Стәрлетамак янындагы Ашкадар елгасында баткан балаларны коткаручы герой табылды. 27 майда 9 һәм 12 яшьлек ике малай пляждан йөз метр ераклыкта су керергә уйлыйлар. Ләкин балалар агым көченә каршы тора алмыйлар һәм суга бата башлыйлар. Бер мәктәп баласын елга буена гаиләсе белән килгән ир-ат коткара, аннары ул икенче малайны судан чыгарырга коткаручыларны чакыра.
«Стәрлетамак эшчесе» газетасы хәбәр итүенчә, геройның исеме Вадим Писменный. Аңа 36 яшь, төзелеш тармагында хәвефсезлек инспекторы булып эшли.
“Мин ирем белән горурланам. Улыбыз да шулай ук башка кешеләрне беркайчан да авыр хәлдә калдырмас кеше булып үсәр дип ышанам «, — ди Вадимның тормыш иптәше Анжела.
Чыганак : "Өмет"