2020 нче елның 1 апреле – “Мунча Ташы”на 40 яшь тулган көн. Бу үңайдан без сезгә театрның җитәкчесе Гамил Әсхәдулла белән интервью тәкъдим итәбез. Ул “Мунча Ташы”ның тарихы, театырда нинди үзгәрешләр булачагын һәм күп кенә башка кызыклы моментлар турында сөйләп үтте. Шулай ук Ульяна Князева нигә китә, татар җырчылары талашы Мунча Ташында буламы дигән сорауларга җавап бирде.

Запись “Мунча ташы”ндагы үзгәрешләр, Ульяна Князева китүен театр җитәкчесе Гамил Әсхәдулла ничек аңлата [видео] впервые появилась Tatar Today - татар яңалыклары..

Танылган композитор-җырчы Зөфәр Хәйретдиновның 60 яшьлек юбилей концерты булып узды. Бу зур чарада күп кенә җырчылар чыгыш ясады. Шулай ук алар Зөфәр Хәйретдиновка, аның иҗатына һәм аңа карата булган мөнәсәбәтләре турындагы сорауларга җавап бирделәр. Сезгә шуларның кайберләрен тәкъдим итәбез.

Филүс Каһиров: “Хәтерлим, кечкенә чакта Зөфәр Хәйретдиновның “Пар алмагач” җырын җырлый идем. Ялгышмасам, бүгенге көндә бу җырны Әнвәр Нургалиев яңарткан. Бу бик әйбәт, чөнки аны тыңлаучылар күп. Шушы ретро җырларны башкару безнең җыр сәнгатенә файда гына инде. Димәк, урта буын гына түгел, яшьләребез дә тыңлап үсә.”

Ришат Төхвәтуллин: “Миңа “Шомырт бәйләме” җыры килеп әләкте. Зөфәр абый үзе шушы җырны башкаргач, сөйгән ярын тапкан икән. Миңа да шул җыр ярдәм итмәсме икән дип, мин дә шул җырны башкарып карадым. 3-4 ел җырлап йөрдем, тик файдасы булмады. Зөфәр абый, замана куып, иҗат итә торган композитор димәс идем. Җәй җәй түгел, кышы кыш түгел, ә җыры җыр түгел. Шуңа мин менә мондый элекке җырларны башкарырга яратам.”

Лилия Муллагалиева: “Ике дә уйламыйча ул миңа “Җыр керсен күңелгә” җырын бирде. Шушы җырыма беренче клибымны да төшердек. Шул заман өчен ул, руслар әйтмешли, модный иде. Бүген дә ул клип үз ролен уйнар иде.”

Зөһрә Шәрифуллина: “Безнең арада иҗади дуслык кына булмады, без гаилә дуслары. Без чит илләргә бергә ял итәргә йөрдек, балалар бергә укыды. Бүгенге көндә дә аралашып яшибез. Ә инде җырларга килгәндә, мин аның иң күп җырларын җырладым. Ул язган җырларын күбесен миңа бирә иде. Әлбәттә инде, иң популярларыннан “Су буенда учак яна” һәм “Соң булса да, уң булсын”. Популяр җырлары бик күп инде. Әмма минем иҗатымны популяр иткәне шул “Су буенда учак яна” җыры. Бездән соң да бу җырлар җырланачак.”

Фирдүс Тямаев: “Тавышың да, моңың да, үзеңнең энергетикаң да бар” – дип әйтә иде ул миңа. Бу сүзләрне ишеткәч миңа рәхәт булып китә иде. Һәрбер композиторның тарихка кереп калган җыры бар. Бүгенге көндә Зөфәр абыйның җырлары булмаган булса, нәрсәдер җитмәгән кебек булыр иде.”

Зөфәр абый җиде йөздән артык җыр иҗат иткән икән. Бер җыр озынлыгы өч минут булса, бөтен җырын тыңлап бетерергә якынча 2100 минут кирәк булачак. Кыскасы, 35 сәгать тоташ Зөфәр Хәйретдинов җырлары! Концертта шушы җиде йөз җырның кырык бере генә яңгырады.

Зөфәр Хәйретдинов татар эстрадасына яшәү чыганагы булып торган автор. Эстраданың яшәү көче булсын өчен берсеннән-берсе матур җырлар иҗат итеп торырга кирәк. Алга таба да татар эстрадасында нәкъ менә аның кебек авторлар булсын иде.

Запись Җырчылар Зөфәр Хәйретдинов турында нинди фикердә? [видео] впервые появилась Tatar Today - татар яңалыклары..

28-29 нчы ноябрь һәм 4 декабрь Казан Филармониясендә Татарстанның һәм Башкортстанның халык артисты Айдар Галимовның “30 ел бергә” дип исемләнгән юбилей концертлары уза. Ноябрь азагында узган тамашаларында җырчы сәхнәдән тамашачыга балачак сер-хыялларын сөйләде, иҗатташ дусты, мәрхүм Вәсилә Фәттахованы искә алып җыр башкарды һәм үз остазы Миңгол Галиевның хыялын да тормышка ашырды.

Юбилей сезон концертында яңа җырлар элекке җырлар белән үрелеп барды. Айдар Галимов “иске” җырларын башкарыр алдыннан, җыр белән бәйле берәр тарих та сөйләп, тамашаны үзенчә, Айдарча алып барырга тырышты.

“Хәзер ул балалар үсеп җиткәннәр инде. Яныма килеп “Айдар абый, рәхмәт. Нәкъ бу җыр чыкканнан соң миңа шушы исемне кушканнар”, дип әйтеп рәхмәтләр укыйлар”, дип сөйләде җырчы “Илүзәм” җыры турында.

Тамашачы концерт вакытында көлеп тә, моңланып та алды. Арабыздан яшьли китеп барган Вәсилә Фәттаховага багышланган номер башлангач, залда, күз яшьләрен тыя алмаганнар да күрендә. Мондый күренеш аңлашыла да, чөнки Айдар Галимов сүз белән генә чикләнмичә, видео мөмкинлекләрен кулланып, Вәсилә Фәттахова белән бергә “Ялгыз миләш” җырын башкарды.

Концерт карарга танылган кешеләр дә килгән иде. Әлфия Авзалованың кызы Зөлфия Авзалова Татар Тудейга Айдар Галимовның концертларына гел йөрим дип белдерде.

“Айдар белән таныш булуыма горурланам. Ул гомер буе чын күңеленнән үз эшен башкара. Аның җырларының һәрберсе тирән мәгънәле. Сәхнәдән сүз сөйләгәндә дә, аның һәр чыгышы уйландыра  торган. Менә шул ошый миңа, чөнки мин бер концерт эчендә төрле хисләр кичерәм. Әниләргә багышлап җыр башкарды-мин еладым. Ул җырдагы сүзләр дөрестән дә уйга сала тамашачыны”, ди Зөлфия ханым.

Казанда бу кичне халык Айдар Галимовның хыялын да белде. Популяр татар-башкорт артисты балачактан кинога төшергә хыялланган икән. Концертның бер өлеше нәкъ менә шул хакта иде. Совет заманының легендар фильмнарыннан алынган өзекләрдә, Айдар Галимов үзе дә актерлык осталыгын күрсәтеп күренеп алды. Шулай итеп, җырчы “Любовь и голуби” киносындагы төп герой Василийны уйнап күрсәтте. Халык рәхәтләнеп көлеп, Галимовның осталыгына тагын да сокланып кул чапты. “Неуловимые мстители” киносын беренче тапкыр күргәч, мин әлбәттә шулар янына килеп эләгергә хыялландым. Кызганыч, ул чагында режиссер очрамады юлымда”, дип сөйләде халыкка Айдар Галимов.

Җырчының хыялы әлегә тулысынча чынга ашмаса да, Айдар Галимов тамаша вакытында, үзе дә шуны сизмичә, остазы Миңгол Галиевның хыялын тормышка ашырды. Миңгол ага сәхнәгә менеп шәкерте турында сүз сөйләгәндә, аны беренче тапкыр ничек Казанга укырга чакырганын искә төшерде.

“Син шулкадәр матур җырлыйсың, бәлки Казанга керерсең укырга дигәч, “Юк, Миңгол абый, мин юрист булам”, дидең. Айдар, син гомерем буе кинода төшергә хыялландым дидең, ә менә мин гомерем буе укытам да укытам. Иң зур хыялым шул иде “И, Ходаем, мине берәр шәкертем үз концертында җырлатсын иде”, дип теләдем!”, диде Миңгол Галиев. Чыгышының азагында Миңгол ага үз хыялын тормышка ашырды. Шәкертенә багышлагандай “Туган җиремә” дигән җырны башкарды. Халык дәррәү күтәреп алкышлады.

Галимов концерт тәмамланыр алдыннан тугъры тамашачысын, замана агышына артык бирешмичә, булган рухи кыйммәтләрне сакларга чакырды. Шушы киңәш итеп әйтелгән сүзләр тамашачы күңеленә дә хуш килүен ишеттек.

“Әлеге концерттан соң якты хисләр белән кайтып китәм. Айдар абыйның иҗаты белән балачактан ук таныш. Казанга килүен көтеп торам. Бүген бигрәк тә әти-әни турындагы җыр уйларга мәҗбүр итте. Айдар абыйның, вакытның бик тиз үтеп китүе, аны туктатып булмавы турында сөйләве дә үзенә күрә бер уйга салды”, диде сөйләде татар-тудейга Земфира Җиһаншина исемле тамашачы.

Концерттан соң, гадәттәгечә, җырчы халык янына чыгып, фотога төште, автографлар таратты. Тамашачы исә яраткан җырчысын озак вакыт җибәрми торды, һәрберсе аерым килеп Айдар Галимовка рәхмәт сүзләрен әйтеп, киләчәккә теләкләр теләп калды.

Айдар Галимовка — 30? [фоторепортаж]

Запись Айдар Галимов Казанда балачак хыялларын ачты. Вәсилә Фәттахова, Миңгол Галиевлар аңа рәхмәтлеме? [видео] впервые появилась Tatar Today - татар яңалыклары..

Россия авторлар җәмгыятенең Татарстан вәкиллеге җитәкчесе, Татарстанның халык артисты Зөфәр Хәйретдиновның бүген, 5 август, 60 яшьлек юбилее! 

ТНВ каналында чыгучы “Адәм белән Һава” тапшыруыннан Зөфәр Хәйретдинов белән интервьюдан өзек:

— Иҗаттан тыш вакытыгызны ничек үткәрәсез?

— Бабай булдык дип, җылы түшәккә яту ягын карамыйм. Актив тормыш рәвешен яратам. Мөмкин булган кадәр, волейбол уеннарына йөрим. Вакыт барыбер үзенекен ала инде ул, элеккеге кебек, сикерә-сикерә, уйнап булмый. Киләсе елга алтмышны тутырабыз Алла боерса!

— Иҗатка карашыгыз үзгәргән, ә гаиләгә караш үзгәрәме?

— Гаиләгә карата караш яхшы якка үзгәрде. Чыннан да, гаиләнең тәме, рәхәтен, олыгая башлагач, аңлыйсың икән. Кеше кай чорда бер-береңнән туеп, аерылырга мөмкин дигән сорау биргәннәр. 5−10 ел эчендә аерылмасаң, аерылу пронценты кими. Без әлеге чорларны үттек Аллага шөкер. Бүген иң якын кешем — ул хатын.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Запись Зөфәр Хәйретдиновны шатлыклы көне белән тәбриклибез! впервые появилась Tatar Today - татар яңалыклары..

Фото һәм мәгълүмат Безнең гәҗит сайтыннан алынды

Запись Кемгә – бәйрәм, кемгә – акча: мәҗлес алып баручылары ничә мең сорый? впервые появилась Tatar Today - татар яңалыклары..

– Раушания ханым, юбилеегызны кайчан һәм ничегрәк билгеләп үтәргә уйлыйсыз?

– Туган көнем 18 февральдә булды. Юбилейны 23 мартка билгеләдек. Башта котлаулар булып, аннан Илдар Юзеев әсәре буенча куелган “Ак калфагым төшердем кулдан” спектаклендә уйнаячакмын. Дөресен генә әйткәндә, уздырасым да килмәгән иде. Ләкин театрның традициясенә каршы килә алмыйм. Күңел халәтем бәйрәм уздырып, шатланып йөри торган түгел. Гаиләбез күптән түгел зур кайгы кичерде: бертуган сеңлемнең 20 яшьлек кызы юл һәлакәтенә очрап узган елның декабрендә вафат булды. Бик буранлы көн иде. Рульдә йөрергә ашкынабыз бит. Мин андый көнне утырмаска тырышам. Үкенечләр зур. Ахыр чиктә Ходай шулай язгандыр дисең.

– Үзегез рульдә күптәнме?

– 12 ел йөрим. Җәйләрен кисәк кенә уйлыйм да, машинама утырып, Коля җирләнгән Кукмара районы Нырты авылына чыгып китәм. Иң беренче май башында кайтам зиратка. Ел да чәчәкләр утыртам. Су калдырам, очраган кешеләргә әйтәм. Зиратка килгән кеше су сибә. Аннан туган ягым Питрәч районы Күн авылына да кайтып йөрим. Әти-әнинең төсен саклап, туганнар белән төп йортны карап, яңартып торабыз, дип уртаклашкан актриса “Акчарлак” газетасы белән.

Запись Юбилеена әзерләнүче Раушания Юкачева: “Шатланып йөри торган вакыт түгел. Гаиләбездә зур кайгы” впервые появилась Tatar Today - татар яңалыклары..

Сүзем милләтенә үрнәк шәхес булып җитешкәнче, ярты гасыр гомер юлы узган Бөтендөнья татар конгрессының Казан шәһәре оешмасы җитәкчесе, Татарстан Республикасы Дәүләт Советының IV чакырылыш депутаты, Татарстанның «Булгар» милли хәйрия фонды идарәсенең рәисе, академик, хаҗи, автор –башкаручы Фәрит Фәиз улы Мифтахов турында.

Кем ул? Халкыс сокланырлык нинди эшләр башкарган? Үз милләттәшләренә әйтер сүзе бармы? Фәрит Мифтаховның узган юлын барлап, аны якыннан белгәннәргә, аның эшчәнлеге белән аз таныш булганнарга, иҗатының фанатларына сөйлисем килә.

Ул 1968 елның 7 сентябрендә Нурлат районы Көрнәле Әмзә авылында туган. Авыл тормышын якыннан белүе дә шуннан, күрәсең. Авыл җире белән бәйле балачагын ул бүген дә сагынып: “Мин 6 яшькә кадәр авылда яшәдем, Казанда торганда да, бик еш кайта идем. Балачагым әнием белән бергә печән, утын кайгырту, йорт –җирне карап тоту кебек эшләре белән хәтердә калган. Авыл кешесенең тынгысыз тормышын күреп үскәнгә, миңа бүген дә җир эше чит түгел, җир кадерен белү канга сеңгән,”-дип искә төшерә.

Әнисе Әминә апа Фәритнең кечкенәдән үк белемгә омтылуына, максатчан холкына дөрес юнәлеш биреп тора. Героебызның иң матур балалык, яшүсмер еллары Казан шәһәренең 48 нче мәктәбе белән бәйле. Биредәге укытучылары Хәбирә Хәлиловна, Асия Солтановна пионер Фәритнең активлыгын һәрчак югары бәялиләр, мәктәптә узган һәр чарада катнаштырырга тырышалар. Хәзер дүрт дистәдән артык җыр иҗат иткән автор-башкаручы Фәрит Мифтахов гитараны да тәүге тапкыр мәктәптә укыганда кулларына ала. Фәритнең үҗәтлеге мәктәп елларында ук сизелә. Әнисе яңа квартира алып, мәктәп белән янәшә үк үзләре яшәгән барактан еракка күченгәч тә, Фәрит тәүге кабат белем иленә алып кергән туган мәктәбен ташламый, укуын дәвам итә. Германиянең Ордруф шәһәрендә узган армия еллары аралашучан егетне физик яктан ныгыта гына (әнисенә армия сафларыннан язган хатларын Фәрит Фәизович бүген дә кадерле ядкарь итеп саклый). Ул елларны хәтерләп: “Армия мәктәбе-тормышта чын батырлык мәктәбе ул! Мин аны узуым белән чиксез горурланам”,-дип куя.

Армиядән соң, Фәрит Мәскәү шәһәрендә Заман гуманитар институтын тәмамлый. Тормышның һәр көнендә ниндидер яңалык белүне, дөньяга карашларын киңәйтүне үзмаксат итеп куйган егет В.И. Ульянов-Ленин исемендәге Казан дәүләт университеты каршындагы Россия Федерациясе халык хуҗалыгын оештыру өчен идарә кадрларын яңадан әзерләү уза, соңрак әлеге уку йортының “Юриспруденция” белгечлеге буенча юридик факультетын тәмамлый.

Гади слесарьдан 2000елда оешкан “Болгар -Синтез” ҖЧҖ генераль директоры дигән җаваплы вазыйфага кадәр үскән шәхеснең тормыш юлы да үзенчәлекле һәм күпкырлы. Кайда гына хезмәт куймасын, һәр эшне җиренә җиткереп башкаруы хакында гомер дәфтәренең ачылган бер бите сөйли. 2005 елда Казан шәһәр Думасы депутаты итеп сайлануы да очраклы гына түгел. Үзе тормышның ачысын-төчесен татып үскән егет берничә югары белем алу белән бергә, шәхси эшмәкәрлек эшен булдырып, башкаларга да хезмәт урыны тәэмин итеп кенә калмый, мохтаҗларга кул сузарга да өлгерә. Аның “Казанның 1000 еллыгы истәлегенә” медале белән бүләкләнүе, 2005 елда “Ел җитәкчесе” республика конкурсы лауреаты, “Хәйрия 2008” республика конкурсында җиңүче, 2004 елда “Әнием – Мама” Аналарны һәм балаларны яклауга ярдәмнең Татарстан Республикасы иҗтимагый хәйрия фонды президенты итеп сайлануы, 2004 елда “Алтын йөрәкле кеше” республика конкурсы лауреаты, 2006 елда “Аңлыйбыз һәм ярдәм кулы сузабыз” номинациясендә “Алтын йөрәкле кеше” шәһәр конкурсы лауреаты дигән олы бүләкләргә лаек булу –Ватаны алдында кылган игелекле эшләренең нәтиҗәсе. ”Эш рәтен белә торган, мәгънәле, безнең егет!”-дип сөйләргә яраталар Фәрит Фәизович турында.

Хәйрия эшчәнлеге буенча Татарстан Республикасы Президенты каршындагы республика Советы әгъзасы, 2008 елда Бөтендөнья татар конгрессы Башкарма комитетының Казан шәһәре бүлеге җитәкчесе итеп сайлангач, ул башкарган эшләрне күдән кичерәм дә, кайбер күренекле сәясәтчеләрнең,депутатларның фикерләренә дә тукталмыйча булдыра алмыйм. 2009 нчы елда Дәүләт Советына депутат итеп сайлангач, айның һәр пәнҗешәмбесендә дистәләгән кешеләрнең ярдәм сорап килгән һәр гозеренә ихластан кайгырту күрсәтә белә ул. Татарстан Дәүләт Советы рәисе Фәрит Мөхәммәтшин бер чыгышында язма героебызның депутат буларак эшчәнлеге хакында: “Туфан Миңнуллин, Разил Вәлиев, Роберт Миңнуллинның фикердәшләре рәтенә Фәрит Мифтахов та өстәлде. Халык мәнфәгатьләрен алга куеп эш итүче дупутатларыбызның берсе ул»,-дип югары бәяләп уза.

Фәрит Физовичның депутат эшчәнлеген даими күзәтеп барган кеше буларак, аның күпме кешене кабул итүе хакында сорадым. ”Кешеләр белән эш йөрткәч, күп нәрсәне күңелдә генә сакламыйча, исәптә тотарга да туры килә. Бер ел эчендә генә дә 350 кешене кабул иттем. Ә биш елга күпме –үзегез чамалап карагыз. Бу – Казанда саллы күрсәткеч. Шунысы куанычлы: аллага шөкер, күп кешегә ярдәм итә алдым,”-дигән җавапны ишеткәч, бу милләттәшемә соклануым һәм ихтирамым тагын да артты.

Фәрит Мифтахов ятим балалар йортларында еш була. Аларны азга гына булса да ятимлек ачысыннан оныттырып тору өчен һәрвакыт ярдәм кулы сузарга ашыга. Балалар өчен оештырылган хәйрия чараларына ул эчкерсез, киләчәкне кайгыртып яшәүче олы йөрәкле башка миллттәшләрен дә үзе белән ияртә. Мин аның хәйрияче булып китү сәбәпләре белән кызыксынганым бар.
Фәрит Фәизовичның:” Инвалидлар, ятимнәр белән даими аралашып, күзләрендәге яшәү чаткысын, ихтыяр көчен күрү, аларны шатландыру, яшәргә өмет уята алу, аларның да безнең шикелле үк гадәти кеше икәнлекләрен исбатларга тырышу, аларның дусты була алу – бу бәхет түгелмени?! Мин менә шулай яшим. Минем бу халәтемне ошатып бетермәүчеләр дә бар, әмма мин үз кыйбламнан тайпылмыйм. Кыерсытылганнарга,мохтаҗларга булышу-әнием күңелгә сеңдергән тәрбиянең бер өлеше. Бәрәкәт белән яшәргә кирәк. Аллага шөкер, Аллаһы Тәгалә мине нәфес колы итмәде,”-дигән җавабы әлеге шәхескә карата тирән ихтирам хисләре уята.

”Фәрит соклана торган,игелеклелек үрнәге ул. Башкаларга ярдәм итү-аның яшәешенең аерылгысыз бер өлеше. Фәритнең яшәү принцибы һәртөрле мактауга лаек!”-дип бәяли озак еллар Татарстан прокуроры булган Кафил әфәнде Әмиров.

Фәрит Фәиз улының бервакытта да буш вәгъдәләр бирмәвен раслаучы тагын бер фикер кызыклы.“Мин аның “Әнием-мама”фонды җитәкчесе рәвешендә кылган бихисап күп саваплы гамәлләреннән хәбәрдар. Район, шәһәр тантаналарында, дини бәйрәмнәрдә, сессияләрдә, концертларда һәр сүзен , фикерен күңеленнән уздырып әйтә, буш сүз сөйләми, ул -чын фәйләсуф. Аның дөньядагы төрле кыйтгаларга сибелгән милләттәшләренә, яраткан халкына әйтер үз сүзе бар”,-дип искә төшерә Татарстан Республикасы Дәүләт Советы депуты Ислам Әхмәтҗанов.

Татар халкының узган гасырларда динебезне,милләтебезне саклап калу хакына зур тырышлык куйган ,бүген дә исемнәре халык теленнән төшмәгән данлыклы бертуган Рәмиевләр, Юнысовлар, Хәсәновлар кебек асыл уллары булган. Язмам героен да шул шәхесләр эшен дәвам иттерүче итеп күрүчеләр бар. ”Фәрит Мифтаховны җитәкче итеп кенә түгел, иманлы, намаз әһеле, хаҗи буларак та халык хөрмәт итә. Олысын-кечесен хөрмәтләп, авыруларның хәлен белеп. ярдәм итеп тора. Шәкертләр өчен ”Остазларның кадерен бел, остазларның каберен бел” дигән мәҗлесләр оештыруда ул башлап йөри, ”Саматов”, ”Әтрәч”, ”Мунчәли”, “Максуди”, ”Әхмәтзәки Сафиуллин” укуларына һәрдаим ярдәм итә, үзе дә катнаша, рамазан аенда ифтар, корбан мәҗлесләре оештырып, әҗер ала. Аллаһ ризалыгы өчен, үзе туган нигезендә газиз әнисе истәлегенә салдырган “Әминә”мәчете Фәрит Фәиз улын башка бик күп дин кардәшләребезгә үрнәк итеп куя”,-ди аның хакында Ислам динен кабул итүнең 1000 еллыгы исемендәге Казан югары мөселман мәдрәсәсе ректоры Ильяс хәзрәт Җиһаншин.

2007 нче елда Фәрит Мифтаховка ислам динен күтәрү хакына эшләнгән эшләр өчен Русия Мөфтиләр шурасының II дәрәҗә Әл-фахр ордены бирелә. Ислам динен кабул итүнең 1000 еллыгы исемендәге мәдрәсәнең хәйриячеләр шурасы рәисе буларак та Фәрид әфәнде киң планда эш алып бара. Бу хакта сүз чыккач: “Диплом бирү, шәкертләр җыеннары, алар өчен уку әсбаплары бастыру, зыялылар белән очрашу кебек һәрбер мәдрәсә вакыйгасында катнашам. Бу уку йорты милләтебезне агарту, берләштерү юнәлешендә эшләүче милли-мәдәни, әхлакый учагыбыз,”-ди Фәрит хаҗи.

Быел Хәйрия эшчәнлеге буенча Татарстан Республикасы Президенты каршындагы республика Советы әгъзасы, Бөтендөнья татар конгрессы Башкарма комитетының Казан шәһәре оешмасы җитәкчесе итеп сайлануына да дистә ел тулып киткән. Шул еллар эчендә татар халкы мәнфәгатьләрен яклап, Фәрит Фәизович нинди генә төбәкләрдә булмаган да, кемнәр белән генә аралашмаган?! Милләт язмышы өчен янып-көеп йөрүче шәхес ул!

“Бүген Бөтендөнья татар конгрессы башкарма комитетында әгъза булып торган иҗтимагый оешмалар саны 500 якын. Бу Русия һәм чит илдә татарларны берләштергән оешмалар. Татарстанның һәрбер районында, Казанда җирлек бүлекчәләре бар. Бөтенрәсәй татар авыллары эшмәкәрләре җыенында, Бөтенрәсәй татар төбәк тарихын өйрәнүчеләр съездында, Бөтендөнья татар хатын-кызлары форумында, Бөтенрәсәй күләмендә федераль Сабантуйларда Конгрессның Казан бүлеге эше саллы булырга тиеш,шуның өчен тырышабыз,-ди Фәрит Фәизович. -Яшьләр өчен “Яз гүзәле” конкурсы, олылар белән эшләүгә зур игътибар биргән “Ак яулыклы дәү әни” бәйгесе, 23 февраль, 8 Март, Җиңү көне кебек бәйрәмнәрне зуррак масштабта, бөтен асылын күрсәтеп уздырасы килә,-ди әңгәмәдәшем. Уздырыр да,үз сүзендә тора торган егет ул!

Кешенең чын йөзе туган ягына мөнәсәбәттә чагыла. Фәрит Фәизович, Нурлат якташлык җәмгыятенең рәисе буларак та, ифрат зур эш алып бара. Нурлат районы Күлбай Мораса авылында татар театрының нигез башында торган ”Сәйяр” труппасы җитәкчесе, җәмәгать эшлеклесе Габдулла Кариев музее эшләп килә. Данлыклы якташы турында китаплар бастыру, Кариев белән бәйле төрле чаралар уздыруның да матди ягын күп очракта Фәрит Мифтахов күтәрә. Фәрит Мифтахов аз сөйләп күп эшли торган кеше дә. Талантлы җитәкче, күпкырлы эшчәнлек алып барган шәхес булу өстенә, ул әле чын иҗат кешесе дә. Ул төрле авторлар белән хезмәттәшлектә биш дистәгә якын җыр иҗат иткән, дүрт аудиоҗыентык чыгарган, милләттәшлеребез ТВ каналларында яратып карый торган “Төшләремә кер, Әни!”, ”Әти йөрәге”, ”Көчле бул”, ”Алмагачлар”, ”Бәхет кошы” дигән клиплар төшергән автор –башкаручы да!

Мин аңардан бәхет турында еш сорашам. Аның җавабы һәрчак уйландырырлык була: ”Синең малың балаларыңа кала, аны ничек сарыф итәселәре билгесез, ә менә телең, милләтең өчен керткән эш гасырларга күчә. Бәхет бит ул – кеше белән бергә яшәү, үз ана телеңдә аралашу, иманлы якын дусларың булу, җәмгыятьтә хөрмәт казану. Акча белән күзләр томаланудан Аллаһы тәгалә үзе сакласын!”

Кайберәүләр гомер буе укый, зыялылыкка омтыла, алган белемен башкаларга да файдасы булырдай итеп куллана. Фәрит Мифтахов та шундыйлардан. Ул “Европа-Азия” Халыкара гуманитар академия академигы. Сәясәттә тынычлык, килешеп эшләү, яшәү кебек актуаль проблеманы хәл итүнең кайбер аспектлары хакындагы уйлануларны үз эченә алган ”Рәсәй җәмгыятендә тарихның борылыш этапларындагы этноконфессиональ сәясәт”дигән монографик хезмәт Фәрид әфәнденең галим буларак та җитешкәнлеген күрсәтә түгелме?! Бүгенге көндә әле ул Казан дәүләт мәдәният һәм сәнгать университетында өченче югары белем ала.

Фәрит Фәизовичны бик күпләрдән аерып тора торган тагын бер кызыклы сыйфаты бар: ул елның ел буена температурасы 4 градустан артмаган Зәңгәр күлдә су коена! “Минем мактанычым — ул физик һәм рухи саулыгым! Ә моңа ирешү өчен мин фитнес залларында да күнегүләр ясыйм, салкын суда да коенам, аракы эчмим, тәмәке тартмыйм, дөрес яшәү рәвеше алып барам,”-ди ул .
Узган тормыш юлын барлап ”Гомерем агышлары” дигән саллы китап та бастырып чыгара. Ул үзен табигать баласы дип саный, нык йөзьяшәр имән агачына соклануы да,көчле булырга омтылудан. Әңгәмә барышында: “Елның кайсы гына фасылын алсак та, урман киңлекләрендә гаиләм белән бергә сәяхәт һәм ял итәргә бик яратам. Кышын барыбыз да чаңгыга баса, язларын кар эреп, беренче умырзаялар күренә башлау белән кызларымны табигатьнең бу серле почмагына алып чыгарга ашыгам. Җәй җиттеме, барыбыз да бергәләп шифалы үләннәр, җиләк җыябыз.Туган якта үскән файдалы үсемлекләр белән балаларны таныштыру да минем вазыйфага керә. Кайчакларда урманда башкалар ташлап калдырган чүп-чарларны да бергәләп җыеп,яндырабыз. Бу яктан караганда , урманда тәрбия бирү вакытлары да була,”-дип елмая. Гаиләсендә хөрмәтле ир,балаларына үрнәк әти, туганнарына ,дусларына чын киңәшче, терәк булган ирнең, җитәкченең, җәмәгать эшлеклесенең эшләгән эшләре, игелекле гамәлләре 380 битле “Гомерем агышлары” китабына гына сыярлык түгел.

Фәрит Фәиз улы Мифтахов ”Игелек чылбыры өзелмәсен!” дигән теләк белән яши.

Фәрит Фәизович! Сезне барлык милләттәшләребез, ватандашларыбыз исеменнән алтын юбилеегыз белән ихлас котлыйбыз. Сезгә һәрчак башкаларга үрнәк булырлык уңышлы эшләр, ныклы исәнлек, иҗатта кайнаган тулы канлы матур тормыш телибез.

Гөлнур Айзетуллова // Tatar-today порталы

Запись ”Эш рәтен белә торган, мәгънәле, безнең егет!” – Фәрит Мифтаховның бүген юбилее [фото-видео] впервые появилась Tatar Today - татар яңалыклары..

Бәйрәм “Татарская усадьба”да узган. Алып баручы булып гаилә Ләйсән Ветрованы чакырган. 

View this post on Instagram

A post shared by ЛЕЙСАН ВЕТРОВА 🌹 (@leisanveter)

View this post on Instagram

A post shared by ЛЕЙСАН ВЕТРОВА 🌹 (@leisanveter)

Чакырылган кунаклар арасында җырчының шәкертләре, Лилия Муллагалиева, Алсу Хәбибуллина, Равил Шәрәфиев та бар.

View this post on Instagram

A post shared by ЛИЛИЯ МУЛЛАГАЛИЕВА (@lilia_mul)

View this post on Instagram

A post shared by ЛИЛИЯ МУЛЛАГАЛИЕВА (@lilia_mul)

Запись Венера Ганиеваның ире юбилеенда Равил Шәрәфиев бии [фото, видео] впервые появилась Tatar Today - татар яңалыклары..

View this post on Instagram

A post shared by Tatarstan News. Tatar (@tatnews.tatar)

“Татар тудей” порталы җитәкчесе Рөстәм Исхаковның концерттан соң үз фикере.

View this post on Instagram

A post shared by Tatarstan News. Tatar (@tatnews.tatar)

Җырчының бәйрәм концертында тамашачы да, “брат”лары да ял итте.

View this post on Instagram

A post shared by Мифтахов Фарид (@miftahovfarid)

https://www.instagram.com/p/BevuETrgduN/?tagged=фирдустямаев35

https://www.instagram.com/p/BevU7hYgYuc/?tagged=фирдустямаев

View this post on Instagram

A post shared by Эльвира Шакирова (@elvirashakirova_official)

View this post on Instagram

A post shared by Эльвира Шакирова (@elvirashakirova_official)

View this post on Instagram

A post shared by Рустем Фатхуллин UFA (@fatkhull_in)

View this post on Instagram

A post shared by ЗАЙНАБ ФАРХЕТДИНОВА (@zaynabfarhetdinova)

https://www.instagram.com/p/BevxHPrA5gx/?tagged=фирдустямаев

Запись Тямаев Фирдүскә дә 35! [фото, видео] впервые появилась Tatar Today - татар яңалыклары..

Юбилярны котларга Айгөл Бариева, Фәридә-Алсу, Гөлназ һәм Илсур Шәрипҗановлар килгән.

View this post on Instagram

A post shared by Айгуль Бариева засл Артист РТ (@aigul_barieva)

Энергияләре ташып торган Данир Сабиров һәм Фирдүс Тямаев та монда!

View this post on Instagram

A post shared by Лейла Давлетова (@leyla_davletova)

View this post on Instagram

A post shared by Лейла Давлетова (@leyla_davletova)

Салават, Раил Садриевлар да юбилярны котлый.

View this post on Instagram

A post shared by Раиль Садриев (@sadriev_rail_66)

View this post on Instagram

A post shared by Раиль Садриев (@sadriev_rail_66)

Запись Фирзәр Мортазинның 60 яшьлегеннән мизгелләр [фото, видео] впервые появилась Tatar Today - татар яңалыклары..