Архивы туй - Tatar Today - татар яңалыклары.

“Ул бит мине туганнарым, дусларым алдында хур итте…”

Alina — Mon, 11 Aug 2025 08:00:45 +0000

Китапханәдә, китап сөючеләр белән очрашу оештырабыз, килегез, дигәч шатланып ризалаштым. Тормыш мәшәкатьләрен бер якка куйдым да очрашуга киттем. Килүчеләр барысы да диярлек үземнең тиңдәшләрем. Арада танышлар да, яңа гына күчеп килеп урнашканнар да бар. Тормыш тәҗрибәсе тупланган, һәммәбез агы да, күге дә булган байтак гомер юлы үткәнбез. Очрашуны танышудан башладык: Гөлия, Нурия, Миңсылу, мин, Сәлисә һәм дә китапханә мөдире Гөлйөзем сылу. Нинди китаплар укырга яратабыз, кайсы авторларның әсәрләре күңелгә хуш килә, шул тема беренче урынга куелган иде. Фикерләр алыштык. Үз карашыбызны әйттек. Олы буын шагыйрьләрне, язучыларны хөрмәт белән искә алдык. Чөнки алар мәктәп елларында укылган, таныш. Яшь авторларның да берничәсенә тукталып үттек. Гомүмән, очрашуның байтак өлеше шулай үтте. Мин дә үземнең күңел кичерешләремне шигырь юлларына салган язмаларымны укып ишеттердем. Аннан тормыш, яшәеш темаларна кереп киттек. Хатын-кыз булган җирдә ансыз булмый инде. Кием-салым, төс-кыяфәт, сәләмәтлек тә бик мөһим тема булды. Студент еллары да читтә калмады. Яшь чак, шук чак. Бер кызык хәлне дә сөйләп алдым. Политэкономия дәресе. Янгуразов дигән укытучыбыз капитализм турында лекция укый. Без баш та күтәрми конспект язабыз:

– Цены на товары и услуги, квартирная плата и налоги в капиталистических странах постоянно растёт…

Янымда Белорет кызы Надя утыра.

–Сессияга нык хәзерләндеңме? – дип, сорый бу шым гына.

– Әйе, күрмисең мени, менә гипюр блузка тектердем, кримплен костюм алдым, дим. Әйтерсең дә ни хакында сораганын белмим инде. Ул пырхылдап көлде дә җибәрде. Билгеле, Янгуразов абыйга бу ошамады. Шундый да җитди предмет– политэкономия бит. Ул як-якка карады да бездән ерак түгел утырган бер кызны ишек артына куды да чыгарды. Теге мескен кыз: – А что я сделала? – дип, аптырап чыгып китте инде. Сүз куертып тормады, алда экзамены да көтә бит әле. Ә без авызны каплап конспектка текәлдек. Янәсе дә бар ихтибар капиталистик илләргә юнәлтелгән. Кызганабыз. Дөньялар үзгәргәч менә хәзер кирәге чыгар иде. Капитализм төзибез икән бит.

– Монсын инде яшь буын төзер, без үткән гасыр, совет кешеләре.

Гөлия ханым сүзгә кушылып китте:

–Ялга бардым әле мин. Үземә бәйрәм дә, сәләмәтлекне кайгырту да булды. Өстәл артында өч хатын-кыз утырабыз, ике марҗа, бер татар. Соңрак бер олырак яшьтәге татар абзыйны безнең янга утырттылар. Бик ихлас, күп тә сөйләми үзе. Шулай да матур комплиментларга юмарт булып чыкты. Тиз ияләшеп, сөйләшеп киттек. Ялда– тәмле ризык, татлы тел, күтәренке күңел.

– Гөлия сеңел, сез бик сөйкемле ханым. Кояш кебексез. Тормыш иптәшегез сезне бик тә яратадыр. Ирләре яраткан хатын-кыз шулай сөйкемле була, –ди. Аллага шөкер диюдән узмадым. Сөйкемлелек дөресен дә фәкатъ шуннан килә микән, дип уйлап куйдым. Әллә сөйкемле булганым өчен яратамы? Вәт хәйләкәр абзый, комплимент миңа булгач татарча әйтте. –Нәрсә диде?– дип, кызлар миңа сораулы караш белән төбәлделәр.

– Өч симпатичный ханымнар янында күңелгә рәхәт, – дип, әйтте дим. Алдадым тегеләрне. Ышандылар.

Гөлия сөйләп бетүгә Нурия ханым сүзгә кушылды. Кушылды гына түгел, үз башыннан үткән бер мөһим вакыйганы сөйләп китте.

– Ике ел дуслашып йөрдек. Ул миннән бер курска алда укый иде. Ул укып бетергән елны өйләнешергә гариза бирдек. Йөзекләр алдык. Мин дүртенче курсны тәмамладым. Бераз акча эшләү ниятеннән җәйге каникул вакытында пионер лагерына эшкә киттем. Ә ул елны җәй бик эссе килде… Әллә кояшта нык кызыну, әллә башка сәбәп белән эштән чирләп кайттым. Йөрәктә үзгәреш барлыгын әйтеп кордиологияга дәваларга салдылар. Ул хәлемне белергә килде. Иң якын кешем буларак мин аңа табиблар әйткән сүзләрне түкми-чәчми сөйләдем. Миңа дәваханада ике атна ятарга туры килде. Шул вакыт эчендә күп нәрсәләр үзгәргән булып чыкты. Алдыма тезләнеп, мәңгелеккә бергә булыйк, дип кулымны сораган Фиратны алыштырып куйганнар иде. Туганнары, йөрәк чирле кыз сиңа нигә, ул бит бер бала да таба ялмаячак дип, кире түндергәннәр. Мин шундый стресс кичердем. Мин бит аның яратуына ышанган идем, үзем дә яраттым. Бу очрактан соң ир-егетләргә бөтенләй суындым. Ялгыз калмас өчен генә тормышка чыктым. Яшем дә утызга җиткән иде. Кызыбыз туды. Ирем начар кеше түгел. Тик бер ягы, көнләшүе һаман үзе белән. Утызбиш ел гомер узып киткән. Ә Фиратны бик ару гына урында түрә икәнен дә ишетеп белә идем. Дөрес, мин дә төшеп калганнардан түгел. Мәгариф министрлыгында эшләдем. Әнә шунда эшли башлаган гына вакытым иде. Эшем буенча горсоветка барырга туры килде. Мин керәсе кабинет нәкъ аның эш урыны булып чыкты. Секретарь бер унбиш минутлап көтәргә кушты. Анда совещание бара икән. Ә миңа бер култамга гына куйдырасы иде югыйсә. Көтмәдем, борылдым да чыгып киттем. “Наглость” белән кереп күзенә бер карап чыгарга булыр иде, акылымны тыңлап үземне тыйдым. Нигә иске яраларны кузгатырга инде, дип уйладым. Яшәгән урыннарыбыз якын гына булса да юллар бер дә очраштырмады. Аның турында кызыксынасым да килмәде. Ә шулай да яңарак гаиләсе турында бер хәбәр килеп иреште. Зур түрә кызына өйләнгән булган икән. Балалары юк. Санаторийларга йөреп дәвалану да нәтиҗә бирмәгән ди. Юл хәләкәтенә тарыганнар, шул сәбәп белән хатыны инвалид булып калган. Кеше күрәчәген кеше күрми, язмышына шулай язылган булгандыр. Кызганып та куйдым үзен. Юк, мин аны каргамадым. Дөрес, күз яшьләрем күп акты. Ул бит мине туганнарым, дусларым алдында хур итте. Туй көнен билгеләп, чакыру кәгазьлары да таратылган иде. Болай ачылып китеп сөйләвем дә әнә шул сөйкемлелек дигәннән башланды. Ирем миңа беркайчан да яратам димәде, әле дә әйтми. Мин моны көтмим дә. Бәлки аның көнләшүе шул яратуыдыр. Кызыбыз, ике оныгыбыз бар. Шулар белән юанып, үземне бәхетле тоеп, картлыкка сылтанып яшәп ятабыз. Менә шулай дускайларым. Китапларда язылган язмышлар ул барсы да тормыштан.

– Сөйләшүне, очрашуны моңсу тонда тәмамламас өчен әйдәгез тәмләп чәйләр эчик. Яратканы яратыр, яратмаганына да үпкә тотмыйк кызлар. Безне бит Аллаһ яраткан, ул ташламасын. Шул иң мөһиме. Үзебезне үзебез дә яратырга онытмыйк! – дип, бу сөйләшүгә нокта куйды Миңсылу ханым.

– “Жив будем, не умрём” – дип, көлә-көлә Сәлисә чәйләр ясап таратып чыкты. Күңелләрне бушатып, сөйләшеп, серләшеп, тәмләп чәйләр эчеп, янә очрашулар насип булсын дип, таралыштык. Хәсән Туфан болайрак язган бит: Һәр икәүнең гомере – роман, һәр берәүнең көне – хикәя, дип. Нинди дөрес сүзләр!

– Зур рәхмәт сезгә апалар, сез миңа тормыш китабы укыттыгыз, –дип озатып калды китапханә мөдире Гөлйөзем сылу.

Тәнзилә Назарова-Исәнбирдина

Мәгълүмат Өмет газетасы

Запись “Ул бит мине туганнарым, дусларым алдында хур итте…” впервые появилась Tatar Today - татар яңалыклары..

Винни Пух ничек дуңгыз булды [видео]

Лейла — Sun, 26 Sep 2021 12:03:10 +0000

Блогер Алина @alinaminni үзенең инстаграмында туйда ял иткән видеолар белән уртаклашты. Анда кызыклы гына бәйгеләр оештырылган.

View this post on Instagram

A post shared by ТАТАР ТУДЕЙ / ТАТАР БҮГЕН (@tatar_today_116)

Алып баручы Алмаз Мирзаянов @almaz_mirzayanov тиз генә җавап бирешле сораулар бирә. Шунда кызлар командасы “Винни Пух дуңгызмы, әллә кабанмы” дигән сорауга шалт итеп, “дуңгыз” диләр. Егетләр командасы исә сыерны сөт эчә дип шаккаттыра.

Запись Винни Пух ничек дуңгыз булды [видео] впервые появилась Tatar Today - татар яңалыклары..

Киләсе туй Ришат Төхвәтуллинныкы? [видео]

Лейла — Sat, 18 Sep 2021 18:21:05 +0000

Җырчы Элвин Грейның туй тантанасы булып үтте. Күпчелек Татарстан һәм Башкортстан артистлары әлеге туйда рәхәтләнеп ял итте. Алар арасында җырчы Ришат Төхвәтуллин да бар иде.

View this post on Instagram

A post shared by ТАТАР ТУДЕЙ / ТАТАР БҮГЕН (@tatar_today_116)

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Туйның күркәм традициясе буенча киләсе туй кемнеке булыр дип, кияү кеше туйда костюмына кадап куелган кечкенә чәчәк бәйләмен әле өйләнмәгән дуслары, туганнарына ыргыта. Элвин Грей да үз туенда бу традициядән читкә китми. Ясалма түгәрәккә кияүнең өйләнмәгән дуслары җыела. Алып баручының махсус сигналыннан соң, бутоньерканы ыргыта Радик. Аны җырчы Ришат Төхвәтуллин тота. Димәк, киләсе туй синеке, Ришат!

– Алия, син дә кил әле, форсаттан файдаланып… – дип тә әйтә туйда Ришат үзе.
Бу сүзләрдән соң без дә Алия Карачуринага тәкъдим ясый дип уйладык. Тик әлегә алар арасындагы мөнәсәбәтләр сер булып калды.

Запись Киләсе туй Ришат Төхвәтуллинныкы? [видео] впервые появилась Tatar Today - татар яңалыклары..

Туйлар тагын да гөрләрме? Татарстанда 3 сентябрьдан тагын нинди чикләүләр бетерелде?

Рамиля Валиахметова — Fri, 04 Sep 2020 10:41:13 +0000

// Татар тудей // Татар бүген //

Мондый йомшартулар, 3 сентябрьдә үз көченә керә башлады.

Татарстанда коронавирус пандемиясе белән бәйле рәвештә гамәлдә булган кайбер чикләүләр бетерелде. ТР Премьер-министры Алексей Песошин тиешле карарга кул куйды.Аерым алганда, документ нигезендә, рәсми рәвештә үткән физкультура һәм спорт чараларында тамашачылар санын ике тапкыр – 25тән 50 процентка кадәр арттырырга рөхсәт ителде.

Шулай ук җәйге верандаларда халыкының рөхсәт ителгән саны да 50дән 100гә кадәр арткан . Сүз, ачык веранда, кафе һәм ресторан террасаларында уза торган туй, бәйрәм банкетлар турында бара.

Социаль дистанцияләү кагыйдәләре саклана – һәр кешегә, шул исәптән җәмәгать туклану учреждениеләре хезмәткәрләренә дә, кимендә 4 квадрат метр мәйдан бүлеп бирелергә тиеш.

Үзгәрешләр 3 сентябрьдә үз көченә керә, диелә карарда.

Запись Туйлар тагын да гөрләрме? Татарстанда 3 сентябрьдан тагын нинди чикләүләр бетерелде? впервые появилась Tatar Today - татар яңалыклары..

Кәләшнең әнисен туйдан кызына начар сүзләр әйткәннән соң куып чыгаралар

Лейла — Sat, 15 Aug 2020 09:39:16 +0000

Кыз үзенең туй тарихын аноним рәвештә сөйләп бирә.
Гаиләдәге мөнәсәбәтләр башта ук җайга салынмаган, тик кызы мондый мөһим вакыйганы әнисеннән яшерү дөрес булмас, дигән карарга килгән. Өстәвенә, әни апасы туенда булган һәм барысы да алай ук начар узмаган.

Барысы да әниләренә сүз биргәч һәм кулына микрофон тапшыргач башланган. Ул коточкыч сүз әйтеп, кәләшен мәсхәрәләгән. Әнисе шаяртам, дип уйлаган, тик чынлыкта ул үз кызын башка кунаклар каршында түбәнсеткән.
“Кәләшнең аның тышкы кыяфәтен ошаткан кешене таба алуына шатмын, югыйсә аның пластик операциягә акчасы булыр дип уйламыйм. Егет кәләшнең тышкы кыяфәте белән бәйле проблемаларга түзүенә рәхмәт. Гомумән, ул бозылган товаар”.
Коточкыч тосттан соң яшь парларның дуслары хатын-кызны куып чыгарган.

Чыганак: readovka.news

Запись Кәләшнең әнисен туйдан кызына начар сүзләр әйткәннән соң куып чыгаралар впервые появилась Tatar Today - татар яңалыклары..

Иң креатив кияү һәм кәләш ачыкланды

Лейла — Sat, 15 Aug 2020 09:04:30 +0000

Мамадыш районы ЗАГС бүлеге җитәкчесе Ландыш Шәйхетдинова Мамадыш парларының коронавирус пандемиясе чорында куркынычсызлык кагыйдәләрен ничек үтәүләрен сөйләде. Бу хакта «Нократ» газетасы яза.

Җитәкче сүзләренчә, барлык яшь парларны да битлек һәм перчаткалар кәефләрен төшермәгән. Мисал өчен, Ленар һәм Виктория ЗАГСка «Кияү» һәм «Кәләш» дип язылган битлек белән килде, ә «Ир» һәм «Хатын» дип язылган битлек киеп чыктылар.

Икенче туйда кияүнең әтисе барлык кунаклар өчен гашыйклар сурәте төшерелгән стикер белән битлек әзерләгән. Креатив карар никахлашу тантанасында катнашучыларның барысына да ошаган.

Яңа кагыйдәләр нигезендә, ЗАГСта унбиштән артык кеше булмаска тиеш. Монда яшьләр бу хәлдән чыгу юлын тапкан. Бер парның дуслары урамда калган һәм яшьләрне көткән кунаклар өчен ЗАГС эченнән туры трансляция алып барган.

Икенче пар язылышу тантанасын видеога яздырган һәм кич банкет алдыннан, аны кунакларга күрсәткән.

Быел җәй яшь парлар өчен күчмә теркәү хезмәте дә тәкъдим ителә. Әмма Мамадыш районында күчмә теркәүгә ихтыяҗ зур түгел.

Чыганак: ТИ

Запись Иң креатив кияү һәм кәләш ачыкланды впервые появилась Tatar Today - татар яңалыклары..

Туй көнне яшь килен чишмәдән көянтә белән су алып кайта. Йоламы бу әллә… [видео]

kadria — Tue, 28 Jul 2020 17:39:55 +0000

// Татар тудей // Татар Бүген //

Кешенең үз гомерендә иң олуг һәм күркәм бәйрәмнәрнең берсе – туй. Бу бәйрәмне матур, зәвыкь, кызык һәм башкалар кызыгырлык күңелле итеп үткәрү өчен бик күп көч түгәргә кирәк. Кияү белән кәләшнең бәйрәме булганга, моның барысы да алар өстенә төшә. Нәрсә алырга, ничек каршыларга, ни сөйләргә, йоласы ничек? Бу сорауларның барысына да алдан ук җавап табып, әзерләнеп куелса, туйлар гөрләп үтә.

Туй көнне көянтә белән суга төшү йоласы күпчелек авылларда күзәтелә. Килен үзе алып килгән көянтә-чиләкләре белән чишмәгә суга бара. Әлбәттә инде, барлык яшьләр дә гармунга кушылып җырлый-җырлый килен белән баралар. Чишмә буенда килен үзенең бүләген калдыра. Ул чиләктәге суны түкмичә алып кайтырга тиеш. Әгәр чиләктәге су түгелмәсә, килен дә, кияү дә уңган була.
Судан кайткач, кияүнең әнисе һәм килгән кунаклар килен алып кайткан чишмә суын бәялиләр. Шуннан соң кунакларга чәй куялар.

Видео Рәсим Фәсихов инстаграм битеннән

Запись Туй көнне яшь килен чишмәдән көянтә белән су алып кайта. Йоламы бу әллә… [видео] впервые появилась Tatar Today - татар яңалыклары..

Гөлназ Асаева белән Вилдан Шәмсетдиновка тыныч яшәргә кем комачаулый?

Гульназ Рашитова — Wed, 22 Jul 2020 15:41:39 +0000

Җырчы социаль челтәрләрдән халыкка мөрәҗәгать итәргә мәҗбүр. Гөлназ Асаева һәм аның җанашы Вилдан Шәмсетдинов интервью алырга теләгән журналистлар һөҗүменә дучар булганнар.

Узган атна азагында яшьләр никах укытты. Әлбәттә, яңа эш атнасы башлану белән күп кенә журналистлар Гөлназ белән Вилданнан интервью алырга теләде. Әмма бу эшне әлегә беркем дә башкара алмады. Һәм менә ни өчен.

Хөрмәтле журналистлар, без никах темасына интервью бирүдән баш тартабыз. Зинһар, директорларыбызга, танышларга һәм туганнарыбызга мөрәҗәгать итүдән туктагыз. Аңлавыгыз өчен рәхмәт! – дип яза Гөлназ социаль челтәрдә.

Шулай да Гөлназ үзе бу тема буенча фикер алышуга каршы түгел, әмма ире журналистлар белән сөйләшүдән баш тарта, дип белдерде.

Яшьләрнең гаилә тормышында фикерләрнең туры килмәве беренче һәм соңгы тапкыр булсын иде, диясе килә.

Чыганак: Кызыл Таң

Запись Гөлназ Асаева белән Вилдан Шәмсетдиновка тыныч яшәргә кем комачаулый? впервые появилась Tatar Today - татар яңалыклары..

Гөлназ Асаева кияүгә чыга?

kadria — Sat, 18 Jul 2020 13:18:28 +0000

//Татар Тудей// Татар Бүген//

Гөлназ Асаеваның инстаграм битен күзәтеп баручылар инде күптәннән аны Вилли белән күргәннәре булгандыр. Бүген, 18 июль көнне, Гөлназ Асаеваның җырчы Вилдан Шәмсетдинов белән Уфада никахлары уза.

View this post on Instagram

A post shared by Гульназ Асаева🎤 (@asaeva_official)

Яшь парга бәхет телибез. Тигезлектә гомер итәргә язсын!

Запись Гөлназ Асаева кияүгә чыга? впервые появилась Tatar Today - татар яңалыклары..

Гаиләләргә өстәмә түләүләр турында билгеле булды. Кемнәр алачак?

kadria — Tue, 14 Jul 2020 14:12:15 +0000

Дистә еллар бергә яшәгән русиялеләр туй юбилеена түләүләр ала алачак. Әмма аның күләме һәр төбәктә төрлечә булачак.

“Түләү күләме төбәк закон актлары белән билгеләнә. Мәсәлән, Питерда, ХМАО һәм Удмуртиядә бергә яшәгән һәр ел өчен бер мең сум түләү каралган. Шулай итеп, 50 ел бергә яшәүчеләр 50 000 сум алырга мөмкин», – ди белгечләр.

Шул ук вакытта, кайбер төбәкләрдә мондый түләүләрне алу өчен билгеле бер шартлар бар, ә кайберләрендә алтын туйларын билгеләүчеләргә символик бүләк кенә тапшырыла.

Европа юридик хезмәтенең әйдәп баручы юристы Оксана Красовская билгеләп үткәнчә, түләүләр автомат рәвештә билгеләнми. Аларны алу өчен күпфункцияле үзәкләргә мөрәҗәгать итәргә кирәк. “Башкалада бер тапкыр бирелә торган түләүләр, гаилә тормышының юбилей даталарын бәйрәм итүгә бәйле рәвештә, ир белән хатынның берсенә билгеләнә. Сумма Мәскәү хөкүмәте тарафыннан гаилә тормышының юбилее датасына билгеләнә. Түләү башкалада яшәүче ир белән хатынга билгеләнә”, – диде ул.

Красовская билгеләп үткәнчә, быел мәскәүлеләр 50 ел бергә яшәгән өчен – 21120 сум, 55 һәм 60 еллыкны билгеләүчеләр – 26400 сум, ә 65 һәм 70 ел бергә тормыш сукмагыннан атлаучылар 31680 сум алала.

Чыганак: Кызыл Таң

Запись Гаиләләргә өстәмә түләүләр турында билгеле булды. Кемнәр алачак? впервые появилась Tatar Today - татар яңалыклары..