Архивы бала туу - Tatar Today - татар яңалыклары.

“Затлы коляскаларың бер җирдә торсын” [видео]

Лейла — Fri, 24 Sep 2021 16:22:21 +0000

Элек бала тугач 2 атна гына ял итәргә мөмкинчелек булган. Шул кыска вакыт үтү белән яшь ана калганнар белән бертигез кыр эшләрендә эшләргә тиеш булган.

View this post on Instagram

A post shared by ТАТАР ТУДЕЙ / ТАТАР БҮГЕН (@tatar_today_116)

Шундый арбаларга яшь сабыйны яткырып, өстен матур япма белән ябып, уракка төшкәннәр. Кул астына эләккән тукыма кисәге белән түгел, ә чигеп әзерләнгәне белән.

Кояштан, җилдән, бөҗәкләрдән, кеше күзеннән дә саклаган ул.

– Бүгенге көндә Түбән Кама районы Шәңгәлче авылында яшәүче әнинең сеңлесе, Гильманова Шәмсисрур Ибатулла кызын (1940) мин гел ачык йөзле, ярдәмчел апа итеп белдем, – дип язалар @ostazlar

– Иреннән бик иртә тол калып, 2 баласын үзе аякка бастыра. Гомере буе кайнана белән яши. Кайчан килмә – гел шатланып каршы ала. Чисталыкны, пөхтәлекне, матурлыкны яраткан Шәмсисрур апа.

Аның сакланып калган кул эшләренең саны бик күп. Ул аларны гел дә кадерләп саклап торган. Бала арбасының япмасы да – аның кул эше.

Чыннан да, юклык вакытында да, авыр чакларда да тирә-юньне матур итеп күргәннәр, үзләре дә гүзәлләндергәннәр.

Мондый арбалар булган чордан 50-60 ел узган инде…

Хәзер затлы-затлы кыйбатлы коляскаларда йөртәбез бала-оныкларыбызны.

Тормыш үзгәрде. Чигүле япмаларны кайтарасы килә кайвакыт. Шул вакытларга кайтасы килә…

Запись “Затлы коляскаларың бер җирдә торсын” [видео] впервые появилась Tatar Today - татар яңалыклары..

Җырчы Чәчкә кызы белән бала тудыру йортыннан чыкты [фото]

Редактор1 editor1 — Thu, 01 Sep 2016 15:10:50 +0000

Хәтерләсәгез, 23 августта Җырчы Чәчкә беренче тапкыр әни булган иде. Гибадуллиннар гаиләсендә зур сөенеч булып, 3,560 кглы, 55 смлы кызлары дөньяга килде.

Ниһаять, Чәчкә нарасые белән бала тудыру йортыннан чыгып, өенә дә кайтты.

Алланын биргэненэ шокер! Гаилэбез тулыланды 🙂

Фото опубликовано Чэчкэ (@chachka_liliya) Авг 31 2016 в 9:47 PDT

Запись Җырчы Чәчкә кызы белән бала тудыру йортыннан чыкты [фото] впервые появилась Tatar Today - татар яңалыклары..

Ильмира Нәгыймова белән Руслан Кираметдинова кызларына нинди исем сайлаган?

Редактор1 editor1 — Wed, 31 Aug 2016 07:47:21 +0000

Ике атна элек популяр җырчылар Ильмира Нәгыймова белән Руслан Кираметдиновларның гаиләләрендәге зур вакыйга турында белешеп шалтыраткач, булачак әни миңа: “Бераз гына түзик инде. Күп булса ике атна вакыт калып бара. Бәби көтүем турында хәбәр итәсем килми иде. Мөмкин булса, язмый тор әле әлегә. Сабыем дөньяга исән-сау аваз салу белән үк хәбәр итәрмен”, дигән иде. Һәм менә, сөенечле хәбәр озак көттермәде, Ильмира икенче тапкыр әни булды.

Республика көне иртәсендә, төгәлрәге, сәгать алтыда Ильмирабыз икенче тапкыр әни булды. Җырчы тиздән өч яшен тутырачак улы Камилгә сеңелкәш алып кайтты.

– Куанычым эчемә сыймый! Миңа шундый рәхәт… Кызыбызның туу вакыты 11 сентябрьгә дип билгеләнгән иде. Әмма мин аны иртәрәк табармын дип сизендем. Икенче бала булганга күрә дә, аннан соң гадәттә, кызлар иртәрәк тә туа, диләр. Аллага шөкер, барысы да яхшы. 38 атнада дөньяга аваз салган бәхет төенчегебез 3 кг авырлыкта, 50 см озынлыкта булып туды. Улыбызга исемне үзем куштырган идем. Руслан кызыбызга Ясминә исемен сайлады.

– Ильмира, бәби көтүегез турында киң җәмәгатьчелеккә белгертергә теләмәвегезнең сәбәбе күз тиюдән курку идеме соң?
– Әйе, күз тиюдән курыктым. Беренчесе ир бала булгач, икенчесенең кыз булуын теләдем. Беренче УЗИда ук кыз бала икәнлеген әйттеләр. Әмма ышанмадым. Икенче тикшеренүне дә бик дулкынланып көттем. Анда да кыз диеп чыгардылар. Өченче УЗИ ясагач кына чынлап торып ышанып беткәнмендер.

– Ильмира, тамашачы үзегезне сәхнәдә якын киләчәктә күрә алачакмы инде?
– Мин баламны имезергә җыенам. Шуңа күрә сәхнәгә чыгу турында әлегә уйламыйм да. Кызыбыз бераз үскәч кенә концертларда чыгыш ясый башларбыз дип торам. Улыма да бер яшькә кадәр күкрәк сөте ашаттым.

Зөһрә Садыйкова, Шәһри Казан

Запись Ильмира Нәгыймова белән Руслан Кираметдинова кызларына нинди исем сайлаган? впервые появилась Tatar Today - татар яңалыклары..

Ильмира Нәгыймова икеләтә әни булды! [фото]

Редактор1 editor1 — Tue, 30 Aug 2016 09:13:38 +0000

Җырчы Ильмира Нәгыймованың соңгы вакытта сәхнәдә күренмәү сәбәбен язган идек. Җырлы гаилә икенче балаларның дөньяга килүен көтә иде.

30 августта Ильмира Нәгыймова инстаграм челтәре аша сөенече белән бүлеште.

“Бәхет бүләк иттең гаиләбезгә, улыбыз бар… туды кызыбыз! И Ходаем, бәгырьләрем өчен мең-мең рәхмәт сиңа укыйбыз! Мин бәхетле, мин икеләтә Әни булдым!)” дип яза Ильмира инстаграм битендә.

БӘХЕТ БҮЛӘК ИТТЕҢ ГАИЛӘБЕЗГӘ, УЛЫБЫЗ БАР…ТУДЫ КЫЗЫБЫЗ! И ХОДАЕМ! БӘГЫРЛӘРЕМ ӨЧЕН- МЕҢ-МЕҢ РӘХМӘТ СИҢА УКЫЙБЫЗ! Мин бэхетле мин икелэтэ Эни булдым!)

Фото опубликовано Ильмира Нагимова (@nagimovaa) Авг 30 2016 в 1:13 PDT

Запись Ильмира Нәгыймова икеләтә әни булды! [фото] впервые появилась Tatar Today - татар яңалыклары..

Җырчы Алсу өченче тапкыр әни булды [фото]

Редактор1 editor1 — Thu, 11 Aug 2016 04:38:53 +0000

Җырчы Алсуның өченче баласы дөньяга аваз салды.

10 август Алсу белән Ян гаиләсендә бик шатлыклы һәм сөенечле көн. Аларның өченче балалары – уллары дөньяга килде.

Алсу баланы Израильдә Телль-Авивның иң әйбәт клиникасында – Ихиловта тапкан. Клиника күрсәткән хезмәтләр өчен, җырчы 1 миллион сум акча түләячәк.

Исегезгә төшереп китәбез, Алсу ире Ян белән ике кыз тәрбиялиләр. Аларның исемнәре – Микелла һәм Сафина. Ә улларына алар Рафаэль дип исем кушачак.

Алсуны котларга дип, клиникага бөтен гаиләсе дә килгән. Бонни исемле эт тә әлеге сөенечле чарадан читтә калмаган.

Алсу Сафина 2006 елда 28 яшьлек Ян Абрамовка кияүгә чыккан иде. Язылышу турында таныклыкны аларга Мәскәү шәһәренең мэры Юрий Лужков тапшырды. Беренче кызлары Сафина 2006 елда туса, Микелла 2008 елда дөньяга килде. Абрамовлар гаиләсе шоу-бизнес өлкәсендә иң ныклылардан санала.

Добро пожаловать в семью, наше маленькое чудо Рафаэль??? Твоё имя имеет особое значение в нашей Семье?? Уверена, ты будешь достойно и гордо его носить?????? Всем ОГРОМНОЕ СПАСИБО за тёплые слова, пожелания??? Welcome to this world our baby Rafael Abramov Junior❤️❤️❤️ #АбрамовРафаэльЯнович #счастье #чудо #маминосчастье #newborn

Фото опубликовано АЛСУ❤️ALSOU Official Instagram (@alsou_a) Авг 10 2016 в 1:44 PDT

Мәгълүмат Комсомольская правда сайтыннан алынды

Запись Җырчы Алсу өченче тапкыр әни булды [фото] впервые появилась Tatar Today - татар яңалыклары..

Җырчы Алсу өченче баласын табырга 1 миллион сум акча түлиячәк

Редактор1 editor1 — Mon, 01 Aug 2016 19:43:12 +0000

Җырчы Алсу гаиләсендә сөенечле вакыйга – ул өченче баласын көтә. Сабый көз айларында туарга тиеш.

Баланы ул Израильнең Тель-Авив шәһәрендәге бер клиникада тудырырга җыена. Шушы көннәрдә Алсу гаиләсе белән Израильгә очкан. Алар Урта диңгез ярындагы кыйммәтле отельдә яши.

Алсу атнага бер тапкыр табибларга йөриячәк. Клиникада аңа ике бүлмәле аерым вип-палата әзерләп куйганнар. Аның үз шәфкать туташы да булачак. Ул җырчыга массаж да ясаячак, йога дәресләре дә үткәрәчәк. Клиникада көненә биш тапкыр ашау каралган. Бала тудыру хезмәтләре өчен Алсу бер миллион сум акча түләячәк икән.

Шәһри Казан

Запись Җырчы Алсу өченче баласын табырга 1 миллион сум акча түлиячәк впервые появилась Tatar Today - татар яңалыклары..

Күп балалы гаиләдә унтугызынчы сабый туган

Редактор1 editor1 — Fri, 29 Jul 2016 04:35:09 +0000

Бөекбританиядә яшәүче иң күп балалы гаилә тагын да ишәйгән – унтугызынчы сабыйлары туган.

Күп балалы Ноэль һәм Сью Рэдфордлар яңа туган кызларына Фиби Уиллоу исеме кушканнар. Газета язганча, гаилә моның белән генә тукталып калырга җыенмый – миссис Рэдфорд тагын бер бала алып кайтырга ниятләп куйган инде. “Беркайчан да!” – дип әйтергә ярамый. Гаиләбез дуслары һәм туганнар тулы исәп өчен тагын берне алып кайтыгыз инде дип, кабатлап тора”, дигән Сью массакүләм мәгълүмат чаралары вәкилләренә.

Ноэль һәм Сью балачакта ук танышканнар, берничә елдан очрашып йөри башлаганнар. Беренче балага узганын Сью 14 яшендә белгән. Берникадәр вакыт узгач, гашыйк пар аерым йортка күчеп яши башлаган һәм өйләнешкән. Туйдан соң Ноэль һәм Сью өч-дүрт бала алып кайтуны ниятләп куйганнар. Әмма дүртенче балалары тугач, бу санда гына туктамаска булганнар. Бишенче балалары туганчы, гаилә, пекарня сатып алып, үз бизнесын ачып җибәргән. Әлеге пекарня бүгенге көндә гаиләнең төп керем чыганагы булып тора.

Сью һәм Ноэльның иң олы баласына хәзер 27 яшь. Гаилә 240 мең фунт (якынча 20 млн 880 мең сум) торган олы йортта яши, аны алар 11 ел элек сатып алганнар. Гаиләдә кредит карталары кулланмыйлар, ел да бергәләшеп чит илләргә сәяхәтләр кылалар.

Татар-информ

Запись Күп балалы гаиләдә унтугызынчы сабый туган впервые появилась Tatar Today - татар яңалыклары..

“Татар радиосы” алып баручысы Алисә Җамалиева әни булган!

Редактор1 editor1 — Mon, 11 Jul 2016 10:09:56 +0000

Моннан берничә көн элек “Татар радиосы” алып баручы Алисә Җамалиева гаиләсендә шатлыклы вакыйга булды. Аларның беренче сабыйлары дөньяга аваз салды.

Сабыегыз акыллы, тәүфыйклы, сау-сәламәт булып үсүен теләп калабыз. Котлыйбыз!

Туйлар.ру

Запись “Татар радиосы” алып баручысы Алисә Җамалиева әни булган! впервые появилась Tatar Today - татар яңалыклары..

Үткән атнада Казанда балаларга Фандас, Луна-Виктория, Женевьева, Фәннүр дип исем кушканнар

Редактор1 editor1 — Fri, 08 Jul 2016 13:16:52 +0000

Казанда соңгы атнада 381 бала туган дип хәбәр итә Гражданлык хәле актларын теркәү (ЗАГС) идарәсе. Шуларның 198 – малай, 183 – кыз бала.

Иң яшь әни – 18, әти – 20 яшьтә булса, иң олы әни кешегә – 42, әтигә – 54 яшь.

Исемнәргә килгәндә, иң сирәк кушыла торганнары: Женевьева, Юстина, Лилиана, Игнат, Идель Эсма, Рауль, Радомир, Фандас, Луна-Виктория, Гумар, Фәннур, Захар, Лада, Саида булса, иң популяр исемнәр: Артем, Ясминә, Марк, Матвей, Әминә, Арина, Дарья, Әмир.

Шулай ук, соңгы атнада 213 пар гаилә корган. Иң яшь кияү белән кәләшкә – 18, иң олыларына – 55, 59 яшь.

Запись Үткән атнада Казанда балаларга Фандас, Луна-Виктория, Женевьева, Фәннүр дип исем кушканнар впервые появилась Tatar Today - татар яңалыклары..

Зөлфәт Зиннуровның гаиләсендә олы бәйрәм – икенче сабыйлары дөньяга килгән

Редактор1 editor1 — Fri, 08 Jul 2016 07:24:52 +0000

8 июль – Гаилә, мәхәббәт һәм тугрылык көнендә “Башваткыч” тапшыруын алып баручы Зөлфәт Зиннуровның гаиләсендә икеләтә бәйрәм: икенче сабыйлары дөньяга килде. Нарасый Казанның 1нче бала тудыру йортында иртәнге 6 cәгать 23 минутта туган.

– Аллага шөкер, хатыным Гөлназның да, нәни кызыбызның да хәле яхшы. Баланың авырлыгы – 3570 грамм, буе – 53 см, – дип сөенече белән уртаклашты бәхетле әти. Зиннуровлар кызларына нинди исем сайлавын әлегә әйтмәде. Сүз уңаеннан, олы кызлары Зәлиягә 12 октябрьдә 5 яшь тулачак.

Без дә чын күңелдән Зиннуровларны котлыйбыз, гаилә бәхете һәм балаларының сау-сәламәт үсүләрен телибез!

Интертат

Запись Зөлфәт Зиннуровның гаиләсендә олы бәйрәм – икенче сабыйлары дөньяга килгән впервые появилась Tatar Today - татар яңалыклары..