— Айсылу, ихластан котлыйбыз сине! Кем инде ул бәхет кошын тоткан егет?

— Рәхмәт бик зур! Аның турында сөйлисем килми. Әле үзем дә ышанып бетә алмыйм кебек. Бәхетемә күзләр тимәсен. Егет белән бер ел чамасы бары тик дуслар булып кына йөрдек. Ә менә 2018 елның декабрь аенда йөреп киттек.

— Кайчан аны яратуыңны аңладың?

— Беләсеңме, элек, руслар әйтмешли, «промелькнула искра» дигән сүзне аңламый идем, ә бу мөнәсәбәтләрдә, гомумән, башкача. Хәтерлим: гастрольләр белән башка шәһәргә китәргә кирәк иде. Димәк, аның белән сау буллашырга кирәк. Ә минем аның белән бер дә хушлашасым килми иде.

— Нишләп бер ел чамасы дуслар гына булдыгыз?

— Без төрле шәһәрләрдә яшибез, шуңа күрә очрашып йөри алмадык. Ләкин бүген инде әлеге мәсьәлә хәл ителеп килә. Миңа аның белән тыныч. Һәм ул татар! Бу минем өчен бик мөһим, мин рус егетләре белән, гомумән, аралашып та тормый идем.

— Туйны кайчанга планнаштырасыз?

— Туй үткәрмиячәкбез. Никах туен җәй көнне үткәрергә планнаштырабыз.

— Никах күлмәкләрен караштырасыңмы?

— Мин күлмәкне сатып алдым инде. Әлегә аны күрсәтмим, никах көнне социаль челтәрләргә куярмын.

– Димәк, син көне буе яулыкта йөричәксең?

— Никахның мәчеттә үтә торган өлеше беткәч, бәлки салырмын да. Тик чәчем матур булмыйячак. Кызык сорау, уйланып карарга кирәк.

— Җырчылар арасыннан кемнәрне чакырырга уйлыйсыз?

— Гөлсирин Абдуллина, Азат Абитов, Ранис Габбазов, Илнар Миранов, ТНВ телеканалыннан берничә кешене чакырырмын бәлки. Әлегә төгәл исемлек юк. Әйтергә онытканмын: әтием Айдар Габдиновны да чакырмыйча булмас (көлә).

— Туй чыгымнар таләп итә. Матди яктан хәлләр ничек?

— Әлеге сорауны әти-әниләр хәл итә. Акча кирәген аңлыйбыз инде. Ләкин, Аллага шөкер, без эшлибез. Бар да яхшы булыр!

— Айсылу Габдинова гаилә дип сәхнәдән китә алырмы?

— Юк, сәхнәдән бер дә китәсем килми. Гаиләдә яхшы хатын, сәхнәдә уңышлы җырчы була алырмын дип ышанам. Бары тик тырышырга кирәк.

— Булачак ирең сәхнәгә якын кешеме?

— Ул җырларга ярата, җырны аңлый белә, ләкин сәхнә кешесе түгел. Булачак иремнең җырлавыма бер дә каршы булганы юк. Киләчәктә ул минем продюсерым булырга хыяллана.

— Син сораган мәһәр хакы күпме?

— Бергә сайларбыз дип уйлыйм. Гадәттә алтын бүләк итәләр дип беләм. Һәрбер кеше үзе хәл итә инде, егет кешенең матди яктан нинди хәлдә булуыннан тора.

Запись Айсылу Габдинова: “Туй үткәрмәячәкбез. Аның турында сөйлисем килми” впервые появилась Tatar Today - татар яңалыклары..

Икенчедән, Айсылуга кичә егете кияүгә чыгарга тәкъдим ясаган һәм җырчы аңа “Әйе!” дип җавап кайтарган.

– Айсылу, Инстаграмдагы балдак белән төшкән фотоңны күреп, күпләр пиар дип кенә кабул итте шикелле.

– Юк, бу чын хәл. Егетем Динислам исемле. Без күптәннән таныш, әмма Яңа ел алдыннан гына очрашып йөри башладык. Танышуыбыз сәхнә белән бәйле булды, әмма ул иҗат кешесе түгел. Никах туебызны җәйгә планлаштырабыз. Рамазан аеннан соң булыр, Алла боерса.

Фото: соцсети

Запись Айсылу Габдинованың кияүгә чыгуы пиармы? Үзе әйтә впервые появилась Tatar Today - татар яңалыклары..

 

Посмотреть эту публикацию в Instagram

 

Менә шулай☺️?❤️ #айсылугабдинова #❤️

Публикация от Айсылу Габдинова (@aisylu_gabdinova) 28 Апр 2019 в 10:39 PDT

Диләрә Иләлетдинова исә никах фотолары белән уртаклаша. “Бәхетле көнебез! Безнең тормыш китабыбызда тагын бер тарихи истәлекле көн билгеләнде. Аллага шөкер, мин бәхетле!” дип яза ул.

 

Посмотреть эту публикацию в Instagram

 

. Бәхетле көнебез! ? Безнең тормыш китабыбызда тагын бер тарихи истәлекле көн билгеләнде. Аллага шөкер мин бәхетле!?

Публикация от ??????? ??????????? (@dilyara_ilaltdinova) 27 Апр 2019 в 11:03 PDT

Җырчыларны чын күңелдән котлап, тигез-матур тормыш теләп калабыз!

Запись Айсылу Габдинова туйга әзерләнә, Диләрә Иләлетдинова никах укыта впервые появилась Tatar Today - татар яңалыклары..

Монысында да буш урыннар күренмәде. Әмма соң­гысына эләккән тамашачылар бу көнне ике гаилә барлыкка килүнең шаһитлары булды.

Бу концертның үзен­чә­леге шунда: биредә моңлы җырлар колакны иркәли, инде онытылып баручы көй­­ләр­­гә яңача җан өрелә. Рәнис Габбасовның Илһам Шакиров, Рәшит Ваһапов репертуарыннан булган җыр­­ларын тамашачы алкышларга күмде. Сәхнәгә оялып кына килеп кергән кәләпүшле егет бүген үзен иркен тота. Җае чыкканда мактанып та алды әле. Ваһапов исе­мен­дәге бәй­ге­дә катнашып, иң зур бүләк – машина эләк­тер­гәнен дә, Азаттан алдан өй­ләнүен, инде хәзер дүрт ай буена бәхетле әти икәнен дә яшермәде. Әгәр Айсылу Габ­­динова вакыт-вакыт “уры­нына утыртып” алмаса, Рәнис әллә ниләр сөйләп ташлар иде. Тик аның сөйләве дә кү­ңелгә ял бирә бит. Рәхәт­ләнеп, гади итеп, нәкъ без­неңчә сөйли ул! Менә шул вакытта дус егете дә түзмәде, сәхнәгә менеп, микрофон сорады. Алты ай гына очрашып йөргән сөй­гәнен үз янына чакырып: “Мин сиңа бик тиз ия­лән­дем, хисләрем ташый, чык миңа кияүгә!” – диде. Тамашачы бу кыю егетне алкышларга күмде. Әле кон­церт ахырында ниләр көткәнне күпләр белми иде.

Айсылу үзенә генә хас иркен тавышы белән залда утыручыларны моңга күм­де. Уйландырды да, күзгә яшь тә китерде, күңелне дә җилкетте аның җырлары. Азат исә, сәхнәгә чыгуга, тамашачыга: “Гөлсирин белән минем арада – иҗади дуслык, бергә эшлибез”, – дигән булды. Шыгырданнан килгән бер автобус авылдашы, туганнары янында әнә шулай дип сөйләнеп торган булды. Алар башкаруында “Ак­кошлы күл” җыры йө­рәкләргә үтеп керде. Бик ос­та итеп, гашыйк парларны уйнады алар. Азатның Гөл­сириннең биленнән җы­лы итеп кочаклап торуы, җыр тәмамлангач та аерылыша алмаулары бераз күңел­гә шик кертте кер­түен. Җит­мә­сә, Азатның әти-әнисе икесе­нә дә матур чәчәкләр бүләк итте. Иң соңгы номер вакытында Азат җырлап торучы дусларын туктатты.

– Гөлсирин, беләсең бит инде, мин сине яратам. Әмма матур сүзләрне күп ка­батлау – минем өчен түгел. Сиңа булган хисләрем “Аккошлы күл” җырын­да­гыча. Чык ми­ңа кияүгә, – диде. Гөлсирин яшьләрен тыя алмады. “Мин риза”, – ди­гәне генә ишетелде дә, Азат­ның куенына сыенды. Тамашачылар арасында, алдыйсыз, юри эшлисез, дип тә кычкыручылар булды. Хәтта Мамадыш райо­нының Урта Кирмән авылыннан тамаша кылырга кил­гән Гөл­си­риннең әти-әнисе дә бу хакта берни белмичә калган.

– Мин моны концерт сценарие буенча кирәкле әйбердер дип белдем. Карасам, хатыным Ләйлә елап утыра. Шуннан соң гына чын икәненә ышандым, – ди әти­се Ришат.

– Мин үзем дә болай булыр дип көтмәгән идем, – ди, сүзгә кушылып, Гөлси­рин. – Нәкъ менә шушы көн­не тәкъдим ясар дип башыма да килмәде. Безне продюсерыбыз Рифат абый Фәт­тахов кавыштырды. 2015 елда без бергә эшли башладык. Ул вакытта Азат­ның – йөргән кызы, минем егетем бар иде. Озак та үт­мәде, Рифат абый безгә “Әл­лә нинди язмыш булды” дигән җырны бирде. Бу җыр араны якынайтты. Баш­та дуслар гына идек, аннан соң бер-бе­ре­безне ошатканыбызны аң­ладык. Хисләр мәхәб­бәткә әйләнде.

Азат исә тәкъдим ясау турында бик озак уйланган. Аның әти-әнисе, туганнары да бу көнне киленле буласыларын белеп килгән икән. “Тормыш кору – уен эш түгел. Гөлсирин еш кына, әле кияүгә чыгарга иртә, дип әйтә иде. Әзер түгел­леген дә җит­кер­де. Шуңа да баштарак уйланып калдым. Әмма хисләрем нык булгач, тәкъдим ясадым. Сәхнәдә сөйгәнемнең кулын сорау –хыялым иде”, – ди ул.

Яшьләр өчен бар кеше дә сөенде ул көнне. Әти-әни­ләре, туганнары гына түгел, тамашачылар да изге теләк­ләрен теләде. Киенү бүлмә­сендә чират торганда, хәер­ле сәгатьтә булсын, сөенеп яшәргә язсын, бәхетле парлар булып гомер итсеннәр, дип теләп торучылар булды. Инде хәзер йөзләгән тамашачы алдында гаилә корырга риза булган яшьләр никахка әзер­ләнә. Туйны җәйгә уздырасылар икән. Азат ул көнне Гөлсиринне сәхнәгә, буташтырган булып, Абитова дип тә чакырып чыгаргалады. Әмма, хикмәт, фами­лиядә түгел бит, иң мөһиме – җырларындагыча аккошлар мәхәббәте телик аларга!

(Гөлгенә ШИҺАПОВА/“Ватаным Татарстан”, /№ 33, 02.03.2019/)

Запись Гөлсириннең әтисе: “Карасам, хатыным елап утыра. Шуннан соң гына ышандым” впервые появилась Tatar Today - татар яңалыклары..

Җырчы Айсылу Габдиновадан язылучылары еш кына “Ничек җырчы булырга?, Ничек сәхнәгә чыгырга? Минем кызым/улым талантлы, нишләргә?”, дип сорап язалар икән. Айсылу әлеге сорауларга җавап биреп, шәхси сәхифәсендә үзенең фикерен белдергән. 

“Әлбәттә, төгәл җавап юк hәм җавап бирергә минем хакым да юк, мин узем дә эзләнүдә, ләкин ниндидер тәҗрибәм булганлыктан, узем укытканнан берничә киңәш бирә алам!”, ди Айсылу.

“Беренчедән, яхшы уку урыны сайларга кирәк, бәләкәйдән ук! Яхшы музыка мәктәбе яки яхшы укытучы. Дөрес репертуар сайларга (анысы укытучыдан тора), вокал укытучыгыз узе дә сәхнә кешесе булса, бигрәк тә яхшы!

Вокал өстендә генә тугел, сөйләм, хәрәкәтләр өстендә дә эшләргә кирәк (бугенге көндә сәхнәдә алар вокалдан да мөhимрәк, кызганычка каршы).

Кубрәк укыгыз. Җырчының акыллы, укымышлы булуы әллә кайдан куренә, җырчының тамашачыга әйтер сузе, фикере булырга тиеш.

Яхшы аранжировкалар эшләгез hәм яхшы студияләрдә язылыгыз (моңа акчаны жәлләмәгез). Әлбәттә, яхшы, җырга туры килердәй костюмнар булуы да бик шәп!

Шушы шартларны эшләгәнсез икән, яки эшли башлагансыз икән, яхшы конкурсларда катнашыгыз! Аларның кубесендә продюсерлар, олуг җырчылар, телевидение була, шуңа күрә, конкурсларда җиңу – сәхнәгә зур адым дип саныйм!

Менә шулай!  Яшь җырчыларга, бигрәк тә аларның әти-әниләренә туземлек hәм уңышлар!”, дигән Айсылу Габдинова.

https://www.instagram.com/p/Bt8b8x2AEGL/

Запись Җырчы булырга теләүчеләргә Айсылу Габдиновадан 5 киңәш впервые появилась Tatar Today - татар яңалыклары..

Кызлар моны күреп “Бу – Ваһаповфест униформасыдыр” дип көлешәләр икән. “Бертөрле курткаларыбыз, кофталарыбыз, кулмәкләребез, хәтта пижамаларыбыз да бар хәзер! Курәсең, вкусларыбыз охшаш! Ярый әле бер ук егетләр ошамый безгә” дип яза Айсылу Габдинова.

 

Посмотреть эту публикацию в Instagram

 

Нигәдер @gulsik93 белән еш кына бертөрле кием алабыз. Сөйләшеп тугееел! Икебез дә киеп килгәч кенә аңлыйбыз да, көлешәбез: бу @vagapovfest униформасыдыр дип? Бертөрле курткаларыбыз, кофталарыбыз, кулмәкләребез, хәтта пижамаларыбыз да бар хәзер! Курәсең, вкусларыбыз охшаш! Ярый әле бер ук егетләр ошамый безгә, әйеме, @gulsik93? ?? #айсылугабдинова #гульсиреньабдуллина #гастроли #2019 Буген Азнакай, иртәгә Ютазы!

Публикация от Айсылу Габдинова (@aisylu_gabdinova) 12 Фев 2019 в 2:12 PST

Запись Айсылу Габдинова белән Гөлсирин Абдуллина киемнәр һәм егетләр бүлә впервые появилась Tatar Today - татар яңалыклары..

— Әнием — тамада, әтием — мәдәният үзәгендә музыка аппаратуралары куючы булып эшләгәч, кечкенәдән алар белән гастрольләргә йөреп үстем, — дип башлады сүзен Азат. — Абыем, 12 яшькә кече сеңлем дә җыр-моңга һәвәс. Мин — шул даирәдә үскән бала.

— Алай да музыка училищесы яки консерваториянең ишеген шакымагансың әле…

— КХТИга укырга керүем чит төбәктән килгән татар балаларына бирелә торган ташлама аркасында булды. Безнең районга бирелгән ул ташлама, бәйгеләрдә еш катнашкангадыр, миңа тәтеде. Әни белән трамвай-троллейбуста Казан белән танышып йөргәндә, иң якыны КХТИ булды. Социаль хезмәткәрләр факультетына укырга керүемнең тарихы шундый…

— Ваһапов фонды, килешү, продюсер белән эшләү — бу ничарадан бичара кебек килеп чыктымы, әллә моны олы бүләк төсле кабул иттеңме?

— Моны өлешемә тигән зур көмеш дип кабул иттем. Әлеге фондтан, Рифат Фәттаховтан шундый тәкъдим булгач, әти-әнием белән сөйләштем. Алар беравыздан: “Керәсең икән, килешүең ничә елга төзелгән, шулкадәр эшлисең, матур итеп, рәхмәтле булып китәсең”, — диделәр. Өч елдан артык эшлим, бик ошый…

— Хәзер сәхнәдә тавыш-моң белән генә тамашачыны шаккатырып булмый, йә үзеңә шамакайланырга кирәк, йә аю биетергә — киләчәккә нинди план төзисең?

— Ике метрлы буем белән биеп-сикереп йөри алмыйм, ул холкыма да туры килми. Сәхнәгә кагылышлы уй-планнарым шактый. Тере инструменталь оркестрга кушылып җырлау, заманча ут куелышы, мәгънәле әсәрләр, романтик образда күтәреләсем килә.

— Син тормышта да романтикмы? Беренче мәхәббәт тарихыңны да ишетәсе килә.

— Миңа романтик җырлар күбрәк килешә кебек. Бәлки, чыннан да, беренче, кадерле хисләр йогынты ясагандыр. Хәер, тәүге мәхәббәте бәхетле булган кеше бармы икән ул? Мин дә искәрмә булмадым, озак бәргәләнүдән соң, ара өзелде… Дөресен әйткәндә, ул мине ташлады. Төбе күренмәс, тирән чоңгылдан дуслар тартып чыгарды. Бүгенгә кадәр йөрәгемә берәүне дә якын җибәрәсем килми. Ул бикле. Ачкычын эзләмәгез…

— Тормышта канәгать булу өчен сиңа нәрсә кирәк?

— Иртәнге кояш, әти-әниемнең тигез һәм шат булуы, сәхнә, яңа җырлар яздыру. Ун-унбиш елдан танылган җырчы булу. Аякларыма операция ясатып, кабат хоббиема — футболга кайту…

Гөлнара ҖӘЛИЛОВА.
(Тулырак "Ирек мәйданы" газетасының 22 ноябрь санында.)

Фото: https://vk.com

Запись Азат Абитов: “Ул мине ташлады. Йөрәгемә берәүне дә якын җибәрәсем килми” впервые появилась Tatar Today - татар яңалыклары..

20 ноябрь көнендә Габдулла Тукай исемендәге Татар дәүләт филармониясе залында алар тулы залга концерт куйды. Концерт буласы көнне кассада өч кенә билет калганлыгы турында хәбәр иткән иде оештыручылар. Шул ук көнне февраль аенда өстәмә концерт куюлары турында да билгеле булды.

Ә концерт карарга кил­гән халык Ваһапов фестивале җырчыларын тамашага керер алдыннан ук сыный башлады инде. “Рәнис фәлән җырын җырлармы икән?”, “Гөлсирин белән Азат чыннан да йөриләрме?”, “Айсылу яңа җырын башкарсын иде” – халык менә шундый кызыксыну белән җыелды. Концерт бераз гына соңарып башланса да, җырчыларның сәхнәдә каушаулары сизелсә дә, халык аларны кичерде. Егет-кызларның моңнары аларга мондый гадәти җи­тешсез­лекләрдән мең кат кадер­ле­рәк булып чыкты. Алар, үзлә­ре әйтүенчә, иҗат­та Хәйдәр Бигичев, Илһам Шакиров, Рәшит Ваһапов кебек олпат шәхесләргә таяна, аларның мирасын халыкка җиткерүне изге бурыч итеп саный. Шуңа да популяр җырлар белән беррәттән, халык җырларын да яңгыратты егет-кызлар. Яңа иҗат җимешләрен дә ишетеп булды.

Ваһапов фестивале җыр­чылары бу кичтә җырлап кына калмады, концертны алып та барды. Кон­цертның сценарие аларның тормыш вакыйгаларына нигезләнгән иде. Егет-кызларның алып баручы буларак сәләтләре әле ачылып кына килә икән шул. Сөйлисе сүзләре ятланган булуы сизелеп торды. Алып бару эшен иң җиңел башкарып чыгучы Айсылу Габдинова булгандыр. Аны без телеви­дениедә дә, бүтән концертларда да алып баручы буларак күргән идек, шу­ңа да теле чарланган, тәҗ­рибәсе дә юк түгел кызның.

Азат Абитов белән Рәнис Габбазов, мәсәлән, бер-бер­ләренә төрттереп, янәсе, узышып яшәүләренә басым ясады. Рәнис исә Азаттан күп нәрсә белән өстенрәк булып чыкты: Рәшит Ваһапов фес­ти­валендә гран-при иясе дә ул, дүртесе арасында гаилә корып яши башлаучыларның да беренчесе, әти кеше дә! Үзенең ул атасы булуы һәм тормышында яңа этап башлануын кат-кат искәртте Рәнис. Азат та төрттерә белеп төрттерә: “Исемем дә, гәүдәм дә Рә­нис­тән матуррак!” – ди.

Азат Абитов белән Гөл­сирин Абдуллина мөнәсәбәт­ләренә дә бу кичтә ачыклык керде кебек. Сәхнәдән Азат болай диде:

– Без Гөлсирин белән бер-беребезне яратабыз… дип уйлый күрмәгез инде! Без – иҗатташ дуслар.

Азатның бу сүзләре генә халык арасындагы имеш-мимешләрне туктатмады, бил­­геле. Тамашачыда алар­ның бергә булачакларына өмет барыбер калды. Парлап мәхәббәт турында җырлар башкарып, бу өметне тагын да көчәйтте төсле алар.

“Кияүгә кайчан чыгасың?” – Айсылу Габдиновага менә шушы сорауны еш бирәләр икән. “Шушы сорауны бирү­челәргә: “Кияүгә чыктым!” – дип әйтәсе килә минем. Үз янымда акыллы, тырыш, юмор хисе булган кеше кү­рергә телим. Филармония залында андый егет бармы?” – дип сорады ул сәхнәдән. Бу җәһәттән махсус “Өйлән, давай” исемле җыр да иҗат ит­кәннәр әле.

Рәшит Ваһапов фонды җитәкчесе, продюсер Рифат Фәттахов яңа концерт программалары уңышлы бара дигән фикердә.

– Концертларыбыз Рә­шит Ваһаповның 110 еллыгына багышлана. Алар­ның төп уңышы – 100 процент аншлаг булуда. Бу инде Ваһапов фестиваленең халыкка кирәк булуын дәлил­ли. Яшьләребез өчен дә моны зур уңыш дип саныйм. Бүген тамашачы җыю авыр. Безнең концертыбыз халык тарафыннан җылы кабул ителде, – дип әйтте ул.

(Чулпан Гарифуллина, “Ватаным Татарстан”, /№ 170, 24.11.2018/)

Запись Айсылу Габдинова: “Кияүгә чыктым!” дип әйтәсе килә впервые появилась Tatar Today - татар яңалыклары..

«Син үзеңне таза дип саныйсыңмы?» дигән сорауга җырчы «Әйе» дип җавап кайтарды. Аптырарлык әйбер юк та кебек, нинди генә матур булса да, хатын-кыз һәрвакыт камиллеккә омтыла. Тулысынча үз-үзе белән канәгать булган кешеләр бик сирәктер ул. Артист халкына бигрәк тә авырга туры килә, һәрвакыт сәхнә утлары, камера һәм тамашачы алдында…

Үзенең инстаграм битендә ул фитнес клубта төшкән фотосы белән дә  бүлеште. Фото астына “Гөлсирин (gulsik93) монда тазарыр өчен йөри, мин ябыгыр өчен йөрермен инде”, дип язып куйган.

View this post on Instagram

A post shared by Айсылу Габдинова (@aisylu_gabdinova)

Күптән түгел кияү эзләү максаты белән өр-яңа проект тәкъдим иткән Айсылу хәзерге вакытта йөргән егете булмавы һәм берәүгә дә гашыйк булмавы хакында әйтте. Димәк, җырчы кызыбызның йөрәге буш. Кемнәр әле өйләнмәгән, үз көчегезне сынап карый аласыз!

Автор: А. Галимова Сәхнә журналы 
Фото: Инстаграм @aisylu_gabdinova

Запись Айсылу Габдинова үзен таза дип саный впервые появилась Tatar Today - татар яңалыклары..

Чыганак һәм фото: Интертат

Запись Җырчы Айсылу Габдинованың туганнары: “Урамда калуыбызга йөрәк әрни, гомер буе җыйган мөлкәт югалды” впервые появилась Tatar Today - татар яңалыклары..