар яңалыклары..

Радик Фәрхуллин озак вакытлар авырган, дип хәбәр итә телеканал.

Радик Фәрхуллин рус теле һәм әдәбияты укытучысы булып эшли, аннары «СТС-Казань» телеканалында корреспондент, аннары «Время новостей» яңалыклар тапшыруы алып баручысы була. 2003 елда ТНВ каналына килә, 2005 елда рус телендәге яңалыклар программалар дирекциясенең баш редакторы итеп билгеләнә, 2012 елда – «ТНВ-Планета» каналының яңалыклар хезмәтен җитәкли. 2016 елдан «Новости Татарстана» тапшыруы проюсеры. 2023 елда аңа Татарстан Республикасының атказанган матбугат һәм массакүләм коммуницияләр хезмәткәре дигән мактаулы исем бирелә.

— Татарстанның беренче президенты Минтимер Шәймиевның чит илгә визитлары, президент Рөстәм Миңнеханов катнашындагы халыкара чараларны яктырткан материалларын республика җитәкчеләре белән ничек эшләргә икәнен күрсәткән мисаллар дип күрсәтергә була. Ул үзен мөстәкыйль, җаваплы, тырыш, инициативалы хезмәткәр итеп күрсәтте. Ул эшенә намуслы карады, профессиональ үсешкә омтылды, аналитик фикер йөртте, вәзгыятьне тиз генә бәяли алды. Коллективта максатлар куеп, хезмәткәрләрнең эшләрен тәртип белән алып барды. Аның үз профессиясенә мәхәббәте карьерасын гына түгел, язмышын да билгеләде, диелә ТНВ хәбәрендә.

 

“Синең безнең белән булмавыңа ышануы кыен. Хуш, дустым, бәхил бул. Очрашканга кадәр. Беркем дә безгә язмыш күпме вакыт биргәнен белми. Син озак көрәштең һәм чәчәк атып торган чагыңда киттең. Безне бүген искиткеч кеше, хезмәттәшебез Радик Фәрхуллин ташлап китте”, – дип язган дусты Владислав Зиновьев.

Радик Фәрхуллин озак еллар яман шеш белән авырган иде. Хезмәттәшләре әйтүенчә, ул берара каты итеп авырган, аңа химиотерапия дә ясаганнар, әмма ул яшәп, эшләп китәргә көч тапкан. Әмма соңгы ярты елда  кабат авырый башлый һәм бүген төнлә китеп тә барган. Радик Фәрхуллин өйләнгән, беренче класста укучы кызы бар иде.

Радик Фәрхуллин белән хушлашу бүген, 10 апрельдә, 13.00 сәгатьтә ТНВ бинасы каршында (Шамил Усманов урамы, 9 йорт) узачак. Ул Тынычлык бистәсендәге зиратка җирләнә.

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись ТНВ яңалыклар хезмәте продюсеры Радик Фәрхуллин вафат впервые появилась Tatar Today - татар яңалыклары..

Чыганак: ТНВ

Запись “Башваткыч” тапшыруында яңа алып баручы! Кастингта кемнәр катнашты? впервые появилась Tatar Today - татар яңалыклары..

“Җәмәгать, сәламнәр! Бу фотода аңлашыла инде, әйе, ТНВдан киттем. Башка кешеләрдән төрле имеш-мимешләр ишеткәнче, үзем хәбәр итәргә булдым. Юк, берәү белән дә сүзгә килмәдек, талашмадык-сугышмадык,” – дигән  алып баручы.

Зөлфәт параллель рәвештә Татар радиосында да иртәнге тапшырулар алып барган. Шуңа күрә ТНВ җитәкчелеге аны сайлау алдына куйган: я радио, я телевидение.

“Телевидениегә 2000 нче елда килеп кергән идем, 20 ел вакыт үтеп тә киткән! Ужыс, куркыныч саннар… Башваткычны инде 5 елдан артык алып барам, тамашачылар да ялыккандыр, нинди дә булса яңалык кирәк дип кат-кат уйлаганнан соң радионы сайларга булдым. Нәрсә дисәң дә, иҗат юлымны 11 нче сыйныфта укыганда ук радиодан башлаган идем бит…” – дип аңлатып киткән Зөлфәт Зиннуров.

View this post on Instagram

A post shared by Зульфат Зиннуров (@zulfat_zinnurov)

Запись Зөлфәт Зиннуров: “Башка кешеләрдән төрле имеш-мимешләр ишеткәнче, үзем хәбәр итәргә булдым” впервые появилась Tatar Today - татар яңалыклары..

Бу елның 31 июлендә дөньядагы барлык мөселманнар иң олы бәйрәмнәрнең берсен – Корбан гаетен каршылый. Бәйрәм рухы һәр йортка керсен һәм милләттәшләребез дин кардәшләргә кушылып гает куанычын тоя алсын өчен, Казан шәһәренең Галиев мәчетеннән Корбан бәйрәменең турыдан-туры трансляциясе оештырылачак. Татарстан мөселманнарының башлыгы, мөфти Камил хәзрәт Сәмигуллинның бәйрәм вәгазен һәм мәчеткә килгән мөселманнарның җәмәгать белән укыган гает намазын туры эфирда “ТНВ Татарстан», «ТНВ Планета» һәм “Хозур ТВ” телеканалларында, шулай ук ТР МДН-ның dumrt.ru сайтында һәм «Хозур ТВ»-ның YouTube-каналында күзәтеп булачак.

Республиканың гает хөрмәтеннән узган төп чаралары Галиев мәчетеннән торып 31 июльдә иртәнге сәгать 3.30-ан күрсәтелә башлаячак. Бу вакытта Коръән укуны ишетеп булачак. 3.45-тә мөфти Камил хәзрәт Сәмигуллин гадәттәгечә Татарстан өммәтенә гает вәгазе белән мөрәҗәгать итәчәк. Аңа ияреп җәмәгать белән укылган гает намазын иртәнге 4.15-тә карап булачак.

Корбан гаетенең трансляциясен шулай ук кабатлау рәвешендә дә карарга мөмкин. 31 июль көнне «ТНВ Татарстан» каналында ул 15.05 сәгатьтә, «ТНВ Планета» каналыда 12.20 сәгатьтә күрсәтеләчәк. Моннан тыш, Галиев мәчетендә узган гаетнең язмасын “Россия 1” телеканалында сәг. 9.00-дә карап булачак.

Чыганак: ТАТАРСТАН РЕСПУБЛИКАСЫ МӨСЕЛМАННАРЫНЫҢ ДИНИЯ НӘЗАРӘТЕ

Запись Корбан бәйрәмен турыдан-туры эфирда Казанның Галиев мәчетеннән “Хозур ТВ”, ТНВ, “Россия1” телеканалларында һәм мөфтият сайтында карап булачак впервые появилась Tatar Today - татар яңалыклары..

«Яңа Гасыр» телеканалы эфиры 7.00 сәгатьтән 23.00 сәгатькә кадәр Бөек Җиңүнең 75 еллыгына багышлана.

Чыганак: ТНВ

Запись 9 май ТНВда “Җиңү көне” телемарафоны узачак впервые появилась Tatar Today - татар яңалыклары..

Коронавирус таралу куркынычы һәм өлкәннәрнең бу вируска күбрәк дучар булуы сәбәпле, “Яңа Гасыр” телеканалы 30 марттан “ТНВ – өлкәннәр өчен” сәхифәсен башлап җибәрә. Көн саен 11:00 сәгатьтән “ТНВ-Татарстан” һәм “ТНВ-Планета” каналларында сез яраткан фильмнар, спектакльләр, концертлар күрсәтеләчәк.

View this post on Instagram

A post shared by Телеканал ТНВ (@tvtnv)

Бу көннәрдә бергә булыйк, күңелне төшермик, өйдә булган вакытны кызыклы уздырыйк, диде Татар Тудейга ТНВ каналының матбугат хезмәте.

View this post on Instagram

A post shared by Телеканал ТНВ (@tvtnv)

Запись Коронавирус сәбәпле ТНВ каналы эфирында үзгәрешләр булачак впервые появилась Tatar Today - татар яңалыклары..

ТНВ каналында “Адәм белән Һава” тапшыруының ябылуы тамашачыларны борчуга салды. Күп тамашачы үз тарафыннан, телеэкраннарда дәрәҗәле урын алган әлеге тапшыруның ябылуына каршы булуын белдерде. “Адәм белән Һава”  тапшыру гына түгел, ә зәвыклы концерт-тамаша да. Казанның Филармония залында 9 гыйнвар узган әлеге концерт, тапшырудагы кебек үк кеше белән бер элемтәдә, интерактив форматында узды, һәм хәтта, эстрададан югалып торган, ләкин тамашачы күңелен яулаган артистларны да халык хозурына чыгарды.

Концертта чыгыш ясаган артистларның бөтенесе диярлек “Адәм белән Һава” тапшыруының геройлары. Сәхнәгә халык күңелен күптәннән яулаган, әмма соңгы арада эстрадада сирәк күренгән җырчылар да катнашты. Алар арасында Асылъяр һәм Дәниф Шәрәфетдинов иде. Моның өчен тамашачы оештыручыларга аерым рәхмәт сүзләрен белдерде. Асылъяр исә, Ләйлә Дәүләтова әйдәп барган тапшыруда катнашмаган бердәнбер җырчыдыр мөгаен:

— Ләйлә белән без күптәннән таныш. Баштан, аның турында, әлбәттә, шигырьләренә язылган җырларны тыңлап белдем, аннан үзе белән танышып аралаша башладык. Бүгенге көндә мин башкарган бер генә җырыбыз бар, ул да булса “Мәхәббәт көче” дип атала, алга таба тагын уртак иҗат җимешләребез булыр дип өметләнәм. Ләйлә оештырган концертта җырлау бик рәхәт, чөнки ниндидер бер табигый, иркен нотада уза тамаша, дип сөйләде Асылъяр.

Сүз уңаеннан, җырчы “Адәм белән Һава” тапшыруын бик рәхәтләнеп караганын әйтте, һәм аның ябылуы хакында Татар тудей хәбәрчеләреннән генә белгән икән. Асылъяр бу күренешкә үз фикерен белдерде.

— Бу тапшыруны гаиләбез белән карыйбыз һәм аның ябылуы хакында сездән  беренче ишетәм, һәм әйтәсем килә, андый тапшыру бетәргә тиеш түгел. Гомүмән, һәр милләттә гаилә кыйммәте-иң төп кыйммәтләрнең берсе, ә татарда инде ул бигрәк тә. Гаиләле кешегә бөтенләй икенчерәк караш бит бездә, гаиләле-төпле кеше димәк дип карыйлар бит. Милли кыйммәтләребезнең төп нигезләренең берсе-гаилә, минемчә. Шуңа күрә, мондый тапшыру булырга тиеш. Беренчедән, ул тапшыру тамашачыга гаилә кыйммәтләренең әһәмиятен күрсәтсә, икенчедән, татар телебезне саклауда һәм үстерүдә зур ярдәм куя, чөнки бүгенге көндә телебез бетте диярлек, бары тик аһәңнәре генә калды. “Адәм белән Һава” телне саклауның бер юнәлеше иде. Мондый тапшырулар булырга тиеш, чөнки анда төрле гаиләләрне күрсәтәләр, гаилә булгач балаларга да сораулар бирәләр, фикерләрен беләләр. Тапшыруны бит олылар гына түгел, балалар да карый, ә телевизордан, интернеттан күрсәткән күренешләр популяр дип санала. диде җырчы.

Тамаша җырлар белән генә чикләнмәде, сәхнәдән пародияләр дә яңгырады. Халык тарафыннан аерым җылы кабул ителгән һәм алкышларга күмелгән чыгышларның берсе Фирдүс Тямаев һәм Русия президенты Владимир Путинга ясалган пародия иде. Пародияләрне, концертны алып барган Айнур Сөләйманов башкарды. Путинга ясалган пародиядә “Адәм белән Һава” тапшыруы ябылуы телгә алынды. Имеш тә нәкъ менә шул сәбәпле Путин бирегә килгән һәм әлеге мәсьәләне чишәргә җыена.

Популяр җырчы Дәниф Шәрәфетдиновның сәхнәгә чыгуы тамашачыларның күңелен тагын да күтәрде. Җырчының эстрададан югалып торуы халыкны борчуга салган булган. Искәртеп үзганча, тамаша интерактив рәвештә барды, тамашачылар Дәниф Шәрәфетдиновка сораулар яудырып, аның сәламәтлеге хакында, кайчан концертлары башлануы хакында сорашты һәм концертны оештыручы Ләйлә Дәүләтовага мондый артистларны күрергә мөмкинлек биргән өчен олы рәхмәтләрен белдерде.

Тамашада катнашкан популяр инстаблогер, инвалид арбасында булган Миләүшә Зарипова “Адәм белән Һава” тапшыруы аның тормышын ничек үзгәрткәне турында сөйләде.

— Бер көнне кибеттә булган вакытта “Эх, “Адәм белән Һава” тапшыруында катнашсам иде” дип хыялланып алдым. Ышанасызмы, биш минут та үтми Ләйлә Дәүләтова “Миләүшә, сезне тапшыруымда катнашырга чакырмакчы идем”, дип шалтырата. Чын могҗиза булды бу. Ул вакытта нәкъ инстаграмымны үстергән чакларым иде, шушы тапшыруда катнашканнан соң, бик күп кеше минем белән кызыксына, таный башлады. Шуның өчен мин Ләйлә Дәүләтовага бик рәхмәтлемен. Ул артистларны гына түгел, безнең кебек, әйтик мөмкинлекләре чикле булган, кешеләрне дә чакырып халыкка таныта. Бу бик мөһим һәм әлеге тапшыруның әһәмияте дә шунда иде. Инде тапшыру ябыла дигәч мин үзем дә бик борчылдым. Миңа калса, тапшыруны бетерергә ярамый, һәм Ләйлә моңа юл да куймас, ул барыбер берәр җаен табып тапшыруны алга таба да дәвам итәчәк дип өметләнәм, диде безгә Миләүшә ханым.

Әйе, дөрестән дә, тапшыруның авторы һәм алып баручысы Ләйлә Дәүләтова тапшыруны ябарга җыенмый. Барлык нечкәлекләрен безгә сөйләмәсә дә, тапшыруның һичшиксез дәвамы булачагы турында әйтте.

— Концертта катнашкан барлык артистларга да зур  рәхмәт, чакырганнары да, чакырмаганнары да килде. Ә тапшыруга килгәндә, кайгырырга кирәк түгел. Әйе, ул ябылды, ләкин халыкның моңа карата булган көчле реакциясе, үземә зур көч өстәде һәм, Аллаһ бирсә, ачырбыз дип уйлыйм. Төп төгәл ничек һәм кайчан икәнен әлегә әйтә алмыйм, ләкин “Адәм белән Һава” алга таба да тамашачыны яңа геройлар белән сөендерәчәк һәм тагын да яхшырак һәм кызыклы булачак. Тапшыруның форматын үзгәртәсем, яңалык өстисем килә. Әлегә шул үзгәртү өстендә эш алып барабыз. Камиллекнең чиге юк, шуңа күрә тагын да кызыграк итеп эшләргә ният, чөнки кеше нәрсә карарга тели -аңа шуны бирергә кирәк, дип әйтте Татар тудейга шагыйрә Ләйлә Дәүләтова.

“АДӘМ БЕЛӘН ҺАВА”НЫҢ УЗГАН ЕЛГЫ КОНЦЕРТЫ

Запись “Адәм белән Һава” концертында тамашачылар, җырчылар ТНВда тапшыруның ябылуына каршылык белдерде [видео] впервые появилась Tatar Today - татар яңалыклары..

“Болгар радиосы” милли музыкаль премиясе лаеклыларны барлап, җиденче мәртәбә тапшырылды. 14 декабрь Казанда тамашачылар яраткан артистлары белән бергәләп аларның уңышларына сөенде. Яңа исемнәр, аермалы сәхнә бизәлеше, заманча җырлар белән бергә үрелеп барган ретро җырлар һәм күптән көтелгән яңалыклар-боларның барысын “Пирамида” күңел ачу үзәгендә узган “Болгар радиосы” милли музыкаль премиясен тапшыру тантанасында күреп булды. Алып баручылар, артистлар тарафыннан да, әлеге премиянең бары тик халык сайлап алганнарга гына тапшырылганына акцент ясалды.

Тантананы гадәттәгечә Рөстәм Гәйзуллин белән Илфар Кәримов һәм шулай ук, ир-атлар төркемен җанландырып җибәрүче, Татарстан Яңа гасыр каналы аша таныш булган Эльвира Фазлыева да алып барды. Концертны тамаша кылган, ТНВ каналы башлыгы Илшат Әминов, аларга карап үзендә дә милли премияне тапшыру тамашасын алып бару теләге тууын әйтте.

“Мин залда утыруга караганда сәхнә артында булып мондагы атмосфераны тоярга яратам. Сәхнәдә-әзерләнеп куелган күренеш, ә артында тормыш гөрли. Дөресен генә әйткәндә, миндә алып баручы ролен башкару теләге туды. Мин элек тә шигырьләр сөйләп, тамашалар алып бара идем. Ләкин әлегә татар телен белү дәрәҗәсен күтәрергә кирәк, чөнки болай гына сәхнәгә чыгып булмый. Кызыклы булсын дисәң-импровизация кирәк. Мин үзем ипровизацияне бик яратам, әмма ул әйбәтләп әзерләнгән булырга тиеш”, диде Әминов Татар Тудейга.

Илшат әфәнде шулай ук, җыр авторларын, композиторларны да бәяләп, аларга мәртәбәле дипломнар тапшыру күренеше әлеге тамашаны башкалардан аерып тора диде. “Яшь, яңа исемнәрне халыкка чыгарып, аларга иҗатта дөрес юнәлеш күрсәтер өчен тагын берничә премия булырга тиеш безнең Республикабызда”, ди Әминов.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Тамаша барышында алып баручылар берничә кат, әлеге премиягә бары тик тамашачы мәхәббәтен яулаган, тамашачы сайлаган җырчылар гына ия була ала дип ассызыклады. Җырчы Гөлназ Асаева быел милли премияне беренче тапкыр алды һәм ничек моңа ирешкәнен сөйләде.

“Тнв каналы хит-парадында “Китә кызлар” җыры беренче урын алды һәм шуннан соң мине бирегә чакырдылар”. Гөлназ шулай ук алга таба булган планнары белән дә уртаклашты. Сүз уңаеннан бу елның көзеннән, җырчы үз концертлары белән гастрольләргә чыгарга әзерләнгән иде. “Әйе, дөрестән дә команда белән бераз гына аңлашылмаучанлык килеп чыкты һәм үзем генә эшләргә мәҗбүр булдым. Әле әзерләгән яңа программаны Башкортстанда гастрольләр белән

башлап җибәрергә булдым, чөнки Татарстанга керергә акча җитмәс дип уйладым. Дөресен генә әйткәндә, мин гап-гади концерт белән генә чикләнергә теләмим, креативлык эзлим, булса-сыйфатлы булсын дидем”, дип әйтә Асаева.

Әнвәр Нургалиевның “Болгар радиосы” милли музыкаль премияне икенче тапкыр алуы. Белгәнебезчә, Әнвәрнең дә гастроль графигы бик тыгыз һәм концертлар арасында мондый тантаналарга килеп бүләк алу бик сөендерә дип әйтә җырчы.

“Әлеге бүләкне балаларыма күрсәтер өчен дә, һәм шулай ук минем иҗатымның нәтиҗәсе булып та күрәм. Менә шушы сынны фәлән елны фәлән җыр өчен, акча түләмичә, ә лаек булганга күрә алдым дип әйтер өчен”, диде җырчы.

Билгеле булганча, “Болгар радиосы” милли музыкаль премиясен тапшыру тантанасында башкаручыларны гына түгел, ә шулай ук сүз һәм көй авторларын да бүләклиләр. “Спектакльләргә музыка иҗат иткәне өчен” талантлы композитор Эльмир Низамов та премиягә ия булды. Хәер, Эльмир сәхнәгә чыгып синтезатор артына баскач, тамашачылар арасында “Бу кем икән?” дип әйтүчеләр булды, ләкин Илүсә Хуҗина һәм Камал театры артистлары башкаруындагы театраль номердан соң халык алкышларын җәлләмәде. Мөгаен, әлеге тамашадан соң, Эльмирны белүчеләр саны күпкә артыр.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Тантанада легендар җырчы Рафаэл Ильясовны да зурладылар. Ул да сәхнәгә чыккач халык тарафыннан көчле алкышларга күмелде. Рафаэл әфәндегә дә шулай ук алтын йолдыз сыны тапшырылды.

Автор-башкаручы, продюсер Гүзәлия концерт югары дәрәҗәдә, зәвыклы итеп оештырылганын билгеләп үтте. “Премияләр бик күп булса да, аларны чагыштыру кирәкмәс, чөнки аның һәрберсе аерылып тора үз атмосферасы, җырчылары белән. Әлеге премиягә килгәндә, аның югары дәрәҗәдә эшләнгәнен әйтеп узасым килә. Сәхнә бизәлеше бик ошады, шулай ук программаның алты сәгатькә сузылмавы да хуш килде”, диде Гүзәлия.

Ришат Төхвәтуллин быел “Татар җыр сәнгатенең асылын саклап дөньякүләм дәрәҗәдә иҗат иткәне өчен” алтын йолдыз сыны белән бүләкләнде. Җырчы тамашачыны “Тиңнәр юк” җырын башкарып сөендерде. Ә соңыннан халык Ришатның хәзер инде Татарстанның атказанган артисты икәнен дә белде. Бу яңалыкны тамашачы овация белән каршы алды.

Запись ТНВ башлыгы Әминов “Милли премия”не алып бармакчы? Әнвәр Нургалиев, Гөлназ Асаева һәм башкалар акча түлиләрме? [видеорепортаж] впервые появилась Tatar Today - татар яңалыклары..