Архивы яшелчәләр - Tatar Today - татар яңалыклары.

Бакчада череп ята, әбиләр кулында “ат”бәясе [видео]

Лейла — Wed, 22 Sep 2021 10:04:24 +0000

Чаллының 41нче комплекс тирәсендә һәрвакыт күпләп әбиләр-апалар җыела. Монда алар кулланучыларга үз продукцияләрен тәкъдим итәләр. Бакча җимешләре нинди бәядә – шул хакта белештек.

View this post on Instagram

A post shared by ТАТАР ТУДЕЙ / ТАТАР БҮГЕН (@tatar_today_116)

Күп кеше сырганак сата. Аның майонез савытын 150 сумга тәкъдим итеп торалар иде. Суган – 60, сарымсакның исә бер данәсен 40 сумга сатып утыралар.
Яшелчә, җиләк-җимешкә бәяләр турында күптән түгел видео керткән идек. Подписчикларыбыз кабак турында кызыксынып яздылар. Аның бүгенге бәясе – 300 сум.
– Кабак искиткеч тәмле, баллы, бик каты өлгергән, – дип мактап та алды сатучы.
Уртача зурлыктагы кабак 100-150 сум булса, кечерәкләре 60-70тән йөри, дип тә өстәде.

Запись Бакчада череп ята, әбиләр кулында “ат”бәясе [видео] впервые появилась Tatar Today - татар яңалыклары..

Баклажанлы соте

Редактор1 editor1 — Wed, 31 Aug 2016 18:58:21 +0000

Кирәк булачак:
2 баклажан, 1 баш суган, 1 кишер, 2 татлы борыч, 2-3 помидор, көнбагыш мае, тоз, кара борыч, укроп, базилик, сарымсак.
Пешерү тәртибе:
Баклажаннарны шакмаклап турарга, тоз сибәргә һәм беразга калдырып торырга.

Борыч белән кишерне озынча турарга. Суганны ярымтүгәрәкләп кисергә.

Помидорларны угыч аша чыгарырга – аларның согы кирәк.

Баклажаннарны майлы табада кыздырып алырга, соңыннан башка яшелчәләрне дә кыздырырга.

Барысын да болгатырга һәм помидор согын кушарга. Яшелчәләрне тагын 20 минут салмак утта пешерергә.

Пешеп җитәр алдыннан тоз, борыч, тәмлеткечләр, укроп, базилик, вак итеп туралган сарымсак кушарга һәм 10 минутка калдырырга.

Әлеге ризык кайнар, салкын килеш тә бик тәмле була.

Фото: Вконтакте

Запись Баклажанлы соте впервые появилась Tatar Today - татар яңалыклары..

Баклажанлы салат рецепты

Редактор1 editor1 — Wed, 10 Aug 2016 19:57:58 +0000

Баклажанлы салат

Кирәк булачак:

шакмаклап туралган 3 кг баклажан,

озынча итеп туралган ½ кг болгар борычы,

угыч аша чыгартылган ½ кг кишер,

ваклап туралган 2 башлы суган,

изелгән сарымсак,

1 бал кашыгы кара борыч,

1 бал кашыгы тоз,

1 бал кашыгы паприка,

4 аш кашыгы шикәр комы,

100-150 г уксус,

100-150 көнбагыш мае.

Әзерләү тәртибе:

2 литр суга тоз салып кайнатып чыгарырга.

Суга баклажаннарны салып, 5 минут кайнатырга. Соңыннан, дуршлагка салып, сыркытырга.

Зур савытка барлык ингредиентларны салып болгатырга, суынган баклажаннарны да кушарга. Салатны бер тәүлеккә суыткычка куеп торырга.

Икенче көнгә тәмле салат әзер!

Запись Баклажанлы салат рецепты впервые появилась Tatar Today - татар яңалыклары..

“Бакчачы” ашы рецепты

Редактор1 editor1 — Sun, 31 Jul 2016 11:51:05 +0000

Җәй көннәрен күбрәк табигатьтә ял итеп үткәрәсе килә. Бакчалары булган кешеләр исә эшсез утырмый. Мондый вакытларда ашарга пешерергә бик аз вакыт калырга мөмкин. Әлеге рецепт тиз арада тәмле шулпа пешерергә ярдәм итәр. Шул ук вакытта ул бик файдалы, чөнки яшелчәләрдән генә тора. Икенче уңай ягы, “Бакчачы” ашын хәзерге вакытта күпләрдә булган мультиваркада да пешерергә мөмкин.

Безгә кирәк булачак: 1 уртача чөгендер, 1-2 бәрәңге, 1 кишер, 1 баш суган, кабачки, тәмләткечләр, укроп, яшел суган.

Пешерү тәртибе: Иң элек. казанга яисә мультиваркага бераз сыек май салып, угычтан чыгарган кишер белән вак итеп туралган суганны кыздырып алабыз. Шулай ук угычтан чыгарган чөгендерне дә яшелчәләр янына кушабыз һәм бераз пешереп алабыз. Тоз, борыч, тәмләткечләр кушып болгатабыз. Бәрәңге белән кабачкины шакмаклап турап, яшелчәләр өстенә салабыз. Кайнаган су салып, пешәргә калдырабыз.

Ашны кайнар килеш, өстенә яшел суган белән укроп сибеп табынга бирәләр.

Запись “Бакчачы” ашы рецепты впервые появилась Tatar Today - татар яңалыклары..