Архивы автобус - Tatar Today - татар яңалыклары.

Бер хатын бөтен автобус пассажирларын үлемнән коткарган

kadria — Sat, 11 Jul 2020 09:15:29 +0000

30 июньдә Коми өлкәсендә бер хатынның батырлыгы аркасында фаҗига булмый кала.

Автобус пассажирларны утыртып Корткерос шәһәреннән Сыктывкарга таба чыгып китә. Бу гадәти районара рейс була. Ләкин автобус йөртүченең кинәт кенә хәле китә, ул руль артында ук вафат була, ә автобус хәрәкәтне дәвам итә. Шулай итеп машина идарәсез кала.

Пассажирлар арасында Анна Чистякова да була, ул югалып калмый, шәфкать туташы булып эшләве дә, машина йөртү күнекмәләре дә нәкъ менә шушы мизгелдә ярдәм итә.
Анна машина йөртүче урындыгы янына йөгереп килә, рульгә ябыша. Ул автобусның рулен борып, туктатмакчы була.

«Безнең каршыга зур Камазлар килә, машина йөртүчеләр кычкыртып китә. Без каршы як полосадан барабыз, тагын ике секунд вакыт калгандыр. Мин рульне борып, үзебезнең полосага чыга алдым. Аннары автобус тагын 20 метр чамасы барды әле», — дип сөйли Анна.

Шуннан соң Анна машина ачкычын тартып ала. Шоферның бер аягы тормозда була. Бәхеткә, икенче аягы газда булмаган. Анна ишек ача торган төймәгә баса, кешеләр салоннан сикереп чыга башлый, алар автобус туктаганны көтеп тормый.
Аннага башка пассажирлар да ярдәм итә башлый. Алар йөртүчене асфальтка алып чыгып сала, ашыгыч ярдәм чакыралар. Табиблар 40 минут чамасы аңа ярдәм итәргә тырышып карый, тик булдыра алмыйлар…

Резеда Галикәева

Фото: Кызыл Таң

Чыганак: Кызыл Таң

Запись Бер хатын бөтен автобус пассажирларын үлемнән коткарган впервые появилась Tatar Today - татар яңалыклары..

Социаль челтәрләр: Казанда автобус яна [видео]

Лейла — Tue, 30 Jun 2020 07:43:17 +0000

Казанда Декабристлар урамында автобус янды. Бу хакта социаль челтәрләрдә хәбәр ителә.

Вакыйга урыныннан видеоны шаһитларның берсе бастырган. Кадрларда күренгәнчә, «энергетика университеты» җәмәгать транспорты тукталышы янында — автобус тора, аннан куе төтен ага.

Бу хәлнең нечкәлекләре ачыклана. Зыян күрүчеләр турында мәгълүмат юк.

View this post on Instagram

A post shared by В Казани знают • Казань (@vkazani.znaut)

Чыганак:   "БИЗНЕС Online".

Запись Социаль челтәрләр: Казанда автобус яна [видео] впервые появилась Tatar Today - татар яңалыклары..

Ульяновск өлкәсендә балалар утырган автобус ауган

Alina — Sat, 29 Feb 2020 13:43:24 +0000

Ульяновск өлкәсендә автобус юл кырыена төшеп китеп ауган. Башлангыч мәгълүматлар буенча, ун кеше зыян күргән. Бу хакта төбәк хөкүмәте матбугат хезмәте хәбәренә сылтама белән «Интерфакс» хәбәр итә.

Авария 29 февральдә «Солдатская Ташла — Кузоватово» автомобиль юлында булган: шофер идарәне югалту нәтиҗәсендә автобус юл кырыена төшеп китеп, ауган. Анда Яңа Спас районыннан «Нефтьче» футбол командасыннан 26 бала һәм 3 тренер булган.

Хакимият мәгълүматы буенча, юл-транспорт һәлакәтеннән соң өч бала хастаханәгә салынган, аларның берсе авыр хәлдә.

Мәгълүмат Ватаным Татарстан

Запись Ульяновск өлкәсендә балалар утырган автобус ауган впервые появилась Tatar Today - татар яңалыклары..

Автобуста бушлай йөрү өчен нәрсә эшләргә кирәк?

Alina — Wed, 19 Feb 2020 15:52:50 +0000

Казанда автобус кондукторларына үз кесәсенә эшләү мөмкинлекләре көннән-көн кими. 43 нче автобус маршруты пассажирларын кондукторның хилафлыгы турында хәбәр иткән өчен бушлай йөртә башлаганнар әнә.

Билет сатучының, әйтик, билет бирмичә, яки ярты бәясен генә алып, акча белән “уйнавын” “кайнар линия” телефонының WhatsApp номерына язып җибәрүче кешегә автобуста ун тапкыр бушлай бару мөмкинлеге бирелә. Татарстан Автомобиль транспорты предприятиеләре ассоциациясе рәисе Сергей Темляков “Татар-информ” агентлыгына хәбәр иткәнчә, 43 нче маршрутта эшләүче автотранспорт оешмасы тәкъдиме белән уйлап табылган гамәл бу. WhatsApp аша алынган хәбәр башта тикшерелә, шуннан соң гына хәбәр итүче бүләкләнә. Казанның башка транспорт оешмалары бу тәкъдимне хуплармы – анысы әлегә билгесез.

Ә менә башкалабызның ПАТП-2 предприятиесе “иҗади” ысул белән автобус йөртүчеләргә кытлыкны бетерүгә керешкән. Биредә шоферлар эзләү максатыннан кызык кына акция башланып киткән. Оешма карамагындагы автобуслар салонында “Дустыңны йөртүче булып эшләргә алып килсәң – 3 мең сум аласың” дигән белдерүләр күрергә була хәзер. Автотранспорт предприятиесе җитәкчелеге хезмәткәргә, алып килгән кеше кимендә 90 көн эшләгән очракта, 3 мең сум күләмендә премия түләргә вәгъдә итә.

Магълүмат Ватаным Татарстан

Запись Автобуста бушлай йөрү өчен нәрсә эшләргә кирәк? впервые появилась Tatar Today - татар яңалыклары..

Казанда җәмәгать транспортында билетсыз йөргән өчен штрафны 10 меңгә җиткермәкчеләр

Лейла — Fri, 15 Nov 2019 16:01:07 +0000

Казанда җәмәгать транспортында билетсыз йөргән өчен штрафны берничә дистә тапкыр арттырырга тәкъдим иттеләр.

Алар моны «куяннар»га каршы көрәшнең нәтиҗәле чарасы дип саный. Алик Умаров Билетсызларга штрафны арттырырга тәкъдим итте.

«Билетсыз йөргән өчен штраф кертергә кирәк, һәм штраф сизелерлек дәрәҗәдә зур булырга тиеш. 10-15 меңнән ким түгел. Хәзер ул 350 сум тәшкил итә», –дип сөйләде Умаров.

Чыганак: Федерал Пресс

Запись Казанда җәмәгать транспортында билетсыз йөргән өчен штрафны 10 меңгә җиткермәкчеләр впервые появилась Tatar Today - татар яңалыклары..

“Кондукторны үтерәләр!”: исерек пассажир кондукторга ташлана

Лейла — Fri, 11 Oct 2019 16:08:27 +0000

11 октябрь иртән 49нчы автобуста гадәттән тыш хәл булган: исерек пассажир кондукторга ташланган.

Автобус йөртүче сүзләренә караганда, ул пассажирлар тукталышында утыртып, ишекләрне япкач, салоннан “ишек ачу үтенече” дигән сигнал килеп ирешкән, ул ишекне ачкан, тик шуннан соң автобустан берсе дә чыкмаган.Шунда ук бер пассажир ханым автобус йөртүчесенә мөрәҗәгать итә.

“Кондукторны үтерәләр!”- дип кычкыра. Шофер шунда ук салонга йөгерә. Анда ниндидер ир-ат кондукторга һөҗүм итә. Машина йөртүче һәм пассажирлар ирне автобус салоныннан әйләндереп алып чыктылар, полиция һәм ашыгыч ярдәм чакырттылар.

Чыганак: kazan.aif.ru

Запись “Кондукторны үтерәләр!”: исерек пассажир кондукторга ташлана впервые появилась Tatar Today - татар яңалыклары..

Казанда автобус 9 яшьлек баланы бәрдергән

irina — Thu, 30 May 2019 09:43:16 +0000

Казанда тугыз яшьлек малай автобус тәгәрмәчләре астында җитди имгәнүләр алган, дип хәбәр итә шәһәр дәүләт автоинспекциясе.

29 июньдә кичке биштә Совет урамы буенча 20 нче йорт каршында “Нефаз” автобусы йөртүчес җәяүлеләр кичүендә юл бирмәгән һәм баланы бәрдергән.

Малай күп санлы имгәнүләр алган: табиблар укучының баш миен селкенгән һәм беләгендә ябык травма.

фото: pixabay.com

Запись Казанда автобус 9 яшьлек баланы бәрдергән впервые появилась Tatar Today - татар яңалыклары..

Казанда транспортка билет бәясе кайчан һәм күпмегә артачак?

Алина — Mon, 24 Dec 2018 09:25:37 +0000

Пассажир ташучылар һәм Казан башкарма комитеты вәкилләре Казанда җәмәгать транспортында йөрү бәясен 3 сумга яки 28 сумга кадәр арттырырга тәкъдим иткән. Бу мәгълүматны Тарифлар буенча дәүләт комитетында расладылар.

2019 елның 1 гыйнварыннан җәмәгать транспортында йөрү бәясе артмаячак, әмма соңрак кыйммәтләнергә мөмкин. Яңартылган тарифны кабул итүгә 1 айга кадәр вакыт китәргә мөмкин, диде Тарифлар буенча дәүләт комитеты матбугат секретаре Гөлзада Кычакова.

Тәгаенләнгән карарны Дәүләт комитеты тагын 30 көнгә кичектерергә хокуклы. Аннары документ тагын 10 көннән генә үз көченә керәчәк.

tatar-inform

Запись Казанда транспортка билет бәясе кайчан һәм күпмегә артачак? впервые появилась Tatar Today - татар яңалыклары..

Татарстанда автобус янып кешеләр үлү хәбәре чынмы?

Лэйсирэ — Thu, 11 Oct 2018 12:51:43 +0000

Лениногорск районында ут капкан автобуста һәлак булучылар турындагы гаммәви мәгълүмат чаралары тараткан хәбәр дөреслеккә туры килми. Бу хакта «Татар-информ» агентлыгына Татарстан Сәламәтлек саклау министрлыгының матбугат хезмәтеннән хәбәр иттеләр.

«Әлеге мәгълүмат дөрес түгел. Гадәттән тыш хәл вакытында һәлак булучылар да, зыян күрүчеләр дә юк. Регламент буенча урынга «ашыгыч ярдәм» машинасы килгән, әмма беркемгә дә табиблар ярдәме кирәк булмаган», – дип хәбәр иттеләр агентлыкка ТР Сәламәтлек саклау министрлыгының матбугат хезмәтеннән.

Моңа кадәр социаль челтәрләр һәм гаммәви мәгълүмат чараларында 10 октябрь кичендә Әлмәт–Лениногорск маршруты буенча хәрәкәт иткән автобусның яна башлавы турында хәбәр таралды. Агентлык мәгълүматлары буенча, транспорт чарасының мотор бүлегенә ут капкан.

tatar-inform

Фото: https://pixabay.com

Запись Татарстанда автобус янып кешеләр үлү хәбәре чынмы? впервые появилась Tatar Today - татар яңалыклары..

Казан автобусында кондуктор һәм пассажир сугыша [видео]

Лэйсирэ — Thu, 02 Aug 2018 13:17:08 +0000

Казанның ПАТП №2 автобусында кондуктор һәм пассажир хатын-кыз сугышкан. Конфликт шаһитлары видео төшереп, аны яшен тизлегендә интернетта тарата. Үз күзләре белән күрүчеләр сүзләренә караганда, пассажир хатын-кыз исерек булган.

Башта алар ни сәбәпледер телгә килеп талаша, аннан сугыша ук башлый. Хатын-кызларны автобусны туктаткач кына аралап ала алганнар, дип яза “Казанский репортер” газетасы.

Фото: скриншот

Запись Казан автобусында кондуктор һәм пассажир сугыша [видео] впервые появилась Tatar Today - татар яңалыклары..