Барлыгы оештыру комитетына 260 артык гариза килде, икенче турга мәртәбәле жюри әгъзалары карары буенча 40 эш сайлап алынды.

Хәзер исә җиңүчеләрне ачыклар өчен Сезнең тавышлар кирәк!
Тавыш бирү чарасы 2021 елның 1 октябреннән 10 октябренә кадәр «ШАЯН ТВ» сайтында дәвам итәчәк.

Телеканал «ШАЯН ТВ» объявляет СТАРТ ГОЛОСОВАНИЯ за участников Республиканского конкурса рисунков и поделок «Мин татар баласы», проводимого при поддержке Комиссии при Президенте РТ по вопросам сохранения и развития татарского языка!
Всего в редакцию оргкомитета поступило более 260 заявок. По решению профессионального жюри во второй этап прошли 40 работ.
А теперь для того, чтобы определить победителей нужны ВАШИ голоса.
С 1 по 10 октября 2021 года заходите на сайт «ШАЯН ТВ» выбирай понравившуюся работу и голосуйте.

Выбирайте победителя!

Запись “Мин татар баласы” рәсемнәр һәм эшләнмәләр бәйгесенең ТАВЫШ БИРҮ этабы башлана впервые появилась Tatar Today - татар яңалыклары..

Билгеле, аларны бүгеннән үк җиңүчеләр дип атарга мөмкин, әмма алар өчен «Сәйлән» дип аталган серле юл әле башлана гына әле.
Алда аларны кабат сайлап алу сынаулары, мавыктыргыч остаханәләр һәм татар эстрадасының иң зур балалар телевизион сәхнәсендә онытылмаслык минутлар көтә!

Һәр якшәмбе «ШАЯН ТВ» каналында «Сәйлән» фестиваленең яңа чыгарылышын карап, үзегезгә ошаган яшь җырчы өчен җан атыгыз һәм, әлбәттә, кушылып җырлагыз!

Запись «ШАЯН ТВ» каналы өченче тапкыр тамашачылар өчен татар музыкасы дөньясын ача! впервые появилась Tatar Today - татар яңалыклары..

Рәсем һәм эшләнмәләр 2021 елның 15 сентябренә кадәр рәсем яки кул эшеңне сыйфатлы фотога төшереп, rasemtatar@mail.ru / tatareshe@mail.ru электрон адресына җибәр! Җиңүчеләрне акчалата бүләкләр көтә! Бәйгегә татар халык әкиятләренә, шулай ук татар халык мәкальләренә нигезләнеп иҗат ителгән рәсемнәр һәм кул эшләре, эшләнмәләр кабул ителә.

Җиңүчеләр ике номинациядә билгеләнәчәк, һәр номинациядә ике яшь категориясе каралган. Номинацияләр: «Иң яхшы рәсем» (7-10 яшьлекләр); «Иң яхшы кул эшләре яки агачтан,башка материаллардан эшләнгән әйберләр» (11-15 яшьлекләр); Катнаш!

Запись «Мин – татар баласы» бәйгесенә гариза җибәрер өчен берничә көн калды! впервые появилась Tatar Today - татар яңалыклары..

Шушы вакыт эчендә каналыбыз үсте, камилләште, төрле казанышларга һәм җиңүләргә ия булды. Эфирга дистәләгән проект һәм йөзләгән мультсериал чыкты. Әле кайчан гына, камера күргәч, оялып торган балалар – хәзер үз эшләренең осталары һәм каналның хуҗалары!
Бу көн «ШАЯН ТВ» телеканалы тарихына зур вакыйга булып кереп калыр. Нихаять, бөтендөнья татар балаларына ясаган олы бүләге өчен Рөстәм Нургали улына рәхмәт белдерергә, аны үзебезнең уңышлар, яңа проектлар белән таныштырырга җай чыкты.

Мөхтәрәм кунагыбызны каналның төп геройлары каршы алды. Студия буенча экскурсияне дә балалар үзләре үткәрде. Тапшырулар ничек әзерләнә? Режиссер, оператор, монтаж ясаучыларның эше нәрсәдән гыйбарәт? Яшь алып баручылар Президентка барысы хакында да бәйнә-бәйнә сөйләделәр.
Каналның контентын баетуга «ШАЯН ТВ»ның дубляж студиясе зур өлеш кертә. Рөстәм Миңнеханов әлеге мәйданчыкны да игътибарсыз калдырмады. Президент «Маша белән Аю» мультсериалын тавышландыру барышын күзәтте, яшь йолдызчыгыбыз Зәлия белән танышты.
Президентның игътибарын аеруча телевизион блогерлар мәктәбе җәлеп итте. Рөстәм Миңнеханов үзе дә социаль челтәрләрдә шактый актив. Аның инстаграмдагы шәхси сәхифәсен 530 меңнән артык кеше күзәтеп бара.
Яшь журналистлар өчен иң күңеллесе – Президенттан интервью алу. Аларның Республика башлыгына шактый сораулары җыелган. Әңгәмә барышында Рөстәм Миңнеханов заманча трендлар, гаджетлар, ТикТок социаль челтәре хакында фикерләре белән уртаклашты.
Р.Н. Миңнехановка балаларга карата игътибарлы, киң күңелле булганы өчен «ШАЯН ТВ» каналы исеменнән чиксез рәхмәтебезне белдерәбез! Әлеге очрашу – балаларның зур теләге иде. Республика башлыгы аларның күптәнге хыялын тормышка ашырды.

Запись Президент «ШАЯН»нарның хыялын тормышка ашырды! впервые появилась Tatar Today - татар яңалыклары..

Татарстан Республикасы Президенты каршындагы Татар телен саклау һәм үстерү мәсьәләләре комиссиясе ярдәме белән «ШАЯН ТВ» каналы «Балачак җыры» бәйгесенең икенче сезонын бышлый.

Өр-яңа шигырьләр, үзенчәлекле көйләр һәм оригиналь яңгыраш – боларның барысын да без «Балачак җыры» бәйгесенең яңа сезонында күрергә телибез!

Бәйгенең максаты – татар телендә балалар өчен җырлар иҗат итүче шагыйрь һәм композиторларны барлау, шул җырларны таныту, балалар репертуарын татар җырлары белән баету.

«Балачак җыры» бәйгесе 2021 елның 1 февраленнән башлап, 25 маена кадәр өч турда уздырылачак.

Җиңүчеләрне акчалата приз көтә! Аннан тыш, биш җиңүченең җырына профессиональ аранжировка ясалачак һәм клип төшереләчәк.

Бәйгедә 18 яшьтән өлкәнрәк кешеләр катнаша ала, катнашу бушлай. Гаризалар 30 апрельгә кадәр кабул ителә.

Тулырак мәгълүмат shayantv.ru сайтында һәм каналның рәсми аккаунтларында.

Сылтамалар: shayantv.ru, youtube.com/ШАЯНТВ, @shaiantv, / shayantv

Запись «Балачак җыры» бәйгесенә гаризалар кабул итү башланды! впервые появилась Tatar Today - татар яңалыклары..

Шул ук көнне тапшыруларны онлайн-режимда карау мөмкинлеген тәэмин итүче shayantv.ru сайты эшли башлады. Балалар өчен тапшырулар һәм мультфильмнар, алып баручылар белән аралашу, уеннар – боларның барысы да сайт битләрендә. Теләсә кайсы смартфоннан сайт аша, «ШАЯН ТВ» каналын Россиядә генә түгел, ә чит илләрдә дә карарга мөмкин. Google Play и App Store платформалары аша смартфонга каналның мобиль кушымтасын йөкләргә була. Бүгенге көндә «ШАЯН ТВ» каналын 14,6 миллионнан артык кеше карый.
Ике ел эчендә «ШАЯН ТВ» тамашачыларның иң яраткан каналына әйләнде.

Тиктормас, кызыксынучан малай Шаян, тәрбияле, үрнәк кыз Биби, песи баласы Мияу, робот-эт Маэмай – каналның төп геройлары. «ШАЯН ТВ»ның алып баручылары – балалар үзләре.

Каналның төп максаты –төрле проектлар аша татар теленә карата кызыксыну уяту, балаларга милли, шул ук вакытта заманча дөрес тәрбия бирү.

Хәзерге вакытта «ШАЯН ТВ»да танып-белүне, белем бирүне һәм фикерләүне үстерергә ярдәм итүче 20 дән артык оригиналь тапшыру эфирга чыга. Алар арасында: “Шаян дәрес”, “Шаян тарих”, “Шаян география”, “Шаян тәм-том” һәм башкалар бар. «ШАЯН ТВ»ның дубляж студиясе каналның контентын баетуга зур өлеш кертә. Татар теленә 7000 якын кызыклы мультфильм, халыкара дәрәҗәдәге фәнни-популяр, документаль һәм әдәби жанрдагы тапшырулар тәрҗемә ителде.

Канал балалар иҗатын таныту буенча даими эш алып бара, бәйге һәм фестивальләр оештыра. Быел беренче тапкыр «Балачак җыры» дип аталган балалар җыры бәйгесе үткәрелде. Аның максаты – балалар өчен татарча җырлар иҗат итү һәм аларны таныту. Иң яхшы 5 җырга аранжировка ясатып, клип төшерелде.

Тамашачы мәхәббәтен яулаган «Сәйлән» фестиваленең быел 2нче сезоны гөрләп узды. 12 ноябрь, каналның туган көнендә, тамашачыларны эфирда фестивальнең Гала-концерты көтә.

Кыска гына вакыт эчендә «ШАЯН ТВ» зур җиңүләр яулады. Узган ел «Карусель» телеканалы үткәргән “Главные герои – 2019” милли балалар премиясе бәйгесендә “Ел ачышы” номинациясендә җиңде. Ә быел «ТЭФИ-KIDS 2020» милли-телевизион премиясе финалисты дипломына лаек булды.

«ШАЯН ТВ» ирешкән уңышлары белән генә туктап калырга җыенмый. Аның максаты – туган телебез сагында булып, дөньядагы бөтен татар балаларын берләштерү. Бергә булганда, бу максатка ирешү кыен булмас.

«ШАЯН ТВ» КАРА – БУЛЫРСЫҢ ШӘП БАЛА!

Запись 12 ноябрь – «ШАЯН ТВ» каналы өчен зур бәйрәм! впервые появилась Tatar Today - татар яңалыклары..

Шул уңайдан, без креатив котлауга бәйге игълан итәбез.

1. Каналыбызны котлап, үзенчәлекле открытка яса. Открытка оригинальрәк булган саен – яхшырак! Фантазиягезгә юл ачыгыз!

2.Открытканың сыйфатлы фотосын ясап, konkurs@shayantv.ru почтасына җибәр. Җибәргән хатта фамилия, исем һәм яшь саныңны яз.

Эшләр 22 ноябрьгә кадәр кабул ителә. Тавыш бирү чарасы 24 ноябрьдән – 30 ноябрьгә кадәр каналның рәсми сайтында, онлайн рәвештә узачак. Шул ук көнне, нәтиҗәләр безнең социаль челтәрләрдә урнаштырылачак.

View this post on Instagram

A post shared by "ШАЯН ТВ" (@shaiantv)

БАРЛЫК КАТНАШУЧЫЛАР да диплом белән бүләкләнәчәк. Ә 3 җиңүчегә «ШАЯН ТВ» каналы шәп бүләкләр әзерли.

View this post on Instagram

A post shared by "ШАЯН ТВ" (@shaiantv)

Запись Бәйге! ШАЯН ТВга 2 яшь тула впервые появилась Tatar Today - татар яңалыклары..

«ШАЯН ТВ» каналының вәкилләре дә әлеге бәйрәмдә булып кайтты!
Кызыл келәмнән хезмәттәшебез Гөлназ Газизҗанова үтте! Ул бәйгенең 30 финалистлары исемлегенә керде һәм кичәге тантанада каналыбызның данын яклады!

Әйтерә кирәк, бәйге кысаларында көндәшлек бик көчле булды! Гөлназ Газизҗанова режиссерлыгындагы «Бергәләп өйрәник” проекты СТС-kids каналының “Развлечеба” һәм “Nickelodeon”ның «Всеология» тапшырулары белән көч сынашты.
«ШАЯН ТВ» каналы сынатмады, үз эшен бик югары дәрәҗәдә күрсәтте. Бөтендөньяга танылган, тәҗрибәле, зур тарихлы каналлар белән көч сынашу, әле 2 яшен генә тутырган каналыбыз өчен бу зур җинү.

Запись «ШАЯН ТВ» каналын котлыйбыз! [фото] впервые появилась Tatar Today - татар яңалыклары..

Ул яшь йолдызларга тагын да яктырак балкырга, гомумән, татар халкының моңлы киләчәген үстерергә ярдәм итә. Проектның максаты да: татар халык, классик, эстрада җырларын башкаручы яшьләрне барлау; алар
өчен иҗади үсеш мөмкинлеге булдыру.

Фестивальдә катнашу өчен, 6-15 яшьлек балалардан 1000гә якын гариза  арасыннан, 32 катнашучы чираттагы этапка сайлап алынды. Алар өчен  «ШАЯН ТВ» каналы сайтында тамашачылар тавыш бирде. Иң күп тавыш
җыйган 12 баланы инде бүгеннән үк проектның җиңүчеләре дип атарга  мөмкин, чөнки алар – телевизион этапка чыгучылар!

Конкурсның телевизион сайлап алу этабында (ярымфинал һәм финал) яшь җырчыларны мәртәбәле жюри бәяләячәк. Финалга 6 катнашучы узачак. Аларның кемнәр икәнен октябрь аенда «ШАЯН ТВ» каналында күрә
Бу сайлап алу этабында сәләтле балаларны эстрадабызның танылган җырчылары Ландыш Нигъмәтҗанова, Айсылу Габдинова, Айдар  Сөләйманов, Илгиз Шәйхразиев, алып баручы Иван Остроумов бәяләде.

Финалга узучылар үз осталыкларын төрле жанрдагы җырлар башкарып күрсәтәчәк. Жюри әгъзалары һәр чыгыштан соң катнашучыга сәйләннәр бирәчәк. Сәйләннәре күбрәк булган катнашучы проектның җиңүчесе
дәрәҗәсенә ирешәчәк. Конкурста катнашучылар өчен төрле остаханәләр  уздыру да планлаштырыла. Алар вокал, бию, актерлык осталыгы, сәхнәдә үз- үзеңне тоту буенча мастер-классларда катнашачак.

Запись «Сәйлән» фестиваленең ИКЕНЧЕ сезоны! впервые появилась Tatar Today - татар яңалыклары..

Мәктәптә укыту татар, рус, инглиз телләрендә алып барылачак. Тантаналы чарада «ШАЯН ТВ» каналының геройлары Шаян, Биби, Мияу һәм робот эт Маэмай да катнашты.

View this post on Instagram

A post shared by "ШАЯН ТВ" (@shaiantv)

Мондый белем бирү комплексын булдыру теләге белән республикабызның беренче Президенты, Дәүләт киңәшчесе Минтимер Шәймиев чыкты. Һәм ел ярым эчендә сафка да бастырылды. 3 мәктәпне үз эченә алган комплекста барлыгы 2504 укучы белем алачак. Мондый күптелле белем бирү комплексы бүген Татарстанда беренче булып Казанда һәм Алабугада ачылды. Мәктәптә укыту татар, рус, инглиз телләрендә алып барылачак. Тантаналы чарага килгән мәртәбәле кунаклар да укучыларны һәм әти-әниләрне өч телдә сәламләде. Казан мэры Илсур Метшин мәктәпне белем сарае дип атады һәм алга таба зур уңышлар теләде.

Чыганак: Шаян ТВ

Запись «ШАЯН ТВ» каналының геройлары тантаналы чарада [фото] впервые появилась Tatar Today - татар яңалыклары..