– Ничек хәлләрегез?

– Ярый, Аллага шөкер. Аяк-кул исән, бәреп үтермәделәр әле.

– Сәхнәдән китүнең төп сәбәбе нинди?

– Кешене концертка җыю өчен, популяр булырга кирәк. Мин – танылган кеше, ләкин популяр түгел. Шуңа күрә миңа концертка кеше җыю авыр. Нәрсәгә авыр – артык акча түгү. Чыгарып атасың – зал арендасы, рекламага тоткан акча үзен акламый.

– Ә сәбәбе эчүчелек булмадымы?

– Эчүчелек дип, минем баш тартканым юк. Авызны ябып тормыйлар.

– Салсалар, эчәсең инде?

– Салсалар түгел, үзем сатып алып та эчәм. Нәрсәгә яшереп торырга инде аны.

– Сәхнәдән киткәч, нәрсә белән шөгыльләнәсез?

– Банкетларга йөрим. Автосервиста эшлим.

– Банкетларда күпме эшлисез?

– Бер чыгу 15 мең.

– Эстрадада дусларыгыз бармы?

– Дуслар бөтенләй юк. Мин шул Рахматуллин белән аралашам. Нормаль кеше.

– Нормаль пацан?

– Әйе. Мин бит сәхнә артында нәрсә булганын үз күзем белән күрдем. Берсе сәхнәгә чыгып китә җырларга, икенчесе кала гримеркада, тегесен «чәйни». Аннары тегесе сәхнәдән керә, монысы чыгып китә, монысы тегесен чәйни.

– Кемнәрнең иҗатын аерып әйтер идегез?

– Кеше буларак түгел, менә Иркә молодец. Хатын-кызлардан Илсөя инде. Хәзерге артистларның сәхнәдәге кассовый җырларын кабул итә алмыйм.

– Татар эстрадасындагы кайсы җырчыларны бөтенләй күралмыйсыз?

– «Мәйдан» каналын беркөнне җибәрдем. Элек ТМВТ чыгара иде нормаль җырчыларны. Хәзер ТМТВда да шул, «Мәйдан»да да шул. Анда карыйсың – мин хәтта исемнәрен дә белмим. Кемнең акчасы бар инде.

– Сез минуска җырлый идегезме?

– Мин минуска гына җырлыйм.

– Әй, блин, плюска дип әйтәсе идем инде.

– Юк. Бер съемка булды «Ленин» мәдәният йортындагы паркта, анда плюска җырларга куштылар. Мин ТНВда Наилә исемле режиссер белән пух-прах килеп беттем, шуннан мине «ТНВ»га чакырмыйлар.

– Сезнең Чәчкә белән шуры-мурылар булдымы?

– У-у-у.

–  Булмаган кая диген.

– Бәреп үтерде дип тә язды инде ул мине «Юлдаш» гәзитенә. Кыйнады дип тә язды. Шуры-муры дип теге, аны бит инде кеше сөйләде. Аннары ул безнең пиар да булды.

– Сез специально ясадыгыз?

– Әйе. Чөнки ул вакытта без беренче дуэт татар эстрадасында без җырлый башладык.

– Сезнең соңгы вакытта җырларыгызны яңартып җырлый башладылар. Илнат Фәрхуллин, Зәйнәб Фәрхетдинова. Ул җырларны кешегә бирергә кызганыч түгелме? Алар бит инде сезнең белән танылган җырлар.

– Юк, Олеся кызганыч түгел. «Кызлар көлә» җырын Илнат җырлый. Минем башкаруда ул бөтенләй икене стильдә иде. Мин сәхнәдән киткәч үк ул җыр онытылды. Ә хәзер Илнат җырлый башлады. Мин банкетларда җырлыйм, бөтенләй башкача кабул ителә. Миңа да плюс, андый кызганыч әйберләр юк.

– Тормыштагы иң зур үкенечегез нинди?

– Иң зур үкенеч… Бар инде ул. 90 елларда хәйран гына әшәкелекләр эшләп йөргән булды.

– Группировкалар, тегесе-монысы?

– Әйе… Нәрсәгә кирәк булган ул? Мин хәзер аны бөтенләй аңламыйм.

– «УНИКС»ны тутырып концерт куярга теләгегез юкмы?

– Кем килсен минем концертка зал тутырып. Хәзер анда аренда 200 мең, ди. Юк…

– Берәр спонсор табып.

– Юк. Акчаны аны алуын алырсың да. Бирәсе дә бар. Аның бит кире кайтарылышы булырга тиеш.

– Фанаткалар язамы соң?

– Вконтактеда инде күбрәк. Көнгә бер 100 сообщение килә инде минем. Хәлегез ничек дип. Мин аларга әйбәт дип язып тормыйм инде.

Интервью азагында – Олесядан «фирменный» оятсыз табышмак:

– Артыннан килеп икене тыгасың, рәхәтләнеп китеп барасың?

– «Мне нравится ход ваших мыслей». Нәрсә икән инде бу тагын.

– Ярар, белмәдең инде. Тапочки!

– Әә.

– Син уйлаган нәрсә түгел.

ЧЫГАНАК: https://www.tiktok.com/@leesnayaaleesnaya

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Наил Табанаков “Чәчкә белән шуры-мурылар булдымы” дигән сорауга җавап биргән: “У-у-у…” впервые появилась Tatar Today - татар яңалыклары..

Чәчкә яңа җырының тарихын сөйләде. Бу җырны ул авыр тормышлы хатын-кызларга багышлаган. 

“Биш-алты ел элек Татарстаннын бер районында җитәкчеләр генә жыелган бер банкетта жырладым. Шунда бер җитәкче кешенең тормыш иптәше минем яныма килеп, кулыма хат тапшырган иде.

“Юк, мин бүтәнн болай яши алмыйм. Түзәр хәлем калмады. Тормышыбызның асты өскә килде. Нәрсә булды безгә? Ә без, кайчандыр яратышып өйләнешкән парлар идек. Хәер, читтән карап, күзәтеп торучыларга безнең тормыш ал да гөл, оҗмахта яшибез! Ә чынлыкта исә җәһәннәм белән бер”

Бу чибәр ханым шушы темага җыр язуымны үтенде. Бик озак язылды бу җыр. Әзер булгач, биш ел тик ятты.
Яздырырга батырчылык итмәдем, курыктым.

Ниhаять, бүген яздырдым! Хит булсын дип түгел. Күпләр, бәлки, шушы җыр аша үзләренең тормышын күрерләр, дидем.

“Күңелне кузгаттыгыз җырыгыз белән. Күз яшьләремне тыеп бу сүзләрне язам”, – дип язган инстачылар.

View this post on Instagram

A post shared by ЧЭЧКЭ (@chachka_official)

Фото: Чәчкә инстаграмыннан

Чыганак: Чәчкә инстаграмыннан 

Запись Җырчы Чәчкә: “Тормыш чынлыкта җәһәннәм белән бер” впервые появилась Tatar Today - татар яңалыклары..

V татар музыкаль премиясе 2020 елның 20 августында тапшырылачак. Ул 2020 елның 5 апрелендә узарга тиеш иде, ләкин илдә булган сәбәпләр аркасында күчерергә туры килде.

4 ел рәттән бүләкләр бирү берничә номинация буенча башкарыла. Һичшиксез, җыр, җырчылар, төркемнәр, клиплар арасында иң яхшыларны сайлап алачаклар.Бу язда кичәнең барлык лауреатларына һәм кунакларына яңадан бу язның иң көтеп алынган, эксклюзив, позитив һәм истә калырлык атмосферасына чумарга туры киләчәк. Кызыл юлда Айдар Галимов, Гүзәл Уразова , Илдар Хәкимов, Ришат Төхвәтуллин, Ризат – Зинирә Рамазанова, Ләйсән Гыймаева, Нәфкать Нигъмәтуллин, Иркә, Чәчкә, Хәмдүнә Тимергалиева кебек танылган татар башкаручылары булачак.

Татар эстрадасы

Юлия Зарга

Әнвәр Нургалиев белән Юлия Зарга

Запись Казан Экспода иң популяр татар җырчылары очраша [ фото/видео ] впервые появилась Tatar Today - татар яңалыклары..

Җырчы Чәчкә үзен күптән борчыган мәсьәләгә ачыклык кертте. Бу аның кызының исеменә бәйле әйтелгән тәнкыйть сүзләренә җавап буларак яңгырады.

Чәчкә әйтүенчә, кызы туганнан бирле аның исеме турында төрле тәнкыйть сүзләре ишетергә туры килгән. “Бу темага нокта куям! Сез Аллаh Тәгаләдән узып, ничек шундый сүзләр яза аласыз соң?
Кеше турында юньләп бернәрсә дә белмичә, нахак сүзләр яудыру дөресме икән?
Мин 28 яшемдә кияүгә чыктым. Тормыш иптәшем Ирек белән тормыш итә башладык, бергә концертлар куеп, банкетлар эшли идек. Бар да яхшы. Ләкин… балабыз юк иде. Баштарак ул сизелмәде, чаптык та чаптык. “Рабочая лошадь” кебек үзем рульда, үзем концертлар куям, ирем оештыра, туй-юбилейларны бергә алып барабыз… Ә күңел буш, эчемдә нидер житми. Чын хатын-кыз, ана булып камилләшмәвем минем йөрәгемне утә дә әрнетә иде.
“Хатын-кызның ботен матурлыгы, ботен күрке ана булуда”, дип юкка гына язмаганнар бит. Болай да сызлаган ярама тоз салучылар күп булды. Алар инде иң якын кешеләр – туганнар, таныш-белешләр. “Бәби юкмы соң әле?”, “Картаясың бит, бала кирәк”.”Әлегә юк “, дип кенә әйтә идем. Ә эчтән ничек үксегәнемне белсәгез!
Күпме көннәр-төннәр мендәргә елап уздырганымны беркем белми бит. Аллаhтан ялварып-ялварып сорый идем…
Ирем гел тынычландыра иде: “Балабыз булмаса да, ярар, син минем кызым булырсың”, – дип шаяртып, күңелне күтәрергә тырыша иде”, дип яза җырчы.

Чәчкә белдерүенчә, 3 елдан соң ул авырга уза һәм шуннан соң  иң бәхетле көннәре башлана. “2016 елның август аенда кызым дөньяга килде. Хисләремнең ничек ташып акканын сүз белән генә әйтеп аңлата алмыйм. Рәхмәт Раббыма! Ирем белән алдан сөйләшеп куйган Весна исемен бирдем. Ни өчен Весна диярсез.
Чөнки шушы балам – минем язым, хатын-кыз буларак чәчәк аттырган җимешем, мине яшәрткән һәм яшәткән иң зур бәхетем! Роддомнан чыгып, бераз вакыт үткәч, мәчеткә барып исем куштырдык – чын мөселман исемен!” – дип хис-кичерешләре белән бүлешә Чәчкә һәм бу исемне әйтмәячәген дә искәртә. Шулай ук ул башка мондый сораулар булмасына ышанып калуын җиткерә.

View this post on Instagram

A post shared by ЧЭЧКЭ (@chachka_official)

Мәгълүмат җырчы Чәчкәнең инстаграмыннан

Запись Җырчы Чәчкә: “Ничек үксегәнемне белсәгез… Аллаhтан ялварып-ялварып сорый идем” впервые появилась Tatar Today - татар яңалыклары..

Популяр җырчы Чәчкә инстаграмда еш кына үзенең хис-кичерешләрен язылучыларына да җиткерә. Бу юлы җырчы тыңлаучыларына гаилә тормышы турында сөйләп үтте.

“Мин ир хатыны, менә инде 7 нче ел китте! Тормыш иткәндә өлкәннәр сүзе искә төшә икән ул! Минем әби әйтә иде:
“Ирең эштән кайтуга өйдәге эшләрне эшләп бетереп куйма” дип. Яшь чакта төшенмисең, хәзер аңлыйм”, – дип башлый сүзен Чәчкә.

Җырчы фикеренчә, өйдә эшнең бетәсе юк ул. “Барлык эшне бетерәм, дип тырышсаң, ирең кайтуга кыяфәтсезгә дә әйләнергә мөмкинсең. Ә талчыккан хатын кемгә ошый? Икенчедән, синең эшләгән эшеңне ул курми, өйдәге эшләрне бетереп, тик утырсаң, ул синең турында “көне буе берни эшләмичә, өйдә генә яткан”, дип тә уйлавы бар бит. Аллага шөкер, ирем бәйләнүчән түгел”, – ди җырчы.

View this post on Instagram

A post shared by ЧЭЧКЭ (@chachka_official)

Мәгълүмат Чәчкәнең инстаграмыннан

Запись Җырчы Чәчкә гаилә тормышы турында: “Синең эшләгән эшеңне ул күрми” впервые появилась Tatar Today - татар яңалыклары..

Популяр җырчы Чәчкә үзенең балачак хатирәләре белән бүлешә. 

Чәчкә үзенең инстаграмында балачагын искә төшерде. “Бу көйне бүген үзем моңланып уйнап утырдым, узем уйларым белән балачагыма кайтып килдем. “Балачак” дип әйтеп булса иде аны… 1995 елда без гаиләбез белән, әнием бик каты авыру сәбәпле, Чаллыдан Баланлыга (Мөслим районы, әниемнең авылы) күчтек.  Шунда бетте минем балачагым”, – ди җырчы.

View this post on Instagram

A post shared by ЧЭЧКЭ (@chachka_official)

Мәгълүмат Чәчкәнең инстаграмыннан

Запись Чәчкә 24 ел элек булган хәлләрне искә ала: “Балачак дип әйтеп булса иде аны” впервые появилась Tatar Today - татар яңалыклары..

Татар эстрадасының популяр җырчысы Чәчкә тамашачыларыннан концертларга кием тектерү мәсьәләсе буенча ярдәм сорый.

“Яңа җырларым әзер, ә менә костюмнарга килгәндә, баш ватам. Сәхнәдә миңа нинди кием матур булыр дип уйлыйсыз? Булышыгыз, зинһар”, – ди ул.

View this post on Instagram

A post shared by ЧЭЧКЭ (@chachka_official)

Мәгълүмат Чәчкәнең инстаграмыннан

Запись Җырчы Чәчкә: “Булышыгыз, зинһар” впервые появилась Tatar Today - татар яңалыклары..

Татар эстрадасының популяр җырчысы, автор-башкаручы Чәчкә инстаграмда үзе турында кызыклы факт җиткерә.

Чәчкә бөтенләй ялганлый белми икән.

“Берәрнәрсә хәйләли башласам, шунда ук тотылам, ирем Ирек күзләремнән үк белә дөресен әйтмәгәнемне. Шунын өчен ялганлап та тормыйм хәзер. Дөресен сөйлим, аның каравы күңел чиста!” – ди җырчы.

Аның “ялганларга өйрәтегез әле”, дигән сүзенә тыңлаучылары “ялганларга кирәкми дә”, дип җавап бирә.

View this post on Instagram

A post shared by ЧЭЧКЭ (@chachka_official)

Мәгълүмат Чәчкәнең инстаграм битеннән

Запись Җырчы Чәчкә: “Дөресен сөйлим, аның каравы күңел чиста” впервые появилась Tatar Today - татар яңалыклары..

Ире белән танышу тарихлары да кызыклы гына килеп чыга, алар интернетта танышалар. Чәчкәгә вконтакте социаль челтәрендә бер яшь егет хәйрия концертына чакырып яза, ул ризалаша. Шушы көннән башлап алар аралаша башлыйлар, дуслашып китәләр.

Егет бик яшь булганга, Чәчкә аңа улым дип эндәшә торган була. Бу егеткә кияүгә чыгармын дигән уй аның башына һич кенә дә килми. Мин беркайчан да кияүгә чыкмасмын, дип уйлаган идем, ди ул. Алар шулай эшли башлыйлар, концертларны бергә куялар, банкетлар алып баралар.

Бер ел бергә эшләгәч, алар бик нык ачуланышалар. Өч ай аралашмыйча торалар, аннары күрешкәч, кочаклашалар, үбешәләр һәм очраша башлыйлар.

Хәзерге көндә аларның ике яшьлек Весна исемле кызлары бар. Аларның ул көтеп алынган балалары, чөнки өйләнешеп 3 ел узгач кына бала табу бәхетенә ирешәләр. Чәчкә кызларының инстаграм битен дә булдырган, кызлары үсеп җиткәч аның инде шәхси аккаунты әзер булачак.

Автор: Г.Хәлиуллина, Сәхнә

Фото: җырчының шәхси битеннән

Запись Веснаның әнисе Чәчкә иренә кем дип дәшә? впервые появилась Tatar Today - татар яңалыклары..

“Концертлар белән чыгып китү сәбәпле, кызыбызны калдырып китәргә кирәк. Үзебез белән юлга алып чыгу куркыныч, кечкенәбез өчен зыянлы да, дип белдерде җырчы.

Ноябрь айларында башланачак гастроль турына Чәчкә шул рәвешле әзерлек башлаган. Беренче булып кызы өчен тәрбияче эзли. Әгәр дә сезнең арагызда белемле, балалар ярата торган, бу өлкәдә күпме дә булса тәҗрибәсе булганнар бар икән, Чәчкәгә мөрәҗәгать итә аласыз.

Запись Җырчы Чәчкәгә “няня” кирәк, кем таба? впервые появилась Tatar Today - татар яңалыклары..