Архивы бәйге - Tatar Today - татар яңалыклары.

«Сәйлән» фестиваленең икенче сезоны

kadria — Mon, 27 Jul 2020 14:31:58 +0000

// Татар Тудей// Татар Бүген//

Меңләгән катнашучы, йолдызлы жюри, иң матур җырлар! «ШАЯН ТВ» каналында «Сәйлән» балалар телевизион җыр фестиваленең 2нче сезоны башланды.

Аның максаты – татар халык җырларын популярлаштыру, сәләтле балаларга иҗади үсеш мөмкинлеге булдыру. Үзенчәлеге: катнашучылар бары тик татар телендә генә җырларга тиеш.
Фестивальгә 6-14 яшьлек балалардан 1000 гә якын гариза кабул ителде. Шулар арасыннан мәртәбәле жюри 32 катнашучыны чираттагы этапка сайлап алды. Әлеге катнашучылар өчен, «ШАЯН ТВ» каналы сайтында 31 нче августка кадәр тавыш бирү бара. Тизрәк сез дә shayantv.ru сайтына кереп, үзегезгә ошаган катнашучы өчен тавыш бирегез. 20 июльдән 31 августка кадәр узган онлайн тавыш бирү нәтиҗәләре буенча, иң күп тавыш җыйган балаларны ярымфиналда йолдызлы жюри бәяләячәк. Фестивальдә катнашучылар өчен вокал, актерлык осталыгы, сәхнәдә үз-үзеңне тоту буенча мастер-класслар уздыру да планлаштырыла. Ә җиңүчеләрне исә зур бүләкләр көтә.
Бу проект яшь йолдызларга тагын да яктырак балкырга, гомумән, татар халкының матур җырларын танытырга ярдәм итә.

Тавыш бирү ссылкасы – https://shayantv.ru/seilen/vote

Запись «Сәйлән» фестиваленең икенче сезоны впервые появилась Tatar Today - татар яңалыклары..

Хәким җиңде!

Alina — Sun, 02 Jun 2019 19:33:58 +0000

2 июньдә “Песни на ТНТ” проектында катнашучы Анет Сай бәйгесенең нәтиҗәләре билгеле булды. Иң күп тавышны Хәким җыйган. Ул Анет Сайның “Дыши” җырына кавер башкарып, видео төшергән һәм инстаграм аккаунтына керткән.

Анет тапшыруда “Black Star” командасыннан икәне билгеле. Ул үзенең җырын башкаручылар арасында бәйге башлаган иде, катнашучылар да күп булган.

View this post on Instagram

A post shared by Хаким (@khakim_ak)

Хәким үзенең башкаруы белән күпләргә ошаган. Анет та җиңүчене билгеләгәч, үзенең аккаунтында Хәкимгә бергә видео төшерергә тәкъдим ясаган. Җиңүчене Мәскәүгә чакырганнар.

Гузәлия дә бу бәйгене игътибарсыз калдырмаган. Шулай ук инстаграм аккаунтында “Җиңү безнеке!Барыгызга да рәхмәт” дип фото куйган.

https://www.instagram.com/p/ByNxuPpIMtj/

Запись Хәким җиңде! впервые появилась Tatar Today - татар яңалыклары..

Бер кыз бер айда Камал театрына 45 мең сумлык билет ала

Люция — Thu, 10 Jan 2019 12:42:49 +0000

Камал театры “Ай тамашачысы” бәйгесенең декабрь аендагы җиңүчесен билгеләде. Бу турыда театрның сайтында хәбәр ителә.

1 сентябрьдән башлап Камал театрында “Ай тамашачысы” конкурсы игълан ителде. Ул сезон ахырына кадәр дәвам итә. Акция шартлары буенча театр сайты kamalteatr.ru аша максималь суммага билет сатып алган тамашачы, бөтен алган билетларының 20%ы күләмендә кешбэкка ия була. Жиңүче һәр айның соңгы көнендә билгеләнә.

“Сайт аша спектакльләргә иң күп билет алган декабрь тамашачысы – Миләүшә Котбиева. Ул барысы 45 000 сумга билетлар алган”, дип яза театрның матбугат хезмәте.

Фото: kamalteatr.ru

Запись Бер кыз бер айда Камал театрына 45 мең сумлык билет ала впервые появилась Tatar Today - татар яңалыклары..

Театрга билет отарга ашык! [бәйге шартлары]

Чулпан — Tue, 13 Mar 2018 05:00:31 +0000

Дуслар, Tatar Today сайты Камал театры белән берлектә бәйге игълан итә.

Камал театрының “АК КАЛФАГЫМ ТӨШЕРДЕМ КУЛДАН…” спектакленә 2 чакыру билеты (бер билет 2 кешелек) уйнатабыз.

Бәйгенең шарты бик гади!

1) https://vk.com/kamalteatr
https://vk.com/tamle
https://vk.com/tatarshlari
https://vk.com/tatarchaconcert
https://vk.com/tatartoday
https://vk.com/tatkoncert группаларында теркәлергә;

2) ВКонтактедагы төркемебездә шушы пост астында үз саныңны калдырырга!

Җинүчеләр очраклы саннар генераторы ярдәмендә 21 март көнне билгеләнәчәк. Уңышлар!

СПЕКТАКЛЬ 25 март көнне Камал театрында була.Башлана 18:00.

Запись Театрга билет отарга ашык! [бәйге шартлары] впервые появилась Tatar Today - татар яңалыклары..

Сергей Миронов «Тасма» бинасында ясалган татар кызына исем эзли [фото]

Чулпан — Thu, 06 Jul 2017 16:25:11 +0000

Казанның Киров һәм Мәскәү районнарының башлыгы Сергей Миронов үзенең Инстаграмдагы битендә “Тасма” бинасында сурәтләнгән кызчыкка исем сайлау бәйгесе оештырырга тәкъдим иткән. //Татаr today//

Аңа язылучылар инде комментарий итеп исемнәр дә калдыра башлаган. Араларында Ләйсән, Айгөл, Асылъяр, Ләйлә, Алсу дип кушарга кирәк дигән тәкъдимнәр дә, артист Чулпан Хаматова хөрмәтенә Чулпан дип кушарга ният белдерүчеләр дә очрый.

Тәкъдим ителгән исемнәр арасыннан иң уңышлы 3 исем сайлап алынып, соңыннан ачык тавыш бирү оештырылачак.

View this post on Instagram

A post shared by Сергей Миронов (@mironov_kzn)

Запись Сергей Миронов «Тасма» бинасында ясалган татар кызына исем эзли [фото] впервые появилась Tatar Today - татар яңалыклары..

Әлмира Әдиатуллина әдәп мәсьәләсен күтәреп мөрәҗәгать белән чыкты [видео]

Редактор1 editor1 — Wed, 22 Mar 2017 16:02:48 +0000

Бу елның 1 апрелендә иртәнге сәгать 9 да Казаныбызның тарихи, олуг галимебез Шиһабетдин Мәрҗани исемен йөрткән Мәрҗани мәчетендә “Сөембикә энеләре һәм сеңелләре” ярыш-бәйгесенең чираттагысы – егерменчесе, ягъни юбилей конкурсы узачак.//Татар Ислам//

Безне хәзер төрледән-төрле бәйгеләр, тамаша-очрашулар белән шаккатырып булмаса да, мөселман балалары арасындагы әлеге бәйгене 20 ел буена әйдәүче-оештыручы җәмәгать эшлеклесе, Татарстан мөселман хатын-кызларының “Мөслимә” иҗтимагый оешмасы рәисе, “Мөслимә” гәзите баш мөхәррире, Татарстанның атказанган мәдәният хезмәткәре, алыштыргысыз Әлмира апа Әдиатуллина иңендә булуы белән аерылып тора.

“Сөембикә энеләре һәм сеңелләре” ярыш-бәйгесе узарга санаулы көннәр калганда, Әлмира апа Әдиатуллина ата-аналарга һәм балаларга мөрәҗәгать итте. Әлеге видеоны сезгә дә тәкъдим итәбез. Һәм бәйгегә көтеп калабыз. Хәерле сәгатьтә!

Запись Әлмира Әдиатуллина әдәп мәсьәләсен күтәреп мөрәҗәгать белән чыкты [видео] впервые появилась Tatar Today - татар яңалыклары..

“Голос” проектыннан Динә Гарипова бәйге үткәрә: җиңүчене бүләк көтә

Редактор1 editor1 — Fri, 03 Mar 2017 15:30:48 +0000

“Голос” проекты җиңүчесе, Татарстанның атказанган артисты Динә Гарипова Игорь Крутойның музыка академиясе һәм Casio компаниясе белән берлектә яңа бәйге игълан итә. Шартлары бик гади: катнашучы Динәнең “Пятый элемент” җырын башкарып, Инстаграмга куярга тиеш. Җиңүчене дә җырчы үзе билгели. //Tatar-today//

Иң яхшы дип табылган башкаручыны саллы гына бүләк –Casio компаниясеннән синтезатор көтә.
7 гыйнварда премьерасы булып узган “Пятый элемент” тыңлаучылар тарафыннан җылы кабул ителгән иде. Ютубта куелган видео астында Динәнең җырын мактап язылган комментарийлар шактый күп булды. Шулай да, клип булмауга бәйледерме, караулар саны аз: бары тик 17 мең тирәсе генә. Динә чыннан да талантлар эзлиме, әллә Инстаграмдагы бу бәйге җырны популярлаштыру чарасымы – билгесез.

Нәтиҗәләр 13 мартта билгеле булачак. Төп җиңүчедән кала тамашачы мәхәббәтен яулаган, ягъни видеоязмасы иң күп карау җыйган катнашучыга да бүләк биреләчәк.
Бәйге турында тулырак мәгълүматны җырчының Инстаграмдагы сәхифәсендә күрергә була.

View this post on Instagram

Академия популярной музыки Игоря Крутого, Дина Гарипова и компания Casio в рамках проекта #AcademyCovers объявляют конкурс кавер-версий на песню #ПятыйЭлемент ! Условия проведения: ? послушай оригинал песни Дины #ПятыйЭлемент (по ссылке в профиле ее аккаунта в инстаграм @DinaGaripova или на просторах YouTube); ? придумай свою кавер-версию, исполни и сними ее на видео, и выложи этот ролик в инстаграм; ? подпиши свое видео – "Я участвую в конкурсе кавер-версий песни #ПятыйЭлемент от @Academy_IgorKrutoy, @DinaGaripova и @Casio_Music и хочу выиграть синтезатор!": ? поставь к посту хэштеги #АкадемияИгоряКрутого #ДинаГарипова #Casio #ПятыйЭлемент #AcademyCovers #ХочуСинтезатор Ура, ты в деле! ❗ Работы принимаются по 11 марта включительно! ❗ Победитель, которого вместе выберут Дина и Академия Музыки Игоря Крутого 13 марта, получит приз – синтезатор от компании Casio! ❗ Также "приз зрительских симпатий" получит обладатель видео, которое ко дню окончания конкурса наберет наибольшее количество просмотров. Вперед! И всем удачи!

A post shared by Дина Гарипова (@dinagaripova) on Mar 2, 2017 at 3:43am PST

Запись “Голос” проектыннан Динә Гарипова бәйге үткәрә: җиңүчене бүләк көтә впервые появилась Tatar Today - татар яңалыклары..

Татар ашлары бәйгесендә тәкъдим ителгән яңача ризык “кекс-гөбәдия” җәнҗал чыгара яза [фото-видео]

Редактор1 editor1 — Fri, 24 Feb 2017 06:38:35 +0000

22 февраль Казанда аш-су осталарын әзерләүче уку йортлары катнашында “Татар гаиләсе” дигән татар ашлары бәйгесе үтте. Татар ашлары турында классик китаплар язган Юныс Әхмәтҗановның 90 еллыгына багышланган чарада татар ашларына яңалык кертү омтылышы да булды. Әмма ул тәнкыйтькә тотылды. Шулай итеп бәйгедә татар ашларына яңалык кертергә кирәкме дигән мәсьәлә дә күтәрелде //Азатлык радиосы//.

Бүгенге көндә татар аш-су осталарын һаман да моннан 50-60 еллап элек атаклы пешекче Юныс Әхмәтҗанов язган китаплар нигезендә өйрәтәләр. Классик дәреслекләргә нигезләнеп булса да, һәр яшь пешекчедән иҗади алымнар кертүне дә таләп итәләр. Заманында Юныс Әхмәтҗанов үзе дә шулай эшләгән, татар халкының борынгы ашларының күп төрләрен теркәп, саклап барудан тыш, яңа рецептлар да уйлап тапкан.

22 февраль аш-су остасы Резедә Хөсәенова җитәкчелегендәге “Татар мәдәнияте һәм татар ашлары” халыкара берләшмәсе Казанда “Тәмле булсын” ресторанында уздырган бәйгедә республика районнарыннан җыелган 15 уку йорты катнашты.

Норлат, Чистай, Буа, Арча һәм башка яктан килүче катнашучылар күбесенчә, үз якларына хас татар ашлары үзенчәлекләрен чагылдырды. Мәсәлән, Чистай көллияте алып килгән гөбәдиягә йөзем белән белән бергә өрек тә салынган иде. Буа ветеринария техникумы, шикәр кайнатып йөземле ширбәт алып килде. Норлаттан килгән пешекчеләр чәкчәк урынына бизәкле баурсак әзерләп килде.

Баурсак

Иҗади экспериментлар да булды. Кемдер какны төрле төсләргә буяп, аннан кош сурәтен ясады. Башкалар итле тутырманы соя соусы белән пешергән иде. Әмма бик күп бәхәсләр китереп чыгарган әйбер – ул кекс рәвешендәге гөбәдия булды.

Гөбәдиягә яңалык кертү җәнҗал чыгара язды

Казан сәүдә-икътисади һөнәр мәктәбендә укучы Динә Әхмәтҗанова сөйләгәнчә, укытучылар белән киңәшләшеп, гөбәдиянең формасын бераз гына үзгәртеп карарга иткәннәр һәм аны кекс рәвешендә ясаганнар. Эче үзгәрешсез калган: корт, дөге, йомырка.

Кекс-гөбәдия

Бәйгедә бәя бирүче мәртәбәле жюри шундый яңалык турында ишеткәч, җәнҗал чыга язды. Жюри әгъзасы, Казанда атаклы кафе-рестораннар хуҗасы, тәҗрибәле пешекче Равилә Шәйдуллина тәкъдим итүче кызны бүлдереп: “Мин 40 елдан артык җәмәгать туклану тармагында эшлим, гөбәдияне болай үзгәртүгә катгый каршымын”, дип белдерде.

Жюри әгъзасы, шагыйрь Роберт Миңнуллин да: “Бу рәвешле ясалган гөбәдияне яратмаслар, гөбәдия дип язып куйсагыз да кара әле, бутаганнар, кекска гөбәдия дип язганнар дип тәнкыйть белдерерләр, яшь чакта эзләнергә, сынап карарга була инде, әмма соңыннан классик формага кайтырсыз”, дип йомшак кына шелтәләде.

Жюри әгъзасы, Татар конгрессы вәкиле Фәрит Уразаев та мондый яңалыкны хупламады. “Классик һәм кекс формасын бергә кушсагыз, уңышлырак булыр иде”, дип киңәш итте. Әмма, жюриның икенче бер әгъзасы, “Бәлеш” татар ашларын пешерү ширкәтләре башлыгы Фаил Хөсәенов киресенчә мактады, “татар ашларына яңалык кертү кирәк” диде.

Бу кекс-гөбәдияне уйлап тапкан һөнәри мәктәп укытучылары тәнкыйть белән килешмәде. Татар ашлары остасы Альбина Хәмидуллина, төп рецепты сакланса, форма белән иҗади экспериментлар үткәрү мөмкин, диде.

“World Skills кебек халыкара һөнәрчеләр ярышларында катнашканда иҗади эшләнеше, бизәлеше, үзенчәлегенә игътибар итәргә кушалар, шуңа күрә без шундый үзенчәлекле гөбәдия ясап карарга булдык,” дип сөйләп китте икенче укытучы Лилия Ганиева.

Алар башка татар ашларына да яңалык кертә, эксперимент үткәрә икән. “Татлы катламаларны да, өчпочмакларны да төрле бәйгеләргә бизәп чыгарабыз, шул рәвешле алар халыкка яңа яктан ачыла”, ди Лилия Ганиева.

Кекс-гөбәдия җиңү яуламады

Татарстан районнарыннан җыелган 15 көллият һәм институт катнашкан бәйгедә күбесенчә классик татар ашлары рәвешендә эшләнгән гөбәдия, бәлешләр, чәкчәк, бавырсаклар җиңде. Табынга җырлы биюле тамашалар белән чакырган Чистай коллияте бәйгенең гран-при бүләген алды.

Беренче урынга Казан азык-төлек технологиясе көллияте, икенче урынга Норлат аграр техникумы, өченче урынга аш-су осталарын да әзерләүче Буа ветеринария техникумы лаек дип табылды. Кекс-гөбәдия уйлап табучыларга спонсордан гына бер бүләк бирелде.

Бәйгенең төп оештыручысы, “Тәмле булсын” рестораннары хуҗасы, “Татар мәдәнияте һәм ашлары” халыкара берләшмәсе башлыгы Резедә Хөсәенова бу чараның максатын яшь буын татар аш-су осталарын бер-берсе белән ярыштырып, аларга осталыкларын үстерергә этәргеч бирергә теләдек дип аңлатты.

Запись Татар ашлары бәйгесендә тәкъдим ителгән яңача ризык “кекс-гөбәдия” җәнҗал чыгара яза [фото-видео] впервые появилась Tatar Today - татар яңалыклары..

“Евровидение-2017” Русиядә оештырылырга мөмкин, менә-менә хәл ителә

Редактор1 editor1 — Sun, 04 Dec 2016 11:50:07 +0000

“Евровидение”не оештыручылар музыкаль бәйгене Мәскәүдә уздырырга тәкъдим итә. Моның турында Bild сайты яза.

Әлеге тәкъдимне Украинада барлыкка килгән финанс проблемалар белән бәйлиләр. Соңгы елларда әлеге чараны үткәрү өчен 17-25 млн еврога якын акча тотыла. 10-14 млн евро Европа тапшырулар берлеге тарафыннан бүленеп бирелсә, калган чыгымнарны оештыручы ил капларга тиеш. Әмма Украина хакимияте тарафыннан чараны финанслауда проблемалар килеп чыккан, бу исә бәйге башка илдә уздырылырга мөмкин дигән сүз.

2016 елда икенче урын алган Австралия Евровидениене кабу итә алмый, бәйгенең кагыйдәләре буенча чара бары Европада гына үтәргә тиеш. Исегездә булса, 3нче урынны Русия вәкиле Сергей Лазарев яулаган иде, димәк, Украина финанс проблемаларын хәл итә алмаса, Евровидение Мәскәүдә оештырылырга мөмкин.

Музыкаль бәйгенең кая үтәчәге 8 декабрьдә генераль ассамблея утырышында Европа тапшырулар берлегендә хәл итәләчәк.

Татар тудей

Запись “Евровидение-2017” Русиядә оештырылырга мөмкин, менә-менә хәл ителә впервые появилась Tatar Today - татар яңалыклары..

Казанда “Бикафест” фестивале уза: катнашучылар арасында “Голос” проекты финалисты, гади физкультура укытучысы да бар [фото-видео]

Редактор1 editor1 — Sat, 19 Nov 2016 14:37:22 +0000

20 ноябрьдә КФУның концерт залында Бикмуллин исемендәге «Бикафест» XV республика фестивале узачак. Юбилей фестивальдә катнашу өчен 200 заявка бирелгән. Бу хакта Татарстанның «Сәләт» яшьләр иҗтимагый фонды медиаүзәге хәбәр итә.

Бүген Казанда “Сәләт” йортында Рөстәм Бикмуллин исемендәге XV Республикакүләм «БикаФест» фестиваленең сайлап алу туры башланып китте. Чарада катнашырга теләк белдереп 200дән артык гариза кабул ителгән, шуларның 125се үз чыгышларын жюрига күрсәтәчәк. Фестивальнең номинацияләре күп төрле: иң оста автор-башкаручы, иң оста коллектив-башкаручы, татар халык җырын иң оста башкаручы, бард җырын иң оста башкаручы, үз әсәрен иң оста укучы, башка автор әсәрен иң оста укучы. Оештыручылар сүзләренә караганда, юбилей елы булганга катнашучыларны бик күп сюрпризлар көтә.

Күпләр өчен Бикмуллин фестивале үз-үзен табу урыны һәм үсеш мәйданчыгы булып тора. Мисалга, татар эстрадасы йолдызы Илназ Сафиуллин да җиңүчеләр исемлегендә. “Мин 2002-2004 елларда “Иң оста автор-башкаручы” номинациясендә катнашып беренчелекне яуладым. “Бикафест” – минем өчен бик зур хатирә, дәрәҗә, язмышымны билгеләгән тормыш мизгеле ул. Әлбәттә, фестиваль елдан ел үсә. Катнашучыларга барлык сәләтләрен тиешенчә күрсәтүләрен һәм бары уңышлар теләп калам. Сәләттәгедәй җылы атмосфераны сез башка җирдә таба алмассыз”, ди Илназ.

“Голос. Дети” проекты финалисты Сәидә Мөхәммәтҗанова да быел “БикаФест”та үзен сынап карарга булган. “Фестивальда беренче тапкыр катнашам. Барлык катнашучылар да бик талантлы һәм көчле. Җиңүгә кадәр бәйгенең атмосферасы кызык. Һәр кешенең шансы бар, барыбызга да уңышлар”, ди ул. Россия проекты финалисты булган катнашучыга «Сәләт» уздырган әлеге бәйгедә генә катнашу әллә ни авыр түгелдер.

Ә Азат Гыймадиев исемле катнашучы фестивальгә зур планнары белән килгән. Ул “БикаФест” ярдәмендә татар эстрадасын үзгәртергә тели. “Бүгенге көндә татар эстрадасыннан мин канәгать түгел. Яхшы артистлар бар, әлбәттә, тик алар бик аз. Үзем “Juna” төркеменең иҗатын яратам. Фестивальгә үзем язган “Ярамны ямарсың” исемле җырымны электропианинода уйнап тәкъдим итәчәкмен. Мондагы иҗат атмосферасы миңа шундый ошый!” – ди ул. “Иң оста автор-башкаручы” номинациясендә катнашучы Азат фестивальнең үз иҗатында зур трамплин булагачагына ихлас күңелдән ышана.

Катнашучыларны, традициягә әверелгәнчә, Татарстанның танылган мәдәният һәм сәнгать эшлеклеләре хөкем итәчәк. Шулай ук жюри әгъзалары һәр кешенең чыгышына бәя һәм киңәшләрен бирәчәк. Алар арасында Татарстан Язучылар берлеге рәисе урынбасары Рәмис Аймәт, Камал театры артисты Фәнис Җиһанша, Татарстан Республикасының атказанган мәдәният эшлеклесе, композитор Риф Гатауллин, җырчылар Алинә Шәрипҗанова, Гөлсирин Абдуллина һәм Рәнис Габбасов кебек танылган шәхесләр бар.

Жюри әгъзаларын физкультура укытучысы Айнур Каюмов “Киек казлар” һәм “Зөләйха” җырларын башкарып таң калдырды. Егет җыр белән кечкенәдән кызыксына икән. Бүгенге көндә мәктәптә физкультура укыта, аңа өстәп Идел буе физик культура, спорт һәм туризм академиясе магистратурасында I курста белем ала һәм иҗат белән дә шөгыльләнә. Фестиваль турында интернеттан ишеткән һәм үзен сынап карарга булган.”Укытучылык эше белән иҗатны бергә алып барырга тырышам. Бүген дә эштән соң йөгереп монда килдем. Эшнең үз урыны, иҗатның – үзенең. Ир кешенең төп һөнәре булырга тиеш. Шуңа күрә дә физкультура укытучысы булырга уйладым”, ди фестивальдә катнашучы егет.

Айнурның музыка сәнгате өлкәсендә дә киләчәктә укырга теләге бар. Әлегә машинада йөргәндә генә үзлегеннән өйрәнеп җырлый икән. Иҗат итәргә планнары зурдан. Көчле көндәшлек тә аны куркытмый. “Һәр җырчының үз урыны”, ди Айнур.

Физкультура укытучысы буларак, Айнур фестивальдә катнашучыларга уңышлар түгел, ә сәламәтлек теләде. Сәламәтлектән башка яшәүнең мәгънәсе юк, аның өчен бернәрсәне дә кызганмаска кирәк дигән фикердә ул.

Бүген катнашучылар өчен төрле остаханәләр дә үткәрелде. Аларны шулай ук уңышка ирешкән кешеләр уздырды: Рәшит Ваһапов исемендәге фестиваль җитәкчесе, продюсер Рифат Фәттахов, “Татар Радиосы” ди-джейлары Гөлназ Сәфәрова һәм Айваз Садыров, Камал театры актерлары Ришат Әхмәдуллин һәм Алмаз Гәрәев.

Татар-информ

Запись Казанда “Бикафест” фестивале уза: катнашучылар арасында “Голос” проекты финалисты, гади физкультура укытучысы да бар [фото-видео] впервые появилась Tatar Today - татар яңалыклары..