Архивы давыл - Tatar Today - татар яңалыклары.

Татарстанда бик көчле давыл көтелә

kadria — Sun, 12 Jul 2020 12:32:18 +0000

Иртәгә, 13 июльдә, көндез Татарстан территориясендә урыны белән яшен көтелә.

Бу хакта республика Гидрометүзәге кисәтә.

Көньяк-көнчыгыш җилнең кыска вакытлы көчәюе 15 — 20 м/с булачак дип фаразлыйлар.

Чыганак: Ватаным Татарстан

Запись Татарстанда бик көчле давыл көтелә впервые появилась Tatar Today - татар яңалыклары..

Чүпрәледә булып узган давыл нинди зыян китергән?

kadria — Mon, 06 Jul 2020 14:12:26 +0000

Кичә Чүпрәле районы буйлап давыл узган.
Көчле җил һәм давыллы яңгыр аркасында Яңа Әлмәле һәм Иске Чүти авылы халкы аеруча зыян күргән. Урамнарда агачлар ауган, көчле җил аркасында, шәхси йортларның түбәләре һәм капкалары, ишегалды корылмалары җимерелгән.

Кичәге давылдан 50 шәхси йорт зыян күргән, дип хәбәр итә “Родной край” район газетасы. Бүген Чүпрәле районы башкарма комитетында бу гадәттән тыш хәл буенча комиссия утырышы узган, анда иминият агентлыклары вәкилләре, шулай ук банк вәкилләре чакырылган. Очрашу барышында зыян күрүчеләргә ярдәм күрсәтү чаралары турында фикер алышу булган.

Чыганак: Шәһри Казан

Запись Чүпрәледә булып узган давыл нинди зыян китергән? впервые появилась Tatar Today - татар яңалыклары..

Сарманда давыл күтәрелә [видео]

Alina — Tue, 18 Jun 2019 09:35:15 +0000

// Tatar today//

17 июнь Сарман районында чын тузан давылы күтәрелгән. Социаль челтәрдән килгән видеода күренгәнчә, торак пунктын куркыныч итеп, тузан болыты каплый, бернәрсә дә күренми башлый.

Бу күренеш хәтта куркыныч Голиливуд фильмын хәтерләтә.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

https://tatar-today.ru/wp-content/uploads/2019/06/Сармандавыл180619-2.mp4

Запись Сарманда давыл күтәрелә [видео] впервые появилась Tatar Today - татар яңалыклары..

Игътибар! Татарстан синоптиклары халыкны кисәтә

Лэйсирэ — Fri, 24 May 2019 10:16:53 +0000

Татарстан синоптиклары республика халкын һәм кунакларны көчле җил һәм көннең суытуы хакында кисәтте. Бу хакта «Татар-информ» агентлыгына «Татарстан Республикасы гидрометеорология һәм әйләнә-тирә мохитне күзәтү идарәсе» федераль дәүләт бюджет учреждениесеннән хәбәр иттеләр.

«24 майда, көндез Татарстанда төньяктан көчле җил исәчәк, аның тизлеге урыны белән секундына 15-17 метрга кадәр җитәр дип көтелә. Көндез республикага төньяк-көнбатыштан салкын антициклон йогынты ясаячак – явым-төшем көтелми, һава температурасы +11..+16 градус тәшкил итәчәк», – дип искәрттеләр идарәдә.

Россия Гадәттән тыш хәлләр министрлыгының ТР буенча Баш идарәсе республика халкын һәм кунакларны көчле җилнең бик куркыныч булырга мөмкин икәнлеге хакында кисәтә. Артык ихтыяҗ булмаганда, урамга чыкмагыз.

Әгәр көчле җил вакытында урамда калгансыз икән, иң яхшысы – җир асты кичүендә яшеренү. Давыл вакытында электр тапшыру линияләре астында тору һәм өзелгән электр чыбыкларына якын килү бик куркыныч. Шулай ук вывескалар, юл билгеләре, йорт диварлары һәм зур агачлардан ераграк торуың хәерле.

Фото: пиксабай

Запись Игътибар! Татарстан синоптиклары халыкны кисәтә впервые появилась Tatar Today - татар яңалыклары..

Чирмешәндә яңгыр китергән зыян 15әр миллион сум белән исәпләнә. Видеосы чыкты

Лэйсирэ — Sat, 18 May 2019 07:55:08 +0000

15 май көнне кичке сәгать бишләр тирәсендә Чирмешән районының Иске Үтәмеш авылында көчле яңгыр яуган. Кырда йөргән сарыклар, өй тирәсендәге кош-кортлар, бакчада утырткан бәрәңгеләр, алар гына түгел, ике мунча, келәт, коймалар да агып киткән. Арканда торган сыер, тай үлгән.

Авыл халкы бик куркыныч хәвеф булды дип искә ала. Өлкән яшьтәге әби-бабайлар мондый куркынычны күргән юк иде ди. Зыянның күләме 15әр миллион сум белән исәпләнә.

Хәлләрен белешик дип, Иске Үтәмешкә шалтыраттык. Без шалтыратканда, авыл халкы өмәдә иде. Авыл җитәкчесе Рафис Мингулов сөйләгәнчә, ул көнне яңгыр кинәт килеп яуган. Үтәмеш елгасы биш метрга кадәр күтәрелгән.

– Су тәрәзә төпләренә кадәр күтәрелде. Ташкын булып кибет эченә керде. Үзе белән төзелеш материалларын, коймалар, мунча, келәт, умарта ояларын агызып алып китте. Кош-кортлар, сарыкларлар, арканда торган сыер, бер тай үлде. Ат арканда булган, анысы исән, ә менә тае агып киткән. Авыл эчендәге бер күпер җимерелде. Газ баганалары ауды. Бүген авылны җыештыра башладык. Бакчаларга керерлек түгел, юеш. Авылгы карарга да куркыныч. Бөтен җирдә чүп, агачлар аунап ята, – дип сөйләде ул безгә.

Фото һәм видео: nashcheremshan.ru

Шәһри Казан

Запись Чирмешәндә яңгыр китергән зыян 15әр миллион сум белән исәпләнә. Видеосы чыкты впервые появилась Tatar Today - татар яңалыклары..

Чирмешәндә яшәүчеләрнең яңгырда мунчалары агып китә

Лэйсирэ — Fri, 17 May 2019 16:22:58 +0000

Чебен дулаганнан тәрәзә ватылмый, диләр. Ә менә яңгыр яву аркасында, авылның асты өскә килергә мөмкин. Чәршәмбе көнне Чирмешән районының Иске Үтәмеш авылы әнә шундый хәлдә калган. Моннан тыш, табигать кыланмышы тагын берничә авылда күзәтелгән.

Татарстан Гадәттән тыш хәлләр министрлыгының матбугат хезмәте хәбәр иткәнчә, 15 майда, көчле яңгыр аркасында, Чирмешән районында 155 йорт утсыз һәм газсыз калган. 400дән артык кеше дигән сүз бу. Иске Үтәмеш авылының Мичурин урамындагы 13 торак йортны яңгыр суы басу турында хәбәр килгән. Шөкер, зыян күрүчеләр юк.

Чирмешән районы белән элемтәгә кергәч, шунысы ачыкланды: яңгырның “койрыгы” райондагы Иске Чәрүшкә һәм күрше Самара өлкәсенең Сәләй авылындагы хуҗалыкларга да кагылган икән. Тик табигать бар ачуын Иске Үтәмештән алган булып чыкты. Гаҗәп, алдагы көнне районның күпчелек авылларында яуган көчле яңгырның бер тамчысы да искеүтәмешләр өстенә төшмәгән.

Яңгыр бу юлы кичке сәгать бишләр тирәсендә ява башлап, җиде тулгач кына туктаган. Авыл кешеләре: “Инешебез бу көнне Днепр елгасы кебек акты”, – диләр. Биш-ун минут эчендә Үтәмеш елгасы биш метр чамасы күтәрелгән. Бу куркыныч кичне исләренә төшерәсе килми авыл халкының. Тамырларыннан купкан агачлар, ауган коймалар, төзелеш материаллары, тимер савытлар, хәтта Газизовларның мунчасы да агып киткән. Тагын бер хуҗалыктагы мунчаның миче генә утырып калган.

– Эштән кайтканда тыныч иде әле. Өйгә кереп, тәрәзәгә карасам, ат арбасы көймәгә әйләнгән. Яңгыр коймаларны аударды. Урамга чыккан идек, газүткәргеч баганаларын агызган. Әле бүген дә газ бирмәделәр. Инештәге су күпер өстенә кадәр күтәрелгән иде хәтта. Көтүдән кайтучы сыерларга да бик яман булды. Алар, икегә аерылып, куркудан, ишегалларына кермичә азапланды. Кичтән югалган ат табылган, тик колыны гына агып харап булган. Агып киткән сыер, сарыклар да кызганыч, – ди “Безнең Чирмешән” газетасында тәрҗемәче булып эшләүче Гөлнара Азоркина.

Аның сүзләренә караганда, авылда бакчага чыга торган түгел. Иңкүлектә урнашкан барлык бакчалардагы утырткан яшелчә, җиләк-җимешләр, юылып, яраксызга әйләнгән. Халык хәзер кабат бәрәңгесен, башка яшелчәне утыртырга да икеләнә. Беренчедән, ул ләмнең кибеп беткәнен көтәсе бар. Икенчедән, орлыгы да кирәк бит әле.

– Авылда 350ләп хуҗалык бар. Шуның 60ка якынына зыян килде. Кемнеңдер коймасына, кемнеңдер бакчасына, мал-туарына… 15 хуҗалыкның өенә су керде. Мондый хәлне минем генә түгел, 86 яшьлек әтинең дә күргәне булмаган. Шөкер, үлем-китемнәр юк, – ди Иске Үтәмеш авыл җирлеге башлыгы Рәфис Мингулов. – Менә әле күпер төбенә агып килгән мунчаны кран белән тартып алып маташуыбыз. Хәзерге вакытта гадәттән тыш хәлләр комиссиясе вәкилләре зыянның күләмен бәяли. Берничә күпер-басма йөрерлек түгел. Елгада, яр буйларында чүп-чар да күп. Республика булышмаса, бу эшләрне үзебез генә беркайчан да башкара алмыйбыз. Авылга бик зур ярдәм кирәк. Хәерле яңгырлар гына яусын!

(Сәрия Мифтахова/“Ватаным Татарстан”, /№ 69, 17.05.2019/)

Запись Чирмешәндә яшәүчеләрнең яңгырда мунчалары агып китә впервые появилась Tatar Today - татар яңалыклары..

Татарстанга давыл килә

Лэйсирэ — Thu, 02 May 2019 12:52:49 +0000

2 май, якындагы 1 – 3 сәгатьтә, Татарстан территориясендә көньяктан секундына 20-25 метр тизлектә көчле җил исүе көтелә. Бу турыда Татарстан Гидрометеорология һәм әйләнә-тирә мохитне күзәтү үзәге хәбәр итә, дип яза Татар-информ.

Имин булмаган метеорологик шартлар урыны белән көн дәвамында, 2-3 майда төнлә дә сакланырга мөмкин, диелгән хәбәрдә.

Фото: пиксабай

Запись Татарстанга давыл килә впервые появилась Tatar Today - татар яңалыклары..

Сак булыгыз! Татарстанда давыл котыра

Лэйсирэ — Mon, 18 Feb 2019 17:06:03 +0000

Татарстанда шторм кисәтүләре игълан ителде. Бу хакта Татарстан Республикасы Гидрометеорология һәм әйләнә-тирә мохитне күзәтү идарәсендә хәбәр иттеләр, дип яза Татар-информ.

«18 февральдә кич белән һәм 19 февральдә төнлә Татарстан Республикасы территориясендә төньяк җиленең секундына 21-26 метрга кадәр көчәюе көтелә» , – диделәр идарәдә.

Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә республика халкына һәм кунакларына һава торышы начар булганда куркынычсызлык чаралары турында искә төшерәләр.

Урамда булганда, бина эченә керергә тырышырга кирәк. Агачлар астында яки йорт диварлары кырыена качарга кирәкми, чөнки җил агач ботакларын сындырырга, түбәне яки андагы карны алып атырга мөмкин. Электр тапшыру линияләре астында булу һәм өзелгән үткәргечләргә якын килү үлем куркыныч белән яный.

Машина йөртүчеләргә ерак юлга чыгудан һәм торак пунктлардан читкә китүдән тыелып торырга кирәк. Хәрәкәт вакытында тизлек режимын сакларга, кискен үзгәртеп коруларны һәм кинәт тормозга басуны булдырмаска киңәш ителә.

Запись Сак булыгыз! Татарстанда давыл котыра впервые появилась Tatar Today - татар яңалыклары..

Көчле җил мәктәп түбәсен куптара

Алина — Mon, 01 Oct 2018 11:51:03 +0000

Республикада җил көчәю нәтиҗәсендә мәктәп бинасы зыян күрә.

28 сентябрьдә Башкортстанның Нуриман районындагы Яңа Субай авылында көчле җил мәктәп түбәсен бер өлешен куптарган. Бу вакытта Нуриман районында җил тизлеге секундына 14 метрга кадәр җиткән булган. Бинада давыл вакытында беркем дә булмаган. Бәхеткә, зыян күрүчеләр юк.

Түбәне торгызу буенча ремонт эшләре планлаштырыла. Хәзер вакытлыча түбә урнаштырылган. Әлеге вакыйга уку процессына берничек тә йогынты ясамаячак, дип хәбәр ителә.

Чыганак һәм фото: PROUFU.ru

Запись Көчле җил мәктәп түбәсен куптара впервые появилась Tatar Today - татар яңалыклары..

«Түбә генә түгел, фронтоннар да юк, өй үзе дә ярылган»

Чулпан — Mon, 03 Jul 2017 11:29:04 +0000

Синоптиклар юраган хәвефле җәй үзенең холкын һаман күрсәтеп тора. Нурлат һәм Чирмешән районнарындагы гарасаттан соң, нәкъ бер ай үтүгә, көчле җил Питрәч районына да килеп җитте. Кичә Шәле буйлап бер полоса давыл үтеп киткән. Нәтиҗәдә, бүген авыллар хәрәбә хәлендә: кемнең өй түбәсе юк, кемнең гаражын урыныннан кузгалткан, хәтта нигезеннән күчереп куелган корылмалар да бар. //Интертат//

–Кичә авылда Сабан туе иде, – ди Шәле авыл җирлеге башлыгы Илшат Әхмәтҗанов. –Бәйрәм урман эчендә безнең. Кичке сәгать 4 белән 5 арасында әзрәк җилләп алды, яңгыр яуды. Әмма бу артык комачауламады, халык рәхәтләнеп бәйрәм итте, күңел ачты. Шуннан соң, Сабан туен тәмамлап, авылга кайтсак, ис-акыл китте. Авыл урамнары түбә калдыклары, калай, шифер белән тулган. Кайберәүләр түбә калайларының кайда икәнен дә белми хәтта. Түбә генә түгел, фронтоннар да юк, өй үзе дә ярылган. Кунак өен нигезеннән куптарып алып, кырыйга күчереп куйган.

Шәле – зур авыл. Шуңа күрә микән, җилнең бөтен авылны колачларга көче җитмәгән.

–Без үзебез Сабантуйда идек, әниләр өйдә, – ди зыян күрүче Гөлфинә Камалиева. – Урман эчендә җилле яңгыр гына явып узгач, авылда мондый хәлләр бардыр дип уйламадык та без. Кайтсак, хәйран калдык. Безнең йортның түбәсе дә, фронтон да юк. Гаражның стеналары какшаган, өйнең арткы почмагында мунча иде, анысының да кирпечләре урыныннан кузгалган. “Бер минут та булмады”, – диләр, әмма шуның кадәр зыян салып өлгергән. Менә бүген өмә авылда, түбәләрне сүтеп, яңадан коралар. Бәхеткә, йорт-җиребез иминиятләштерелгән иде.
Дилүс Мөхәммәтшин дә өен, каралты-курасын иминиятләштерелгән булган.

–Йорт түбәсен шифердан япкан идек. Бер якка бик зур зыян килгән. Шифер ватылып, чәрдәкләнеп беткән, бөтен килеш тә алып очырган, өчесе бөтенләй дә юк. Үзем давыл килгәндә өйдә идем, бер-ике минут тирәсе булгандыр ул. Шул вакыт эчендә алып та киткән, әнә. Урамга чыгарга куркыныч иде: электр чыбыкларын да җиргә алып салган. Мондый давыллар без кечкенә чакта еш була иде, табигать алышына ахры, тагын кабатлана башлады, – диде ул.
Шәле авылында барысы 9 йорт зыян күргән. Гарасат Тугаш авылы ягыннан килгән диләр. Табигый бәла-казаның бу авылга китергән зыяны турында соңрак язарбыз.

Чулпан ШАКИРОВА

Запись «Түбә генә түгел, фронтоннар да юк, өй үзе дә ярылган» впервые появилась Tatar Today - татар яңалыклары..