Рәсемдә пар шәһәр читендәге йорт янында сурәтләнгән. Галкин елмаеп камерага карый, ә Пугачева смартфон объективына тел күрсәтә.

“Көтмәгез, гәйбәтчеләр», — дип язып куйган юмор остасы.

Чыганак: Лента.ру

Запись Галкин Пугачева белән аерылышу турындагы имеш-мимешләргә җавап бирде впервые появилась Tatar Today - татар яңалыклары..

Искәртеп узабыз, элегрәк массакүләм мәгълүмат чараларында авыл халкының, шулай ук кайбер җәмәгатьчеләрнең замок дип аталган күп катлы шәһәр читендәге йорт төзелешен тәнкыйтьләүләре турында мәгълүмат булган иде. Язмаларда хәбәр ителгәнчә, кайберәүләр замокны сүтүне таләп иткән. Шаһитлар йорт тирәсендә инде төзелеш техникасын күрүләрен хәбәр иткән.

Әмма Алла Пугачева мондый шикаятьләр турында беренче тапкыр ишетүен әйтте. “Юк. Без мондый гаризалар турында берни дә ишетмәдек. Мин хәтта белмәдем. Бу барысы да ялган”, – диде ул. Пугачева шулай ук өч катлы замокны сүтәргә кирәклеге турындагы язмалар аны кызыксындырмый, дип өстәде.

Шул ук вакытта программада юрист Ярослав Михайлов Грязьдә яшәүчедән, белем буенча медикның гаризасы барлыгын хәбәр итте, ул Пугачева һәм Галкин йорты күрше участокларга күләгә ташлый, шуңа бәйле рәвештә анда яктылык буенча санитар нормалар бозылган.

Чыганак: www.mk.ru

Запись Алла Пугачеваның замогын сүтәләр?! впервые появилась Tatar Today - татар яңалыклары..

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Фото һәм мәгълүмат @vesti24 сайтыннан алынды

Запись Алла Пугачева: лимузинда поездга кадәр [видео] впервые появилась Tatar Today - татар яңалыклары..

Пугачёва үзенең булачак каберен җиһазландыру өчен белгечләр яллаган да инде. Биредә гаилә гербы сурәтләнгән склеп төзү күз уңында тотыла.

Әйткәндәй, бер Пугачёва гына зираттагы урынын хәстәрләми икән. Башка билгеле кешеләрне дә бу мәсьәлә борчыган. Мәсәлән, 90 елларда киң таралган Шура да зиратта үзенә урын сайлаган. Ул үзенә ике ишекле гробка заказ ясаган. Ә инде аның каберен әлеге көндә Шураның өендә торган тимердән коелган кровать өлешләре уратып алачак.

Иосиф Кобзон аңа яман шеш диагнозы куелгач та Востряковское зиратыннан әнисе кабере янында урын алып куйган булган.

Фото: соцсети

Чыганак:newsmuz.com/news

Запись Алла Пугачева кая күмеләчәк?.. впервые появилась Tatar Today - татар яңалыклары..

БЕР ИСЕМНЕ – ӨЧ ТАПКЫР

Эльмира Сөләйманова, Иркә, Илназ Баһ, Фирдүс Тямаев, Ландыш Нигъмәтҗанова – атказанган булдылар. Яңа мәдәният министры Ирада Әюпова ул яктан бигрәк юмарт булып чыкты. Хәзер буташып бетә торган: башта «исем алды» дигән хәбәре чыга – бер шаулашып алалар, берничә ай үткәч, документы бирелә – тагын бер шаулыйсың. Бер үк мактаулы исемне әллә ничә тапкыр алган шикелле була. Әллә шуңа да бик күп бирелгәндәй тоеламы соң ул исемнәр? Әйтик, Ландыш Нигъмәтҗановага Татарстанның атказанган артисты исемен бирү турындагы Карар 2018нең октябрендә үк имзаланган иде. Ә кәгазе һәм күкрәк билгесе бу елның апрелендә генә тапшырылды. Бу Ландыш бер исем алган иде түгелме соң инде, дигән аптыраулар шуннан чыга да инде.

Гомумән, мактаулы исем алуны тагын да сузарга мөмкин. Артистның документларын җыеп министрлыкка тапшыруын да киң җәмәгатьчелеккә хәбәр итәргә («боз кузгалды, тиздән исемле булыр») кирәк – менә сиңа бер үк исемне өченче тапкыр «алу» була.

Күптән түгел генә Илдар Хәкимовка да Татарстанның атказанган артисты исеме бирелде. Гәрчә хатыны Гүзәл Уразова 2010нчы елда ук журналистлар белән очрашканда: «Җаным, быел сиңа 30 яшь тула. Юбилей уңаеннан үзеңә дә Татарстанның атказанган артисты исемен эшләтербез» (Уразовага атказанган исеме шул елларда бирелде. – Авт.), – дип мактанган булган иде. «Эшләтү» озаккарак сузылган, күрәсең. 9 елдан соң гына исемле булды Илдар.

Гомумән, быел Хәкимов-Уразовалар гаиләсе рәхәтләнде инде исемнәргә. Кая куеп бетергәннәрдер ул хәтле күкрәк билгесен! Башта Гүзәл Уразовага Татарстанның халык артисты исеме бирелде. Апрельдә Башкортстанда Татарстан көннәре узганда, Илдарга да, Гүзәлгә дә Башкортстанның атказанган артистлары исеме тапшырылды. Аннан кайтып озак та тормадылар, Илдар Татарстанның атказанган артистын алды. Хәзер Илдарга Башкортстанның халык артисты исемен бирергә кирәктер инде – чылбыр өзелмәсен өчен. Хәер, Татарстанның һәм Русиянең халык артисты Салават та Башкортстанның халык артисты исемен быел гына алды әле, шуңа күрә Илдарга бераз сабыр итеп торса да ярар.

Ризван Хәкимов, Лилия Биктимирова – болары әле «эп-эсвижий» атказанганнар. Татарстан Президенты Указны апрель азагында гына имзалаган. Үзебезнең чыганаклар хәбәр итүенчә, Илназ Сафиуллинга да атказанган исеме бирергә тиешләр, ди. Хәзер кәгазьләре әзерләнеп беткәнен көтәләр, ди, имеш. Хәер, әле ел башланды гына – ел азагына хәтле байтак артистны исемле итәргә мөмкин.

АЛЛА ПУГАЧЕВАГА ДА ИСЕМ БИРИК!

«Татарстан Республикасының дәүләт бүләкләре турында»гы Законда язылганча, «Татарстанның атказанган артисты» –республиканың мәдәни үсешенә зур өлеш керткән һәм шушы өлкәдә 10 елдан да ким эшләмәүче артистларга бирелә торган югары дәүләт бүләге. Законда язылмаган тагын бер кагыйдә бар: Татарстаннан читкә китсәң, Татарстанның атказанган исеме тизрәк бирелә. Мәликә исемле җырчы кызыбыз бар иде, хәтерлисезме? Ул хәзер дә бар, Аллаһка шөкер. Мәскәүдә яшәп иҗат итә. Татарстанның атказанган артисты исемен нәкъ менә Мәскәүгә күченеп киткәч – 2017нче елда алган (әйе, ул да атказанганыбыз!). «Википедия»гә ышансаң, Мәликә профессиональ иҗат эшчәнлеген 2000нче елда башлаган. Ә атказанган исемен 2017дә алды. Законда әйтелгән 10 ел үтмәгән бит! Аның каравы Мәликә язылмаган кагыйдәне үтәгән – Татарстаннан күченеп киткән. Димәк, исемне алырга тулы хокукы бар булып чыга. Шатланабыз, горурланабыз, мактанабыз!

Илһам Шакиров – 4, Әлфия Авзалова 5 ел зур сәхнәдә җырлаганнан соң ук атказанган булганнар бит әле, дияргә мөмкинсез. Илһам абый һәм Әлфия апа белән Мәликәне чагыштырырга алынмыйбыз, анысы сезнең җаваплылыкта.

Динә Гарипова белән Эльмира Кәлимуллинаны да Мәскәүдәге «Беренче канал» – «Голос» тапшыруы танытты. Беренче һәм икенче урын алган кызларыбызга шундук Татарстанның атказанган артисты исемен һәм Казанда фатир биреп куйдылар. Аңарчы исемнәрен дә ишеткән юк иде. Эльмирасы күренә, Динәне республика концерт-чараларында бөтенләй күргән дә юк. Яшәве дә Мәскәүдә бит.

Гомумән, Татарстанда тумаган һәм бер генә көн эшләмәгән булсаң да, Татарстанның атказанган артисты исемен бирергә мөмкиннәр. Татар гына булырга кирәк! «Татарлык» шул исем-фамилияңдә (ә бәлки, нәселеңнең җиденче буынында) булса, җитә инде. Марат Бәшәров, Камил Ларин – шундый атказанганнарыбыз. Җырчы Алсу – Татарстанның халык артисты ук! Татарстан мәдәнияте үсешенә бер тиенлек өлеш керткәннәре юк, әлбәттә. Булса соң, аның каравы «безнекеләр» дип мактанырга була! Ә менә Русиянең халык артисты Чулпан Хаматованың, Казанда туып үскән булса да, Татарстанның атказанган артисты исеме юк икән. «Казанның мактаулы гражданины» дигәнен дә 2017дә генә биргәннәр. Ничек алай булды икән әле ул? Документларын җыеп тапшырмагандыр, күрәсең, шуңа исемсез йөридер.

Быел зурдан кубып 70 яшьлеген билгеләп үткән Алла Пугачевага да Татарстанның халык артисты исемен бирергә кирәк дигән сүз чыккан иде әле анда. Аның Татарстанга да, татар милләтенә дә бер катышы да юк үзе. Булса соң! Бихисап күп исемнәре рәтенә «Татарстанның халык артисты» дигәне дә өстәлсен. Ул да әзрәк безнеке, дип мактаныр идек ичмасам.

АТКАЗАНГАННАР – ДӘҮЛӘТ СЕРЕ?

Интернетта бөтен нәрсә бар, дибез. Юк икән. Атказанганнар турында саннар юк икән. Татарстанның ничә атказанган артисты бар, аларның ничәсе республикада яши, узган 2018нче елда ничә мактаулы исем бирелгән – боларның берсе турында да мәгълүмат юк. Ни хикмәттер, дигән идем аны. Соңрак аңлашылды. Бездә атказанганнар турында мәгълүмат алу атказанган исемен алудан да кыенрак икән ләса!

Башта Мәдәният министрлыгына рәсми хат юлладык. Телдән генә сорау бирүдән мәгънә юк, аңа җавап биреп тә тормыйлар. Сорауларны рәсми бланкка матур итеп язып, баш мөхәррирнең имзасы вә мөһере белән раслап җибәрәсе. Хуш, җибәрдек. Бер атна үткәч шалтыраталар: «Гафу итегез, бездә андый мәгълүмат юк икән. Бу саннар Президент Аппаратында саклана». Шуны ачыклау өчен бер атна вакыт кирәк булган.

Хуш, Президент Аппаратына шакый башладык. Шакый дип, телефон аша инде. Сорауны кем исеменә, кайсы бүлеккә, нинди адреска җибәрәсе икәнен белергә кирәк бит. Аппаратта безнең белән бер атна тирәсе «футбол уйнадылар»: без белмибез – моңа шалтыратыгыз, без дә белмибез – тегеңә шалтыратыгыз. Шулай типкәләнә торгач, дәүләт бүләкләре бүлегенә килеп эләктек (ни өчен башта ук шул бүлек белән тоташтырмаганнардыр, юкса атамасы ук кычкырып тора бит). Җитәкчесе белән сөйләштек.

– Бу тегенди-мондый гына мәгълүмат түгел, рәсми саннар. Шуңа күрә рәсми сорау юллагыз, – диде хатын-кыз тавышы.

– Рәсми сорау юллыйсын беләбез. Нинди адреска юлларга икәнен генә белмибез. Сайтыгызда электрон почта күрсәтелмәгән бит.

– Сез нәрсә, сезгә берәү дә электрон хатка җавап биреп утырмаячак! Тем более шундый мәгълүмат! Хатыгызны бастырып, баш мөхәррирнең имзасы һәм мөһере белән раслатып, безгә алып килеп бирегез. Адрес – Кремль.

Юкса моңарчы рәсми хатларны гел электрон почта аша юлладык, бер проблема да килеп чыкканы юк иде. Татарстанда, электрон хөкүмәт, дип мактанабыз да бит әле. Кремльдә башкача эшлиләр булып чыкты. Юл төшкәндә, бер кереп чыгасы булыр инде – конверт алып куярга кирәк.

«ОТКАЗ АЛГАННАР»

Бөтен артист атказанган исемен алып бетерде бугай инде, дибез, диюен, тик саный башласаң, исем алмаганнар да бар ул. Атказанганнарга рифмалаштырып әйтсәк, «отказ алганнар» ягъни. Телдә күптән халык җырчысы булган Ришат Төхвәтуллинның әле атказанган исеме дә юк (Татарстан сәхнәсендә 2013нче елдан). Элвин Грейныкы да юк. Башкортстанның атказанган артисты дигәне генә бар. Элвин-Радик үзе былтыр ук «Татарстанныкын да аласым килә» дия башлаган иде инде, кем белә, бәлки, документларын җыеп та тапшыргандыр инде.

«Тукта, яңгыр, тукта, яңгыр» дип җырлый торган Ринат Рәхмәтуллинны хәтерлисезме? Аның шул бер җыры телдә инде, тик ул да атказанган исеме алырга тели икән. «Быел бу исемне кемгә генә бирмәделәр. Этенә дә, бетенә дә бирелде. 2015нче елда миңа да бирергә тиешләр иде, бирмәделәр. Туксанынчы елларда сугышкан өчен ике ел төрмәдә утырып чыккан идем – шул ярамады. Минем белән бер вакытта сәхнәгә күтәрелгән җырчылар быел әлеге исемне алды. Бары тик Мөнир Рахмаев һәм мин генә калдым», – дип зарланган ул «Интертат»ка. Мөнир дигәннән, ул да Ландыш, Иркәләр белән бервакытта чыккан иде сәхнәгә. Нишләп аңа да бирмәделәр икән берочтан? Өләшкәч-өләшкәч инде…

Халыкның яраткан җырчысы Таһир Якупов атказанган гына булып китеп барган. Бик күп танылган җырлар авторы, композитор Марсель Ивановның – ул 2015нче елда вафат булды – бөтенләй бер исеме дә булмаган.

19 ел зур сәхнәдә булган Нурзадәнең дә атказанган исеме юк икән. Гәрчә ул 2016нчы елда ук Мәдәният министрлыгына бөтен документларын илтеп тапшырган, барысы да тәртиптә, дип раслаган булсалар да. «258 бит документ илтеп тапшырдым, ышанасыңмы?! Министрлыкта да аһ иттеләр. 2002нче елда минем беренче альбомым чыкты. Аңарчы да җырламаган түгел, әлбәттә, җырладым – Искәндәр Биктаһиров төркемендә эшләп йөрдем. Шушы вакыт эчендә Казанда гына да 12 концерт куелды. Район-авыл җирендә куелганнарын санап та бетерерлек түгел, гастрольдән кайтып та кермим бит. Күпме альбом, күпме клип чыккан… Җырлаудан кала, телевизион тапшырулар да әзерләдем һәм алып бардым бит әле мин. «Мәйдан» телеканалында 56 тапшыруым чыкты. Ике тапкыр «Яшьлегем чишмәләре» концертын оештырдым. Мин исем өчен дип эшләмәдем. Тик миннән соң эшли башлаган кешеләр, миндә музыкант булып йөргән егетләр, бер сольный концерт та куеп карамаган кешеләр дә атказанган исемен алып бетерде бит инде. Шуңа күрә гарьләндерә. Бер авылга баргач, бер апа: «Синең, мөгаен, тиешле җирдә кешең юктыр, шуңа бирмиләрдер», – дигән иде. Ишетүемчә, министрлыкта минем папканы тартмага алып куйганнар. Тагын бераз эшләсен әле, дигәннәр», – дип сөйләде Нурзадә.

Казанда гына да өчәр көн тулы залга концерт бирә торган Илсөя Бәдретдинованың да атказанган исеме юк. Шул уңайдан җыр да яздырды бит, ишеттегезме икән:

«Журналистлар язар иде гәҗиттә алгы биттә,

Исән чакта шул медальне тагасы иде түшкә.

Бар Татарстан җыелып, Бауманнан әйдә үтик,

Дөньяның артына тибеп, мине атказанган итик.

Өй түрендәге сервантым

Премия белән тулган.

Башкалар күптән медальле,

Ник мин атказанмаган?»

Ну бу җырдан соң да исем бирмәсәләр инде Илсөягә… Бер генә юл кала – Мәскәүгә китеп барырга…

Ул исемнең бер файдасы да юк инде үзе. Без, журналистларның, эшен генә кыенлаштыра. Артист турында язма әзерләгәндә, интернетка кереп, биографиясен искә төшереп аласы була инде. Аллаһ сакласын, атказанган дигән исеме булып, онытылып кала күрмәсен.

Төгәл саннарны табып булмаса да, Республика Президенты сайтында мактаулы исемнәр бирү турындагы Указларның барысы да куеп барыла. Шул йөзләгән исем арасыннан берәмтекләп атказанганнарны санарга туры килде. 2018нче елда 35 кешегә Татарстанның атказанган артисты исеме бирелгән (бу – эстрада артистлары гына түгел, бөтен төр артистларны да санап). 7 кеше Татарстанның халык артисты исеменә лаек булган

Фәнзилә МОСТАФИНА, Безнең гәҗит

Фото: коллаж соцсети

Запись “Кайсы җырчылар атказанганнарга «отказ алганнар»?” впервые появилась Tatar Today - татар яңалыклары..

2009нче елларда Казаннан Мәскәүгә китеп барган татар дискотекалары йолдызы, популяр җырчы, легендар Алла Пугачева белән Владимир Кузьминның «никахсыз туган улы» Иван Пугачев, икенче төрле Исхак Хан белән соңгы тапкыр аралашканда, ул үзенең концертларында кешеләрне дәвалый башлавын, мондый сәләт аңа көтмәгәндә килүен сөйләгән иде.

Бу интервьюдан соң ярты еллап вакыт та узып киткән. Исхак Ханның тормышында нинди үзгәрешләр, яңалыклар барлыгын белү өчен, җырчы белән элемтәгә чыктык.

– Исхак Хан исәнмесез, соңгы сөләшүебездә «Сәхнәдә дәвалау концертларыннан соң бик арыйм, энергиям бетә» дигән идегез. Бүген дә бу сәләтегез белән эш итәсезме, концертыгызга килгән кешеләрне дәвалыйсызмы?

– Әйе. Алдашмыйм. Андый сәләтем бар. Ләкин мин аны кулланмыйм диярлек. Чөнки ул миңа кызык түгел. Мин бу турыда әйтәм, ләкин концертларда афишаламыйм. Бик танылган концерт агентлыгы миңа кешеләрне дәвалау максаты белән концертларга чыгарга тәкъдим итте. Мин баш тарттым. Әгәр мин авыруларны гына дәвалый башласам, иҗатымны яратып тыңлаучыларны югалтачакмын, ә миңа алар бик кадерле.

– Пугачева артыннан әле дә йөрисез кебек, бу эш сезгә нәрсәгә кирәк?

– Алла Пугачеваның “никахсыз туган улы” дигән исем алу ул, әлбәттә, пиар гына иде. Мин моны яшермим. Ләкин моңа халык ышанды. Мине кызганып, концертларыма хәтта көнкүреш кирәк-яраклары алып килүчеләр дә булды.

Алла Борисовна миңа барысын да эшләргә рөхсәт итә иде, мин хәтта аның тәрәзәсе каршында басып җырлар башкардым. Ләкин журналистлар аны минем белән аралашып, аңлашырга берничектә күндерә алмады.

Хәзер ул мине кабул итүен белдерде. Бу сенсация! Зур бүләк – Кипрда замок бүләк итте.

– Хәзер ниләр белән шөгыльләнәсез? Нинди яңалыкларыгыз бар? Нинди планнар корасыз?

– Хәзеге вакытта мин Мәскәүдә балалар радиосында продюсерлык бүлегендә эшлим, шулай ук гастрольләр белән дә чыгам, танылган рус эстрадасы җырчыларына җырлар язам. Төнге клубларда эшлим, үземнең яңа альбомымны чыгарырга уйлыйм. Бу көннәрдә Алла Пугачевага багышланган съемкаларда катнашам.

– 90 елларны сагынасызмы, ул вакытка кайтыр идегезме?

– Минем Татарстаннан ул вакытта китүемнең сәбәбе – продюсерлар булмауда иде. Һәр кеше булдыра алганча үзе үрмәләде. Миңа бу кызык булмый башлады.

Әлбәттә, мин ул вакытларны сагынам. Кызыгырак иде кебек. Кассеталар, CD, DVD дисклар сатыла иде. Хәзер барысы да интернетта. Шуңа күрә интернетта элек Казанда якыннан белгән  дусларны эзләп таптым, шунда аралашабыз. Сүз уңаеннан, 7-8 мартта Казанда булдым. Анда минем хакта документаль фильм төшерәләр.

Фото һәм видео: җырчының шәхси аккаунтыннан

Запись “Бу сенсация!” – Алла Пугачева Исхак Ханга Кипрда замок бүләк итә? [фото-видео] впервые появилась Tatar Today - татар яңалыклары..

Реклама турында законны бозучы, әлбәттә, Филипп Киркоров үзе түгел, ә Johnson & Johnson компаниясе. Антимонополь компания фикеренчә, артист товарларны чагыштырганда, рекламалана торганы турында арттырыбрак сөйләгән икән.

Филипп Киркоров төшкән рекламада тамак авыртуыннан дару күрсәтелә, ул экраннарга 2018 елның октябрендә чыкты. Рекламада Филипп Киркоров даруны сиптерүгә тамак авыртуы бетә ди, ә бу дөреслеккә туры килми икән.

Компанияне җаваплылыкка тартканнар, административ хокук бозу турында эш кузгатылган. Филипп Киркоров үзе бу хакта бернинди дә фикер әйтмәде.

Фото: кадр из телепередачи

Запись Филипп Киркоров халыкны алдый? впервые появилась Tatar Today - татар яңалыклары..

Иномарка алыштыруны совет чорындагы сәпит алуга караганда да җиңелрәк санаучы катлаулар барлыкка килде, кредитка тиз генә фатир юнәлтү мөмкинлеге пәйда булды, базарлар товар белән тулды. Хосусый милек һәм базар дигән ике нәрсә, хактыр, тормыш өчен алыштыргысыз кирәкле шәйләр­дән. Әмма халыкның бик зур кат­лавының якасыннан фә­кыйрьлек дигән әфәнде дә кысып тотып алды. Дүрт саның төгәл торып, исән-сау да булсаң, тик ятмаган кешегә тормышны бөтәйтергә мөмкинлек табылмый калмый калуын. Ә авырып китсәң, балаң чирле туса, бәла-казага юлыксаң, көй­мәң ватып булмый торган боз кантарына терәлә дә кала.

Реформалар бушлай медицина дигән нәрсәне, хөкүмәтнең социаль ярдәме дигән әйберне, үзең эшләгән оешманың сиңа матди һәм әхлакый булышлык күрсәтү мөм­кин­леген юып төшерә яздылар. Һәм… бәхетсезлек ияләре, учларын сузып, урамнарга чыгып басарга, матбугат һәм социаль челтәрләр аша халыкка мөрәҗәгать итәргә мәҗбүр булдылар.

Әле ярый интернет бар, мәгъ­лүмат кырында сөрән салу күпкә җиңеләйде. Шулаен ул шулай да, тик ул өлкәләрдә дә хәйран калырлык эшләр булып ята. Бердән, байлык белән фәкыйрьлек арасындагы контраст шаккатыра. Менә карагыз инде: рәсми чыганаклар “Газпром“, “Роснефть“ һәм “Саклык банкы“ менеджерларының еллык хезмәт хакы ике төбәк бюджетыннан узып китте дип хәбәр итәләр. Сүз халык байлыгы булган җир асты хәзинә­ләреннән файдаланучы дәүләт компанияләрендәге идарәчеләре­нең законлы хезмәт хаклары турында бара. Юк, болар урлашмаган, ә үз якларына борып, закон тәртәсе эшләгәннәр дә, ил амбарына бушатасы йөкне җиңел генә үз ишегалларына бушатып яталар.

Урлашучылар да калышмый. Новосибирск өлкәсенең “Хуҗалык идарәсе“ дип аталган дәүләт конторасы директоры Наталья Мали­новс­каяның өенә тентү белән килгәч, күпне күргән “опер“лар да таң калган: йорт доллар пачкалары белән шыплап тулган нигез өстендә утыра, ди. Менә шул хәбәрләрне укыйсың да социаль челтәрне ача­сың. Анда угың бәла-казага тары­ганнарның инәлеп ярдәм сораган мөрәҗәгатьләренә төртелә дә кала, төртелә дә кала. Зарлар шулкадәр күп, шулкадәр күп… Тукайның: “Куйса монда корткалар төшкән тешен алтын белән, Бер телем икмәк дип анда назлы нечкә бил җылый!“ – дигән юллары кылт итеп исеңә төшә дә куя.

Монысына да күнегәсең. Кар­таң­дагы акчаны, ваклап-ваклап, мазлумнарга җибәрү дә кыен эш түгел, чөнки ил төкерсә, күл була. Кабыргага икенче нәрсә китереп төртә: ярдәм сорап сугылган чаң­ның тавышы дөресме, юкмы икәнен белеп булмый. Оятсызлар, намус сатучылар, битенә ыштыр каплаганнар чүп үләне кебек басып алды бу өл­кәне. Чынлап та ярдәмгә мох­таҗ­лар­ның өлешенә кереп, болар “кешелеклелек“ дигән тө­шен­чәнең бө­тен чик­ләрен ватып-җи­мереп бе­тер­де­ләр.

Хәзер мазлумнар нишләсен, рекомендация сорап, абруйлырак шә­хесләргә мөрәҗәгать итә башладылар. Күпмедер йогынтысы булган ышанычлы шәхес: берәр танылган артистмы анда, журналист-язучы­мы синең файдаңа сүз әйтсә, ышанып ярдәм кулы сузучылар табылыр дигән өмет җылытты мес­кен­нәрне. Беренче мәлдә бу, чынлап та, ышанычлы адым булып тоелды. Әмма караклар оятсызлыгы чик­ләр­не белми. Бу алымга да алар үзләренең шакшы куллары белән кереп тыкшынды: зур шә­хесләрнең ялган аккаунтларын ясап, шулар аша акча имәргә ке­рештеләр. Мин инде үзем генә дә россиякүләм танылган берничә шәхеснең: “Минем ялган аккаунтлардан акча җыялар, сак булыгыз“, – дигән белдерү­лә­ренә юлыктым. Менә бит эшләр ничек! Әхлакый яктан таркалу ре­формаларның бер канатына әве­рел­де: бер тарафта фәкыйрьләрнең күз яшьләре ташкын булып ургый, икенче тарафта шул күз яшьләрен­нән дивиденд җыючы типсә тимер өзәрлек оятсызлар ишәя.

Тагын рәсми хәбәрләргә әйлә­неп кайтыйк. “Россия вертолетлары“ дигән дәүләт компаниясе (салым түләүчеләр акчасына яши, чөн­ки бюджет ярдәмендә утыра) Алла Пугачеваның соңгы концертына 40 миллион сум акча күчергән. Шик юк: примадонна бу хәергә мохтаҗ түгел, чөнки аның үз предприя­тие­ләре дә бар, болай да акча капчыгы өстендә утыра. Ни өчен дәүләт компаниясе галимнәргә булышмый? Ни өчен халыкара фәнни олимпиадаларда җиңгән балаларны үс­терү өчен бер тиен дә бирми? Тех­но­ло­гия­ләр ачлыгында утыра бит үзе, шуңа күрә боралакларын сата алмый интегә.

Илдә акча юк түгел, тик аның агымы никтер ялган ерганаклар ясый да уңдырышлы туфракны юды­­рып китә, технологияләр эрозиясе барлыкка килә. Медицинада да күзәтелә ул эрозия, башка тар­мак­ларда да. Чирле күкрәк баласына табиб ярдәме эзләп, күп­ме әти-әни чит ил клини­каларының ишеген шакый? “Россия вертолет­ла­ры“на шул хакта сорау биргәч, Пугачева исеме белән реклама ясарга те­ләдек, дигән җавап килде. Соң, кызыгырлык боралак ясый алма­саң, примадонна исеменә аркаланып кына аны сата аласыңмы инде?

(Рәшит Фәтхрахманов/“Ватаным Татарстан”, /№ 27, 22.02.2019/)

Фото: РИА Новости

Запись Дәүләт компаниясенең Алла Пугачевага 40 миллион күчерүен “оятсызлык” диләр впервые появилась Tatar Today - татар яңалыклары..

Җанатарлар артистларның гонорарларын кайчагында миллионнар белән исәпләүгә күптән күнеккән инде. Һөнәренә ихтыяҗ булу аркасында музыкантлар һәм актерлар күчемсез милек сатып ала һәм күп сәяхәт итә. Әмма бу киләчәктә йолдызлар зур пенсияләргә исәп тота ала дигән сүз түгел. Шушы көннәрдә Роза Сябитова аңа тиешле түләүләр күләме турында сөйләгән. Телевидениедә тапшырулар алып баручыга аена нибары 14 мең сум акча түлиләр икән. Нәкъ менә шуңа күрә ул актив эшләвен дәвам итә, фанатларны яңа иҗади проектлар белән сөендерә.

Иң зур пенсияләрнең берсен София Ротару ала: йолдызның пенсиясен рубльгә күчереп исәпләгәндә 35 меңгә якын, ә менә Михаил Боярскийның айлык түләүләр күләме нибары 20 мең сум тәшкил итә икән.

Автор: Александра Иванова

Сәхнә

Запись Пугачева, Боярский һәм Ротару күпме пенсия ала? впервые появилась Tatar Today - татар яңалыклары..

Галкин Алладан рәсми аерылышу таләп итә, ә Пугачева катгый рәвештә каршы килеп, ризалык бирми икән, дип яза politeka.

Сүз уңаеннан, Юлия Барановскаяның бәби көтүе турында имеш-мимешләр дә бар.

Фото: politeka

Запись Галкин белән Пугачева аерылыша? впервые появилась Tatar Today - татар яңалыклары..