Татарстан буенча Эчке эшләр министрлыгының матбугат хезмәте концертның шартлаткыч җайланмалар кую турында шалтырату аркасында туктатылуын җиткерде. Ләкин әлеге мәгълүмат рәсми рәвештә расланмаган. Полиция вакыйганың барлык нечкәлекләрен ачыклый.

Ул арада Радик Юльякшин үзе инстаграмында әлеге хәлгә карата аңлатма бирде. Җырчы сүзләренчә, залга этләр белән бергә полиция хезмәткәрләре кергән. “Дуслар, безне барыбызны да сарайдан эвакуацияләделәр. Этләр кертеп җибәрделәр. Бездә беренче тапкыр шундый хәл. Концертны туктаттылар һәм шунда ук бөтен зал урамга йөгереп чыкты. Барысы да паникада, барысы да машиналарга утырып бина тирәсеннән китү ягын карады. Барысы да яхшы булыр дип уйлыйм. Менә шундый хәлләр дә була икән тормышта» ди Элвин Грей.

 

Посмотреть эту публикацию в Instagram

 

#ElvinGrey #ЭлвинГрей #Азнакаево ???

Публикация от Мухарлямович Радик Юльякшин (@elvin_greyfan) 18 Дек 2018 в 9:36 PST

 

Фото: https://vk.com

Запись “Барысы да китү ягын карады” – Элвин Грей Азнакайдагы хәлгә карата комментарий бирә [видео] впервые появилась Tatar Today - татар яңалыклары..

Элвин Грей үзенең командасына бас гитарачы эзли. Хатын-кыз гитарачы булса, бигрәк тә шәп. Әгәр дә арагызда яшь, талантлы гитарада уйнау осталары бар икән, үзегезне видеога төшереп, роликны Инстаграмга урнаштырыгыз. Видео астында #ЭлвинГрейБас хэштегы кую да бик мөһим. Бәлки тиздән Радик белән бер сәхнәдә нәкъ менә сезне күрербез, уңышлар!

Поиск продолжается, выберем самого лучшего бас гитариста #ЭлвинГрейБас Сними видео и выложи у себя на странице в Инстаграм с хэштегом #ЭлвинГрейБас ⠀ Правила – Правил нет! #ЭлвинГрей #РадикЮльякшин#ElvinGrey

Публикация от Elvin Grey (@elvin_grey_music) 10 Авг 2018 в 9:40 PDT

Запись Элвин Грей үзенә гитарада уйнаучы эзли, ни өчендер кызларны впервые появилась Tatar Today - татар яңалыклары..

Перемен требуют наши сердца ❤️ #ЭлвинГрей #ElvinGrey #РадикЮльякшин #Цой #ВикторЦой

Публикация от Elvin Grey (@elvin_grey_music) 3 Авг 2018 в 4:09 PDT

Хәтерләсәгез, Россия эстрадасы сәхнәсендә мондый образ белән иң беренчеләрдән булып 2000 еллар башында популяр булган яшь җырчы Децл чыккан иде. Бүген аның иҗат тормышы турында төгәл мәгълүмат таба алмадык. Популярлыгы бетеп, ул да бик күпләр кебек, шоу-бизнес арбасыннан төшеп калды.

Мода артыннан куучы эпотаж Элвин Грейга да мондый куркыныч янамасмы, иҗатын сөючеләр куркышып качмасмы – билгесез.

Тамашачысын хафага салып, моннан бер ай чамасы элек Радик чәчен буяткан иде инде. Артистның чәч төсе көлсу-ак булып Элвин Грей блондиннар рәтендә аяк басты. Алда җырчы образында тагын нинди үзгәрешләр көтә – карап карарбыз.

Время перемен ??? Спасибо #izi #Волшебница #ElvinGrey #РадикЮльякшин #ЭлвинГрей

Публикация от Elvin Grey (@elvin_grey_music) 26 Июн 2018 в 10:25 PDT

Запись Элвин Грей имиджын үзгәртеп тамашачыларын куркыта [фото] впервые появилась Tatar Today - татар яңалыклары..

Elvin Grey (Радик Юльякшин): «Урысча язуым – нормаль күренеш, дип саныйм»

– Сезнең бөтен постларыгыз да урысча. Ни өчен башкорт яки татар телендә язмыйсыз?

– Беренчедән, «Elvin Grey» проекты баштан ук күп төрле милләтләр өчен оештырылды. Татар һәм башкортлар гына түгел, безне бөтен Русия буенча тыңлыйлар, шулай ук, украин, румын телләрендә дә җырларыбыз бар. Шуңа күрә, бөтен тамашачыма да аңлаешлы булсын өчен, постларны урысча язам. Ул тел бөтен кешегә дә аңлашыла.

– Күбрәк татар һәм башкорт тамашачысын җыю хисабына акча эшләвегезгә дә карамастан, алар белән интернетта урысча гына аралашуыгыз үзегезгә сәер тоелмыймы?

– Туган телемдә мин концертлар вакытында аралашам. Ә «Instagram»да русча язуым – нормаль күренеш. Татарча яки башкортча язган вакытта, сиңа: «Ә-ә-ә, син дөрес язмадың, безнең телдә бу сүз алай язылмый», – дип әйтергә мөмкиннәр. Шуңа күрә урысча язам. Моны начар әйбер дип уйламыйм. Без бит рус телен барыбыз да аңлыйбыз.

– Сезнеңчә татар, башкорт эстрадасы җырчылары социаль челтәрләрдә ана телләрендә дә язарга тиешме?

– Бу уңайдан һәркемнең үз фикередер, ә минемчә, тиеш. Мин дә сирәк кенә булса да, туган телемдә язам. Ә урысча язуым, тагын шуның белән дә бәйле: тамашачым арасында төрле милләт вәкилләре бар. Безнең концертларга килгән кешеләрнең 30 проценты – урыслар. Ә башка коллегаларым, әлбәттә туган телләрендә яза ала һәм язарга тиеш.

– Сезне тыңлап, күп яшьләр илһамлана, җырларыгызны татар, башкорт телләрендә башкарып, сез бу ике телне популярлаштырасыз. Ләкин шул ук вакытта телне популярлаштыру җыр аша гына барырга тиеш түгелдер. Интернетта урысча аралашып, ана телләрен популярлаштырып булмыйдыр, бәлки?

– Килешәм сезнең белән. Ләкин… Без бит Татарстан яки Башкортостандагы аудиторияне генә түгел, татар музыкасын бөтенләй тыңламаган кешеләрне дә җәлеп итәргә телибез. Әйтик, урыс яшьләренең күбесе татар җырын бөтенләй тыңламаган, алар аны аңламаган. Ә аларны җәлеп итү өчен урысча аралашмыйча, нинди телдә аралашасың? Моңа кадәр мин постларымны урыс телендә яздым, һәм бу хәлнең начармы, юкмы икәнлеге хакында уйланганым булмады. Мин язам – шул гына…

Айгөл ЗАКИРОВА

Запись Радик Юльякшин: «Instagram»да русча язуым – нормаль күренеш» впервые появилась Tatar Today - татар яңалыклары..

Җырчы Гөлназ Асаева иртән үзенең Инстаграмына Радикны котлап фото элә. “Башкортстанның атказанган артисты белән!” дип язып куйган ул.

View this post on Instagram

A post shared by Гульназ Асаева🎤 (@asaeva_official)

Радикка мактаулы исем бирелү Баймак районында, Башкорт яшьләре фестивалендә билгеле була. 

Запись Радик Юльякшин исемле булды! [фото] впервые появилась Tatar Today - татар яңалыклары..

– Нәфисә апа, Радик тугач, нинди хисләр кичердегез?

– Хатын-кызның ул мизгелләре мәңге онытылмый торгандыр. Кызым Регинаны төнгелеккә алып китә торган булсалар, Радик һәрвакыт минем белән булды, янымда гына йоклады. Аннан шунысы исә: ул туган көнне ишеп-ишеп яңгыр яуды һәм бер атна туктамады. Өлкәннәр “елак бала булыр бу” дип әйтә иделәр. Бертуктамый елавына аптырагач, хастаханәдә дә ятып чыктык. Шунда табиблар: “Елаган баланың үпкәсе зур була. Менә күрерсез әле, улыгыз җырчы булып куймагае”, – дигәннәр иде, юраганнары юш килде бит.

– Елаудан кайчан туктады соң Радик?

– Бер яше тулганчы рәхәтләнде әле ул елап.

– Җырга булган сәләтен кайчан күреп алдыгыз?

– Теле ачылып өлгергәнче үк “Аманай” дип җырлап йөри башлаган иде инде ул. Табибларның “Җырчы булыр” диюләре әтисенә бик ошаган иде. Хәтта ничектер горурланып йөрде. Бераз үсә төшкәч, Радик уен кораллары белән кызыксына башлады. Башта үз теләге белән курайда уйнарга өйрәнде, 7нче сыйныфларга җиткәч, баян белән кызыксына башлады. Ләкин аны алыр өчен акчабыз юк иде. Чөнки әтиләре ул вакытта бик каты авырый башлады, өйдә генә утырды. Ләкин ничек итсә итте, танышлары аша баян юнәтте. Кызганыч, улыбызга соңгы бүләге дә шул булды… Радик музыка училищесы каршындагы баян түгәрәгенә йөри башлады. Иң кызыгы — ул уен коралларында ноталарга карамыйча гына уйный иде. Ә ул түгәрәктә нота белмәсә, бала белән алга таба шөгыльләнмиләр. Шуңа да анда йөрүне туктатырга туры килде. Мәктәптә укыганда нинди генә музыкаль чара узмасын, Радик башлап йөрүчеләрнең берсе булды. 10нчы сыйныфта укыганда беренче альбомы чыкты. Шул ук елны Финляндиягә музыка фестиваленә барып, дәртләнеп кайтты. Ул вакытта ук аны йоклатып булмый иде: төне буе җыр язып чыкты. Хәзер дә шулай.

– Радик җырлаудан тыш, ир-егетләргә хас физик эшләрне беләме соң?

– Ирем балта остасы иде бит. Радикны да агач эшенә өйрәтеп калдырды. Улым үзенә компьютер өстәлләренә кадәр ясады. Хәзер дә берәр әйбер ватылса, тиз арада төзәтә дә куя. Кулы андый эшкә ятып тора. Кечерәк вакытында әтисенең киемнәренә апликацияләр ябыштырып, әллә нәрсәләр кыландыра иде.

– Күп кенә интервьюларында Радик сезнең белән концертларда йөрүнең плюслары турында сөйли… Һәрвакыт улыгыз янәшәсендә булу үзегезгә дә рәхәттер?

– Әлбәттә. Авырган вакытлары да була бит инде. Андый вакытта шәфкать туташына әйләнәм. Уколларын да үзем ясыйм. Радикның костюмнарын карап тору да минем өстә. Өйгә кайткач, тегәсен – тегәм, юасын – юам. Төркемдәге егетләргә дә кулдан килгәндә ярдәм итәм. Әлеге эшләр минем өчен ял гына. Рәхәтләнеп йөрим гастрольләрдә.

Зилә ҖӘЛӘЛИЕВА

Запись Радик Юльякшинның әнисе: «Табибларның «улыгыз җырчы булып куймагае» дигән сүзе юш килде» впервые появилась Tatar Today - татар яңалыклары..

Рөстәм Миңнеханов кичә Әлмәттә “Кванториум” балалар технопаркын ачуда катнашты. Биредә популяр җырчы Элвин Грей  (Радик Юлъякшин) да үзенең продюсерлык үзәген булдырган. Татарстан лидеры аны да карап чыкты.  //Tatar today //

Әлеге үзәк сәләтле балаларга үзләренең талантларын ачарга һәм камилләштерергә ярдәм итәргә юнәлгән. Юлъякшин Миңнехановка сәхнә сәнгатен яңа төрле инновацияләр кулланып өйрәтәчәген белдерде. Радик сүзләренчә, татар эстрадасы инде күптән дөньякүләм дәрәҗәгә чыгарга тиеш. 

Элвин Грей продюсерлык үзәгенең эшчәнлеге белән таныштырды, барлык нечкәлекләрен аңлатты һәм бер кыз бала белән тавыш яздыру буенча мастер-класс та күрсәтте. 

Запись Рөстәм Миңнеханов Элвин Грей ачкан продюсерлык үзәгендә җыр яздырырга килгән? [видео] впервые появилась Tatar Today - татар яңалыклары..

Музыкант үзе әлеге хәлне куелган таләпләрнең үтәлмәве белән аңлата. 

– Альберт, Сезнең Элвин Грей белән араларыгыз бозылу безгә артык кызык түгел. 

– Әйе, чыннан да, кызыксыз тема 

– Син ничек аның турына эләктең? 

– Радик белән без 6-7 ел таныш. Ул татар дискотекаларында катнаша башлагач, мин аның янына килеп, аның турында уртак танышыбыз аша белүемне әйттем. Соңыннан Радик Мәскәүгә күчеп китте. Кабат юлларыбыз Казанда очрашты. Ул миңа Мәскәүгә күчеп килергә һәм үзе белән эшли башларга тәкъдим ясады. Мин генә ничектер тәвәккәлли алмадым…. Ел ярым элек, ул Казанга гастрольләр белән килгәч, без бергә студиядә эшли башладык. Минем гитарам моңы аның өч җырында яңгырый- «Яңгыр» (Фирдүс Тямаев белән бергә башкарыла торган җыр), «Аэропорты» трегы ( Тимур Спб белән берлектә) һәм «Ночной Милан». Без бергә эшләдек, бер-беребезгә кунакка йөрештек. Декабрьдә ул миңа үзе белән турга китәргә тәкъдим ясады. Декабрь ае буе бергә концертлар куйдык, гыйнварда ял иттек, февральдә турны дәвам иттек. Соңгы берничә концерт миннән башка үтте. 

– Турда ничә кеше катнаша? 

– 11-12 кеше. Эшче төркем һәм иҗади коллектив бар. Мин, иҗади төркемгә эләгергә өметләнсәм дә, эшче төркемгә эләктем. Ләкин анда артык иҗат белән шөгыльләнеп булмый. Күбесенчә, иртән торып концерт булачак урынга килергә, икенче катка авыр аппаратураларны ташырга туры килә иде. Концерт тәмамлангач аны яңадан җыясың һәм башка шәһәргә юнәләсең. Шуңа күрә вакыт-вакыт 4-5 кенә сәгать йокларга туры килде. Бер үк шәһәрдә ике концерт биргән көннәр ошый иде – ял итәргә, шәһәрне карарга, йокларга мөмкинлек була. 

– Сезнең үзегезнең аппаратурамы? 

– Әйе, “Газель”дә 7 пассажир урыны һәм кузов бар. Калганнар тиз йөрешле машиналарда концерт башланырга бер яки ярты сәгать кала гына килеп җитәләр. Концерт бетүгә китеп тә баралар. Радик белән мин күбесенчә концерт вакытында гына очраша идем. 

– Син тере тавышка уйнадыңмы? 

– Әйе, гитараның әзер трекларын куя идем. Баштарак клавишник Артур Кусимов белән уйнарга туры килде. Ул вакытта Радик публика белән аралашты. Соңрак сәхнәдә кылана башладым. Бер тапкыр хәтта Салаватка пародия ясадым. Ләкин миңа моның белән алга таба очрашырга туры килмәсен иде. Мин бит профессиональ пародияче түгел. 

– Заллар ничек? 

– 300 һәм аннан да артык кеше сыйдырышлы. Кечкенә районнарда начар. Түрәләр мәдәният яратучы өлкәләрдә яхшырак. 
Гастрольләр шәп нәрсә. Миңа, артист буларак , бу һәрвакыт җитмәде. Мин бит музыка белән генә акча эшлим. Ресторанар, барларда уйныйм. Шулай ук эстрада артистлары белән чыгыш ясыйм. 

– Публика нинди? 

– Радик ул Юрий Шатунов һәм Джастин Бибер кебек. Аның фанатлары – 15 яшьлек кызлар. Алар бик хисчән. Кайберләре бүген минем Вконтактедагы төркемемне алып бара. 

– Тур вакытында кайларда яшәдегез? 

– Кунакханәләрдә. Туганнар булган шәһәрләрдә аларда куна идек. 

– Сиңа ничек түләделәр? 

– Кроссовки белән кепка алырга җитә иде. 

– 30 меңнән күбрәкме? 

– Мин цех җитәкчесе кебек ала идем (көлә) 

– Димәк сез иртән торасыз, концерт булачак урынга барасыз…. Атмосфера ничегрәк? Эчә идегезме? 

– Авыр эш төненнән соң онытылыр өчен эчәргә җитешә идем. Атмосфераны башкачарак булыр дип күзалладым. Ләкин мин шат күңелле кеше. Гел кешеләрне көлдереп йөри идем. Гастрольләр белән йөрү миңа ошады. Алга таба бшка артистлар белән дә йөрергә каршы түгелмен. 

– Җанатарларыгыз белән җенси мөнәсәбәтләр булдымы? 

– Минем булмады. Ә менә кайберәүләрнең булгалады. 

– Сәхәнәдә тагын кемнәр җырлый? 

– Румынча җырлаучы Украинадан килгән егет. Тагын Тимур Спб. Аның үз стиле бар, клиплар төшерә. 

– Концертларның оештрылуы хакында ни әйтә аласың? 

– Концертларның оештырылуы, билетлар сату турында берни дә әйтә алмыйм. Ләкин концертларның директорыннан мин канәгать түгел. Мин аны алыштыруын сорадым. Иҗат кешеләре белән аралаша белми.Ул бухгалтер, эшкуар, ләкин оештыру сәләтенә ия түгел. 

– Димәк син яңадан гастрольләр белән йөрергә телисең 

– Чын иҗади коллектив белән бергә йөрергә иде. Шундый коллективны хәзер Илназ Гарипов җыйды. Мин дә бик рәхәтләнеп китәр идем.

Запись Элвин Грейның экс-гитаристы: “Концерттан соң җанатарлар белән секс та булгалады” [интервью] впервые появилась Tatar Today - татар яңалыклары..

View this post on Instagram

A post shared by Elvin Grey (@elvin_grey_music)

Башкорт егетенең җанатарлары аның өчен бик борчыла, яраткан җырчыларының хәле китүен гастрольләр графигының тыгыз булуынан, йокысы туймаудан, организмның аруыннан күрә. Иң тугры тамашачылары хәтта телевидениегә кадәр барып җиткән. Кызлар Радикка үз сәламәтлеген кайгыртырга кирәк дигән фикердә.

Җырчы үзе күтәренке рухта, терелеп килә. “Китергән уңайсызлыклар өчен гафу сорыйм. Мине аңларсыз дип ышанам!” ди ул социаль челтәрдәге битендә.  

 

Запись Элвин Грей концертларын туктата, ул система астында ята [яңа хәбәр] впервые появилась Tatar Today - татар яңалыклары..

Быелгы акциянең иң зур үзенчәлеге һәм яңалыгы булып чарада яшь архитекторлар – киләчәктә шәһәр йөзен булдыручылар катнашуы тора. Быел “Мин татарча сөйләшәм” КГАСУ студентлары  белән дуслашкан. Утызлап чыгарылыш курс студенты “Ә” хәрефе стилендә төрле архитектура әйберләре, ART-җайланмалар проектларын тәкъдим иткәннәр.

“Металлдан төрле арт-объектлар ясау хәзер модада”,  дип белдерә чараның оештыручысы Ленария Мөслимова. “Татар форумының девизы: “Татар әйберсен актуальләштерәбез, актуаль әйберне татарчалаштырабыз. Зур шәһәрләрдә хәзер арт-җайланмалар киң таралган икән, без Бауман уртасына өч метрлык тимер “Ә” хәрефен урнаштырабыз”, ди ул.

Быел иң яхшы проект авторы дип Гадел Фәхретдинов танылды. “Qullar” студиясе ярдәмендә яңа форматта, тимердән һәм орнамент белән бизәлгән инсталляция янында Казан халкы һәм кунаклары мәш килде. Чарада катнашучыларның, үтеп баручыларның күбесе “Ә” хәрефе янында фотога төште.

26 апрель “Мин татарча сөйләшәм” үткәргән чараларга нәтиҗә ясау көне дә. Нәкъ менә бу көнне “Тяжело с татарским” антипремиясе хуҗалары билгеләнде. Татар теленең кулланылышы быел Казан муниципалитеты комитетлары һәм башкала район хакимиятләрендә тикшерелгән иде. Нәтиҗәдә, Казанның Төньяк вокзалында татар телен санга сукмау өчен РЖД корпорациясенә һәм “Содружество” акционерлык җәмгыятенә антипремия тапшырылды. Ә икетеллелекне хөрмәт итүче “Гыйлем” белем порталына һәм “Лента” гипермаркетлар челтәренә, киресенчә, рәхмәт хатлары бирелде.

Татар телен саклап калудан тыш, чараның тагын бер максаты – яшь, кызыклы җырчыларны, музыкантларны табу һәм таныту. Берничә башкаручыны быел социаль челтәрдәге бәйге нәтиҗәсендә сайладылар. Алар: Адилә Заһидуллина, Рамилә Галәветдинова, Радик Мусин. Яшь җырчылар белән беррәттән “Мин татарча сөйләшәм” сәхнәсен инде танылып өлгергән инди-рокер Рәдиф Кашапов, Oscar c7c5 төркеме, Yummy Music Band (K-Ru, Ittifaq, Илгиз Шәйхразиев) та чыгыш ясадылар. Шулай ук, чарада яңа төркем – The CheekLaWeek белән бергә Yummy Music лейблы резиденты Зәрина Вилданова һәм соңгы вакытта татар гына түгел, рус телле интернет аудиториясендә дә киң танылып киткән инди-фолк проект Juna да катнашты.

Оештыручылардан еш кына нигә Elvin Grey’ны чакырмыйсыз дип сорыйлар икән. Аларга Ленара Мөслимова: “Ул үз сәхнәсендә җырласын, ә бу Бауман уртасындагы сәхнә альтернатив җанлы музыка, тере тавыш өчен”, дип җавап бирә.

Быел чарага чит республикалардан, хәтта чит илләрдән дә килгәннәр. Чара белән аеруча да Марий Эл яшьләре һәм Казахстанда яшәүче татарларның яшь буыны кызыксынган.

Тамашачылар арасында Һиндстаннан килүчеләр дә бар иде. Казан медицина университетында укучы егетләр бу чарага махсус килмәгәннәр, Бауманнан үтеп барышлый гына тукталганнар. Шулай да чараны ахыргача карап бетерергә теләкләре барлыгын әйттеләр алар. Соңыннан исә: “Концерт ошады”, дип белдерделәр.

Чыннан да, “Мин татарча сөйләшәм” концертына халык күп җыелды. Полиция хезмәткәрләре хәбәр итүенчә, акция вакытында Бауман урамы аша җиде меңгә якын кеше уза икән. Петербургта булган теракттан соң,  “Мин татарча сөйләшәм”не оештыручылар да борчуга калган булган. Әмма бәхеткә каршы ул яктан чара бик тыныч узды, тәртип бозучылар да күренмәде.

Раилә Вәлиуллина

Запись Elvin Grey’ны нигә “Мин татарча сөйләшәм”гә чакырмаганнар? [акция] впервые появилась Tatar Today - татар яңалыклары..